hiu_yung's Profile

平時每星期都會黎呢度食一兩次早餐，今日早餐食左半碗雞菇米粉發現有蟲，同職員反映後，職員有問換個碗，但我地拒絕話唔食啦，職員之後表示會同經理講，但之後都係見佢走去倒左碗米粉，無再同我地跟進或任何表示，道歉都無一句😅——————————————————————————————-——————————————————————————————-——————————————————————————————-…Read More

Old photos, but just for the record - the pork chop was better value for money than the signature Beef Wellington..🐮 Beef Wellington $625見好多人入黎都係為左beef Wellington, 個人感覺就無一般般，不過不失，肉味唔太濃黎到呢度當然食埋個景啦，想坐窗邊，記得預早book 定啦🐖Iberico Duroc Pork Chop $455呢個價錢平啲，但絕對仲好食過beef Wellington，肉質好嫩唔乾，最推薦依個🍟 Truffle Fries $110🍮Crème Brulee $85意外地幾大碟…Read More

位置唔太顯眼，但勝在餐廳既日式裝潢私隱度高，座位亦好闊落又有卡位。呢度提供日本產和牛，每日有唔同激安優惠，最重要係好難得地星期一至四有無限時既燒肉食，可以坐低慢慢傾慢慢食。芝士櫻花黑豚 $88最鐘意依款，燒完油脂逼出黎後非常香脆，再加上芝士粉，好好味。極上網燒一口牛（鹽燒） $88第二最推介既係一口牛，油脂感幾重，食到最重既牛肉香，所以一啲都唔靭。香蔥薄切牛舌 $88牛舌肉質爽，加上蒜香，幾惹味，不過個人就較傾向鐘意厚切牛舌啦，會更加有咬口。鹽燒牛肋骨肉 $98呢款肉味最濃，油花分怖平均，稍微燒一兩分鐘，入口幾嫩滑既。配檸檬汁就最夾～芥末八爪魚青瓜 $48青瓜同八瓜魚幾match，八爪魚都幾多，係幾唔錯既一碟前菜柚子讚歧冷烏冬 $88食咁多燒肉，好需要啲清新既菜式，fresh 一fresh 口腔。幾鐘意個柚子醬芥末醬～…Read More

✨今日同朋友黎左呢間幾有格調嘅餐廳，黑色既牌匾好有格調，而且食物質素唔錯，今次黎朋友一齊慶祝，渡過左一個好開心又浪漫既晚上。🥟意大利雲吞 $98有時意大利雲吞用忌廉汁煮會好膩，但係佢呢個佢個雲吞用咗蕃茄汁煮，係一個好開胃既Starters🦐香煎大蝦龍蝦汁手工闊條麵 $158 (+$38 套餐）闊條麵麵質煙靭，幾有口感，同埋啲麵掛汁，充滿龍蝦味。最重要係蝦肉幾大隻幾新鮮。🐂燒美國封門柳配薯菜 8oz $228 (+$38 套餐）封門柳嘅特色就係肉質鬆軟，不易變韌，望落去好生，但其實食落去口感岩岩好。而且佢牛肉味極濃郁，配埋啲蔬菜波波，擺盤亦好優雅。🥗套餐 - 凱撒沙律份量幾多。有Parma Ham片，而且配埋芝士碎同埋羅馬生菜整個口感剛好，比出面嘅高質。🥣套餐 - 牛尾湯好欣賞餐廳別出心裁準備呢個湯，平時可能都係飲紅白湯，依個湯每一啖都有牛尾味，因為佢真係好足料，飲湯可以食埋牛尾。🫖套餐 - 血橙果粒茶 （圖右）未食過血橙，但係第一次飲血橙嘅茶，酸酸地，同埋餐廳好有心咁俾埋蜜糖我哋，如果怕酸嘅人都可以加番啲蜜糖緩和一下。🫖套餐 - 蘋果薑果粒茶 （圖左）蘋果味幾突出，姜又可以驅寒，幾養生。大家怕薑太寒又可以加番啲蜜糖中和番。🎂🎇餐廳知道我哋帶咗蛋糕，仲好有心機咁俾咗支星星蠟燭我哋，靚到好似放煙花咁，第一次見到咁別緻既蠟燭，係好適合同朋友黎慶祝既地方～…Read More

🌿牧羊少年咖啡館大多座落於表演或展覽場地，今次尖沙咀新開既café 亦不例外，就係文化中心地下，位置非常方便。之前都試過食其他分店，但感覺食物普通，無咩記憶點，而今次新裝修既環境唔錯，雖然平日黎已經坐滿人，（幸好門外可以坐住等叫號）不過餐廳無限時，幾岩同朋友黎的。🍳英式早午餐 $138比普通all day breakfast 特別既係有比目魚柳，不過魚既份量就好細一舊。款色係豐富既，其他仲有酸種多士、藍莓乳酪、豬肉腸、蕃茄黃瓜雜菌、炒西蘭花苗，至於酸忌廉炒蛋就無咩特別。Lunch set 2 course $118🍆Starter: 味噌白芝麻茄子田樂燒茄子皮有焦香味，茄子肉又綿滑又入味（味噌醬），希望份量可以多啲啦。🐂Main course: 紅酒燴牛肉扁意粉意外地唔錯喎，份量夠，意粉幾重牛肉味。牛肉肉質夠腍，亦配唔少雜菌粒，口感幾好。☕️Free drink: Matcha Latte & Flat White…Read More

平時去開妹記同女人街，今次第一次試隔離既韓國餐廳，見到餐牌既價錢都非常實惠，仲要$88 就有韓燒放題雖然牛肉唔係任食，但咁既價錢有雞豬牛既韓燒放題真係好抵食前菜份量都幾多，有唔少得既泡菜、芽菜同菠菜。最鐘意係佢既豆瓣醬放題包汽水一杯。除左豆瓣醬，仲有豉油同麻油。咁多款肉類之中，我覺得五花腩、豬扒同雞髀肉最好食。其他既仲包括柚子雞翼、豬大腸同雞腎仲有芝士腸午餐肉，而蔬菜類就有薯仔片、南瓜同粟米，原來薯仔片都幾岩韓燒食，幾香。醬油豬扒最入味，不錯～黎韓燒當然食生菜包五花腩，再配豆瓣醬，味道好夾～環境尚算乾淨企理，而且服務態度都幾好，幾岩同朋友一齊韓燒吹水…Read More

好耐無寫食評。實不相暪，呢間係我係OpenRice search 旺角，然後碌到好底先發現既餐廳，發現意外的不錯，又令我想寫番個食評推介下餐廳置身唐樓，內裡係工業風佈置及裝修。而且我就係鐘意客人唔多靜靜地既地方，服務亦幾好，景觀幾開揚，係一個幾舒適既地方。🌮 芝士粟米肉鬆餡餅 Full $158台灣肉鬆蛋餅mix 墨西哥餡餅，意外地幾match，好食😋🍳薯仔蛋餅$115（加煙肉 +$25）內𥚃放左唔少薯仔片同洋蔥，相比其他tapas restaurants 既薯仔蛋餅不過不失，不過都值得一試既.🍅芝士烤肉腸配自製蕃茄醬及Mobin 醃椰菜 $88因為好想食醃椰菜就叫左，同以蕃茄醬&芝士配肉腸幾好～.☕️Iced Latte $45唔錯幾香，加上餐廳唔多人，非正餐時候黎，幾個人上黎飲杯咖啡食野吹水應該也不錯。.好想試埋龍舌蘭cheesecake，但係太飽，唯有留番下次再戰。…Read More

🇻🇳越菜唔一定淨係食pho，呢間中環越南餐廳最近出了新menu，有唔少高質fusion 菜式。🐽加拿大豬鞍 $248最愛既一道菜～一上枱幾有排場，蘋果木煙燻味好香。豬鞍用慢煮方式處理，所以一切開肉質好粉嫩，食落口感非常juicy，香茅辣醬好開胃，絕對物有所值，最推介～🌯雞肉叉燒松露醬米紙卷 $98上面加左燒過既雞叉燒同昆布魚籽，肉裡有黑松露醬配慢煮雞肉同檬粉，口感同味道層次都好豐富。一向都鐘意食米紙卷，因為感覺比炸春卷fresh好多，的確好適合夏天食。🍕米紙薄餅 （魷魚、蝦仁、青口）$98第一次食用米紙整既薄餅，感覺比普通薄紙更加light 。米紙口感好脆，上面加左唔少海鮮，再配胡志明醬（混左沙律沙嗲醬）🦞Prime 炒蝦河 $148除左虎蝦及上面鋪滿既櫻花蝦，河粉仲特意用龍蝦汁炒，所以上菜時已聞到陣陣龍蝦味，入口蝦味非常濃郁。☕️蜂蜜椰奶越南咖啡下層有蜜糖，等咖啡滴完再加入旁邊既淡椰奶，有咖啡同椰奶香。🍺越式mojito份量幾大杯，而且比普通mojito 多左紫蘇葉既香味。…Read More

🔥每逢冬天，就好想食韓食，夠熱辣辣，今次就第一次食韓式串燒。🔸係旺角新開既韓食店，所以人流唔多，不過環境算不錯既，手機落單幾方便🍺韓國Hite Terra啤酒 $100一坐低，店員就熱烈介紹Terra 啤酒，話韓國多左人飲依款，而家100蚊有成桶6枝，都真係幾抵飲，幾個朋友黎岩曬。第一次飲依款，飲落都算順滑易入口既🍽前菜送既，店員話係鋪頭自己整。食落泡菜入味但唔辣，岩唔食得辣既朋友。🍢串燒：韭菜$13, 牛丸$18,火雞腎$16,豬大腸$19,燒賣$18,娃娃菜$13,七里香$28,羊肉$28叫左一大盤串燒，下面有火保温，大多十幾蚊一串，價錢都相宜既。其中有幾款我比較鐘意，七里香，娃娃菜，羊肉同燒賣（韭菜豬大腸我本人唔食，不予置評😂）🐓七里香係店員推薦，我地叫果時都未知咩黎，原來係雞尾，但食落係有驚喜，好香油脂，好岩做串燒。🐐羊肉我本來都唔太好，但呢串無咩羶味🟡燒賣燒完口感很不錯～🥬食完幾串口乾，最後食串娃娃菜岩曬，燒完仲keep 到好多水份🍆蒜蓉燒茄子 $58一大條茄子另上，皮脆肉軟，落左好多蒜蓉都幾入味🍲芝士蕃茄雜錦海鮮泡菜湯烏冬 $168食之前要撈一撈，因為落左三重芝士～好足料，的確有唔少海鮮。食過唔少韓式海鮮湯啲海鮮既肉都梅曬，但呢度既海鮮算好食。湯幾好飲，將串魚糕浸落啲湯度食岩曬。…Read More

🐥本人幾鐘意食雞翼，放題就岩曬我依啲無主見又想試云咁多隻味既人。今次黎到餐廳幾有聖誕氣氛🎄一行二人我地揀左10隻口味既plan ,百幾蚊仲包埋free flow 野飲~其實除左無供應既Buffalo ，其餘9款我地都試曬，每叫1款口味就上4隻，所以我地今次其實食左36隻，超滿足😆😆😆🌶死神 Reaper 本人好辣，但今次依個醬真係唔係流，都真係幾勁下。☕️Espresso BBQ 咖啡香味用咖啡做雞翼幾特別～本身都常飲齋啡，唔太好咖啡既朋友可能會覺得略有苦味。🧀巴馬臣芝士蒜蓉味 Call Style鋪滿左滿滿既芝士碎同蒜蓉～🍯黑芝麻海鮮蜂蜜Hoisin應該係唯一一款甜既，而且係濕醬，所以幾入味🔥蒙古燒烤味 Mongolian BBQ同Cajun有點類似，但更香，因為孜然味重，仲有芝麻增加口感。🥗田園風味 Ranch壓軸講我地一致覺得最好味就係依款～係sour cream 😍😍亦係最夾最入味既一款，想encore 但我地個肚已撐唔落了。👭👬約多啲人，相信就可以試多幾款，不過今次都食左唔少，盡興了…Read More

🌕幾鐘意以月球主題，天花好多波波燈幾靚，餐廳有分內外環境，夜晚黎幾浪漫。好彩早少少黎又book 左枱，見夜少少已經有人要係出面等下，所以最好book 枱啦。🤩吧枱真係都幾靚。Phœnix $78Sagitta $78🍹第二日要翻工，唯有飲無酒精飲品，要左兩杯mocktails ，驚喜地唔係平時飲果啲好假既味，兩杯都幾清新。Sagitta 仲有成大個grapefruit 比我.🍕J.Moon Pizza $128Pizza 唔算好大份，不過幾鐘意有個流心蛋係上面，岩啲驚食pizza太乾既人。咬落feel到好多bell pepper同蕃茄醬。🍲Japanese Eel and Edamame Risotto with Teriyaki Sauce $148呢款係我同朋友最鐘意既，未試過燒汁配risotto ，幾match, 都幾surprised . 影張Close up ，有唔少料架，鰻魚，菇同毛豆，係款好日式既risotto ~🐓Nachos with BBQ Chicken $98比我想像中少，不過出面大多配牛油果莎莎醬，呢次配bbq chicken係比較惹味既。.👍要讚係我哋都覺得呢度既服務幾好，語氣都好nice,我去廁所發現有人用緊，店員廢事我係出面等，叫我坐低先，有人出黎先提我，我覺得幾貼心😎…Read More

🥸近排係佐敦一帶發現山林道都幾多餐廳，而just’er 店面雖小，但玻璃門面透光，所以日頭黎到無開燈都夠光既，而且店裡好多裝飾，連餐具都幾有質感。🍱原條醬鰻魚飯 $88 呢個份量夠曬，原條鰻魚奉上，醬汁撈飯唔錯，仲有玉子伴碟，夠曬日式。.🍝黑松露牛肝醬卡邦尼意粉 $68 賣相比較普通，但係要讚好香好creamy ，內裡有唔少煙肉同甜洋蔥，香到bf 係我食完後話聞到陣黑松露味😂😂😂🍍菠蘿熱情果沙冰 $45 酸酸甜甜既菠蘿熱情果，整做沙冰消暑一流…Read More

😇記得好耐之前黎過一次，印象中次次經過都排長龍，而且價錢係銅鑼灣黎講算相當相宜。今次再訪，幸運地唔洗點排隊，但店裡其實都坐滿人了。🤍肉燥凍豆腐 $22見個個都一黎就講豬扒，其實我好鐘意依度既凍豆腐，食炸野配依個真係岩曬，豆腐幾滑，中和番個油膩感。上面鋪既肉燥好好食，肉粒都唔少，再灑上好多木魚絲。🐖蔥油豬扒 撈粗 $64😎幾大一碗，放到滿滿的。豬扒上面鋪滿蔥油，好香。😚炸到金黃既豬扒，用筷子一夾塊已經感覺到好脆，又夠熱，依個價錢咁大塊肉的確不錯。☺️麵條香靭，撈粗非常惹味。. 另外加幾蚊叫左罐可樂～.成個餐牌價錢都幾抵，主要係豬扒同滷水小食，呢間鋪唔洗一百蚊真係會食到飽…Read More

🌃環境氣氛不錯，可惜落雨，下次黎一定坐露天位🍺Corona Beer $35 (5-6pm)Crazy hour 既drinks 幾抵，最平係3-4pm 只係$18🫓Triple Color Flat Tortillas Taco $98蟹肉配青瓜最好食，另外兩款係大蝦牛油果&三文魚莎莎醬，整體light & fresh 既🐥Mexi Wings $118依度野食普通，但最鐘意依碟雞翼，好 chrispy 又惹味，好微好微既辣，配ranch dressing 幾夾。🍕Margherita Pizza $128芝士夠，但略嫌蕃茄醬唔夠…Read More

😎不時黎D2 place 閒逛，淨係顧住係商場覓食，原來幾分鐘既路程，依座大廈已經有唔少餐廳。🌃內裡裝修幾靚，夜晚黎都幾有情調。一睇發現餐牌係我一直有follow既插畫家腔叔,仲要係度扮beauty and the beast 好鬼馬😂🍟黑松露醬薯條 $68都幾大盤，黑松露醬比出面食到既較甜，薯條上枱夠熱夠脆🦆法式低温慢煮鴨脾配香橙黑醋汁 $178幾鐘意依碟，好豐富。鴨脾好惹味，鴨肉味好濃，底下既薯蓉配黑醋汁好食。一開始以為個汁有橙味，原來個香橙係原件上碟，仲有唔少蔬菜，最鐘意煮到好淋好似啫喱口感既cherry ，好fresh 口感又豐富，平衡番鴨脾既油香。🐂芝士煙肉焗大啡菇伴澳洲草飼肉眼扒8安士 $208肉眼扒好多份量。食樓上餐廳牛扒可以好參差下，最怕一陣粉味，不過INN無伏，肉味幾濃，咬落少筋有肉汁，我覺得依個價錢黎講可以話係幾抵。我bf 咁大食都話食到好飽…Read More