nancytonyfelix's Profile

周打蜆湯：蒜蓉包超香脆，湯本身好濃好creamy，仲有蜆味鮮甜，係一個美妙晚上的好開始。鵝肝伴青蘋果配法包：細滑濃厚鵝肝，配上幾點醋同青蘋果，加埋脆口法包，配合非凡。香草白酒煮海鮮拼盤配蒜香法包：海鮮種類繁多，有彈牙魷魚，鮮甜帶子，同埋經典大蜆大蝦。香草白酒汁吸收所有精華，配蒜香法包好正。美國1855 安格斯肉眼（三成熟）：係今晚的重頭戲，肉眼已經幫我地切好一片片，放係鐵板上面熱住超正。牛扒三成熟，入面微紅，外面微焦，香嫩可口，有少少咬口。入口牛味香濃，肥瘦適中，油滑好靚，輕輕加少少鹽，已經好正。仲有蒜香同青醬可以點，但簡簡單單已經好好食。士多啤梨乳酪碎冰：入口好smooth，無粒粒碎冰，不會太甜，香濃士多啤梨酸酸甜甜，清新乳酪令整體更creamy，送肉就一流。 菠蘿忌廉配新鮮焦糖菠蘿疏乎厘班戟：香烤焦糖菠蘿甜中帶微酸，加上外脆內軟的鬆軟疏乎厘panacke，淋上清甜菠蘿糖漿，為一餐完美作結。…Read More

刺身•赤蝦：赤蝦刺身份量都算大，蝦肉厚身，口感幾爽滑，蝦味都濃，吃落去冇腥味。燒物•花魚一夜干（半條）：魚皮燒得香脆，魚肉厚身有少少油脂，整體鹹香但唔會過鹹，夾啲檸檬汁會清新啲。半條啱晒大家一齊分。•羊架：外層燒到焦香，裡面仲有肉汁，味道夠，唔算好騷味。•牛舌：切得厚身，燒完啲邊有少少脆，中間幾嫩滑，有嚼勁但唔韌，味道唔錯。•白鱔串：鱔肉厚度ＯＫ，燒起嚟有膠質感，味道較清淡，唔覺膩。•雞胸軟骨：軟骨部分爽脆，雞味足，味道偏鹹，適合鍾意咬口嘅人。•雞橫隔膜：肉質細滑，燒完帶微焦香，嚼勁適中，大家都第一次試，味道幾特別。主食•鰻魚蕎麥麵：蕎麥麵湯底清甜，麵條唔腍，鰻魚軟熟，味道淡淡地，收尾幾舒服。…Read More

放題一開始，當然要開胃一番，食下開胃菜先！手拍青瓜：酸酸甜甜，微辣好開胃刺身船：刺身船份量足，切得厚身，鮮味滿分，食得好過癮雞煲：我哋唔係食得好辣，嗌咗微辣，有豬皮雞肉，越煮越辣，超惹味終於來到主菜－火鍋！姬松茸益菌鴛鴦+鮮茄濃湯鍋：鴛鴦湯底超正，超濃超甜潮汕即切雪花肥牛：絕對係重點，每片牛肉都好大塊，肥瘦食中，烚吓烚吓之後，咬落好有牛味，又唔會韌，令人一絲難忘蜆：將啲蜆放晒落蕃茄湯底，一直一隻卜卜開，鮮嫩鮮甜鵝腸：洗得好乾淨，咬落超爽口，正脆肉鯇：脆口彈牙，點埋豉油就一流炸魚皮，響鈴: 吸入鴛鴦湯底，超級入味鬆脆紫芋丸：難得見到芋頭丸，出面彈牙，入面綿綿芋泥，好特別生菜皇帝菜油麥菜：新鮮爽脆，油麥菜同皇帝菜都好有菜味蓮藕片：爽脆飲品甜品類方面都好令人滿意！任飲：難得有Somersby，超驚喜，煲吓煲吓又可以飲清爽cider雪糕：竟然有movenpick, 叫咗薄荷朱古力好得意，當然唔少得經典雲呢拿味…Read More

前菜必試 Shake Shake 芥蘭！新推出，冰凍爽脆，混上微辣 XO 醬，開胃又唔膩。推介酒釀溏心蛋。原隻蛋，蛋黃啫喱感十足，入口又有酒香，好有層次。跟住主菜先係重頭戲。秋意豉油雞被譽為觀塘最好，雞肉超嫩滑，豉油味道恰到好處，唔會過鹹。想再升級可以揀雞髀肉，雞髀肉無骨方便，肉質仲特別彈牙，好正！秘制紅燒肉都好掂，肥瘦分明，入口香甜惹味唔膩。配埋蝦蝦冷拌麵，櫻花蝦加特製醬汁，麵條清爽，最啱夏天食。湯品方面，蟲草花烏雞燉花膠湯一定要試，用料足，啖啖濃味又滋補，暖胃又舒服。飲品方面推薦凍玫瑰山楂飲，甜酸醒神；低糖羅漢果菊花茶超級解渴，炎炎夏日飲一啖，舒服晒。成餐由前菜到飲品全部有水準，真係值得推介畀大家！…Read More

套餐有時令日本醃菜，椎茸酸甜，海帶脆口，泡菜微辣，每一樣都超級清新，不夠仲可以免費添！味增湯加大量油豆腐粒，暖胃非常。 鰻魚便當非常精美，便當一開香氣撲鼻，鰻魚咬落又軟又有油香，外面焦脆重有粒粒芝麻，配珍珠米超下飯。 片片醃蘿蔔在旁解膩，配搭得宜。另外我地叫左黑安格斯牛肉鍋物定食，配上壽喜燒湯汁。牛肉吸入湯汁再蘸上月見汁，嫩滑而又牛味濃。鍋入面仲好足料，大蔥冬菇雞髀菇旺菜夾極都有。稻庭烏冬彈牙，配湯汁好正。…Read More

雜菜沙律新鮮清脆嘅雜菜沙律，配微酸醬汁，啖啖爽口，剛好可以平衡主菜嘅油膩感。炭燒大雞串雞串一上枱就傳來炭香，外皮微焦、雞肉嫩滑，調味適中，十分惹味，用嚟做配菜好滿足。唐揚魷魚鬚必試小食！外層炸得非常酥脆，入口熱辣辣，魷魚勁彈牙，唔會過咸，大家都食到停唔到口。粗直薯條薯條粗身，外脆內軟，唔落辣粉，炸得乾爽唔油膩，薯味夠濃，肯定係薯條控嘅至愛。單骨雞翼雞翼外皮香脆，輕微帶辣，唔會太刺激，肉質保持嫩滑，食到少少辣都幾開胃。 烤菠蘿軟殼蟹漢堡用咗竹炭包，咬落去有淡淡炭香。內層嘅炸軟殼蟹鮮甜酥脆，配烤菠蘿微甜多汁，風味層次豐富，份量亦唔少。至尊雙層芝牛堡呢個漢堡兩層牛肉厚切多汁，芝士融化得剛剛好，成個蛋堡包住食，口感香軟，芝士同牛肉味道出眾，非常滿足。冬瓜龍眼茶飲品方面，冬瓜龍眼茶夠清甜，唔會過甜，凍飲用嚟配食主菜，十分解渴又清新。百香果茶熱百香果茶帶酸甜感，飲落暖暖地，飯後飲一杯，令人舒服又解膩。…Read More

方包熱辣辣又軟熟。配上經典紅白湯，味道更加豐富。一碗忌廉湯裡面有濃粟米和火腿，；而羅宋湯則有大量新鮮蔬菜，例如椰菜、紅蘿蔔、薯仔等等，每一口都感受到滿滿的誠意，材料十足，喝起來既暖心又暖胃。這家餐廳最出名的，莫過於港式鐵板西餐。大型鐵板熱辣辣地上枱，侍應姐姐會即席為你淋上特製醬汁，極具港式風味。這次我們點了大蝦拼牛柳，還有牛舌拼肉眼牛扒。大蝦肉質彈牙；牛舌滲出香濃肉汁，質地軟腍；牛柳五成熟，外層焦香、內裡嫩滑；肉眼牛扒豐富多汁，擁有足夠油香，吃起來回味無窮。搭配不同燒汁和黑椒汁，味道各具特色，再加兩元還可以升級新鮮蒜蓉，提升風味層次。最後不得不提的是餐後的經典奶茶，奶香濃郁，茶味突出，配上一杯花奶啫喱，食落清甜、口感滑溜，絕對是完美的結尾。整體體驗非常滿足，絕對值得一試！…Read More

鍋底一開始放咗生米，排骨，芋頭等，用來煲粥吸收晒蒸海鮮嘅精華每樣海鮮姐姐都會逐一仔細介紹，幫手蒸。老細係做海鮮批發出身，所以所有用料都非常新鮮！腌仔蟹：即係處女蟹，蟹黃飽滿，肉質鮮嫩，鐘意食蟹點少得佢。打開蟹鉗，一梳梳蟹肉，超爽。韓國釜山野生鰻魚：鰻魚油香，以薑絲清蒸解膩。點wasabi 清新，點豉油提鮮，各有特色。鰻魚皮滑溜煙韌，非常過癮。野生琵琶龍蝦：比較罕見，住係水底之下，背上有微微細毛，非常得意。第一次食，肉質雖然無龍蝦咁彈牙，但蟹味餘韻更加強烈，姐姐冇介紹錯。秘制南非鮑魚：南非鮑魚，連埋花菇都炆得非常入味大西洋野生青口：海水乾淨，同樣一點豉油都唔洗，飽滿不在話下，更嫩滑鮮甜，完全不是普通青口可比加拿大野生海虎蝦：極鮮味，一滴豉油都唔洗加，口感彈牙韓國釜山蠔：釜山蠔飽滿，入口微微海水味，入口creamy黃金翡翠螺：牙籤一插，巧手一轉，一大串螺肉出來，螺味十足蟹皇大元貝：大元貝，配上店家特製蟹皇醬，酸酸甜甜，鮮上加鮮有機蔬菜籃：海鮮食得差不多，食少少蔬菜，爽脆帶點，係個健康嘅過場。粥底，入口綿綿，鮮甜到爆，令半飽嘅我哋都食得一滴不剩。最後嘅最後，有椰汁雪燕，甜度剛剛好，雪燕慢慢化開，透心涼。…Read More

夏日熱辣辣，同朋友係旺角行街，行過more yogurt，就想飲下健康又冰涼嘅乳酪奶昔。正如slogan話齋，"一杯奶昔 , 等於一顆牛油果" , 每一杯都包含超級食物，而且奶源有保證，健康又美味。作為一個開心果控，我叫咗開心牛油果乳酪奶昔，唔係太甜，開心果味香濃，牛油果乳酪奶昔細滑。朋友簡芒果乳酪奶昔，粒粒芒果，酸酸甜甜，非常消暑。茉乳酪仲有好多健康之選，山楂榴槤等生果選擇都好吸引，下次再嚟旺角荷里活中心附近行街，一定會嚟試下！…Read More

白冬蔭公 - 南薑椰奶雞湯 (小)：入口濃香，除咗經典椰奶香外，仲有青檸香茅香，加上少許芫荽，配上香煎嫩滑雞扒，飲到停唔到口泰脆炸豬手：外皮極香脆，豬手嫩滑入味，配上惹味香辣醬汁，極開胃泰式虎蝦金邊粉：虎蝦大大隻，剪得香脆，配上鮮甜pad thai 醬，粒粒花生，條條芽菜，煙韌金邊粉，炒埋一碟，正三色冰奶蓋： 三色龍鬚唐系飲品上面超靚，配上濃濃椰奶蓋，加埋三色珍多粒，有睇頭又有嚼口，係南亞風廢水！椰皇：原個椰皇極清甜，為一餐劃上完美句號.…Read More

今日我嚟到海防道嘅貓之茶房，位置超方便，就係尖沙咀地鐵站附近。一入去就有個地方可以換鞋，仲有免費拖鞋提供。店員詳細介紹咗啲貓貓同埋注意事項。入到去嘅時候，佢仲畀咗一個透明大袋，方便我放隨身物品，真係好周到。店內空間好大，環境好乾淨，一d異味都冇，有好很多貓床、貓樹等等。有十多隻貓貓，但因為我中午去，佢地大多數都食飽瞓緊。d貓貓都好友善，可以摸可以餵食，但記得不可以抱！如果你同朋友一齊嚟，呢度仲有好多桌遊可以玩，真係好開心。店內食物也唔錯，有雪櫃有曲奇、蛋糕同飲品，價錢都幾平。我哋點咗凍mocha、朱古力松露蛋糕同巴斯克芝士蛋糕，味道軟滑香濃，估唔到都幾好食。仲有，呢度有部分貓貓係流浪貓，店裡有呼籲大家可以考慮領養，真係好有愛心。總括而言，我今次喺貓之茶房過咗一個好放鬆嘅下午。設施齊全，有充電器、披肩、頭飾同桌遊。週未首小時入場都系只需$68, 好抵，好係一家大細/情侶嘅週未好去處。…Read More

麵包熱辣辣，配上冰凍香濃牛油，正前菜法國藍龍蝦他他配鵝肝脆雞皮，醃製蛋黃及生蠔葉：鵝肝雞皮脆片濃香，像nachos 一樣食，很特別，龍蝦他他彈牙又鮮味，很有層次日本帝王蟹蛋泡沫配24個月法國康帝芝士脆片及海膽：蟹肉鮮甜，水波蛋泡沫creamy，芝士片香脆，海膽又creamy，仲有魚子醬提鮮，口感濃郁豐富，鮮上加鮮荔枝車厘茄凍湯配西班牙紅蝦及酸甜西瓜皮：荔枝味比較濃，紅蝦完全無調味，輕輕一燒，取其鮮，配上淡淡番茄甜酸同滴滴紫蘇油主菜龍蝦配香酥脆皮，魚子醬及清酒忌廉汁：龍蝦結實，脆皮香酥，魚子醬點綴，淡淡清酒汁清香而不膩，配海鮮絕佳熟成本地雞胸肉卷配龍蝦汁脆炸鵝肝及菊芋蓉：香濃龍蝦汁，濃香黑松露醬，濃郁而又外脆內軟炸鵝肝，配上嫩滑雞卷以及清香菊芋蓉，相映成趣甜品腐皮法式千層配豆腐忌廉芝士桂花茶：香脆腐皮，夾住香濃豆腐忌廉芝士，淋上桂花茶糖漿，非常特別，係美麗維港夜色下，為呢一晚劃上完美句號…Read More

小店裝修有特色，勁多餃子公仔，長期爆滿，超正！「夏日限定」涼拌話梅苦瓜：入口梅香清新，帶微酸，尾段微苦卻清爽解膩。山葵八爪魚：八爪魚爽彈，山葵微嗆開胃。麻藥溏心蛋：蛋黃半熟滑溜，調味入味但不會過鹹。胡麻醬拌拉麵：麻醬香濃，麵條彈牙爽口。花膠雞絲湯麵：雞湯濃郁厚實，花膠大塊啖啖爽滑，雞絲配扁麵更能吸湯。煎大蔥牛肉餃 & 煎黑松露豬肉餃：外皮香脆，餡料新鮮。牛肉帶蔥香，豬肉則混有粟米同黑松露，香氣濃郁，口感突出。大葉雞肉餃 & 鮮蝦帶子餃（湯餃）：餃子飽滿多汁，紫蘇葉襯托雞肉帶清新感；鮮蝦帶子鮮味突出，層次明顯。煎朱古力餃：甜點驚喜，外皮脆口，內餡朱古力香濃柔滑，甜而不膩，有點似鼎泰豐朱古力小籠包，但更香脆。自家製凍蔘蘋果雪梨水 & 凍青檸薏米水：甜度適中，果香清爽，解渴。…Read More

酥炸花枝丸：外脆內彈牙，又有鮮味，是經典台灣小食。綜合滷味拼盤：滷蛋入味，豬耳爽脆，大腸軟腍，整體滷香突出，不會太鹹。總鋪師私房牛肉麵：湯底濃郁帶藥材香飲不停口，牛肉部位多樣，金錢輾、牛肋條、牛筋、牛肚絲，口感層次豐富，其中牛肋條最入味軟嫩，麵亦彈牙，爽!鐵牛臭臭鍋（微辣，加安格斯牛肉片）：湯底帶臭豆腐香，鴨血幼滑，米血糕有嚼勁，粉絲同新竹米粉吸湯夠惹味，加牛肉片超豐富。第一次食臭臭鍋，一開始都有少少不安，但又幾過癮。南投百香果QQ（凍）：清爽帶果香，口感層次感足，解膩。宜蘭金桔檸檬蜜（熱）：微酸微甜，暖胃潤喉…Read More

豐盛火鍋, 肉肉各有特色牛肌腹: 雪花肥牛非常肥美牛肩胛: 牛味香濃豚梅肉: 嫩滑牛小排: 油香牛味兼備牛舌:香滑，一流羊卷肉:不會太騷炸物有驚喜日本一口芝士:香濃拉絲外脆內軟雞軟骨:脆口又香口腐皮蝦寶:香脆彈牙難得泥牛摩，當然要食經典 溫泉蛋牛摩飯 - 滑溜溫泉蛋放在洋蔥煮免治牛，配上香香珍珠米，正！海鮮方面，尤其深刻墨魚滑同鱔片，又彈牙又鮮味，其他海鮮都好新鮮！咁岩係『台灣祭』，除左火鍋炸物外，仲可以品嚐台灣特色，例如台灣腸，冰烤番薯，麻煩鴨血等，十分過癮！食到飽，都未嘗試曬所有選項，甜品只可以淺嚐，下次再試過！…Read More