Yauyau_sally's Profile

今日去尖沙咀拎蛋糕 店員放左個蛋糕入袋之後發現個袋山唔埋 因為佢地換左個新包裝盒係高身啲嘅 而佢話我個袋係舊包裝 所以山唔埋店員問我要唔要加購1個 但係我呢個都係同佢地買架喎 係你自己依家轉左個盒搞到個袋山唔埋我問佢可唔可以換一個 佢話唔可以 一定要我買個新超離譜 咁我個袋就黎因為你換左盒就變左垃圾個蛋糕又唔平 仲要人加購個袋…Read More

食完飯想食甜品，見咁多人等應該唔錯。最後排左20分鐘隊，點知個夾餅係凍嘅仲要勁少醬最離譜係兩邊都燶哂 黑蚊蚊 有苦味 自己睇相唔明點解仲咁多人買。永久black listed 講完。…Read More

番完工 經過附近想同我細佬食好西 被餐廳門口menu吸引入去 一入到去見夜晚7點幾都只有1枱客 心知不妙 不過都本住試一試嘅心態都入去坐底了。坐左一陣就落order 個位樓面嘅疑似老闆娘 塊面黑過獲燶 同serve另一枱客嘅面孔完全唔同。而且被我發現落錯單 一句道歉都無。差到爆！我地叫左以下食品 逐一點評下：軟殼蟹手卷：紫菜軟嘅 軟殼蟹凍嘅 又有油益味三文魚 油甘魚：雪味重 一啲都唔新鮮海膽軍艦：好似染左色嘅橙色 同埋臭嘅 苦嘅蟹膏軍艦：過咸同有怪味火炙帶子：無燒過嘅 求其加啲燒汁就算海膽吞拿魚蓉：海膽只有一粒米咁大 風大啲都吹走串燒雞腎：無香味 無落調味唔會再食第2次。完。…Read More

男朋友介紹黎呢間新開嘅韓國野食! 地點都算方便 好近炮台山地鐵站!星期六晚8點幾去到。枱枱爆滿! 睇黎真係幾好食咁。咁岩有一枱人走。我地5個人好快就坐底左啦。勁好彩! 一入去就已經聞到啲韓燒味勁香! 好快就有前菜食。有成10碟。碟碟都好好食! 有薯仔 麻油菠菜 kimchi 豆腐.....之後叫左個韓式壽司 唔錯唔錯!食完呢個就開始燒啦。叫左個豬腩肉。可以叫埋生菜包住食。感覺無咁油膩! 重口味個啲仲可以夾粒蒜頭! 仲有豆瓣醬! 唔記得影燒好左嘅樣。掛住食! 太好味啦!之後叫左個牛肋骨。呢個仲好食仲juicy! 仲encore多一碟! 真心推薦牛肋骨! 最衰又無影到! 燒完我地仲叫左個八爪魚牛肉鍋。啲八爪魚又粗又新鮮! 最後仲叫個拉面加入去先係完滿嘅一餐!價值唔係貴又食到啲咁正宗嘅韓國菜。一定會再黎食!…Read More