貓B's Profile

本人自從在日本吃過朱古力mochi(不用冷藏的那款)後,便間中去Sogo地庫買來吃,要冷藏的mochi一買要立即回家,較麻煩,所以遲遲未嘗,早排有團購半價,便買來一試。 該店裝修感覺高級,簡單全黑,加上一個白燈箱櫃,整齊排列着一個個圓卜卜淡粉色的mochi sample,已很吸引,我買了4款味:黑朱古力-----------差不多40mins後回到家中,所以完全解凍,表面有層黑朱古力粉,切開看到一pat 似cream+sauce,皮軟糯不太靱口,餡滑,但黑朱古力味不香濃,好淡.朱古力慕士--------有牛奶朱古力香味,好過黑朱古力.紅豆-----------------香滑红豆蓉加cream = 紅豆冰味,這個好些桃--------------------只有淡淡桃味加cream味,果味不突出,麻麻..所有餡都有加cream,入口輕滑,不會太甜,惜味道參次,下回要試埋其他味！…Read More

朋友推介這店,預早幾日前訂枱並留了兩份蟹鉗,店舖正門招牌用了英文名,第一次來差點看漏眼,店子雖小但枱不算太迫,我們被安排坐上層,經過長長木梯,如果老人家來坐下層好了,裝修簡單清雅,用繡上中式花卉圖案的屏風間開,簇新的餐具擺設整齊,餐牌上有好幾款菜式是要預訂,我們點了以下:酸薑皮蛋----------------這是送的,糖心皮蛋靚,薑切薄小片方便控制份量,但酸甜味偏淡.冰鎮鵝肉卷-------------切成一小段,剛好一口size,用腐皮包着鵝肉絲,冬菇絲,甘荀絲等材料,入口一陣腐皮香味,各樣食材份量恰當,不油膩,鵝肉香,夏天較適合,因吃後喉嚨真的有冰凉感覺,幾特別..冬瓜蒸原隻蟹鉗-------用刀义吃巳去殼蟹鉗,啖啖爽口鮮蟹肉,配上晶瑩透明的獻汁,分外鮮味,獻汁帶點魚翅,元貝之類的味道,一片軟绵冬瓜入晒所有鮮味,如果再加少許粉絲索埋個汁更好！醬油滷豆腐-------------簡單一排豆腐+醬油,面層好香,入面非常嫩滑,醬油味似蒸魚豉油,鹹甜適中好味鳳梨咕嚕肉-------------汁味尚可,有鍋氣,可借咬落有點厚硬,肉質實偏乾,略為遜色沙爹牛肉炒腸粉-------用碎牛來炒腸粉,感覺是從沙爹炒牛河演變而來的,有沙爹香但冇沙爹辣,碎牛嫩滑,芽菜爽口,腸粉爽滑長度大约吋半,用匙吃也可,方便小孩及長者,有心思,good辣味重些會更惹味蔴糍酥-------------------頂部是菠蘿包面,蔴蓉湯丸做餡,底部是撻, 三合一甜品,可稱'迷你菠蘿酥皮蔴蓉湯丸撻',嗜甜者一定喜歡.壽桃----------------------一個小拳頭size,兩個人食剛好,熱烘烘,包鬆軟蓮蓉同蛋黃一樣香滑,沒有蔴糍酥那麼甜,$15一個,抵過食月餅. 待應服務細心有禮。部份菜式有心思,賣相簡單整潔,沒有多餘兼浪費的蘭花,雕花青瓜....等伴碟。 滿意的一餐生日飯,下次會試吓點心…Read More

朋友看到報章推介日式放題想試吓, 於是訂了5:30p.m.-8:00p.m., 餐廳採用黑和深紫做主色,裝修西化,大部份是卡位和長枱,光線較暗,待應穿西裝恤衫西褲,感覺高級,座位舒適,坐下數分鐘便奉上一份什錦刺身,說是送的,另外每位送一款小食,四選一有燒虎蝦一隻,鵝肝多士,牡丹蝦刺身兩隻或乜乜(唔記得),放題選擇亦多,有燒物,天婦羅,刺身,鐵板,手卷,壽司,火炙,卷物,湯,粥,炒飯,烏冬,拉麵....等, 飲品有巨峰提子梳打,西瓜汁,橙汁,薑母茶,柑桔蜜,柚子茶...,我們點了以下:什錦刺身--------------用碎冰盛着厚切三文魚,白豚肉,吞拿魚,油甘魚,甜蝦及鮑片,保持冷凍,各款刺身都帶有鲜甜味而且冇筋:甜蝦冇起膠,好新鲜,,除了吞拿魚差點.燒虎蝦-----------------這個蝦唔靚冇乜味差d鵝肝多士--------------鵝肝有半隻掌心大,煎得甘香,裏面好香滑,good.芝士年糕--------------外面金黃色少少脆口,一咬軟身帶煙靱,內有香滑芝士,好滋味海膽手卷--------------紫菜軟了帶韌,海膽鲜甜,飯不夠酸,可惜.燒羊扒-----------------燒得剛好,冇乜羶味,有肉汁鲜味不會太乾,good薄燒牛肉--------------也是燒得剛好,夠簿不韌,有肉味OK.天婦羅-----------------南瓜爽口不夠甜,炸粉硬了點,普通.吞拿魚腩手卷--------紫菜脆口,飯一樣冇乜醋味,是吞拿魚赤身而不是腩,失望.火炙芝士三文魚壽司--------芝士配三文魚味道啱搭,好味,可惜壽司飯也是冇醋味,米粒乾身還帶微暖,似食白飯.敗筆！燒牛舌-----------------有點韌難咬爛,如果切薄d會更好,有黑椒香味,味道其實唔錯.燒大蝦-----------------大蝦反而好味過虎蝦,有蝦甜味.OK吉列蠔-----------------吉列面一般,蠔鲜味不腥.燒牛仔骨--------------剛熟,牛味濃,OK.燒魷魚-----------------醬汁的甜味蓋過魷魚味,一般.蟹粥--------------------蟹唔靚,肉散,粥底就幾绵幾好味.燒斑塊-----------------我冇食,朋友話唔錯.豆腐--------------------我又冇食,朋友話好嫩滑.巨峰提子梳打--------雖然顏色灰紫混濁,但入口有香濃巨峰提子味酸甜適中又夠冰凍,好飲西瓜汁-----------------有好多西瓜渣,相信是鲜搾冇溝水所致,不過西瓜唔甜味偏淡.整體食材新鲜,尤其厚切刺身,啖啖鲜味,另外燒物火喉控制好,剛熟不會over, 唯獨是壽司飯方面差d. 招呼幾好,換碟收碟怏,冇漏單上菜5-10mins到,不用催,中區收這個價錢算合理,食得過！…Read More

這店已光顧多次,趁有帶相機順便拍下來寫食評時用, 2人點了2餸1湯 :鳳眼果炆雞-------------侍應推介鳳眼果不是經常有的,味似粟子,好奇之下點了, 用煲仔熱烘烘盛着,有多粒外形像銀杏的東西,味道淡,咬口都好似銀杏,不啱我口味,雞件較少,肉質不及它的銅盤雞嫩滑和鲜味,其他配料乾葱炒得香甜爽脆加上獻汁調得好,幾惹味,下次如果有粟子炆雞,一定會試！七花腩炒菜芯----------常點的招牌菜, 用本地自家農場豬, 腩肉肥廋間開,一片片似煙肉, 味道像煙肉般有少少鹹香,少少脆遑, 爽口又不韌,有鲜味,菜芯青嫩清甜,真好味:南瓜甘筍豬踭定豬展湯--------每次都會點例湯或燉白肺湯, 這個例湯的主要食材味道濃, 色澤濃厚, 似用好多料煲, 飲後不會口乾, 白飯-----------夠熱,米粒屬爽身.整體食材夠新鲜又夠熱. 環境雖小但清潔光猛,一般粥麵店格局,有卡位和圓枱,另有自制頭抽出售. …Read More

今次光顧此店點了regular size原味配blueberry+mochi, yogurt 挺身夠凍夠滑,乳酸味略淡,blueberry細粒不太甜,mochi香軟帶少許煙韌,好味,可借中間空心,偷功減料,我之前來這店食過不是這樣的,水準開始有點不穩！ …Read More

週末中午朋友聚會, 訂了1:00p.m.,等了一會便入座, 環境新淨,開揚,樓頂高, 不會太擠逼算舒適,我們點了以下: 义燒包-------------不過不失.蝦餃----------------皮算薄,蝦爽口,幾好.生煎包-------------煎得脆口,餡料有肉汁,好味鳳爪----------------不夠惹味,麻麻地.豬脚薑-------------2隻蛋我冇食, 薑腍入味,豬腳普通, 醋味不夠酸辣, 偏甜.燒腩仔-------------皮脆香口, 肉嫩不太肥, 鹹味適中, 好味春卷----------------香脆,味道一般.豉油皇炒麵-------麵質爽口,不會太油,老抽味重過生抽, 鹹味不夠.金錢肚-------------夠腍入味,OK.蝦腸----------------皮滑,味道中規中矩.灼生菜-------------冇難度,OK,新鲜就可以.芒菓卷-------------芒菓肉甜又多, 皮炸得鬆脆, 好味整體食物夠熱,水準尚可,坐得舒服,不會太嘈.…Read More

買了$68.午餐團購票，帶父親來試，我訂了12:00p.m.，準時去到，等了10mins才安排入座，環境清潔，地方雖小但枱不太逼，尚算舒適，起初有點擔心份量少唔夠食，因為得黑豚肉,白飯, 湯是任食，當侍應放下食物時我便放心了，每人有4片黑豚肉，3件雞肉，1件羊架，4片薄切牛肉，2件魷魚鬚，跟團購廣告相一樣，食物質素如下:黑豚肉------------薄薄一片灑上點點黑椒，燒約2-3mins便OK，爽口有少少鹹味，似煙肉+pama ham，唔韌！雞肉---------------青綠色的雞件，以為是wasaibi汁，原來是香草汁，幾特別，肉質算滑牛肉---------------薄如紙好易夾爛，30秒食得，冇筋牛肉味濃，真係靚牛羊架---------------比較難燒，厚身怕中間生，又怕overcook，結果邊較韌中間就剛好，不太羶都OK。鱿魚鬚------------D鬚燒燶咗冇食，上節就彈牙，一般。白飯---------------是珍珠米，令令圓圓，飯夠熱！湯------------------普通麵豉湯。泡芙---------------冰箱出來未溶雪，硬過合桃，內有cream，估計要30mins解凍，可惜！所有肉類算新鲜，沒有雪味，醃得不錯，不會全部一樣味，另外有碟燒汁非常好味，點任何燒物都啱搭。燒肉時要掌握好時間，否則影響食物味道！！ 服務一般！ …Read More

買了團購票給家人用, 今天父親再去食, 回來告訴我一件令我不滿的事情, 雖然他說不介意, 但我還是不吐不快, 他點了一客$42.套餐, 有楊枝甘露, 士多啤梨味和芒菓味糯米糍各一粒, 桂花糕一片及湇茶一小杯, 侍應對他說冇芒菓糯米糍, 父親便說要士多啤梨味囉！但侍應竟說不能轉,只可給他多一片桂花糕,, :huffy？？聽到這裡,我真係有d火, 個套餐係兩粒糯米糍, 冇芒菓味轉其他味都好合理, 又不是賣剩一粒, 咁小家都做得出？雖然整體各樣味道他都說不錯, 賣得咁貴可必咁小家呢！莫非是用團購票的人客才這樣對待？冇下次啦…Read More

每次去重慶大廈總要避開一個接一個的熱情南亞裔人, 他們像地產經紀般手持單張, 咭片蜂擁遞過來, 初次實在有點怕, 現在習慣了, 通常我光顧3 樓某間, 今次朋友推介1 樓這間, 其實坐位只擺放在走廊兩旁, 算不上餐廳, 屬於快餐店格局, 吊扇, 摺枱加靠背椅, 食客全是南亞裔人, 剎那彷如置身外地, 環境尚算乾淨, 難得不太嘈, 可以傾計, 但不適合大顆人去, 全是2至4人位, 雖然店子小小, 但餸莱款式多達六, 七十種, 我們二人點了以下: 印度燒烤雞半隻-------------用鐵板熱辣辣的送來, 好香！雞件表面乾身, 色澤帶橙, 有少少濃黑邊, 一共四件是下裝, 雞肉爽滑有肉汁, 啖啖肉, 鹹鹹辣辣加陣陣烤肉味, 還有少許洋葱, 甘筍絲配料, 好惹味, 值得一試！巴辣羊肉----------------------一碟橙啡色醬汁浸住d 羊肉, 印度餸多數汁多肉少, 另附上少許紫洋葱片, 羊肉切小件方便挾烤包, 汁屬中辣帶鹹, 羊肉入味唔蘇, 稔得來有些少咬口, 但加紫洋葱片一起吃就更辣兼搶喉, 或者我吃不慣, 這個配飯或烤包算不錯。烤麥包-------------------------看似簡單但並非間間好吃, 暖烘烘的, 跟一小碟青色醬汁, 包烤得算平均, 不會太濃, 有麵粉香味, 近邊位有d 脆口,中間一兩層軟綿中帶點口勁, 都幾有層次ga, 無論淨食, 挾餡或索汁都好味！！ 唯獨青色醬汁唔啱我口味。青檸梳打----------------------鹹, 甜各一杯, 雖然見不到青檸, 但都有酸味, 少冰但夠凍夠氣, 我喜歡甜味, 解辣比較好, 鹹味配甜味餸莱可能會好d。 大部份價錢由$30.至$50.有羊, 雞, 蝦, 魚, 蔬菜類, 是次消費2 人一共$142., 下次我會試set lunch $35. 抵食d 樣樣有d, 招呼算唔錯, 上菜快又夠熱, 還主動問我們啱唔啱食,。 注意; 夏天來可能會熱。 …Read More

深水埗店我已光顧了2次,而旺角店未有米星之前亦品嘗過幾次, 是日帶MK朋友一試,雖然佢住MK但旺角人龍太長始終冇試過, 這次只等了15mins.,可能這區星期日早上比較僻靜, 我們三人點了以下幾款： 酥皮义燒包------------外型和味道似包住义燒餡嘅mini墨西哥包,咬落一層又薄又輕嘅酥皮偏甜,不過我接受到, 可惜我只食到一小粒肥义燒同漿汁,好失望！！ 但我朋友個包有好多餡喎！！點解？？？以前都唔係咁？？有種食月餅揀唔中個黃嘅feel ！！！！豬潤腸粉---------------皮夠薄夠滑, 豬潤切到一抽嘢, 可能把刀唔利, 潤夠稔夠滑味道不錯,鼓油亦好味, 鹹甜適中。威水角------------------熱烘烘的,要攤攤先食, 外皮少少脆,煙煙靱靱,,餡料好似有d 冬菇碎,,瘦肉,花生碎,同少少爽口唔知係馬蹄定籮白,下次試清楚d 先,算好味。糯米雞------------------雞肉唔太滑但都有d 雞味, 冬菇薄肉大隻有香味, 餡料同糯釆飯份量比例恰當, 飯粒偏濕同軟,好鉋肚又幾好味。牛肉球------------------預咗冇牛味因為大多數酒家d 牛肉球味道都一樣,只有陳皮同喼汁味,如果閉上眼來吃,ロ感似蒸鯪魚肉, 好稔冇牙都食得, 啱長者..........。鳳爪排骨飯------------一小盅,凰爪又硬又乾身,排骨ok,個飯較硬,麻麻地。蒸粉果------------------皮一夾就爛蓉蓉, 花生靱咗,差咗d , 上次食好靚仔,透明皮見到餡料,仲好新鲜爽口, why？？？桂花糕------------------不知是否甜味盍過了桂花香味,還是桂花不夠香, 有甜味但冇セ桂花味。 今次雖然失準, 但我會再來,始终算平, 好過其它食店,紅咗之後仲密密加價。…Read More

本人經常光顧此店,因為款式多又抵食, 今天買糯米糍和白糖糕, 糯米糍是外層冇椰絲個款,所以更覺皮薄軟滑,一個乒乓波size,可以一口吃下,不怕食到(仙女散花)一身花生芝麻椰絲碎, 不過我都係咬開一半食,因為想睇吓d 餡料, 花生好香, 而豆沙餡都好香滑, 餡料足, $5. 三粒抵食, 白糖糕约一吋厚, 咬落有少少鬆鬆彈彈, 冇酸味唔太甜, good ！$3.一件, 其實佢d 雞仔餅都唔錯, 鹹香中帶點甜味,但餅身硬了一點,$10一包算係咁啦！ 仲有 d 亞姐態度都好好ga！…Read More

電視剛介紹完便來一試, 已有心理準備要勁等, 星期六中午等了40mins, 我們三人被安排坐門口d 褶抬, 褶櫈位, 而對面大廈做维修工程不停鑽牆, 太嘈好難傾計又坐得唔舒服, 本人非常不願但無奈接受, 並點了以下食物 : 碎蛋三文治 ------ d 漿汁甜中帶少少酸, 好味......但我在別的怏餐店也嘗過這味道的碎蛋煙肉多士跟coffee, 只賣$22. 這店貴3倍!! 吉列豬排三文治 ------ 塊排有肉汁炸得又鬆脆, d 味同塊丹麥包好夾, 值得一試. 漢堡扒三文治 ------ d 牛肉味不夠香濃又鬆散, 冇乜配料, 同塊包d 味唔多夾. 玉桂蘋果雪糕多 ------ 難度不高, 容易過關. coffee ------- 唔夠熱味道都唔想提. 丹麥包的確香甜鬆軟, 但又是否值這個價錢則見人見智, 環境太迫人太多, 成＋個八個人望住我們等位, 最後啖包我仲要含住走, 感覺似去街邊地盤食午餐, 不過俾餐廳價錢!!! …Read More