傾先生's Profile

放咗工，響大圍搵嘢食見到呢一間舖(十六浦)開到凌晨三點二話不說入咗嚟呢度啲侍應好熱情介紹咗我哋食啲串燒佢啲串燒，下邊有火燒住唔怕凍咗食落去啲食材都唔錯本人最欣賞佢個尖椒同埋韭菜豬肉卷佢個豬頸肉都唔錯，都幾爽扇貝食落去好新鮮爽甜加埋啲蒜蓉粉絲一絕樣樣嘢都好新鮮特別推介個海鮮粥食落去好有潮州風味入邊料都好多，又有扇貝，又有蜆，仲有蝦座位旋褲落，仲有兩層可以坐如果大把人嚟食都唔錯同埋啲嘢食價錢唔貴值得一試…Read More

返黎香港旅行住在尖沙咀既酒店自然周圍睇下有咩變左同埋搵野食行下行下去到St Mary附近見到間甜品店，未拆紅紙既但又開左門，加上店員熱情邀請於是乎就入去試下啦睇到個menu有點似曾相識既感覺原來係糖宮向好耐之前我都向大圍食過果陣我都未移民想唔到開左分店入到黎，熱辣辣，當然要食個雪花冰啦我點左個楊枝甘露雪花冰芒果雪花冰加上芒果粒又有金柚，都幾fresh鐘意芒果既朋友一定要食講一講個環境非常舒適試業期間，會開G/F但原來有1/F嫁有成2500呎不過今次無機會上到去希望有機會啦…Read More

回港後黎到尖沙咀比以前少咗啲遊客感覺尖沙咀無之前咁旺於是同老婆行行街行到去一間細細間既台式飲品店見門面幾靚於是乎就試下啦見到店員都好後生好靚女更加令我確定你呢一間買嘢飲嘅衝動我地叫左個經典珍珠奶茶個包裝都幾靚飲落去茶味都幾出撞出黎既味道都幾match加上啲珍珠比外面其他連鎖飲品店都更彈牙不錯不錯不過有一點有就更prefect啦就係有吧枱，加埋吧櫈比我地坐坐就好啦因為我地都有小朋友飲完先走就更prefect啦…Read More

其實呢個疫情下好多人都少出街變左好多食肆生意都會受影響不過，小弟雖然少左去堂食但係我都會支持一下有心既鋪頭今次黎左大圍地鐵站對面既搵食市集其中一間叫做「丸作」既珍珠奶茶鋪叫左個黑糖紅茶拿鐵首先，要讚既係服務其中一個女店員不厭其煩地解答我既問題而且都建議我試下呢款拿鐵重好有耐性地問我多冰少冰？多糖少糖？至於飲品質素，黑糖做出黎不太甜珍珠又幾彈牙，不過latte咖啡味不太香可能奶太多既關係最後，like 社交平台送一個folder不錯丫…Read More

已經兩年無返黎大圍啦今日返到黎，食完個晚飯馬上去食個甜品因為以前向度住既時候已經知道大圍多糖水鋪不過，比較令我有回憶既我唸都算係糖宮了今次黎到糖宮，發現環境乾淨左而且多左幾隻可愛既貓咪仔佢地作為店長非常熱情而今次我點左佢地既招牌菜【椰皇燉蛋白】同埋【朱古力心太軟】椰皇燉蛋白好滑，熱辣辣咁上椰味好出，奶味又唔蘇，的確唔錯至於朱古力心太軟因為我比較鍾意朱古力味重啲唔太鐘意太甜。呢間店就岩灑我啦而且重要跟兩球雪糕！正！最重要最重要一點係佢地既presentation靚左好多放左好多心機而服務方面，都係多靚仔靚女為主都好後生，令到增加左不少分數服務都不錯！一定會再黎！加油！本地小店！…Read More

迷你蒲燒鰻魚丼配細湯烏冬($58)＊鰻魚唔腥有一塊，配紫菜珍珠米飯，再配一個細湯讚岐烏冬，一個人都夠食，雖然有免費紫菜珍珠飯，可以唔使追加。味道方面，個烏冬意外地又幾彈牙，食落去似係讚岐烏冬。因為價錢方面都幾平，一心只係唸著係d cheap cheap烏冬，故覺得餐廳平得黎又幾有誠意！不錯不錯👍🏻👍🏻＊包一杯熱飲同甜品(menu寫包2杯，如果唔夠飲可以問吓)＊除咗套餐，呢度仲有放題，價錢亦好平＊午市套餐有8折優惠，抵食…Read More

向屋企悶左好多日今日忍唔住，要食返餐好既於是同老婆去左Hotel Icon內既The Market可能係疫情，人不算太多入去前要帶口罩同量度體溫而職員都溫馨提示我地離開座位時都要帶口罩感覺都幾窩心同安全我地安頓後，馬上出去拎野食1）刺身同壽司刺身主要係三文魚、吞拿魚等至於壽司，本人覺得幾有驚喜新鮮得黎又幾有口感♥️♥️♥️♥️2）椰子燉雞湯睇得出真係一盅盅咁燉椰子味出得黎又唔會蓋過雞味鐘意飲湯的話必飲♥️♥️♥️♥️♥️3）鵝肝其實好多既高級餐廳都以鴨肝扮鵝肝食落去會好油好蘇但呢度就明顯都幾落本鵝肝剪得幾鬆脆又不太油膩的確不錯♥️♥️♥️♥️♥️4）榴槤系列正當我既胃開始熱完身後比我發現到有榴槤炸彈、榴槤班蘭蛋糕等我忍唔住樣樣都食但，出事了好好食，榴槤味好出好似話係貓山王而榴槤雪糕就以榴槤肉打碎後雪凍而成不過本人就對呢個雪糕一般般至於點解話出事呢？因為，食完個榴槤系列我已經飽了♥️♥️♥️♥️♥️5）服務不得不提既就係佢地既服務窩心得黎又唔會太煩因為有時都幾怕太過熱情打攪左我同太太既二人世界♥️♥️♥️♥️♥️…Read More

拉麵。每一次去到日本都係必食，亦係我咁鐘意去日本既原因！本人覺得，拉麵係包括左幾樣元素，綜合左以下元素，先係一碗好既拉麵：1）湯底2）麵質3）豚肉4）配菜而今次，我試左向大圍一間叫［泓一］既拉麵長話短說1）湯底非常出色，食得出真係用豬骨湯底2）麵質一般，係用獨立包裝拉麵，不過都合格3）豚肉不錯，豚肉係肥瘦均勻，肉感鮮明，4）配菜足料，足料既配菜令人覺得豐富！餃子方面，我覺得有，如果餃肉肉汁再多點就一流！整體食物方面出色店內環境雖細，但算坐得舒服唯獨服務可以學下真.日本拉麵店店員可能輸左波，好唔開心！又係既，英格蘭輸波！不過唔好浪費大廚咁有心機既食物！…Read More

香港地，百物騰貴，要開一間餐廳，難。要開一間好食既餐廳，好難要開一間又好食又有heart既餐廳，難上加難不過，只要大家可以用心去搵，總會搵到好食又有heart既！今日，同大家介紹既係位於火炭既drink氣鍋一入到門口，會見到有個台，有枝咪，仿似致身於上海灘既舞台上。座位唔多，只有兩台長枱。當時，我很冒味地問左店長一句 [夠唔夠做嫁？]我同老婆二人，book枱時訂左個2人餐，$580位！都好多野食1) 先有一個生既妙齡乳鴿，(其實乳鴿唔係已經係bb咩？點解會妙齡呢？稍後解說)店員話，會每次一層咁蒸不同既新鮮材料，之後每次既材料肉汁慢慢滴落個底下，生米就會煮成粥！聽落又幾正2)之後上左第一層！鱸魚！佢新鮮得黎，口感有點似班魚咁，不錯。而本人幾欣賞佢既presentation，配菜都有考慮過魚係會癡底，故用翠玉瓜放在魚下，吸收魚肉鮮味更為鮮甜！3) 之後，黎左個portobello 和牛，一上菜時，呢一個配搭我已經知道無得輸，問題在於，牛同菇既生熟時間不同，點先得到一個平衡呢？結果，意料中事，浪費左個牛，overcook左少少！本人多事，如果係配蟹肉或芝士會match少少，不過都唔錯4) 清遠雞！其實，香港食雞，的確係好極端，一係就好好食，一係就好難食，depend on 雞係新鮮定冰鮮，其次先係醬汁。不過，呢度係好食，不多講！5) 隨即黎左個大蜆。坦白講，蜆肉打邊爐食得多，蒸既就好少食。不過，我覺得好出色，因為蜆內既海水唔會流失。個感覺好似食緊蜆版既Gilladeau！哈，有點誇張。如果呢一層襯一杯日本sake或 whisky (Macallen) 咁就prefect match。6) 之後就係大元貝。坦白講，大元貝係好好食，不過跟菜心就好似有點down grade左，變左去東門食海鮮了！哈哈！7)清蒸龍蝦。肉多，肓多。不錯不錯！8) 香煎和牛，不錯！9) 最後，最期待既<妙齡乳鴿8層精華粥>出世了，緊要囉！不過，唉，太過鹹！而且用乳鴿有點(so)，不太好食。其實，反正都係8層精華，倒不如粥底用少許蔬菜，加少少水先上，效果更佳！整體來說，係值得一試！…Read More

今日同嫲嫲及老婆去食好西，由於成日同嫲嫲都係去飲茶或茶樓，結果我地決定去食西餐。去到葵涌呢間Castle Wine Restaurant。外面有個雅座位置係唔錯！hea下chill下係一流！不過由於果陣係6:00pm左右，又落緊雨，我地就坐裡面。店員服務好好，都幾細心同照顧老人家。我地叫左個steak，risottos，蒜蓉包，Prama ham pizza。個Steak我地叫左medium(其實一般我都會叫medium rare，因為好多香港西餐廳都會over cook，但因有老人家關係，都係medium比較好)，想唔到又無over cook之餘，又幾juice，所以比👍🏻👍🏻👍🏻👍🏻而蒜蓉包外脆內軟，我嫲嫲大讚！必食！當然，我係一位chill人，當然要啤酒黎送啦！我比👍🏻👍🏻👍🏻👍🏻👍🏻而最想唔到既係，個大蝦risotto係最驚喜，個龍蝦汁較得好好，而飯既口感係傳統得黎又岩老人家食！唔錯唔錯！👍🏻👍🏻👍🏻👍🏻👍🏻最後Parma Ham pizza ，係即叫即焗。個配合上係幾好，因為我喜愛食薄批，所以有👍🏻👍🏻👍🏻👍🏻👍🏻…Read More

今日黎到大圍，同兩個老朋友入左一間叫糖宮既糖水鋪一坐底，就有人介紹叫我試下個榴槤椰椰！作為榴槤發燒友既我馬上ORDER！這個榴槤爺爺，有很多材料 :1) 小丸子，十分彈牙！2) 榴槤肉，濃郁既榴槤香味！3) 榴槤汁4) 蛋白，口感加上榴槤肉更為豐富！5) 椰皇肉，配合榴槤的鮮味，一絕！後來，見到原來老闆生日，有班舊客同佢慶祝生日，好開心！而且有人情味！Thanks！老闆既介紹！…Read More

最近迷上了品嚐私房菜，貪戀那種浪漫的氛圍，貼心的服務，高質的出品，刁鑽的食材配搭。顧名思義，坊間大多的私房菜都是私人經營，設於上樓的住宅，甚或是工商業單位。故此，舖租便大大的省卻了。也就解釋了為何在私房菜餐廳可以以划算的價錢，吃到高品質的食材了。最後在Openrice篩選了幾家廣受好評的私房菜西餐廳，打算和女友嚐一嚐鮮。於是，我和女友便在今年第三個情人節那天，預定了位於尖沙咀的Amina Modern European，貪其鄰近地鐵站。果然，在尖沙咀站B2出口，出來後直走2-3分鐘，看到 "廣東燒味餐廳"，對面便是餐廳所在的龍記大廈了。甫走進餐廳，女友和我就馬上愛上這裡了！裝修和格局，滲着點點浪漫、時尚的情懷--美，而不華。除了視覺的享受，沿路還伴有柔媚委婉的音樂和淡雅清幽的香氣衝擊着我們的聽覺和嗅覺，好不享受！走過一條短廊，左右分別有48個月的原隻Iberico Ham和新鮮生蠔吧，單是那Iberico Ham飄進鼻子的甘香，已叫我們食指大動了！這間餐廳的大廳大概坐了幾對情侶，裡面還有2間房。十分幸運的是，我和女友獲安排其中一間房間的座位。房間的裝飾更見用心，還有台掛牆的大電視，在環境方面，這間餐廳絕對取得我心中的滿分！坐下不久，水、食物、餐牌也陸續送上，侍應亦用心地介紹桌上的食物和餐牌。食物比餐牌更早送上，開始我們還以為是弄錯了。侍應解釋是給客人開胃的一些歡迎小點，有鮮打青瓜蓉配椰奶凍伴芒果和青檸味的海藻珠 。奶凍雖然不是甚麼特別的食材，但入口滿滿的椰香，配以清新的青瓜蓉，綴以酸酸甜甜的海藻珠，確是十分開胃；然後還有圓餅襯意大利黑魚籽，簡單又不失矜貴的歡迎小點！之後，我們就吃麵包了。麵包熱辣辣、鬆軟鬆軟的，再蘸上兩款鮮打的香草茄子醬和煙燻椰菜花蓉，很合我們的胃口。我們還趁着買一送一的優惠，點了幾款生蠔。生蠔很新鮮，不過我有點後悔加了太多的cocktail sauce，遮蓋了生蠔本身的鮮味。在吃的過程中，侍應不厭其煩地為我們講解幾乎每一道菜的特別之處，身為食家的我，如獲至寶，馬上就抄下重點，也好為平時下廚增添一點靈感。~Starter~蟹肉凍伴天使麵；蟹肉凍以新鮮拆殼的阿拉斯加皇帝蟹肉、香茅酒、白酒、檸檬葉等製成；天使麵則混入班蘭葉；碟邊伴有香茅汁和炒香過的班蘭油。整道菜伴有多種不同香草，十分惹味！惹味的香草伴新鮮的蟹肉，一濃一鮮，頗開胃的配搭！~Soup~選擇了穩穩陣陣的龍蝦湯。非常濃郁的龍蝦香，驚喜的是忌廉和龍蝦油外，湯裡藏了隻肥美的海蝦，碟邊還撒了把炒香的龍蝦籽，賣相加分之餘，還可撥入湯裡作調味。~Entree~鵝肝煎得頗香，外邊甘香略帶點酥脆，咬到裡面又是嫩滑非常，伴杏仁脆撻，脆口帶少少甜；點晴之處在於黑芝麻汁，一個字：又香又濃！想必是由於自家磨製的關係，回味無窮！~Sorbet~番石榴味的雪芭，酸酸甜甜，一清味蕾的油膩！~Main Course~我選了鱈魚卷，一上枱，賣面已經深深俘虜了我的胃。魚卷外皮脆口，裡面的魚肉非常嫩滑。配上魚籽一起吃，清新可口不油膩！雖然只有兩件魚卷，但其實我只吃了一件，就已經有點飽意了。配菜是薯球，吃起來特別惹味，請教侍應，才知道薯球是廚師自家製作，混入了馬介休一起搓成。Coffee or Tea有咖啡、茶包、茶葉可供選擇。上了主菜後不久，便有侍應拿着個精緻的木盒，裡面有多達十多至廿款左右的茶供我們選擇。我選了桂花茶，淡淡的桂花香，喝下去既暖胃，又消滯！Dessert其實吃到這裡，我們都已經很飽。幸而甜品的份量不是太大，最後很滿足地吃得一乾二淨。朱古力芝士蛋糕，上半部分滑，下半部分綿，非常濃郁的朱古力香味充斥着整個口腔，叫人回味無窮！最後，還有一碟包含五款口味的自家製手工朱古力，水果味為主，個人最喜歡松露口味和榛子朱古力的。整頓晚餐大概吃了2個多小時，對於法國菜來說其實差不多了，晚餐過後我們還坐了個多小時喝酒。這家餐廳沒有售賣酒類飲品，但勝在免收開瓶費。有時候，有的有賣酒的餐廳食物不錯，但賣的酒未必合自己心意。配美食，我還是喜歡配自己收藏的美酒！總括而言，我和女友非常喜歡這間餐廳，更預約了平安夜一起在這裡進餐！…Read More

二零一五 ● 父親節 ● 願將此文獻給我的父親母親出來社會的這幾年間，時間說長不長，說短也不會短，卻是叫我經歷了不少高低起伏，迎來了大大小小的難關與挑戰。太多的計劃與抱負在心中，卻永遠趕不上這個社會變化的步伐，讓人根本無所適從。每每夜欄人靜，愁眉不展之際，是媽媽溫暖的一碗湯，取代了手上苦澀的一支煙；是爸爸輕輕的一下拍膊鼓勵，拍走了心中縈繞不去的厭世衝動。這個父親節，我甚麼都不做，只陪我的父親母親。本來也沒有準備甚麼特別的慶祝節目，在回憶下，忽然想起上年情人節跟女友來過的Amina² Cuisine，加上免收加一和開瓶費的誘因，我和爸媽來到銅鑼灣這家上樓的私房菜餐廳 Amina²Cuisine，藉着一頓晚餐的時間，好好地共聚天倫，把酒談心。1. 麵包新鮮出爐的法式麵包，外脆內軟的口感，蘸點新鮮打磨的香草茄子醬，爸媽讚不絕口之餘，卻又你推我讓不捨得吃，像兒時般總把好吃的留給我……結果是餐廳方面送了我們多一客麵包，爸媽才放開了心去吃。2. 生蠔儘管帥氣的侍應耐心地為我們介紹不同品種的生蠔，有關牠們的產地、味道、口感……由於我們也不是太懂生蠔，加上遇有＜買一送一＞優惠，還是每人每款生蠔試兩件。原來吃生蠔的時候有一定的順序，應由味道淡到濃順着吃，已經不記得吃了哪幾款生蠔。總的來說，這些生蠔丁點沒有想像中的腥臭味，海水味有淡有重有回甘，有的太重海水味的媽媽受不了，浸了點水再吃。這些生蠔很新鮮，本身蠔味濃郁，完全不用加檸檬汁或其他醬汁，裙邊位爽口，帶子飽滿而清甜。個人認為Amina的蠔吧，有心做，也做得頗成功，起碼得到了我家中兩老的認同！3. 前菜＜原隻澳洲藍尾海蝦，黑松露味魚籽配蕃茄他他及意大利雜菜蛋餅＞媽媽選了這款相對輕盈的頭盤，她說蛋餅裡面的材料挺豐富，蕃茄他他很新鮮開胃，而黑松露味魚籽更顯這道菜式的矜貴＜特選黑毛豬火腿配鮮蜜瓜奶凍＞Iberico Ham with fresh melon 乃經典配搭，永不過時，亮點在於奶凍，令菜式賣相加分之餘，更進一步地減輕了黑毛豬火腿的油膩，爸爸和我都很欣賞這個新配搭4. 湯＜法式龍蝦湯＞侍應甫走近，濃郁的香味自他手中的龍蝦湯撲鼻而來。據侍應介紹，這道湯花了大廚不少的心機和時間，毫不吝惜地用了大量龍蝦殼熬製而成，上碟之時加了點忌廉和龍蝦油，畫龍點睛，並拉出代表餐廳名字的＜A＞字，心思可見一斑！5. Entree＜香煎法式鵝肝配馬沙娜甜酒燴菠蘿＞馬沙娜甜酒燴新鮮菠蘿，配以外表煎得香酥的鵝肝，油膩感確是減輕了不少。其實鵝肝旁邊還配了兩塊薄薄的脆餅，不過我和家人都覺得不太特別，所以淺嚐一口算了。至於鵝肝本身，表面酥脆，卻又入口即溶，不知道大廚在鵝肝表面加了甚麼呢？這是我們一家迄今嚐過最美味的鵝肝！沒有之一！6. 雪芭＜番石榴味雪芭＞相對吃雪糕，雪芭不會有太強飽肚感；可是，爸媽平日都不吃雪芭的，主要是水果味的雪芭對他們來說，太甜了！驚喜的是，這裡的番石榴雪芭，酸甜適宜，清新味蕾之餘，十分開胃，令我們不自覺地都吃光了！然後，更加期待是晚的主菜。7. 主菜＜法式油封鴨腿＞吃完雪芭後的半小時內，我們的主菜都上齊了。侍應在上每一道菜時，都扼要地介紹了每一道菜的煮法、食法或特別之處。上主菜時也不例外，據說，這道菜的煮法十分費時間費心機費精神，用料也十分複雜，礙於當時沒有太仔細聆聽這道菜的介紹，怕有錯漏之處，煮法就不在這裡詳述了。鴨腿表皮又香又脆，蘸點旁邊甜甜的秘製新鮮車厘子蜂蜜燒汁，頗有驚喜！配菜為松露薯棵，外型小巧的薯波波，有咬口，外脆內帶點煙韌，讚！＜海鮮墨魚汁意大利飯＞這是老爸點的，說是老人家不能沒半點米氣進肚，好吧……想不到老爸吃得慣意大利飯之餘，竟然高度讚揚這個海鮮墨魚汁意大利飯，想必是因為有豐富的海鮮:蝦、青口、帶子、魷魚……加上飯煮得軟硬適中，又不太肥膩。另外，大廚敢於一反傳統，大膽創作黑色意大利飯，卻又有吸引味蕾的賣相，這點也是我打從心底欣賞的！難得老爸吃得慣西餐，沒有覺得消滯，也不枉我一番安排！＜保雲酥烤澳洲羊扒，薄荷煙肉燴青豆及烤蒜＞沿著肋骨邊切，剛好可將羊架切成三份。我先吃一口羊架，上面厚厚地舖了一層酥脆的粒粒，入口酥脆，繼而就是一股淡得似是而非的羊so味盤縈在口腔內，羊肉就是因為這股淡淡的羊so味而令人為之瘋狂，與榴槤飄香的道理如出一轍。然後，再吃一口烤蒜，味道有點像焗黑蒜，可空口吃，也可配上羊肉吃，真叫人停不了口。吃到底，墊羊扒的是薄荷煙肉燴青豆，搗爛了的青豆，有點像吃薯蓉的感覺，配以薄荷和煙肉，帶出味道和咬口。8. 甜品＜法式焦糖燉蛋＞特別推介，濃郁奶香味，做得極細緻嫩滑的法式焦糖燉蛋！＜Roxanne＞大廚之作，底部是淋酒啫喱，上面輕撒一層燒新鮮菠蘿粒，配以椰子味雪糕球，一口有幾個層次的不同口感，激讚！吃到這裡，我們一家都仿佛醉了，是柔和昏暗的燈光讓我們醉了？是柔情似水的音樂讓我們醉了？還是浪漫、休閑的氛圍讓我們醉了？反正就不是我們帶的酒讓我們喝醉的，美境佳餚當前，酒不醉人人自醉啊……心中多年的鬱悶，今晚得以一一細訴，父母仍舊愛我如初生那天，實在感激Amina讓我們一家有如此好的環境聚首一堂，配以高品質，且是大廚費煞心思烹調的美食，讓我們盡訴心中情，也享受到了舒心的一個晚上。※ 謹借此平台，再一次說聲，愛你，我的父親母親 ※…Read More

香港地$36住家風味午餐連熱飲再送冇味精(女友說喝不出)靚湯買少見少位於旺角街市深圳街的康樂餐廳算是小本經營亦十分益街坊有時$36都未必買到一條魚這裡卻可吃到一個原條蒸魚套餐包湯包飯包飲品吃蒸魚套餐飯菜湯更是冇/少味精不過這裡有個阿姐永遠落錯單永遠聽不到我的呼喚永遠不會幫我收拾餐桌唉~…Read More

上次和女友在太子冰室吃的宵夜套餐我倆激讚然後誓要重臨這餐廳終於今天我又懶了不想做飯便又和女友來到太子冰室今天點的是--中式午餐-- [黑椒牛柳絲炒烏冬]即叫即炒算是有鍋氣唯一美中不足用的烏冬太cheap大概是噹噹的級數不過都是正常茶餐廳質素不能太雞蛋裡挑骨頭$42一個即炒午餐連凍飲再送一碗味精中湯沒有上次晚上來吃時的驚喜連連但也不難吃也算不過不失了…Read More