食物款式都算多，串燒嚟講價錢相宜，叫左雞肉、雞胸軟骨、大蔥、豬腩肉同牛舌，燒汁味道唔錯，即叫即燒，燒物燒得啱啱好，燒牛舌唔韌，保留到肉汁得嚟有點焦香。燒雞皮好香口，好似食脆片咁！
海鮮方面，叫左xo 蒜燒蠔同聖子，仲有鹽燒鱔，食材新鮮，唔係急凍霉貨。
蔬菜方面，叫左蒜燒茄子，蘆筍，菠蘿仲有芝士大啡菇，大啡菇燒夾住芝士煙肉燒，食落口勁爆汁！
最後，甜簡簡單單燒飯團，燒得面脆內軟唔乾，好味，最驚燒到乾硬既飯團，依間火侯控制得好好！
飲品選擇唔算多，都係啤酒汽水果d啦。
掛住食都無影相，食到得番飯團先醒起😂
