AliceCammy's Profile

最近由於疫情，都少左出去食飯，星期六突然心血來潮想出去食個lunch，就一個人去試想食左好耐的餐廳-大丼家！ 星期六1點半去到，餐廳大概坐滿8成，不用排隊就可以直接入去。食到一半就已經見到門外排了6，7個人。🤣 量了體溫之後就直接坐底點餐了。座位之間都是有安裝好隔板的。身爲芝士孔，一見到芝士燒牛肉飯（HK$56）就二話不説落單🤤！ 首先成個飯分量不少，食完係好飽。感動的是飯多，芝士牛肉的分量也不少，另外還有少量菜。牛肉真心好食，芝士燒到微焦，牛肉雖然薄片但係牛味夠，而且嫩口。飯有加到燒汁，配埋牛肉，成碗飯清了。 價錢合理，食物好食，我絕對是回頭客！✌️…Read More

平日星期四晚想同朋友小聚。平時夜晚食飯西餐係首選，今晚就偏偏想食中菜。餐廳格局都幾大，裝修都特色，特別有個小舞臺for live band，雖然無聼到。 同朋友2個人，叫得唔多野食，但是食得好飽。叫左個皮蛋同埋熱香鍋，仲有一碗白飯兩個人share. 備注：餐廳係要scan QR code 落order. 燒椒皮蛋。好食！醬料既味道入曬皮蛋 ，加上小小辣，好惹味。自己本身去食譚仔都會加多個皮蛋，譚仔皮蛋都好食，不過皮蛋本身隻味道好重，但係尼款就醬料味重D，岩我口味多D。 秘製熱香鍋，加做臺灣魚腐，機翼，萵荀，薯仔同寬粉。本身個鍋係偏甜，睇相好似無咩汁，但係D料好入味。雞翼係開邊，煎過所以皮都脆脆地，肉都嫩。魚腐就係坊間一般魚腐，正正常常。薯仔同萵荀同隻汁夾，雖然吸左汁已經唔脆身，但係好食。最後寬粉當然係無得輸，滑溜溜又吸汁！ 最最最可惜係本身見到openrice menu有蒜泥白肉，本身好想試，但係個人個menu係無尼味菜。唯有下次再去try try啦。…Read More

不是Friday但去左Mini Friday~平日星期四，同行4人有預先book位，book左7點半。但其實餐廳位置都幾大，坐唔滿。見到promotion，生日月份壽星可以額外有一個甜品送，可惜無朋友係8月生日。 一坐低就送上脆片同芝士醬。脆片真係好脆好香口，沾上芝士醬好食。餐牌有3款，普通set dinner（多數係扒餐），DIY意粉配搭，同埋散叫menu.我地3人就order左DIY pasta, 另外一位同朋友order左個牛扒餐。Set會包埋沙律，湯，咖啡or茶同甜品。正呀！ 首先湯得一款，個日係雜菜湯，味道正常，唔會好水好淡，不過就嫌唔夠熱。沙律亦都不過不失，雖然係個汁係醋，但係反而覺得偏甜。我同朋友叫左個同款蒜香橄欖油source天使麵配鷄肉，另外再加煙三文魚。蒜香味夠，唔會太油。餐牌表示會有D辣，不過食落無辣味。除左本身order的配菜，另外都有D菇，食落都豐富。鷄肉就麻麻，應該係冰鮮鷄柳，口感好柴。而煙三文魚分量都幾多。整體其實不錯吃！ 朋友叫左個溫泉蛋芝士忌廉source意粉配烟肉，另外加煙三文魚。個意粉好creamy，重奶油味，配料都幾多。成日覺得尼一類意粉好安全，多數都好食。唯一就係比較膩。 最後就到扒餐啦。兩個字好食！牛扒應該係7成熟左右，唔會好硬，有肉味。而且雖然睇相覺得唔大塊，但係都厚身。尼個價錢，表示已經做得出色。 最後最後就係我地叫左梳乎厘。尼個要推推推！不過注意要等4個字。雖然本身有甜品，但係表示…唔好食。又見到隔離枱既梳乎厘好吸引就當然要一試。一份有3舊，真心好濃蛋味，非常軟熟，唔會好甜。入口真係唔需要咬，配上雪糕食，好滿足！ …Read More

有朋友系外國翻尼，打算穩個地方舒服地食飯傾計，於是就target café～尼間樓上café近油麻地站，好容易穩。平日7點都表示已經full左，好彩有book。雖然地方唔係太大，但系坐得唔會逼，而且分左兩邊，一邊系正常檯，另外一邊類似榻榻米。同朋友叫左個2人set，多野食！首先會有個餐湯加蒜蓉包。紅湯好creamy，偏酸，麵包夠脆，加上湯好食呀。蜜糖雞翼有成六隻，熱辣辣！煎到外皮脆，而且好香蜜糖味，亦都唔會太甜，有肉汁。推介。煙三文魚天使面分量都唔少，有芝士系面，亦有好多蘑菇，配埋煙三文魚，食落好豐富。食意粉個汁好緊要，表示都creamy，不會好水，不過略顯有少少咸。另外仲有一個芝士拼盤，香濃的芝士配上麵包粒，薯仔粒同埋番茄粒。食埋尼個真係飽到上心口😂😂仲有兩杯花茶添！café就係有好多種唔同飲品選擇，我同朋友見甘多野食就簡左花茶light d.同朋友傾下食下就2 3個鐘。總體來說性價比高，下次再同朋友尼！…Read More

Happy Friday Lunch 去食餃掂。其實食過幾次已經，絕對是回頭客！餐廳位置比較多同寬敞，基本上都唔駛等位。本人每次都係點韭菜餃子麵，有6隻餃子加個麵底。韭菜餃好足料，韭菜分量多，而且好香，皮又唔會太厚，果然係而餃子出名的餐廳！麵屬於幼麵，唔會煮到好軟，我就覺得麵分量唔算多。一個同事點左18隻雲吞，雲吞細細隻，餡料方便就比較少，味道普通，同大大隻餃子相比就真的遜色了。另一個同事點左10隻玉米豬肉湯餃。餡料分量又是十足，玉米同豬肉又係非常夾的配搭，有鮮味。但個人就比較鍾情於韭菜餃子了！除此之外，餐廳的自家製作菜圃辣椒油真的要一提！非常香，唔會太辣，好惹味。餐廳仲免費提供腌蘿蔔，不過我就無食了。正正正！…Read More

工作日食完lunch，見到公司附近裝修左一段時間的珍煮丹開左。見唔駛排隊，掙扎左2秒就同同事冲左入去買。😂😂本人就未飲過珍煮丹，不過都聼唔少朋友話距既黑糖珍珠鮮奶好飲，就一於試試距！普遍臺灣過江龍黑糖珍珠系列都係fix死左甜度同埋冰，但係珍煮丹可以自己調教！加分！我就點左本黑糖珍珠鮮奶，常溫+微糖。真心覺得好飲。好重鮮奶味，因爲微糖，又唔會太甜。黑糖珍珠好好咬口，黑糖味都好足，而且珍珠分量分量都唔少。 成個味道係會令人飲完都回味。之前都飲過好幾次老虎堂，雖然老虎堂都好飲，但係真心覺得太甜。同事就點左黑糖珍珠仙草鮮奶，少冰半糖。其實就是另外加了仙草，而本人對仙草感覺一般，所以就不評論了~真心覺得之後都會Keep住飲🤤🤤🤤…Read More

本身打算嘆個早餐開始美好的long weekend，但表示起唔到身…唔緊要，食常餐！差不多12點去到，冰室已經好full，要搭台。一坐低要馬上order是常識吧~在冰室食野，服務也...沒有什麼要求了～我同朋友叫左兩個常餐，分別係茄牛通粉同埋沙爹牛肉公仔麵，跟蛋（炒蛋or煎雙蛋），包（牛油包or蒜蓉包），再跟杯野飲！滿足！番茄牛肉通粉，高質素！番茄味濃，湯絕對係唔稀，飲落鮮甜。牛肉好嫩，而且分量都唔少，唔係得一兩塊。沙爹牛肉公仔麵，沙爹味好出，不過略嫌比較咸，牛肉分量也是不少！公仔面我覺得比較硬身，本人不太中意，但岩朋友口味~炒蛋配多士，炒蛋表示係正常炒蛋，不過不失。但多士好食！無論係牛油定蒜蓉多士都好香同埋好軟熟。特別推介蒜蓉多士，蒜蓉味香到連隔離台都聞到，haha.再加杯熱奶茶，如何不滿足！下次再去食！…Read More

突然好想食韓國野，又醒起之前有朋友推介鳳雛燉雞，就儘管來一試！餐廳位於旺角，位置不難找，很方便。星期五7點半去到，有book位，但其實直至到9點多離開，餐廳也沒有坐滿座。一坐低，就馬上叫了一份芝士燉雞，還加了冬粉和冬菇！再叫了一份芝士蛋捲。本身看到隔離台的紫菜包飯很吸引，本身打算不夠再追加，但最後燉雞都食不完…芝士燉雞，可以選擇有骨或無骨，簡左無骨的。真的是超大的一盆，分量真的不是開玩笑！也有一大片芝士和很多配料！味道方面，雖然芝士很多，但卻沒有什麽芝士味，鷄肉雖然大大塊，但是不滑，有點兒難咬。叫了微辣，不會太辣，很容易入口。推介加冬粉，冬粉分量好多，而且吸汁，本身個汁調味不錯，所以冬粉不錯食！另外薯仔也煮到入味和軟，好食！另外叫的蛋捲，味道不錯。蛋味和芝士味都出，唯一就是不熱，沒有拉絲效果，如果是熱辣辣的芝士蛋捲，應該會加好多分！總體上，分量多，價錢也合理。但是味道的話就真的有進步空間。…Read More

在太子附近返工，餐廳又在太子，絕對是要去試一試！星期五晚上去，有預先book位，book了7點。去到都見差不多坐滿，建議是要預早book位再去。餐廳有兩層，裝修不錯，燈光較暗，頗有情調，以西餐爲主。和朋友點了兩個小食，兩個主菜和2杯飲品。炸番薯條好食！很香番薯味，加上黑松露醬，食落很香口。不過略嫌有點油。蒜香芝士排包，一上菜就見到芝士差不多滿瀉，排包軟熟再加上牛油芝士，表示非常邪惡！卡邦尼意粉很creamy，濃濃的醬汁會挂在面上，烟肉分量好多再加上溫泉蛋，好食！但比較容易覺得膩。最後還有一個四重芝士pizza，其實和朋友已經覺得8分飽的情況下食，覺得不太出色。Pizza的芝士味反而覺得沒有排包甘突出，而餅底也比較硬…總結是食的非常飽和滿足！無論環境，食品都令人滿意，價錢也合理，值得推介！…Read More

高質意粉的意粉屋。其實一直都幾中意意粉屋的食物，一來我自己偏愛食意粉類，二來意粉屋出品的確質素不錯！這日平日又去幫襯了，8點左右，等了大概十分鐘。一坐下果斷點了2人set，意粉屋的價錢其實偏貴，叫套餐絕對會划算過單點！套餐可自選，包括2碗湯，1個意粉，一個飯，和兩杯飲品。想強調主食份量很多，食得超級飽😂😂湯是普通忌廉蘑菇湯，正正常常的湯，忌廉味很濃！芝士卡邦尼意粉，推介推介。真的有芝士味！我對卡邦尼意粉情有獨鍾，去到哪裡有卡邦尼意粉就會點！煙肉粒煎得香口，卡邦尼醬汁系粘稠的，市面好多都會比較稀...意粉軟硬適中，醬汁，除左好味我都不知講什麼好了😂😂而且份量真的好足，食曬又不會很膩～墨魚汁海鮮飯，也是不錯之選！海鮮分量多，有魷魚，青口，帶子等，食落都幾新鮮～個飯也有芝士！芝士真的大愛啊💕 拌飯食有拉絲效果，不過由於醬汁濃味，芝士味就真的不太出。燴飯不會太粘，口感不錯！食完真的是大滿足！…Read More

Lunch time食好西。一行6人來到尖沙咀的Apple Green，其實之前食過一次，這次再來！1點左右去到，不用等位！我點了三文魚意粉，朋友點了2個煎龍脷柳，3個炭燒黑毛豬扒。跟餐會有餐湯，沙律和牛角包，再+飲品，食完真的飽！煎魚柳好食！外皮煎到香脆，入面魚肉又不會乾和散，食落很香口！加小小檸檬會比較清新，感覺上不會太熱氣。要投訴的是薯條...細條又不脆...好似炸好放了好耐！三文魚意粉，正正常常，普普通通！三文魚分量夠，意粉軟硬適中。香草汁都幾香，份量多，不過略嫌有點兒咸。炭燒黑毛🐷，表示有炭燒味，都比較厚身，食落啖啖肉。薯條和炸魚的一樣，失敗！總括而言，價錢不貴，性價比高，坐得都幾舒服，值得去！…Read More

兩人來到位於大圍的屋子cafe，之前有朋友介紹過，一直都想去。cafe的門面沒有招牌，普通的木門，我們來回經過了兩次都沒有發現原來cafe就在我們面前😂😂晚餐時間，點了三文魚飯糰和牛肉飯，飲品點了水蜜桃茶和抹茶奶茶。三文魚飯糰，略為普通。一份有兩個飯糰，一個是三文魚，另一個是普通鹽味飯糰。飯糰其實壓得較實，飯粒不會過硬，都比較粘。三文魚飯糰內的三文魚正常份量，但其實食落沒有什麼味道。伴碟的豆腐好食，很滑！牛肉飯，推介！好食！牛肉份量多，味道濃郁，個汁真的很香！內裡還有粉絲，牛肉粉絲真的是絕配！珍珠米飯熱辣辣，比較軟身，不會好痴，配上飯上面的七味粉食，好食！Drinks方面，水蜜桃茶比想像中的香，很有水蜜桃的味道，清新！抹茶奶茶就有點兒怪....個人覺得抹茶同奶茶不是很配。整體覺得都有特色，同朋友小聚會推介～…Read More

香港人很愛日本食物，丼丼屋相信不陌生！其實我也是日本野食fans，丼丼屋其實很久之前食過一次。今次光顧了位於觀塘APM的分店！中午1點半左右，等了一張台。我們兩人卡邦尼溫泉蛋烏冬，牛肉壽喜鍋，三文魚和帶子刺身share。卡邦尼溫泉蛋烏冬，好食！經典卡邦尼醬汁，很稠，不會稀。內有煙肉，洋蔥和黑椒粒作配料，還有一隻溫泉蛋！我和朋友將溫泉蛋撈埋烏冬，但可惜卡邦尼味太濃，食落沒有什麼蛋味！下次將溫泉蛋放再一邊弄串，然後用烏冬沾來食會好D。整體食落，口感豐富，烏冬唔會太軟，好食！牛肉壽喜鍋，一set有個飯，沙律，湯。個鍋略嫌分量少，因為個鍋底好淺。味道還是不錯的！珍珠米白飯好食，不會太痴，有飯香！牛肉鍋雖然只有3塊牛肉，但配料也不少，送飯還是夠的。湯底是正宗壽喜鍋湯底，有少少甜！刺身就當然好新鮮，不夠食就對了😆…Read More

和朋友來到這間位於旺角，不起眼的日本餐廳，裝修得普通，間隔也不大。中午1點左右去到，不用排隊。看到餐牌，基本上set餐都是30幾元，但見到分量不少！當然有點擔心中伏....我點了火灼三文魚卷+拉麵，朋友就點了雜錦魚生飯。火灼三文魚卷有6件，另外再加拉麵，分量很足！三文魚卷真心好食，有火灼味，沙律醬，但都依然無蓋過三文魚的味道，再加上卷內的配料，青瓜和蟹柳等，食落好豐富！拉麵就普通拉麵，沒有覺得特別好食，但是絕對不會難食。魚生飯普通，魚生新鮮，有6款魚生，每樣一塊略嫌不夠喉...可能本人比較中意食切粒的魚生飯，食落豐富D！飯比較硬身，難伴魚生食，比較不推介。食完個餐，真心飽！覺得性價比好高，分量多，質素不差，價錢十分優惠！至於服務方面...其實這個價錢也不期待什麼服務～…Read More

和朋友想找個地方休閒地聊天，就馬上決定去cafe。來到這間位於旺角的樓上cafe. 地方較大，位置沒有擺得很密，還有沙發台坐，環境舒適。主食食物種類較少，午餐主菜只有5款選擇，小食和甜品就較多。我點了溫泉蛋卡邦尼意粉，朋友點了香腸意式意粉，再各自點了兩杯花茶。花茶用茶包較為失望，一般去cafe都會茶葉+茶壺，用茶包的花茶也沒有什麼好說，就正正常常，不過一樣可以加水。溫泉蛋卡邦尼意粉，大大的一盤，幾好食！卡邦尼味濃，有煙肉拌著食，意粉不會太軟身，醬汁濃稠，加上溫泉蛋，好食！但略嫌不夠熱，加上我的座位有個風位，好快就凍曬，不過店員都樂意幫我地加翻熱。香腸意式意粉，略為遜色，因為醬汁很稀，雖然食落唔會話無味，但係的確較為稀和淡，食到醬汁是正常番茄肉醬味，香腸分量很足！和朋友坐了一個下午，環境不錯，都算是休閒聊天的不錯選擇。…Read More