lovebirdv8's Profile

依間餐廳新開張到宜家，都食過幾次lunch，會定期轉下餐牌。今次頭盤叫左三文魚刺身配蒔蘿汁及炸饅頭伴練奶泡泡。三文魚就無咩特別，無咩三文魚油味，上次叫北海丼飯都係普普既感覺，個人覺得依間餐廳日料果part比較弱，其他西亞fusion菜式會好食好多。炸饅頭伴既泡泡口感輕盈，有奶香味又唔會太甜，連炸脆既饅頭一齊食唔會覺得滯，未食過既可以一試。主菜方面，叫左xo 醬珍珠帶子蟹肉炒米形意炒，夠乾身香口，米意粉有dd彈牙口感，配料都算足。另一個主菜係Mac & Cheese，用左中式臘腸入饡，芝士有淡淡臘腸酒香味滲出，襯熱食果時幾好食，算係融合得幾好既配搭。…Read More

一直bookmark左，今日終於去左試。調酒酒精好足又好飲，hh 時段個價仲好平。叫左八瓜魚沙律，蕃茄青口，燒豬肋骨同牛扒，碟碟份量都好足，配菜又多，仲好食過某d所謂高級餐廳，同行友人都好滿意依餐。…Read More

見佢出左午餐，終於走左去試～依排無左辣撈麵，於是叫左吉豬池魚咖喱餐，上碟擺盤又靚又豐盛，炸物炸得夠脆，唔油，肉唔乾，池魚好厚肉，幾好味。餐既菜份量都好足好新鮮，感覺健康左，咖哩汁偏湯咖喱，連飯食濕濕地幾好。80蚊無加一，包老火湯同野飲，飲品選擇都算多，今日既老火湯係螺片湯，住家湯既味道，無味精，幾好，不過細碗左dd，唔夠喉😂知自己食唔曬，叫左少飯，結果都有剩飯，食完成個餐都好飽lu，下次會試埋佢其他菜式～…Read More

鋪頭細細，不過坐位唔迫都算舒適，似日本d家庭小店feel.食物款式都算多，串燒嚟講價錢相宜，叫左雞肉、雞胸軟骨、大蔥、豬腩肉同牛舌，燒汁味道唔錯，即叫即燒，燒物燒得啱啱好，燒牛舌唔韌，保留到肉汁得嚟有點焦香。燒雞皮好香口，好似食脆片咁！海鮮方面，叫左xo 蒜燒蠔同聖子，仲有鹽燒鱔，食材新鮮，唔係急凍霉貨。蔬菜方面，叫左蒜燒茄子，蘆筍，菠蘿仲有芝士大啡菇，大啡菇燒夾住芝士煙肉燒，食落口勁爆汁！最後，甜簡簡單單燒飯團，燒得面脆內軟唔乾，好味，最驚燒到乾硬既飯團，依間火侯控制得好好！飲品選擇唔算多，都係啤酒汽水果d啦。掛住食都無影相，食到得番飯團先醒起😂…Read More

路過想食日本野，又想試下新餐廳，見依間麵有d人流，就去左試。點左個刺身定食餐$188，諗住都唔會太差，點知依間野可以差到我忍唔住寫食評😮‍💨前菜沙律係好普通麻胡醬沙律菜，正正常常，除左醬多左d。然後我等左20分鐘都未有野上枱，依個時候侍應攞左一堆即沖麵豉湯包出嚟！然後跟餐麵豉湯就上枱了……等多一陣，刺身同飯都上枱，一睇，仲以為自己俾幾十蚊食緊爭鮮🙄🙄同價係灣仔食過幾間日本餐廳，都有擺盤靚刺身，依間既刺身同食自助餐自己夾既一樣樣，唔明點解要等成20分鐘出餐🤬飯食落唔似平時日本餐廳既日本米，零彈性零米味。最後跟餐要左芝麻味雪糕諗住唔會衰，點知食落淨得一口雪氣味，完全食唔到芝麻味💩依間野適合推薦俾同自己有仇既人食😮‍💨😮‍💨😮‍💨同價位既日本野係灣仔大把高質過佢，無必要浪費錢去食依間垃圾…..…Read More

本來想試麻辣味，不過賣曬，最後買左甜酒濃朱古力味，唔甜朱古力味濃，幾好食，送茶同咖啡都好夾🤩店員話下次買攞番個盒去會平十蚊，即係20幾蚊有一桶，平左又環保左👍🏻…Read More

打去訂位，一開始已經講左時間，同幾位，可能因為口罩關係，所以聽唔清對方講咩，客氣問一句可以講多次嘛？對方即刻用晦氣惡劣既態度回應。未食已經一肚氣，轉book第二間算，無謂貼錢買難受🤬…Read More

同朋友一行六人，特登去試烤鴨，結果失望而回。招牌菜烤鴨皮係脆既，不過完全唔香，無鴨味。烤鴨配料同醬好似好多花款，但係都係唔好味，特別係個果醬，加落鴨度食好似食緊香口膠錦。另外叫左碟雞，零雞肉味，肉質粗鞋其他炸肉丸同肉排中規中舉荷葉飯煮得夠味香口，不過份量偏少最後個鴨肉豆腐湯，豆腐唔滑又硬，湯既味道正常無驚喜雖然俾左張大枱，大枱係望到海景，但係枱或放左一大堆紙皮箱，結果腳想伸展下都被頂住。錦既質素埋單要16xx，可以有更多選擇…Read More