佢嘅湯咖喱真係可以當湯飲架，飲完唔口渴。撥開啲湯底，可以見到有洋蔥粒，又有啲茴香籽咁，唔過鹹，湯面又唔會有成層油，係口感清新嘅咖喱湯黎～
雞髀大隻得來又唔會鞋口，用匙羹輕輕撥開，已經可以骨肉分離，食得優雅
成個菜式最驚喜的係棵西蘭花，唔知用咩方式預先處理過，口感似烘乾左，但又唔會乾爭爭，浸落個咖喱湯到簡直一絕
朋友就嗌左個北海道炸雞，係出色嘅炸雞，咬開仲見到有肉汁流出，但就唔係連鎖快餐店果種厚粉漿嘅炸雞。鍾唔鍾意呢種炸雞就因人而異啦～
當晚咁啱播緊奧運，做緊日本嘅足球直播，有三四枱都係日本男人飲住啤酒食住炸野睇波，有時喝倒采有時歡呼，好似間文青款嘅居酒屋咁
