ms.miumiupig's Profile

嗌咗凍紅豆沙同熱綠豆沙外賣2碗都一擔擔，好鬼甜，全部都唔起沙不特止仲要豆還豆，水還水，啲豆仲硬到有聲出食晒啲豆仲有大半碗水響度冇心機煮就咪鬼做生意啦完全唔明點攞米芝蓮…Read More

原來而家啲杯裝豆漿已經pre pack定放響門口，飲筒又係獨立包裝，都幾方便衛生喎～眼見佢有原味，低糖同無糖，今次就試左無糖。飲落冰冰涼涼，消暑一流。可惜飲落豆味淡淡的，口感亦稀稀地，感覺唔夠濃郁…Read More

本人食過咁多間古早味蛋糕都未食過一間咁鬼差仲諗住食件香軟蛋糕可以慰藉吓心靈，點知真係食到嚇親我，勁多硬啦差啲咬到牙都崩，唔係嚇你，有圖有真相…我只係切左一件出黎咋，就咁目測都有10粒硬粒（to be fair 我有幾粒係特登切開黎睇吓我究竟食緊啲乜）好啦，唔講硬粒，本身蛋糕偏油膩，蛋香微弱。完。備注：本人購於夜晚特價時段， $30一盒，可能日頭正價買會好味啲…掛…Read More

第一次嚟呢間食野，原來係自助式嘅餐廳黎～先喺門口度點餐，然後就會有個咇咇器俾你自己去搵位， 咇咇器一響就可以出去拎嘢食喇～今次嗌左韓式豬手，明太子雞胸蛋包飯，泡菜煎餅，蜜糖無骨炸雞，韓式炒年糕，全部都係加錢跟個salad 嘅lunch set~野食方面，明太子雞胸蛋包飯啲雞肉嫩滑，明太子醬好惹味，不過啲飯係有調味的，所以配埋惹味嘅明太子醬一齊食就不適合淡口味人士喇～韓式豬手豬皮爽滑彈牙，配埋沙律，食落輕盈一啲都唔罪惡～蜜糖無骨炸雞甜甜的好對胃口，不過肉質偏實，需要啲牙力去咬，未夠juicy有啲失望.泡菜煎餅有驚喜喎，一碟三件，上面放有滿滿的泡菜，啖啖滿足.韓式年糕就有啲辣，但配隻白烚雞蛋唔知做乜…嘢飲方面就帶咗蜜桃泡茶，同埋Earl grey latte. 朋友話泡茶幾好，唔太甜又有茶味，但Earl grey latte 就一般啦，唔係好有佛手柑味，又唔好覺有咖啡味食個環境囉，坐得舒服，枱同枱之間個空間都夠闊落，商場樓底又高，裝修幾雅致，文青風，不錯👌🏻…Read More

其實都食過呢間幾次，但都係第一次寫食評～佢嘅湯咖喱真係可以當湯飲架，飲完唔口渴。撥開啲湯底，可以見到有洋蔥粒，又有啲茴香籽咁，唔過鹹，湯面又唔會有成層油，係口感清新嘅咖喱湯黎～雞髀大隻得來又唔會鞋口，用匙羹輕輕撥開，已經可以骨肉分離，食得優雅成個菜式最驚喜的係棵西蘭花，唔知用咩方式預先處理過，口感似烘乾左，但又唔會乾爭爭，浸落個咖喱湯到簡直一絕朋友就嗌左個北海道炸雞，係出色嘅炸雞，咬開仲見到有肉汁流出，但就唔係連鎖快餐店果種厚粉漿嘅炸雞。鍾唔鍾意呢種炸雞就因人而異啦～當晚咁啱播緊奧運，做緊日本嘅足球直播，有三四枱都係日本男人飲住啤酒食住炸野睇波，有時喝倒采有時歡呼，好似間文青款嘅居酒屋咁…Read More

朋友生日，特登嚟搵一間有氣氛嘅餐廳食晚飯～好彩早到愉景灣，早左去book枱，一到預訂嘅時間現場已經full booking 咁濟，全場都係外國人，一齊happy hour 緊我哋慢慢食，先來一個Thai papaya salad 做前菜，香料同花生碎都好足，口感豐富，朋友食開泰國菜都讚呢度做得好然後我哋又嗌咗個Pizza。呢度嘅Pizza係厚批黎，仲要大大個，材料又多，兩個女仔每人食咗兩件半已經食唔落要打包喇～最後我哋嗌左個香蕉船做甜品。睇Menu話好似係純素雪糕嚟，雖然我食唔出嗰兩球雪糕係乜嘢味道，但充滿椰香，朋友話有啲杏仁嘅味道，但總括來講都好好食，口感creamy唔似sorbet~順帶一提，好似20:00會有live Band，當晚係country style, 雖然我差唔多隻隻歌都未聽過，但現場啲外國人聽到好冧豬，有人拍片，又勁興奮拍手歡呼…Read More

不得不說呢間嘅古早味蛋糕係我近排食過中最好食嘅一間～質感綿密濕潤又鬆軟，唔會過甜，奇在佢個蛋糕邊位（即係深色嗰啲）都唔會鞋口乾爭爭～今次試嘅肉鬆味，肉鬆份量慷慨，每一啖都食到肉鬆嘅味道，每啖都鹹甜適中，好味呀:)唔講喇自己睇相…Read More

Follow左呢間小店嘅ig 一段時間，知道係幾位年輕人開嘅都想支持吓～今日同響12月中試左兩隻唔同味，分別係拉絲芝士同埋金莎朱古力～其實問心味道真係不錯，唔太甜，好香蛋香而且夠濕潤。不過硬係有啲位仲未夠好，希望有得改善吓，等多啲人鍾意，益吓住馬鐵沿線嘅街坊😍拉絲芝士$60（唔記得影相）：面頭有脆芝士，入面就有軟心嘅拉絲芝士，夠咸香又唔會太漏👍🏻可惜一切開就跌好多蛋糕碎出黎，近睇就見到啲氣孔好大，整體比較鬆散，唔可以好完整咁切一片出黎🥲金莎朱古力$80：呢個嘅質感反而好軟綿，香濃朱古力又唔會好甜👍🏻可惜內層朱古力醬令蛋糕過份濕潤，入口比較黏口，加上岩岩買即食嘅關係，蛋糕面頭嘅朱古力漿又好軟身，所以一入口就過份腍口。不過蛋糕雪完一晚之後就明顯好好多，因為蛋糕面個朱古力醬變硬左，令口感多左層次，如果個糕身再乾番啲啲就完美喇！…Read More

好平實嘅蛋糕店，外貌唔花巧，重手嘅原味古早味蛋糕都只係$45～有蛋香，唔太甜，油份可以接受，上層濕潤口感唔錯。可惜蛋漿打得唔好，下沉，而且焗過火，令下層口感實淨嚡口…Read More

聽朋友講呢間野好好食，料靚，做法傳統，然後再上黎睇食評做功課，諗住實冇死，點知：有啲失望。先講送嘅鹵水拼盤：有鵝片，豆腐，豬耳，腩肉等等，入味唔過咸，不錯黃金鮮魷：鹹蛋黃好足料，但魷魚本身炸得唔好，一啲都唔脆，然後撈埋鹹蛋黃，搞到成碟野淋pat pat, 唔知想點黃酒雞：雞件好多，多肉，唔會煮到老哂，湯底亦唔錯，飲完唔口渴砵酒鱔球：鱔球大大件，有成9-10件，外脆內軟，幾juicy. 可惜醬汁太酸，似咕嚕肉個汁多啲，直接改咗個名叫咕嚕鱔球比較適合…Read More

呢日難得去旺角東附近，所以去左旺中逛逛..唔知係咪疫情關係呢，個場好靜，多左好多吉鋪...Anyway, 逛逛吓去左試呢間嘅原隻軟殼蟹手卷，即叫即炸，大大舊熱辣辣，調味岩岩好，蟹身juicy, $30咋！連鎖壽司店嘅軟殼蟹手卷，隻蟹先得1/6舊，仲要炸過龍，仲要收$28再加一，太過份喇！…Read More

聽同事講話好好食，就即管lunch衝去排隊試啦～我地一行5人大概等左4個字，如果人少係會快啲有位嘅...我嗌左鰻魚滑蛋飯，舊鰻魚又真係幾厚肉喎，啲汁嘅份量又岩岩好，每一啖飯都食到有少少醬，唔會太多，唔會過咸。炒蛋嘅顏色夠黃，好靚，亦好滑，但略嫌蛋味有啲不足。如果冇嗌飲品嘅話可以問店員拎杯水飲，記得要自己問，餐廳係唔會主動提供的。滿足嘅一餐～…Read More

見呢間小店嘅招牌勁搶鏡，即管去試一試～買左茄蛋治同燒賣，茄蛋治啲蛋超厚身！勁足料～可惜一打開覺得太震撼，一啖咬左落去就唔記得影相🤪而燒賣就係彈牙煙靭果種，配埋辣豉油真係好正！佢嘅燒賣唔係便利店賣緊果種好實好粉膠膠地嘅燒賣，希望你明我講咩啦😂…Read More

一年都唔入一次黃竹坑嘅我，今年第一次入去就俾朋友拉去試呢間小店。估唔到幾好食喎，好有驚喜！而家變咗係朋友嘅開工飯堂之選～可惜只有外賣自取，希望遲啲可以堂食啦！我嗌左：豬軟骨大根丼飯豬軟骨非常入味但唔會過咸，骨嘅部位係淋得黎有微微咬口，唔會食到漿住個口，食完唔會好濟，好味！朋友1嗌左：三角牛飯呢個不得了！好有牛味好軟淋好juicy!! 下次好想自己嗌番個，為左呢個絕對可以入多次黃竹坑搵朋友食飯朋友2就嗌左：咖喱吉列豬扒飯 （冇影相）呢個又係超好味，豬扒炸完仲好juicy，又唔乾柴，炸粉又唔會過厚，個人覺得仲好食過世貿間x吉感覺呢間野好似幾有心思，整完個飯會灑上蔥花同芝麻，賣相不錯...呀！另外我地仲加左$5日式炒菜（又係冇影相），呢個要讚一讚，5蚊雞嘅菜一啲都唔兒戲囉！又椰菜又冬菇又粟米仔咁，仲要有鑊氣！估唔到咁足料朋友加左隻$5溫泉蛋，就是溫泉蛋一隻，呢個我就唔識評論啦而家有心思嘅小店唔多了，遇到就要上黎讚吓支持吓，唔想食黎食去都係連鎖集團呀:(…Read More