收工經過呢間開咗幾十年嘅米線鋪，撞正熱到溶嘅天氣，二話不說衝入去涼冷氣！今次專登試咗店家極力推介嘅招牌小鍋米線，仲要加足三款餸——招牌腩肉、大腸同通菜，真心無介紹錯！講到個腩肉，真係鎮店之寶！肥瘦勻稱，滷到入味仲帶啲獨門香料味邪惡到食完一舊即刻想encore！大腸處理得夠乾淨，滷得軟淋得嚟帶咬口，同酸辣湯底夾到震。通菜索晒湯汁，爽脆得嚟唔會煮過龍。米線質感冇得彈，Q彈滑溜，掛湯力一流！揀咗酸辣小辣湯底，酸香醒胃，辣度溫和，如果天氣涼啲飲呢個湯，真係暖到入心腑！配埋杯凍檸茶，茶底濃郁唔澀，檸檬清香，完全係港式風味嘅完美演繹。呢間老字號絕對係隱世高手，價錢親民，味道保持到水準。下次一定拉大隊同班friend再嚟，試埋其他餸先得！米線控注意，呢鋪真係要mark實嚟掃檔！…Read More
我同朋友今次揀咗麻辣燙底，十分刺激！
套餐仲有跟兩杯free飲品，同兩碗四川冰粉
大鍋冒菜有十六款配菜，真係好豐富啊！
有肥牛、鴨血、豚片、魷魚花、牛百葉、雞柳、魚蛋、蟹柳、粟米、雲耳、蝦、西蘭花、萵筍、炸腐竹、豆腐串同金針菇。每一款配菜都新鮮又美味，配合湯底煮熟後，味道更加入味。
至於麵底部分，我哋揀咗紅薯粉。
粉嘅質地好彈牙，入口即化，同湯底配搭得非常好。如果你都鍾意辣辣嘅口味同埋豐富嘅配菜，呢度絕對係一個唔錯既選擇。不妨約埋朋友一齊嚟試吓喇！cp值好高
，以前經常快閃台灣旅行。突然好懷念台灣食品，就即刻相約朋友到台食館食餐台灣菜。
我哋點左紅燒牛肉麵同鹽酥雞滷肉飯share
鹽酥雞滷肉飯，雞肉好厚身，外皮炸得香脆可口，咬落肉質十分嫩滑！
都有驚喜，因為之前食過其他家鹽酥雞，有d雞肉比較乾。滷肉肥瘦適中，唔會過鹹，肉汁撈飯食都唔錯。飲品我哋點做兩杯珍珠奶茶，味道中規中矩，未有驚喜
想念台灣味道的朋友，如果途徑油麻地，也不妨去試下。味道ok，價錢唔貴，都算性價比高！
