超級老媽子's Profile

放工後喺愉景新城買完鞋，已經9:00pm，諗住求其食，見到pizza hut，都好啦，有時隔冇幾耐都會想食佢嘅。平時去，如果兩個人，我都會散叫，多數一個沙律、雞翼、普通批，因為樣樣我都鍾意，所以好滿足，但今次唔知搞乜鬼，諗住試下新嘢，唔好成日都係叫呢D，點知就樣樣都不是自己想食的😉我地見到呢個新pizza，就叫左呢個餐，扭扭邊有香腸及軟芝士的，其實都好味的，但食完軟芝士果part，就會覺得個邊邊好乾，pizza中間係桃及雞肉，可能我本身鍾意咸味的pizza多D，所以試咩新嘢丫🙈個餐跟一個小食，唔記得乜嘢同肉丸二選一，冇我最愛的雞翼揀，我唯有揀茄汁肉丸，其實都不錯，只不過冇想起我地揀埋肉醬意粉，所以全部都係茄汁系列😂，呢個故事教訓我：唔好為左試而試，都要啱食先好🙈仲有一樣嘢，一路食一路有D昆蟲仔飛，商場入面的餐廳都咁嘅？😨…Read More

打邊爐從來唔會嫌多，我反而覺得打邊爐都好健康丫！哈哈！只要唔點醬汁及控制進食份量，就可以愈食愈瘦喇！今日去小肥牛食，銅鑼灣分店就食過，但今次因為就番朋友地點而試吓呢間太子分店！牛頸脊－不錯，好靚，有牛味👍🏻脆鯇魚骨腩－好正，真係好鬼脆😂雞子－唔知係咪唔新鮮，熟咗之後都係軟身嘅，麻麻地👎🏻水餃－不錯，皮薄多涵桂花蚌－好新鮮，好爽，分量多牛骨髓－冇食到添🙈手打墨魚丸－有墨魚粒粒，墨魚丸小小軟身，個人鍾意再硬身少少嘅質感魚皮－脆口，不過好似加左調味，我麻麻地響鈴－普普通通…Read More

同事經常都會去呢間，我聽咁多次真係一次都未去過，聽聞要等好耐架喇，我本身好攰，如果唔係朋友話等，我可能走左喇😅不過好彩，等左30mins就入得！(果刻我都已經叫曬救命)樓下係等位及賣麵包的，行樓梯上樓上才是餐廳，環境雖然不是四四正正的，但每張枱都闊的，有好多卡位。紅湯不過不失，餐包賣相麻麻地西冷牛扒，點了七成熟，塊鐵板應該超熱因為啲汁等左好耐都仲係彈彈下，冇耐性嘅我唯有試下切，點知真係會彈手，而且下面D配菜都有少部份已經燶左🙈不過鐵板夠熱都有個好處，因為我都好怕血水的，所以切開牛排後我可以在鐵板煎一煎先食😁牛排味道不錯，一般質素👌🏻同埋原來每份扒都會跟意粉或飯，但唔係落單時叫埋，而且唔問就唔會俾，我見有D人係冇叫到的😉朋友點了紅酒牛尾飯，佢話味道不錯，但唔知咩原因牛尾每一舊都有一小部分乾，同埋整得唔夠淋:(飲品夠大杯整體我覺得麻麻地，我寧願去花園餐廳，平D抵D，質素仲好D😉…Read More

好鍾意食泰國嘢，為左慳家，今年提早慶祝母親節，以免又book唔到位及無端端食貴左好唔抵呢😉呢間太古過好多次，佢呢度位置偏僻，每次我都係喺元朗西鐵站下面搭的士黎，但呢度啲食物份量不少，價錢中等合理，味道不錯，所以想食泰國嘢就會諗起。馬拉盞通菜－香口，唔會太咸海南雞－冇乜雞味，不過幾滑豬肉生菜包－可能點了小辣，所以覺得不太辣，味道偏酸，生菜太少，冇曬生菜仲淨番好多肉黃咖喱牛腩－牛腩好淋，份量夠多原味薄餅－夠熱，夠鬆軟椰青－好甜，果肉都好淋可以食埋軟殼蟹米紙卷－附上調味醬汁，覺得醬汁太濃，只點少量就足夠鐵板蠔仔蛋－蠔仔大隻，蛋好厚但不夠香口春卷－普普通通，冇乜特別豬牛雞串燒－不錯，不過牛肉稍為韌左少少酸甜鱸魚－味道不錯好滿足，五個人食超飽！每人大約$240，超抵慶祝母親節！各位的老媽子一定讚你夠精明呀！😂😂😂…Read More

Shopping完，又輪到＂食咩呀？冇所謂＂問答時間，作為一個無間斷減肥者，我提出了我只會食少少，ok，最後我地黎左呢間＂餃子縣＂叫啲輕食!一坐低劃單點野食，心知不妙，因為menu好吸引，我地每樣都想食，好彩大部分有大碟或小碟揀，不過好似越點越多🙈😂食餃子通常飲豆漿，但係竟然見到呢個鹹檸七真係忍唔住，心𥚃面嘅魔鬼呼喚我😛雞絲粉皮好味👍🏻好多青瓜絲感覺好清新！粉皮好煙韌，不錯👍🏻凍凍的醉雞翼好入味，朋友食擔擔麵，好後悔點解冇試少少，而家見到有啲想食😉呢個滷水蛋係必點項目，超入味好正!!!讚讚讚!!!👍🏻👍🏻👍🏻👍🏻👍🏻蓮藕片好爽，但我唔係幾食得辣，所以食咗一片咋😁陳醋木耳，個人覺得酸酸地幾開胃，但朋友就覺得太酸🤔涼拌菠菜麵，一上枱＂嘩＂咗一聲，味道其實有啲似雞絲粉皮，不錯，有分辣同唔辣，我地點左呢個係唔辣，唔知辣係會點呢？🤔係咪覺得好奇怪，黎呢度冇理由唔食餃子嘅！😂😂😂主角餃子樂園(冰花煎)出場！好靚呀！因為10隻都唔同味，我地每人都有自己想食嘅味道，所以同朋友一路食一路估一路玩，好正😂😂😂其中一種特色餃子－日式紫菜豬肉餃其中一種特色餃子－三重芝士豬肉餃(個人覺得呢種煎會比較適合過放湯)總結：想輕食黎呢度好適合，想大食黎呢度都好適合😂😂😂(要繼續無間斷瘦身喇😞）…Read More

要推薦好吃小店，位於屯門呢間屋邨入面的小店真係我心目中的頭位❣️地方小小，坐位大約只有十個，但每次黎都有人排隊，就算附近有其他食肆，D街坊都會堅持排隊食到為止！呢到我食過不下10次，只有早餐、午餐及下午茶，每日4:30pm就會收工，中午飯餐有三、四個選擇。我多數食呢度的麵餐，因為麵食選擇不少，除左一般的米粉、通粉丶米線丶大光麵丶出前一丁，仲有辛辣麵丶福麵及芝士麵，而且呢度唔係大集團，他們的配搭彈性好大，價錢好抵又整得好味！如果貪心的話，加少少錢就可以加多一個餸，絕對啱曬為食鬼！😁跟餐的多士或包又可以選醬料，我通常會食奶油多士留邊，好正，我之前見有人要求要麵包頭，wow，只要佢地做到都會去做，呢D人情味唔係度度有！👍🏻👍🏻他們有送外賣服務，當然只限附近地方啦，不過我都試過叫外賣，真係不及喺店裏面食咁好味，所以雖然佢哋店舖細細，但只要你試過一次，包你會返轉頭再幫襯！推薦食物：滷水雞髀丶凍綠茶丶豬扒包丶炒牛肉丶五香肉丁丶炸魚餅…Read More

出街食日式放題的話，我最鍾意搵埋一大班朋友！劃食物紙時通常好嘈好興奮，好氣氛又好開心❣️今晚同朋友黎呢間「三禾」都不錯，book枱時說希望有角落的位置唔會嘈到其他人，店員說會盡量安排，點知黎真係安排到有獨立房間呀！😱咁我地班友嘈到拆天都唔駛驚嘈住人啦！😂😂😂原來放題有個爐俾我地燒下燒下！可以燒下海鮮或者放其他自己想燒嘅食物，例如今次朋友點了日本蕃薯仔放上去燒下，嘩，香氣四溢，食落零舍好味🍠👍🏻👍🏻餐廳會送每人一份海鮮，其中有甲羅燒，先將鵪鶉蛋打落蟹肉上面撈勻，再放在爐上燒熱，好味😋仲有聖子、鮑魚及大蜆！好大隻鮮甜！不過燒聖子要注意，因為聖子殼太薄，受熱後會有殼碎周圍彈，建議燒至稍為離殻後將肉取出，直接放爐上燒，鮑魚也可以拆殻燒😋😋刺身方面，味道稍為淡左少少，不過三文魚好肥美，尤其火炙三文魚壽司真係冇得彈！黑松露茶碗蒸蛋👍🏻👍🏻炸物及燒物相當不錯，我最鍾意芝麻雞翼及圖中圓碌碌的紫心香芋丸！❤️可惜不能吃太多，因為會好熱氣呢😣除左燒烤爐，朋友還點了牛肉壽喜鍋！食完之後意猶未盡，還將蕃茄湯烏冬中的烏冬放入去滾，變了火鍋，真是多元化crossover😂😂😂以燒菠籮及雪糕做結尾，D菠蘿好甜，雪糕也不錯，全晩好開心，大家都不停諗下食物新食法😂😊…Read More

適逢今日係紅日但我要返工，救命呀！打工仔怨氣無從發洩，可惡，一於出去搵好野食下！以為紅色假期冇乜餐廳開，經過「Shop 9」竟然有開，而且竟然full曬咁濟，同冷清清嘅街形成好大對比，成日聽同事講呢間好食，但我就偏偏未有機會試，所以我都要試下先！餐廳分為室外室內兩part，今日好熱所以我諗都冇諗就在室內坐低左，侍應隨即放下有檸檬香氣的水及lunch menu，見到一個set lunch大約＄70-130不等，包餐湯丶麵包丶主菜及餐飲，唉呀，我每一款都想食添，真貪心🙈餐湯及包不錯，好味道我點了香草豬扒龍蝦汁長通粉，超讚！👍🏻👍🏻👍🏻好好味，汁不太咸！同事點了魚柳漢堡及薯條，同事說漢堡好好味，我試咗少少薯條，覺得炸得乾左D，及呢度嘅茄汁偏甜，個人不太喜歡最後點了凍檸水餐廳有大玻璃可望出街，有啲relax嘅感覺，陽光透入餐廳內，影啲相出嚟都好靚，老媽子我食完充滿力量！💪🏻…Read More

上次食過南小館最近新出嘅薑蓉雞，一直念念不忘好想再食，所以今日特登黎多次！而且排隊時見到個餐牌轉左，加左D新菜式，而且有特價孖寶$118［黑松露蝦仁＋雞絲粉皮］，諗住試下都好，點知最後個孖寶漏左單，之後我地就冇要，所以今次食左好少野咋，當減肥啦😉呢個薑蓉雞冇上次咁好，今次姜蓉咸咗D，及雞骨有少少紅😢帶子小籠包好味，清清地，綠色皮好搶眼炸銀絲卷，外脆內軟，我鍾意點好多鍊奶✌🏻荔枝沙冰，超級甜👎🏻👎🏻我勉強飲到一半已經冇飲☹️…Read More

位於屯門V City門口，一上扶手電梯就見到的拉麵店，記得呢間店開舖初期有好多人排隊，我咁冇耐性，所以新店多數與我無緣🙈今日咁啱睇戲前有個幾鐘，又咁啱經過見到冇人等位，就去試試先！一打開大餐牌，有好多款拉麵，但係睇睇下又好似只是湯底及餸不同，但睇睇下都唔係幾明，唯有望下枱面上的小餐牌，應該可能係餐廳建議拉麵配襯枱面上的醬料🤔朋友叫左8號－俺流男盛拉麵，要左辣丶麵質中等及走筍，佢話都幾辣但好味，好多餸，有2件炸雞＋2塊叉燒＋1隻蛋，有少量菠菜，炸雞比較乾，炸粉多過雞肉，蛋溏心，但覺得如果有切開賣相會好D，叉燒肥瘦適中我叫左3號－黑蒜熟成濃湯拉麵，要麵質中等及走筍，得叉燒一塊，然後發現冇左隻蛋，告知店員後好快補上，不過又係原隻冇切，湯香濃但不咸，麵彈牙，蛋唔夠入味…Read More

由細到大都在西營盤生活，所以對這地方充滿感情，眼見近年這區變化好大，尤其高街第三街開左好多食肆酒吧，好似將蘇豪區整個移左過黎咁，充滿回憶的店舖已經逐漸找不到...撇除傷感，向好方面看，我地可以發掘更多美食呢！今日lunch試左呢間「St. Barts」，點解咁多間揀呢間試？因為呢度唔似其他餐廳走暗黑格調路線，我好喜歡佢餐廳外外內內都均以白色為主色，小清新的設計，俾人感覺好舒服！Lunch Set劃一收費＄118，有前菜、主菜及甜品，加＄20有飲品。前菜－青木瓜芒果沙律👍🏻👍🏻👍🏻份量都幾多，蔬菜新鮮，芒果甜，木瓜絲爽，口感豐富前菜－炸牛肉餅👍🏻食落口感似薯餅，冇乜牛肉味，加外面茄蓉酸酸地好開胃主菜－燉牛肉配薯蓉👍🏻牛肉粒好＂鞋＂，醬汁味道調教不錯，紅蘿蔔及薯仔入味好淋，薯蓉香滑，但牛油味不太重，食落冇咁heavy主菜－香蒜菠菜大蝦意粉👍🏻👍🏻👍🏻👍🏻呢個意粉彈牙，雖然汁不多，但意粉不乾身有大蝦味道，全碟竟然有三隻大蝦，而且蝦有蝦味！😂甜品是指定的Cheese Cake Smash店員説smash會好香濃，的確質感好滑芝士味好濃，加上底下的脆脆粒黎食好正！但因為咁，我唔夠膽食曬成個，因為感覺好漏及...好肥呀！😣Cappuccino 咖啡不錯，不過被佢個樣子吸引，未飲都已經覺得好飲喇! Hahaha…Read More

朋友同我慶祝生日，我以為佢會帶我去邊度食，入左棟大廈搭𨋢上二樓，原來打邊爐😂😂😂呢間餐廳都唔錯，今次我哋揀咗醉雞湯底，雞件唔係預先放落湯，係上半隻雞的雞件，我哋自己想食嗰時先放落去，D雞好入味，好香酒味，不過醉雞湯底我覺得唔係好適合打邊爐，有啲食物好似同佢格格不入🙈其他配料都非常新鮮👍🏻墨魚滑及蝦滑都非常彈牙鵝腸好正👍🏻水餃雲吞都好薄皮大粒桂花蚌幾大碟豬皮好爽口，索埋湯食一流👍🏻擺盤都好精緻，不會求其一碟用日本稻庭烏冬👍🏻仲有1664😱，好滿足！朋友冇介紹錯，服務不錯，一些時段更會有折，呢間一定會再嚟！👍🏻…Read More

其實平時好少去紅磡，係之前有一次要去「大酒店」，之後同朋友去醫肚，而發現呢個大排檔的。呢度環境比好多大排檔舊式及殘舊，連我咁麻甩嘅女人都覺得...不過，平心而論，如果撇開環境來說有D野食都不錯的。炸乳鴿熱辣辣都OK，但碟上有少少血水，見到有啲扣分鵝片，好味，不錯菠蘿咕嚕肉，咕嚕肉肉少粉多，顔色太橙紅，好誇張，應該太多色素啫啫芥蘭煲，夠獲氣，不錯豉椒鵝腸，超正，一定要食什錦炒飯，味道ok，但獻汁太多…Read More

哈哈，又食放題！今次介紹呢間日本放題，位於灣仔，價錢計埋加一大約$300，食物質素中上，刺身鮮甜，而熱食亦都非常不錯，而飲品方面，除了一般的罐裝飲品之外，仲有一些果味梳打飲品都好好飲👍🏻👍🏻如果多人會有房，而最重要的是，呢度係冇分時段架！冇分時段！冇分時段！📣📣📣係咪好吸引呢？重要的事講三次😂😂😂係好正架，如果同朋友收工時間不一樣，唔駛煩，可以來呢度食住等！😁😁好鍾意呢幅相，今次叫到成枱都係嘢食，haha！…Read More

講到香港食海鮮最出名嘅地方，點都唔少得屯門三聖！好多人會在三聖的海鮮檔買海鮮去餐廳加工，我以前都試過，平均每人大約$500埋單，但跟我老媽子搵食，要食得招積，一定係喺三聖以外的街市買海鮮！會平多多聲！之前試過在屯門新墟街市買海鮮，再在南記加工，平均每人大約$400，以為已經好抵？但我發現原來喺元朗街市買仲抵！海鮮選擇又多！加埋加工費，成餐都只係每人$350！😱公開一下今次在元朗街市買的價錢俾大家參考一下：芝士焗龍蝦(開邊)-7隻-820豉椒炒蟶子(米粉底)-13隻-$200椒鹽瀬尿蝦-斤半-$200古法蒸鮑魚-13隻-$175䜴油皇蝦-斤半-$100砵酒蠔-2杯-約10-12隻-$170蒜茸粉絲蒸扇貝-13隻-$185油鹽水大蜆-2斤-$80白灼蝴蝶蚌-斤半$150龍蝦開邊芝士焗，有別於一般芝士焗龍蝦伊面及清湯焗龍蝦，另一種食法好有新鮮感，大家見到嘩嘩聲！豉椒炒蟶子，少少辣好惹味！我哋向南記要求要米粉底，點知佢漏左單😢椒鹽賴尿蝦，我哋買大隻一開二，好味，啖啖肉！ 果皮蒸鮑魚，時間蒸得剛剛好，好淋又有果皮香👍🏻👍🏻豉油皇蝦，不太咸，但顧住食其他野冷落左佢😂🙈砵酒蠔，買左美國桶蠔x2，夠大隻👍🏻蒜茸粉絲蒸扇貝，可能蒸得過左火，元貝有少少Un，及原來南記會幫我地掉曬群邊及內臟(佢話要特別講先會留)😢，又加上蒸過火，所以賣相麻麻，冇乜野睇油鹽水大蜆，冇乜沙，湯好飲👍🏻白灼蝴蝶蚌，平時好難買到，但元朗街市竟然有！今次第一次試，蚌肉比蜆更鮮甜，但一上枱不太吸引，因爲蚌肉已經甩左跌到碟內😂南記加工費其實都算貴，係我次次都去因為為咗呢隻燒鵝，簡直係呢度嘅招牌！😋😋😋朋友食完都讚！燒鵝上枱時溫度溫熱，個皮好脆，肉汁豐富！好入味！簡直好味過深井嗰啲鋪頭多多聲❣️❣️除咗呢啲海鮮之外，我哋仲叫咗咕嚕肉丶雜菜煲及豉油王炒麵！個炒麵又係超讚👍🏻👍🏻👍🏻呢度啲小炒類認真不錯，大家一定要試吓！…Read More