七彩蝦片's Profile

中環皇后大道中的一間型格日式西餐廳，位於萬年大廈14樓，裝修型格，分室內及室外，客人多數於室內享用晚餐，而室外就係比較casual飲嘢好地方。我同朋友先叫了兩個Cocktail，ONYX及 JADE外觀十分吸睛，首先打卡一流，而且味道不錯！Hamachi先來這個油甘魚刺身，配上味噌醬，魚生厚切食落油脂甘香，加上獨特的醬料， 十分鮮味Pickled Tomato Salad新鮮蕃茄感覺非常清新，配上芝士，可口醒胃Caramelised pumpkin這個南瓜十分特別，南瓜外層佈滿脆脆焦糖，食落外面脆脆的而裏面淋滑的南瓜，很有特色。Tonkatsu吉列炸豬扒大大塊，外面吉列炸得鬆脆，而裏面的豬扒亦都很Juicy，加上芝麻醬，有傳統日式炸豬扒的水準！Hairy Crab Butter Udon這個烏冬很值得推介，烏冬十分煙靭，表面滿佈蟹肉及蟹黃醬汁，服務員幫我們將雞蛋撈勻，食落味道濃郁而不油膩，鮮味好食！Mini Melo Daifuku 及 match cheese cake南瓜糯米糍非常煙靭好食，裏面的南瓜餡香甜，配搭不錯。抹茶芝士蛋糕亦充滿日式抹茶味道，這個芝士蛋糕不太甜，啱晒我口味！這裏環境及食物質素都很不錯，啱晒放工同同事朋友嚟食個晚餐，與及飲杯精緻嘅Cocktail的最好選擇！…Read More

香港女士有福了！終於不用到外國也有香港本地的猛男show由肌肉型男展現肌肉性感的辣身舞蹈，有魔術表演，有身材火辣的女舞蹈員表演的鋼管舞，也有浪漫優美的故事性舞蹈，每個表演都非常吸引，特別是肌肉男神與台下女士之互動環節，令大家都心跳加速。我也是其中一位被抽中的幸運兒，能夠到台上與型男互動，大跳貼身舞，真是回味無窮。 每一位入場人士都包一杯美麗的Cocktail，與及小食，全個表演大約兩個半小時，一個接一個的表演沒有冷場，而且每一場都有不同主題及特色，如果想有個刺激及熱血沸騰的晚上，就約埋其他姊妹一齊去睇show啦！…Read More

呢間打卡餐廳佈置很有特色，到處都是打卡熱點，啱晒三五知己嚟聚餐同打卡！因為今天落雨沒有到露天的天台樓層，那裏看開陽的海景更佳！受歡迎嘅二人晚餐，先來過意式薄切和牛薄片，加上醬汁，再來西伯利亞13年魚子醬非常鮮味，配上白酒一流，質素確實不錯！香煎日本刺身帶子半三文魚子，煎得剛剛好，配上特製醬料，清新易入口。澳洲B2金箔嫩牛柳為主菜，成片金箔鋪上牛柳上，非常矜貴，牛柳三成熟是我喜歡的熟度，非常鮮嫩，牛味濃郁好好食呀！避風塘XO醬原隻鮑魚蜆肉意粉，小小辣，惹味而且有特色！最後隕石芝士蛋糕為甜品，令今晚晚餐畫上圓滿句號！最後當然唔少得同朋友瘋狂打卡啦！#Arcadia #銅鑼灣美食 #香港美食 #hkfood #hkfoodie #hkfoodstagram #hkfoodlover #少女打卡餐廳 #打卡餐廳 #生日晚餐 #BirthdayDinner #BirthdaParty…Read More

銅鑼灣呢間台灣人氣過江龍甜品店位於熱鬧嘅銅鑼灣，自然吸引唔少潮人來食他最出名的芋圓。今日天氣非常之熱，當然就試吓他的冰凍甜品。「芋見幸福」 原來係由芋頭冰做底，上面有芋圓、紅豆、西米露、珍珠，以及佢嘅重點芋頭蓉。首先芋頭冰底軟綿綿的非常有芋頭味，加上芋圓紅豆，煙靭的很有趙口，而我最愛他的芋頭蓉，少少甜很香芋頭味，真是非常好食。「提拉米蘇雪花冰」望落十分吸睛，打卡一流。牛奶味嘅雪花冰軟滑香甜，非常綿密，絕非一般雪花冰水準，果然係台式過江龍甜品，冰上面有Tiramisu嘅芝士，當然有朱古力粉，而雪花冰裏面亦有朱古力餅乾碎，加上附上嘅咖啡醬汁，淋落去加添了咖啡味。這個甜品值得推介。「焦糖串串」煙煙韌韌的糯米團外面包住鹹鹹甜甜的奶蓋，再加上鬆脆的焦糖脆脆，簡直是配合得天衣無縫，有鹹有甜，多重口感非常好食，這是我第一次食這種串串，下次必定是其他味道的。這間不愧為台灣甜品過江龍，這裏的甜品確是不錯，剛好他們正做緊Phoebus 應援，不是fans的我也打了卡。這間餐廳粉紅色裝修啱晒三五知己與及與閨蜜地食甜品享受一下！…Read More

旺角呢間在豉油街不起眼的台灣麵店，原來食物非常有水準，而且很有傳統台灣風味。大約六點的時間到來，客人都坐滿，應該是非常受歡迎的。蕃茄牛肉牛筋麵 $79呢碗牛肉麵真有驚喜，首先蕃茄湯底十分濃郁，有蕃茄嘅味道，而牛肉及牛筋非常大件，非常厚切，而且炆得非常入味，牛肉好似牛腩咁入口即溶，大大啖非常好食，牛筋亦都非常大件，而且有口感。而麵質亦都是我喜歡的不是太腍的那種。整體這碗麵真是不錯。蚵仔酥（炸蠔仔酥）$49蚵仔酥炸得鬆軟，而且比我預期的大碟，裏面嘅蚵仔有鮮味，外脆內軟，如果要來送酒簡直一流。金橘檸檬話梅汁$17試了這杯金橘檸檬話梅汁，我就喜歡少甜，飲落清甜潤喉，味道剛剛好，剛剛吃了炸物，飲返這杯潤吓喉確實啱啱好。咁特別嘅飲品值得推介。雖然只是個簡單晚餐，已經感受到店舖對食物的熱誠，這間有傳統台灣風味的麵店，下次會再來幫襯！…Read More

位於蘭桂坊樓上的這間親民鐵板燒，開業不久便吸引很多人來幫襯。裝修高級舒適，我選了坐吧枱可以與廚師傾偈溝通。有不同套餐選擇，豐儉由人。我選了$688的套餐，已經有九道菜，食材新鮮，而且廚師的烹調技術一流，值得推介。前菜兩款（漬物）先黎個前菜有三文魚他他及三文魚軟骨。感覺清新味道特別好味，加上我點了的菊正宗清酒，為今晚嘅大餐有個好開始。招牌沙律黑松露三文魚沙律，黑松露及三文魚配搭絕配好食，配上沙律菜，非常清新刺身一品是令魚子生蠔，這個生蠔十分之驚喜，上碟時有乾冰襯底， 加上蝶豆花，很有仙氣打卡一流，而且食落鮮甜好食，非常Creamy，冇令我失望。鐵板海鮮兩品我選了虎蝦及日本元貝，朋友選了慢煮鮑魚及白鰻。先要讚廚師嘅廚藝一流，每樣烹調功夫了得，調味好，但又不失海鮮嘅鮮味。尤其白鰻煎得外皮非常鬆脆，令我讚不絕口。鐵板料理我選了澳洲牛柳粒，肉質鮮嫩，一粒粒方便放入口，而且煎得外面甘香，裏便軟滑，很不錯菊花豆腐白麵豉湯這個用杯子上，奶白色的麵豉湯香濃鮮味，飲落即刻全個身暖晒，配襯炒飯，簡直絕配。黑松露海鮮炒飯這個黑松露海鮮炒飯值得一讚，除了調味非常好食，廚師加了一粒粒脆米非常有口感，加上黑松露的香味，是個不能抗拒的炒飯。時日甜品紅豆爆珠柚子雪葩，酸酸甜甜的柚子雪葩配上甜甜的紅豆爆珠，清甜得來又爆趣好玩，我喜歡這個甜品！這個性價比十分高的日式鐵板燒地點方便，與同事朋友放工來共聚是一個很好的選擇！…Read More

西環呢間西餐廳格調一流，而且有歌手現場唱歌，氣氛浪漫。食物非常有水準。而這裏出名生蠔，有多種生蠔選擇。生蠔方面我選了Gillardeau及Castillo, Gillardeau是法國名牌生蠔，當然有一定水準，海水味夠而且味道濃郁，非常Creamy，而 Castillo來自西班牙，味道清甜，肉質同樣Creamy，配上我們的白酒，與及white Sangria，簡直是絕配。前菜我選了「檸汁醃八爪魚」以及「西班牙蒜味蝦」，兩個前菜都份量十足，味道絕對不會迅色。檸汁八爪魚肉質鮮味煙靭，酸酸的檸檬汁，加上牛油果肉，非常之開胃。而西班牙蒜味蝦用鐵鑊上，熱辣辣的味道不錯，配上法包，非常好食。「炭燒澳洲斧頭扒」，雖然我們叫了s size份量，份量都非常大件，我們叫了medium rare，肉質鮮嫩牛味濃郁，而且有炭燒嘅香味， side dish 配上薯條，絕對係高質牛扒嘅級數。最後甜品我地好貪心樣樣都想試，所以叫咗「甜品拼盤」，包括有雪糕、Brownie、cheese cake、crème brûlée. 樣樣都唔錯，我特別喜歡那個crème brûlée，非常Creamy表面焦糖非常鬆脆，好滿足傾偈、聽歌，與及享受美食，環境情調浪漫，真係啱晒朋友、情侶來聚餐談天！…Read More

在中環雲咸街的一間裝修時尚的格調餐廳，門口紅磚牆再加落地玻璃，燈光昏暗，適合情侶或朋友來飲個happy hour，或者享受晚餐傾吓偈。今日星期三，餐廳做burger買一送一優惠，我同朋友即管試一試。1. Cocktails我同朋友先每人叫了一杯Cocktail，我叫了杯Klean as Kale, 有kale 、生果及牛奶，非常之清新好味。另一杯有青檸、橙及梳打，甜甜酸酸的非常開胃。這裏的Cocktail味道不錯，而且非常之清新，啱晒配襯漢堡包。2. 由於星期三burger買一送一，我哋當然就叫burger啦！我們叫了Signature beefy smash burger and fries. 而餐廳是出名素菜，當然就叫一個素食burger試吓，另一個burger就叫了Vegan Supreme burger and fries.A. Signature beefy smash burger 漢堡扒係用澳洲安格斯和牛做的，漢堡扒非常Juicy有牛味，而個麵包係特製嘅焦糖洋蔥包，非常之鬆軟而且微甜香味，非常好食，配上沙律菜份外清新B. Vegan Supreme burger and fries.呢個素材burger，主要係用南瓜做個漢堡扒，非常香甜而且煙煙韌韌，很有特色，加上牛油果以及其他配菜特別清新，平時很少食素菜的我都覺得非常吸引，素食愛好者一定很喜歡。我們還選了番薯條做side Dish，甜甜的非常好食。3. 甜品方面，我們選了Classic Carrot cake & Purple Ube Cake. Carrot cake不是太甜，而且非常之健康，而Ube cake 質地非常厚實，忌廉非常之香甜充滿香芋味，食落非常之吸引，食到唔停得口。呢間餐廳地點方便而且有格調，座位舒適，而且食物唔錯，趁住有買一送一優惠，真係值得一試！…Read More

在灣仔藍屋對面的一間美式pizza餐廳，一半是酒吧，另一半是傳統美式裝修的餐廳。最適合三五朋友放工之後來暢飲及共聚晚餐！1. Popcorn Shrimp $148頭盤有爆谷蝦，一口一件size啱啱好，外皮炸得鬆脆，裏面嘅蝦肉彈牙，而且外面包着一層四川風味麻辣醬汁，輕微辣絕對啱我呢啲喜歡刺激，又不能食得太辣的朋友。這個爆谷下蝦非常惹味，要來送酒一流！2. Gnocco Fritto $58這是餐廳的招牌餐包，麵包質地厚實，外皮炸過食落甘香好味，加上新鮮蕃茄醬汁，這個餐前麵包非常之有特色，值得一試！3. Rigatoni Alla Vodka $188這個長通粉，是這餐廳特製醬汁製成，加上蒜頭香料與及微辣，食落通粉軟硬度適中，而意粉上面嘅芝士是由侍應即時加上，份量可以隨你意願加減，這個意粉微辣味道濃郁，都非常吸引。4. Frank’s White Pizza $289嚟到食pizza餐廳當然就梗係食佢嘅推介Frank’s white 啦！中size都非常大個，我們四人都食唔晒！ pizza味道濃郁，上面的德國腸及肉丸味道濃郁，加上芝士、茄醬及其他香料，十分有特色，喜歡吃pizza的，不要錯過啊！5. Tiramisu 是傳統意大利風味的Tiramisu，忌廉軟滑而裏面的lady’s finger吸滿咖啡香味！這個甜品為我們這一個晚餐或上圓滿句號。…Read More

House FiftyEight Dinner Set 這次來到觀塘的工業區嘗試House FiftyEight晚餐。晚餐餐單不算昂貴，菜式甚不錯，是不錯的用餐體驗。烤慢煮嫩雞胸&凱撒沙律雞胸質感很不錯，不會煙韌，凱撒沙拉有一貫的清新，用料感覺新鮮。烤鐵板吞拿魚沙律精緻的厚切吞拿魚均勻地塊塊堆疊在沙拉之上，吞拿魚條紋有致，質地嫩滑，有鮮甜的魚香。個人很喜歡吞拿魚上的密集的黑白芝麻，烘焙感覺特別明顯，沙拉洋溢著魚生和芝麻混合的口感與口感。加上種種蔬菜，青綠橙紅紛呈，相當不俗。澳洲特級寶雲蘇羊架特意上網研究一下什麼是寶雲蘇羊架，原來這是指一道起源普羅旺斯的南部的菜式，羊架上放上百里香等香草蒜蓉和麵包糠等烤熟。看到描述已經覺得相當吸引！很欣賞這份羊架擺盤，羊架分量豐富而肉有厚度。香草氣味相對濃厚，配上旁邊的薄荷醬，肉鮮突出，覺得特別香甜。旁邊的青菜擺盤色彩繽紛，滋潤滑溜，點綴出一旁羊肉的鮮美。蘆筍蟹肉忌廉意大利飯我向來喜歡嘗試各式餐廳的意大利飯，通過觀察醬汁濃稠、風味鹹淡、香草調味，都能讓我了解餐廳的技術手法和特色定位。這碟意大利飯有卡邦尼風格的濃厚醬汁，淡黃的濃醇的，蛋香洋溢。蟹肉碎碎的鋪滿飯上，而鮮橙的蟹子也十分豐富。蘆筍為這碟菜式帶來很新鮮的感覺，多汁飽滿，構成蟹肉奶油和嫩菜諧和的感覺。隨餐是日甜品擺盤頗為精美，黑色的瓷盤上乍看有一塊有水果的忌廉海綿蛋糕。水果風味不錯，海綿感軟糯。很滿意這次在HouseFifty的晚餐體驗，推薦給各位朋友👌🏻👌🏻…Read More

呢間人氣茶餐廳有多間分店，Tiffany Blue 及花花牆身成為餐廳icon，今日經過銅鑼灣這間分店食咗一個下午茶，一睇Menu已經非常吸引，種類多而且有特色，價錢仲非常抵食。百里香燒春雞（半隻）配美式炸薯條 $52已經包括一杯熱飲，真係冇嘢可以再挑剔！另加$15可以有追加食品，我就加了一個菠蘿油。燒春雞半隻味道充滿香草味，而外皮燒得金黃香脆，一個人食半隻已經非常滿足，加上粗身炸薯條非常飽肚。另外菠蘿油大大個，麵包鬆軟，菠蘿包皮脆脆的加上鮮牛油，簡直冇得彈。飲品我叫了凍奶茶，茶味濃，而且鮮奶夠滑，下午能食一個這樣的下午茶，非常滿足。難怪這間茶餐廳經常排長龍，非常之受歡迎，實際是茶餐廳不二之選…Read More

中環位於士丹利街11號26樓的這間日本料理，地理位置十分方便，放工便能直接約朋友同事來一個晚餐，地方不是很大，主要是中間吧枱圍着師父製作壽司、魚生、燒物與及煮物，與師父談天說地感覺親切。而且有落地大玻璃，看到中環夜景燈火璀璨，氣氛良好！魚生刺身有吞拿魚、鮮帶子、鯖魚與及深海池魚薄切，一如我所料食材十分新鮮，件件厚切非常好食！絕對沒有令我失望特色卷物拖羅魚蓉加上三文魚子，上面還有馬糞海膽！見師父將拖羅魚用人手剁碎，已是十分考功夫，而且份量非常之多，咬落去成口拖羅與甘香味道，非常突出，加上脆卜卜的三文魚子，粒粒脆爆甘香。另外馬糞海膽十分鮮甜，這個配搭特色好食。汁煮金木鯛魚頭見師傅用咗好多心機去煮呢個金木鯛魚頭，非常之有耐性，加上有冬菇、秋葵半碟，配搭得很好。這個魚頭用秘製醬汁煮成，醬汁甜甜的十分惹味，喜歡吃魚頭的絕對不能錯過！最後就是日式芝麻雪糕作個完結，芝麻味濃郁，雪糕軟滑，是真正的日式雪糕！簡單的幾道菜見到師父的心機，以及對食材的認真，想同朋友一路食一路傾偈是一個不錯的選擇！…Read More

呢間位於中環地鋪嘅意大利餐廳，門面隱蔽但非常型格，不少中環上班族到來晚餐。餐廳不算很大，但裝修有格調。最緊要食物高質而且特別，每道食物都看得出廚師的用心製作，絕對係我食過咁多間意大利餐廳最好食之一，這樣高質素餐廳嚟講價錢非常合理，而Tasting menu traditional 5 course,都係$980，絕對值得推介！Welcome champagne一坐低就送上每人一杯welcome champagne. 先為客人熱身，與朋友飲着香檳感覺relax，為這晚豐富晚餐作一個好開始！餐包侍應送上麵包藍後推出餐車，原來是介紹這裏的鎮店三款黑醋，分別係Traditional certified, 12 years, 25 years，加上意大利的橄欖油，非常講究，我本人最喜歡Traditional certified黑醋，酸酸甜甜的很有質感。另外送上白松露麵豉蒸蛋，香滑好食，白松露更是畫龍點睛，非常好食！Brittany Blue Lobster Catalana龍蝦肉切粒，再配上蕃茄洋蔥等再加調味醋汁，成為一個非常清新的前菜，口感不錯Hokkaido Scallop Gratin with Fresh Alba大大粒煎帶子外面麵包糠炸得金黃外脆，裏面半生熟，非常大粒，咬落彈牙有口感，而且非常鮮味，加上侍應即場在我們面前刨了一片又一片的黑松露，配搭帶子非常香甜名貴。Spaghetti Tomato Red Prawn Mazara del Vallo這個紅蝦意粉味道濃郁，蕃茄配上特製醬汁，非常惹味，每一條意粉都被醬汁包住，而且意粉軟硬適中，非常有口感，紅蝦份外鮮味，充滿着意大利菜風味！Taglierini zucchini Cream & Sicilian Scampi Langoustine西西里小龍蝦意大利青瓜蛋汁意粉，這個比我想像中更加好食，青瓜醬汁清甜，但有濃郁龍蝦肉，加上特製的扁意粉超級好食，口感一流，我給這個意粉很高的分數！Fassona Beef Grilled Tenderloin (for 2 Guests)半生熟的牛扒隨鐵板送上， 加上4個不同的醬汁，每個都酸酸的十分清新，有辣的、有檸檬味的、有黑松露的，很有特色。而牛扒肉味濃郁，肉質鮮嫩，而且充滿肉汁，真是沒有令我失望！Dessert首先，送上dessert wine，甜甜的非常易入口。然後送上甜品盤，非常驚喜，最啱打卡。中間是心形的雪糕棒棒，有兩種味道。另外有紫色的Barry布甸，以及我最喜愛的tiramisu，亦都非常Creamy又不太甜，咖啡味濃郁，啱晒我呢啲又怕甜又鍾意食甜品的港女！另外仲有配襯伏特加沙冰清清喉嚨。更有手工朱古力與及牛角酥，款款都非常精緻，為這個豐富晚餐畫上完美句號。這間型格的意大利餐廳，水準一流，而且價錢非常合理，我一定會推薦俾朋友！…Read More

青衣城二期的這間台灣滷味店經常都大排人龍，聽講他的台式滷味十分正宗，價錢亦都非常合理。而裝修好像台式大排檔，很有特色，主要做外賣，而店舖裏面有幾個座位，也方便客人可以店內進食。豬三樣飯$68大大的豬手十分吸睛，一啖咬落去充滿骨膠原，而滷水味濃郁，軟硬度適中，超級好食！豬耳非常爽脆，滷水亦十分入味，飯上面鋪滿肉燥，伴隨香菇，味道特別好食，要來餸飯真係食到唔停得口！胡麻醬手撕雞撈冷麵$46天氣熱食冷麵就最受歡迎，雞絲軟滑份量足，配上麻醬味道一流，而且麵質彈牙唔會太腍，我很滿意！黑糖薑母仙草+$12套餐加$12就有這碗黑糖薑母仙草，食完濃味嘅滷水，食一碗清甜仙草實在舒服不過，黑糖不會太甜，感覺非常清新，加上黑白涼粉，滑嘟嘟清甜好味套餐包飲品，我揀了冬瓜茶，平時比較少見，味道清甜下火，配襯滷味一流！而家店舖做緊優惠，可以scan QR code落單享有八折，做會員更加有優惠，我都入咗會方便下次再幫襯！…Read More

位於銅鑼灣駱克道呢間泰式串燒經常都座無虛席，今日行完街於是入嚟試一試，串燒種類非常多，價錢亦都抵食，我同朋友叫了海南雞飯，以及各種串燒，仲有雞蛋焦糖布甸做甜品呢！去骨海南雞飯 $69海南雞十分新鮮，而且啖啖肉，肉質軟滑，而且有雞味，加上油飯，以及海南醬汁，絕對沒有得輸！我非常推介！串燒我叫了豬頸肉、牛仔骨、白鱔及菠蘿，泰式醃料非常惹味，還可以選擇辣的程度任君選擇，適合唔同人嘅口味，味道濃郁，燃燒得外皮香脆，非常好食。而菠蘿配襯其他肉類，能中和油膩，是很好的選擇！龍眼冰龍眼冰可以下火，配襯火辣辣的串燒，飲番杯龍眼冰，簡直一流，而且龍眼肉非常之多，飲咗就不會熱氣呢！焦糖燉蛋這個焦糖燉蛋，令我非常之有驚喜，焦糖脆脆配襯軟滑的燉蛋，燉蛋不單止軟滑有蛋香味，而且很香的雲呢拿味，看得出是誠意之作！一定要試！呢間人氣泰式串燒店咁多人幫襯絕對有佢原因，唔單止好食，價錢合理，若果喜歡飲啤酒，更加是最好的選擇！…Read More