好在即日打電話訂台都有位，如果唔係真係唔知食咩好！
我同小朋友早左１０分鐘已經到左【潮館】，即刻去拎返個窗邊位先，大家都可以坐得舒服Ｄ，同埋望街感覺冇咁侷促！
朋友到齊就點菜，４個大人１個小朋友叫左６樣野，埋單都係位位８０蚊，抵食呀！
海蜇拼鴨舌：２樣都好夠味，必食小食。
沙薑雞腳：入哂味，好lam呀，食左好多隻。
炸魷魚鬚：太硬，食左１－２條就停左手。
通菜煲：炒到熱鬧鬧，不過炒到過左小小火，老左ｄ。
半隻炸子雞：我厭太肥，不過味道就真係唔錯。
方魚肉碎粥：好大窩，好好味，我應該食左３－４碗！
