Zeroyuen3288's Profile

今日休息行過荃灣路德圍見，見到呢間台灣野食，呢間野每次經過都見到好多人排隊🤷‍♂️，今日兩點左右得1個人等緊，咁我就去排下試下係咪真係咁好食先。😋 呢間台灣野食，主要係食藥燉湯同滷肉飯，我叫左個藥燉排骨湯套餐，個餐有藥燉排骨湯同一碗細滷肉飯。 藥燉排骨湯酒香味幾夠，一般藥燉排骨湯都係濃味底，不過呢個湯頭就好似淡左少少，濃d會更好，排骨就夠晒淋，唔係好夠味，不過都接受，幾好飲。😋 到滷肉飯啦，食落都OK,不過個飯係辣嗰喎🙄，有少少奇怪，味道就一般般，唔難食既。總括嚟講，未食過可以一試，不過大前提係要排幾耐隊，如果要排成半個鍾呢，咁就未好食到呢個水平。仲有，呢度係有用膳限時同最低消費咖。 價錢就見人見智啦，我個餐加左個百香果鳳梨烏龍茶，埋單$97，我覺得貴左少少。…Read More

今日返晏，又去搵下野食，經過好多次，見到都幾多人食，今次就試呢間，呢間幾得意，主要係食台灣人飯麵同火鍋放題，係有少少9唔答8，入到去見大多數人都係食放題，我要返工就緊係台灣飯麵啦。我叫左個台灣紅燒牛肉麵跟餐飲蜂蜜綠茶，個麵送到嚟，個賣相唔差。原來個餐仲有一粒鳳梨酥，幾得意。賣相好，到食啦，估唔到個麵一d都唔似樣，個湯底只得個咸字，完全食唔到紅燒牛肉麵既味道，牛肉都算淋，不過無味，我加左份牛根，牛根就好味。總括嚟講，根本無再嚟食既須要。…Read More

今晚同屋企人，一行8人諗住去食北京填鴨，之前食過呢間都幾唔錯，立刻打電話訂位，原來依加訂位只有7點半前或者7點半後兩個時段。去到都幾多人，人一齊立即叫野食先嚟3個冷盤酒糟豬手 涼拌海蜇 油炆荀，豬手同荀都可接受，不過海蜇就好有問題，唔知點解好多沙🤔跟住就係重點項目～～～北京填鴨，呢個真係唔錯，非常得，唔食呢個一定係損失！再嚟係小點，小籠包同蔥油餅，小籠包一般，唔算難食，十分普通，蔥油餅就麻麻地啦，提意唔洗食。酸辣湯有驚喜，最怕食到勁酸或者勁辣，呢個酸辣湯味道剛好，一定要叫。酸菜魚，呢個就係全晚難食既冠軍！！d魚肉又腥又有泥味，食到想嘔🤮毛豆百葉同鐵板牛肉，普普通通，性價比好低。最後到甜品，酒釀丸子，好食，唔太甜，啱啱好。都有叫高力豆沙，不過無影相，又唔夠香又唔軟熟，完全唔得！總括嚟講淨係得北京填鴨同酸辣湯係比較值得欣賞，感覺上冇再嚟食的需要。…Read More

已經好耐無出街食飯，今日就出街堂食一個午飯😁今次試下呢間泰國野，佢開左咁耐，之前其實都想試下咖啦～今日叫左3個午餐第一個 泰式青咖喱雞柳飯同想像有少少距離😑唔夠青咖喱味，係咸味居多，雞柳無乜意見，因為雞柳已經有心理準備係鞋鞋地咖啦，不過個茄子幾好味。第二個 泰式海南雞飯海南雞好味 ，係我心想既水準之上，個飯就真係無諗過會有驚喜啦😋👍味道剛好，係可以令你一路想食個飯既感覺，推薦要一試！第三個 鮮蝦炒金邊粉呢個都好食，唔會太咸，個金邊粉唔會炒到出嚟淋曬一pat pat，個粉口感好 有咬口 夠煙韌，唔食雞飯一定要試呢個👍食品幾好啦，質素非常接受，不過飲品就大問題啦，我叫個柚子梳打同青檸梳打柚子梳打飲落只係飲到梳打水，不過佢真係有少少柚子係到，又無乜甜味😮‍💨，青擰梳打就相反，好甜，係太甜😖。之後我聽到左右枱都出現太甜或者太多奶既問題。😟😟😟…Read More

疫情日日無得出街食，都唔知買乜外賣好，突然諗起有間漢堡包店之前想試，立即去試下啦😋叫左漢堡包、粗薯條、奶昔。原來漢堡包既配菜全部自己決定，幾好玩😗又幾好味，個漢堡包其實好夠漢堡肉亦好夠香，肥而不腻。薯條問心真係諗住試下，因為其實幾貴下，一細杯就$45，不過佢d薯條原來係倒入個紙袋度咖😁，我食完個細杯，將個紙袋個d薯條倒返入個杯，竟然又有一滿杯😬感覺上抵返少少😜，薯條幾好食，外脆內軟，都可以。奶昔方面，原味雲呢拿，可以自選兩個味道加上去，我加左朱古力，口感柔軟，都合格，不過甜左少少。呢間可以一試，不過薯條就要諗諗啦，漢堡包我都會再食，不過薯條就……🤔…Read More

經過好多次都見幾多人等位，今日見無人等咁就要試下啦。😁呢間主要食卷物，款式十分多，最後我兩個人叫左兩個午餐定食～日式冷麵拼卷物同卷物拼湯麵。湯麵同冷麵普普通通可以接受，卷物方面就同我想像有少少距離啦…4款卷物有2款係呢度既特色卷物，有個叫火山，有帶子蟹柳青瓜牛油果，呢個幾好味，帶子味好甜，不過見唔到有青瓜。其如d卷物就好一般啦，其實呢度有好多款卷物，不過大部分食材都係以牛油果、芝士配其他食材，我食既費城卷就係牛油果、芝士、三文魚，牛油果、芝士大大舊，三文魚一小片，跟本只係食到牛油果味，呢個價錢非常唔接受。整體嚟講，性價比十分低，食一次就夠啦。…Read More

8號風球有假放，緊係落街行下搵野食啦😁，係荃灣南豐中心見到間食韓國野既餐廳，唔洗等位就試下啦。睇完個餐牌，價錢相宜，叫左個雙併午餐（牛肉飯併泡菜豬肉粉絲，牛肉飯普普通通，牛肉比較韌，豬肉粉絲就幾好食。至尊豆腐辣湯，好多餸，有蝦蜆豬肉金菇香茹，呢個好味，個湯底唔會好咸，辣味都啱啱好。（我個人唔算好食得辣😝）仲點左個小食 芝士條，佢有幾個味選擇，我就叫左個薯仔煙肉味，呢個可以一試，幾好食，外面好脆，中間既芝士薯仔煙肉好香濃。飲品就叫左蘋果柚子梳打，無特別，最欣賞係加$12就有咁大大大杯，抵飲！呢間算性價比高，平均人頭都係$7x，下次要再嚟試其他食品。😋😋😋…Read More

見今日放假，諗住食飽去葵芳行下街，係葵興kcc搵左間食台灣麵既餐廳試下。坐底睇下個餐牌，價錢尚算合理(未見到食物上枱之前係咁諗既😔) ，叫左個四寶手工麵同士林半筋半腩麵。兩個麵嚟到，我第一個反應就係個份量太細了吧！😔一個四寶麵得一片牛腩一件牛筋碗麵講緊收成六十五蚊。個半筋半腩麵尚算ok，唯一驚喜係轉左淮山麵，個淮山麵幾好食，不過呢度個湯底比較甜，我諗唔係人人鐘意，我個人就覺得麻麻....附近太多食肆選擇，呢間可以不試。…Read More

之前經過見到裝修緊，又熱狗又壽司好少見喎，今日行過見到試業中，擔粗粗入去試下。😁佢寫住熱狗要等大約10至15分鐘，所以先叫左個特濃芝士熱狗。有手握壽司當然要試下啦，係咁咦叫左幾件試下，再叫咗一杯乳酸綠茶。原來試業叫個小食特飲可以減$15，小食都係$15，咁即係送個小食，咁就叫多個吉列多春魚啦。先嚟壽司，魚生新鮮，比我想像中好。再嚟係吉列多春魚，炸得幾好，最緊要係唔油，講真$15有5條接受啦。最後係特濃芝士熱狗，味道都唔錯，最欣賞個麵包底，烘乾左個面，少少脆，但係個包心仲係軟熟既，呢個加分！呢間可以一試，我就會再食。…Read More

個日去開荔枝角買野，見到呢間印度餐廳，睇佢好似開左好耐咁，就入去試下，入到去睇落似一家人做咁。睇過餐牌，價錢算幾合理，有d餸我仲覺得平呀。我叫左個咖喱扁豆米湯，普普通通，幾得意再嚟香炸洋蔥絲，呢個有驚喜啦！好食到不得了，超推薦！炭燒無骨魚，全餐係呢個比較麻麻食印度野必叫烤餅，我叫左個薯仔烤餅，同一般印度餐廳一樣，都係好食。叫得烤餅當然要叫番個咖喱啦咖喱雞，賣相麻麻地，食落去又唔差喎。最後飲個青檸梳打，十分完滿食完坐左一陣，見樓面成日都望住，原來4點左右已經收工攪到我幾唔好意思，即刻埋單啦。(大家想食下呢度就要留意啦) …Read More

今日心血來潮想食pizza 去左食呢間韓國炸雞pizza pizza材料新鮮 炸雞都算鬆脆唔會炸到死死實實 價錢走中高檔路線 食物有質素 我最欣賞係佢出品既食物同menu張相近乎一樣 可以一試😋👍…Read More