去到都幾多人，人一齊立即叫野食
先嚟3個冷盤酒糟豬手 涼拌海蜇 油炆荀，豬手同荀都可接受，不過海蜇就好有問題，唔知點解好多沙🤔
跟住就係重點項目～～～北京填鴨，呢個真係唔錯，非常得，唔食呢個一定係損失！
再嚟係小點，小籠包同蔥油餅，小籠包一般，唔算難食，十分普通，蔥油餅就麻麻地啦，提意唔洗食。
酸辣湯有驚喜，最怕食到勁酸或者勁辣，呢個酸辣湯味道剛好，一定要叫。
酸菜魚，呢個就係全晚難食既冠軍！！d魚肉又腥又有泥味，食到想嘔🤮
毛豆百葉同鐵板牛肉，普普通通，性價比好低。
最後到甜品，酒釀丸子，好食，唔太甜，啱啱好。都有叫高力豆沙，不過無影相，又唔夠香又唔軟熟，完全唔得！
總括嚟講淨係得北京填鴨同酸辣湯係比較值得欣賞，感覺上冇再嚟食的需要。
