viva4ever的個人專頁

雞完全無問，唔夠滑，仲有啲鞋，醬汁味道好淡，似用水開過（味覺感覺），雞下嘅菜心超油，油到唔想食，飯又唔夠香，完全唔似雞油飯，整體唔合格，唔知係味整開西餐，下次試下西餐再評價。…查看更多

今日行左半日街後，已經冇心情諗食d咩，搭車返屋企附近，去小金井食宵夜算了。６９蚊半打生蠔 - 真係好平，呢個價錢真係唔好太多要求，過下口引！２４蚊一碗拉麵 - 牛肉拉麵，我地叫左豬骨湯底，我地２個都認同湯底係幾正既。９蚊２件壽司 - 叫左３款：元貝群邊塊司、蟹子沙律壽司、鱆紅魚壽司！…查看更多

之前係新浦崗訂左野有得攞，所以第一站去新浦光崗，上去拎野前我同親愛的兜左個圈搵野食。見到有間叫【金寶冰廳】，就同親愛的貢入去，試下有幾【冰】先？！不過ｄ食物真係超平，我地２個食下午茶，成檯擺滿哂食物，加埋都係食左４０蚊。不過沙嗲牛米就唔夠沙嗲汁，如果唔係就真係合哂我心意。…查看更多

早係一星期前左右約返以前既同事亦係好友出黎食飯，約好左今晚９點係觀塘APM等，而Momo就想食日本野，咁我就即興用iPhone上openrice搵下有咩日本餐廳啦！最後揀左係觀塘道【大盛り】，食物質數真係唔可以盡信openrice，唔知係唔係太多唔好既評價，所以我去食已經有所改善，因為真係ｏｋ，我會比笑口！我地３個女仔都係食左３２０蚊左右，其實唔係食左好多野，但係我同個同伴就比三文魚腩攪掂左，之後ｄ野全部由我一個包底食哂，還是我大食呢？三文魚腩 - 肥美、新鮮帶子壽司 - 新鮮、大粒比目魚壽司 - 滑哂哂好正呀芥辣八爪魚軍艦 - 好好味呀鰻魚壽司 - 我唔食，所以 no comment！牝丹蝦 - 大大隻好新鮮，真係好想再黎多round炸軟殼蟹手卷 - 上檯時仲以為黎錯，因為見到有好多蟹子、蟹柳，原來係配料黎架！炸蝦天婦羅 - 好好味，一ｄ都唔媽夫。…查看更多

其實一早PLAN好去APM４樓既【御Ｘ坊】食晚飯，由於有個朋友腸胃炎，我地就返佢搵Ｄ有得食粥既餐廳，最後就改為上多一層５樓【潮館】。好在即日打電話訂台都有位，如果唔係真係唔知食咩好！我同小朋友早左１０分鐘已經到左【潮館】，即刻去拎返個窗邊位先，大家都可以坐得舒服Ｄ，同埋望街感覺冇咁侷促！朋友到齊就點菜，４個大人１個小朋友叫左６樣野，埋單都係位位８０蚊，抵食呀！海蜇拼鴨舌：２樣都好夠味，必食小食。沙薑雞腳：入哂味，好lam呀，食左好多隻。 炸魷魚鬚：太硬，食左１－２條就停左手。通菜煲：炒到熱鬧鬧，不過炒到過左小小火，老左ｄ。半隻炸子雞：我厭太肥，不過味道就真係唔錯。方魚肉碎粥：好大窩，好好味，我應該食左３－４碗！…查看更多

剪完頭髮朋友帶左我去【北海道牧場餐廳】食晚飯！朋友叫左蛋治，好似大人國食既ｓｉｚｅ，一個女仔真係食唔哂，咁大食既我都未必食得哂，就算食哂都會飽到顛左！而我就叫左個叉燒意大利粉餐，上到台先知咁多野，冇錯，我係食唔哂既！叉燒意大利粉：湯底好好飲，叉燒都唔錯，符合我既要求唔太肥，朋友話佢地既叉燒係用太興架。（不過佢地既湯底應該係用金寶整既，因為咁岩我食緊既時候．見到有人送貨入黎。）炒蛋：好滑、好香，應該加左鮮奶一齊炒。多士：好大件呀，熱辣辣好好味！火腿：咸左小小，岩岩合格。…查看更多

黎親耀東街唔係食【鴻記】，就食【蘇記】。今次我揀食【鴻記】既→瘦腩河:)瘦腩河 → 腩炆到好lam／河粉好彈牙同滑／雖然湯底望落好深色，其實飲落好清甜！依家香港呢ｄ大排檔形式既茶檔，真係越黎越小！雖然衛生真係好差，但係我真係好鍾意個環境，完全絕對港式。…查看更多

由於男友係唔好食刺身既關係，由其係唔食魚，所以攪到我都小食日本野！但係男友又知我好鍾意食日本野，所以每次食親日本野都會揀【夏雪】，因為呢度多熟食既壽司！加上呢ｄ好似９點後定１０點後半價，諗唔到食咩都會揀【夏雪】。今晚去到唔駛等，冇人排隊又唔駛拎飛仔等位，真係好啦；其實次次黎都唔駛點等位，因為我地同男友都係夜鬼，所以唔駛同早輪既人爭！不過夜晚半價既優惠，【夏雪】提高左每人既最高消費為８０蚊一位，記得之前好似係６０蚊架咋，Anyway 每人８０蚊都好易reach到既！個人覺得【夏雪】既熱壽司係得架，生方面就真係不及... 但係咁既價錢就真係唔好多多要求。海膽雞軟骨 → 每次黎親一定要order，因為個海膽醬真係好好味！日本珍珠蠔壽司 → 細細件，半價後１４蚊就可以食當生蠔，唔好咁高要求！帶子壽司 → ｏｋａｙ海膽壽司 → ｏｋａｙ蟹子壽司 → ｏｋａｙ軟殼蟹壽司 → 應該係岩岩即刻炸起，熱辣辣好好味！大海老壽司 → 嘩！呢個係最出色架自配創意卷物８件 → 鰻魚 + 大海老，２款都咁好食！…查看更多

上個月８月１４日食【xx 廚‧藝】當晚約實今日去鯉魚門食海鮮，因為有朋友識人話平、靚、正，咁樣一定要去試下有幾平、靚、正啦？！我地一列５人約左７點半係鯉魚門等，由於攪笑遲到，所以叫我地自己行入去間酒家坐低先。去到門口先知原來當晚造訪既酒樓就係同親愛的食生日飯果間！坐低左後，小二就擺低左皮蛋、酸瓜、花生比我地食住等，不到１５分鐘等齊人上菜。木瓜豆腐魚湯 （快樂送）→好清甜，一定冇加味精，如果可以我想飲多幾碗！豉椒炒蟶子皇→蟶子勁大隻好多肉食，一人一隻，炒得勁野味！豉椒香蔥蒸元貝→個殼好大，元貝就細細粒，但係都好好味，好新鮮呀，ｄ肉好甜！椒鹽瀨尿蝦皇→超大隻，勁肥、勁多肉呀！大大條石斑→蒸得真係岩岩好，ｄ肉超滑，勁新鮮！陳皮香蔥蒸鮑魚→鮑魚好細隻，不過勝在新鮮搭夠，肉質都彈牙！芝士焗生蠔→隻蠔其實都幾大隻，芝士焗黎食我都係第一次，食落都ｏｋａｙ，不過好漏！上湯龍蝦生麵底→龍蝦唔係大大隻，但係都食唔哂，因為大家都開始飽飽地啦食到。奄仔蟹（好大隻呀）→基本上大家已經停哂手啦，我地每人半隻，我就貪心Ｄ食埋親愛的果半隻，因為親愛的淨係食蟹鋼，咁我緊係唔客氣啦！椒絲腐乳炒通菜→雖然係小小一道菜，都炒得幾好味！桂花椰汁糕→送既飯後甜品，我好似食左４件，因為好好味、唔太甜、又唔漏！西瓜、蜜瓜→酒樓送，我冇食！計數埋單時，位位３００蚊，真係抵食到冇朋友，一定要搵日再encore…查看更多

本身諗住去對面間【車x品】食大碗麵架麻, 點知去到門口先知摸門丁, 同親愛的即刻諗唔到食咩好, 行過對面馬路大家企左係度。:(我地左諗、右諗食咩，最後決定食【車x品】對面間【巴蜀】。入門口前用電話上openrice睇下d口啤先, 見到全部笑哈哈實冇死啦！:)我地２個都係叫鮮牛肉米線 配秘製麻辣湯底！又話係→秘製麻辣湯底，點解一ｄ都唔麻？一ｄ都感覺唔到係秘製麻辣。秘製麻辣湯底 好似清湯加左辣椒油咁，唔覺有幾秘製麻辣?!!可能有比教之下，完全冇得同土瓜灣既【雲x川】相比，都係【雲x川】好食好好好好好多！…查看更多

揸左架車去整，等左４個鐘有多都未攪好，好肚餓頂唔順去左搵野食，行過２條街，去左宏利剌身食壽司，全鋪得我一個人，應該係岩岩開鋪啦，埋單１０４蚊。首先我叫左左：４款壽司合共５４蚊雖然呢度屬於外賣店，唔介意環境其實都可以選擇堂食，因為師傅仔係即叫做同磋飯，基本上４款壽司都好新鮮。:(我問師傅仔：點解帶子得一件既？師傅仔解說：因為將原隻帶子放係壽司度，所以得一件。（即係帶子壽司２件既意思原來係一隻帶子切一半，咁就叫做２件。）一隻牡丹蚊３５蚊好新鮮同幾大隻，我坐係度望住師傅仔即開殼同切。４片三文魚１５蚊食完以上既食物後，見到師傅仔岩岩切完新鮮運到既三文魚，我緊係即刻急不及待叫左４件黎食，嘩～～～超肥美呀，好彩叫左４件，叫多１件都食唔落！…查看更多

唔知點解次次黎親都冇咩人，但係佢既【秘製牛肉羮】個湯底真係好好味。今次同上一次一樣，都係食同一樣野【秘製牛肉羮 配上海麵】 ，本身個人較喜歡藥材湯底，而【秘製牛肉羮】湯底正正係我至愛既藥材湯底。藥材湯底味道濃烈，入口清清甜甜！不過牛肉唔應該放太多梳打粉，令到牛肉太林，冇哂咬感；不過味道搭夠。親愛的就選擇食米線 配豬腸、蘿蔔，我就冇試過，親愛的成碗食哂又冇比comment我諗應該ｏｋ！佢地既通風設備真係一定要好好改善，打開門入門口成陣油煙味，望到鏡反射廚房係冇遮冇掩，跟本上任油ｄ油煙供出食堂，呢個真係非常之NO GOOD…查看更多

近近地行完街，諗食咩時眼見味千拉麵就即刻行入去，因為唔想諗！我同親愛的２個都係揀左【味千拉麵】 ：主配料係叉燒。唔好玩啦！跟本主配料就唔可以叫做叉燒→應該改名為肥豬肉，我完全冇食過咁肥既叉燒囉！成塊叉燒有４分３都係肥豬肉呀，點食呀？！同行有一位２歲小朋友，我用小碗分左拉麵餵佢食，將叉燒剪開細細粒，當我將叉燒放入小朋友口裡，咬左一陣，小朋友個樣即刻變哂仲吐返出黎，之後仲話：我唔食肥豬肉呀！另外叫左小食【土佐豆腐】，我同小朋友為有以【土佐豆腐】代替主配料既【肥豬肉】！…查看更多

黎親新一派只會係食下午茶，同埋一定食【湖南牛肉湯米線】，其他時段真係未試過！【湖南牛肉】真係好好味，牛肉一ｄ都唔韌，必食！:(不過呢間野既服務態度真係唔係好好…查看更多

我地７點未夠就去到西貢市中心，由於太大雨啦，我地就係車箱入面等雨細ｄ先起行去食車仔麵，我地２個都好心急，因為【松記】收８點架，我地已經特登早ｄ入黎就係想試下【松記】ｄ車仔麵，點知落大雨阻礙我地既進度。可能距離佢地打烊既時間仲有幾個字，我地叫咩冇咩，百無囉！（車仔麵最基本要有既配料係無既，好失望！）豬紅→無豬皮→無同埋佢地唔係樣樣餸都有囉，一係叫佢地既招牌麵再另叫餸去配搭，完全失去哂車仔麵既自選餸料既特色。評語唔多講啦，只係覺得唔駛山長水遠特登入到西貢食車仔麵，老實講求其搵間都好過【松記】。我：招牌金錢肚麵 $19 +（另加）蘿蔔 $4 + 魚旦 $4親愛的：招牌豬大腸麵 $19 +（另加）魷魚 $6 + 魚旦 $4飲品跟餐另加９蚊，我地２個都係飲香艼珍珠奶茶。埋單７４蚊，價錢都唔平，呢個價錢【車品品】好食好多囉！…查看更多