nikiman2514's Profile

是一間多國菜的西餐廳，餐廳裝潢以🧱磚牆設計為主，座位寬敞梳化主色調是藍色為主，還設有調酒位置和電視供食客觀賞足球賽事。 店員服務不錯會主動上前打招呼及介紹，驚喜的是已過了午餐優惠時段竟然可給客人落午餐😎。以下是跟友人點選的食物：前菜：🎃南瓜忌廉湯湯的質地都好軟綿杰身口感軟滑，但味道唔太濃郁飲了幾啖都不太覺有南瓜味😅。🥭意大利芒果烤麵包一款較特別的前菜，薄脆的蒜蓉包上面灑了芒果碎粒、蕃茄粒和洋蔥粒，口感好特別既清新又刺激（因為洋蔥有點微辣🤣）主菜：🐮纽西蘭肉眼牛排配薯條（七成熟）一塊厚薄適中的牛扒和薯菜遞在面對時，賣相都幾吸引。第一時間當然係影相啦，之後二話不說淋上醬汁再切開一片片然後一大啖咬落去🤡。友人說牛肉煎得過硬但唔算韌不太像七成熟🤔，但味道都唔錯牛味濃郁肉汁適中，薯條脆身份量都算多，整體唔錯。🍄波菜松露蘑菇意大利雲吞松露味道相當濃郁，醬汁好多尤如幫雲吞沖涼一樣，咬開的餡料是有芝士和少量菇菌味道都幾夾，但老實說如果當作Lunch的話份量其實不太夠，因為只有六粒左右的意大利雲吞，太少了吧！🍋凍檸檬茶茶味濃過檸檬的檸檬茶，本人較喜歡喝港式的🙂。甜品：🍨布朗尼蛋糕配雪糕正當埋單之際估唔到竟然有甜品食，因為餐牌上顯示只可以選擇飲品或甜品。甜品份量很細只有一細格，其味道竟然係唔甜的仲雪到好硬身，幸好有雪糕的甜味輔助下，整體來講不太喜歡😅。…Read More

是日跟友人走進銅鑼灣食正宗泰菜，這餐廳的職員無論廚師及侍應都係泰國人。其位於銅鑼灣站D1出口行兩分鐘就到，十分方便。 餐廳環境好chill比人感覺好舒服好適合打卡，亦是一個適合一大班朋友、閨密、情侶飯聚的好地方。夜晚仲要有Cocktail飲，真係諗起都覺得正👍🏻。 以下是跟友人點選的食物： 🍤鮮炸蝦餅拼香辣炸魚餅兩款各有兩件， 外層炸到金黃色的蝦餅和魚餅未食已經流哂口水🤤。先講蝦餅其口感爽脆彈牙蝦味又濃夠哂惹味。 炸魚餅皮層脆口味道微辣口感彈牙又唔腥😏。建議沾上甜酸醬食，這會令兩者味道更香更突出。 🥗柚子沙律（腰果、花生、青蔥、椰子和酸檸檬汁）餐前食幾啖沙律作開胃菜都是一個唔錯的選擇，這款沙律味道好特別，第一啖食的時候味道微酸柚子味重，但再食的時候椰子絲和花生和腰果味道開始慢慢帶出來，是好有層次的一款沙律。開胃解膩之餘仲可以有解辣作用。 🍲冬蔭功湯食泰菜當然要飲冬蔭功湯啦！其份量足夠二至三人的冬蔭功湯，湯料相當足包括有草菇、香茅、檸檬酸、辣椒，蝦等。 整體味道酸酸辣辣相當開胃，但辣的味道較突出飲完後整個人暖笠笠不錯之選。 🦀蟹肉炒飯大大碟的蟹炒飯味道不錯香口又鮮甜。雖然唔算炒到好乾身，但也做到粒粒飯都好分明的效果，飯份量及蟹肉都好足，基本上每啖飯都食到蟹肉。 🥥鮮椰青食泰菜必點的飲品之一，椰青清甜又多汁相當解渴。 🍍黃金夢（鮮菠蘿汁+鮮芒果汁）飲品可以選擇甜度。小編選了走甜因為這樣可以試到飲品的原味道。兩者混合的味道好清新又平均唔會話偏重於某一種生果味道。果糖甜度還好唔算好甜，飲完就好似食左兩個水果落肚似的，營養價值十足👍🏻。…Read More

這店較早前已食過一次覺得其湯底好濃郁，好足料所以再次翻兜。 餐廳採用工業風水泥裝潢，室內牆身掛滿主打食物圖片的相框令人增添食慾感😬。 以下是跟友人點了的食物： 食湯麵第一件事當然係飲啖先啦！其味道有少少微辣薑的味道較特出，還有多種香料結合的湯底味道偏濃郁。但整體來說唔算太咸飲完唔會覺得好口渴無味精的感覺。 🐮 頂級安格斯牛肉 船湯 金邊粉 🍜US premium Angus Beef Boat除了主角安格斯牛肉之外配料仲有魚蛋、炸豬皮、白蘿蔔和秋葵。牛肉份量多有咬感唔會過韌或過“林”牛肉味濃吸入湯汁後味道更佳。金邊粉麵質”偏”林身又吸湯，所以當麵吸入湯底後味道更突出更提昇到另一層次。 🦪 廣島蠔 船湯 金邊粉 🍜Oyster Boat Soup蠔迷的朋友有福啦！這碗船麵起碼有五粒或以上的蠔。而且每隻蠔仲要好大粒好飽滿。即使經過烹調，也不太會縮水，當咬開每啖都有爆醬爆汁的效果，口感肥美蠔的味道濃郁帶有微甜味。（配料同樣有魚蛋、炸豬皮、白蘿蔔和秋葵。） 🍹泰式青檸梳打特飲泰式飲品之一可選擇甜度， 味道酸酸甜甜夠哂開胃食完一碗味道濃郁的麵既解膩又解渴。 🍼 泰式奶茶食泰國野唔飲泰奶點對得住自己，整體味道偏甜但茶味和奶味兩者味道好平均不錯之選。…Read More

本人其實第一次食韓式的刀削麵😆。今次的餐廳係香港第一間韓國刀削麵店來！一於食下好唔好食先😏。 餐廳位置唔多只有五至六張枱，簡潔風的裝潢牆身有一邊印上一幅韓國夜景的畫，另一邊掛上了幾塊印上主打食物的木牌。 以下是跟友人點選的食物： 🦪花蛤刀削麵 Noodles Soup With Clams一碗湯底清澈面層曬滿蛋花、紫菜花和蔥花，配料有冬菇，韭菜內層藏著十幾二十多粒的花蛤十分豐富，營養價值高。未食先飲湯，湯底充滿了花蛤的海鮮鮮甜味和海鹽味。刀削麵份量都幾多，麵質煙煙韌韌跟湯底味道相當配合，食完整個人都好暖笠笠😬。 🐮牛骨湯刀削麵 Noodles Soup wit Ox Bone Broth面層同樣曬滿蛋花、紫菜花和蔥花，配料有冬菇，韭菜。奶白色的牛骨湯底充滿鐵質的營養價值。湯底味道幾香有淡淡的牛味而不油膩。牛肉味道濃，肉質唔韌唔“鞋”口容易咬開。 🥟雙拼餃子 Half and Half Jumbo Mandu分別是大豬肉餃子和泡菜餃子口味。韓式餃子跟中國式的餃子大不同，韓式的餃子是大大粒的。 大豬肉餃子味道：餡料的粉絲韭菜和豬肉相當充足擠滿了整個餃子內層，可以話啖啖肉韭菜味道剛剛好唔會過濃，沾上餃子汁一齊食味道更佳。 泡菜餃子味道：餡料是泡菜和豬肉同樣擠滿了整個餃子內層。味道偏辣好惹味，辣感會徘徊在口腔一段短時間，整體味道唔錯令人想食完繼續食的感覺🤭。 🐷五花肉泡菜煎餅 Pork Bely and Kimchi Pancake煎餅外圍有少少微濃脆邊的效果，口感煙煙韌韌。每一片煎餅餡料也好平佈著五花肉和泡菜相當平均，其味道香而不辣。…Read More

這餐廳位於尖沙咀站N2出口, 步行五分鐘左右就到 ，十分方便👍🏻。大廈門口直上一層樓梯就到餐廳，門口位置張貼了很多小魚兒的餐牌及食物相片，連樓梯級及牆身也精心佈置了魚的裝飾及燈飾。餐廳分了兩邊， 牆身貼了數張菜式餐牌，底色採用了紅色，圖案用了魚造型的相當可愛。不得不讚抽風系統做得不錯，因為跟友人進餐時油煙唔算大，食完成餐飯唔會整到一身都係烤魚雞煲味😬。以下是跟友人點選的食物：1️⃣先選擇魚種類：🐟海驢魚 （碳火風味烤魚）2️⃣選擇烤魚口味：老壇酸菜豆花 🌶️辣度：BB辣 ⁃ 不麻鍋內的配菜分別有： 青瓜、寬粉、豆腐、芫茜， 紫洋蔥等 。食物遞上時賣相已令人垂涎欲滴，聞到烤魚的酸辣味更會令人食指大動😁令人迫不及待好想即刻食🤤。魚的份量都算大條，絕對足夠二至三人食。烤魚肉質細嫩、厚、實，魚的細骨少所以食落啖啖魚肉。 當魚肉吸入湯汁精華時每一啖都會令人有食唔停的感覺。最重要係魚肉唔腥❗辣道選擇了BB辣走麻，所以絕對唔駛怕辣到食唔到。跟友人加選了以下配料：萵荀、豆卜 、寬粉、日本扇貝。當中的寬粉係食烤魚一定唔少得的一樣配菜，口感煙煙韌韌就算煮久了亦都唔會好“林”，跟烤魚一齊食味道相當夾。 豆卜更加不用多說，吸哂湯內精華係必點的配菜之一。 大大粒的扇貝味道鮮甜沒有沙跟湯底味道很搭配。萵荀口感爽口清甜可作解膩。🍋‍🟩青檸梳打 & 🍓草莓荔梳打食麻辣最適合飲番杯有氣飲品既解渴又解膩😬…Read More

餐廳面積都幾大，劃分為室外和室內（如食晚飯本人建議坐室外會較有feel。)，餐廳的裝潢都是簡單的泰國裝修，室內座位尚算闊落，如坐圓枱會有少少逼。以下是點選的菜式：🍳香葉肉碎煎蛋飯 賣相相當吸引荷包蛋煎到微燶，蛋黃仲係半生熟的狀態一切開仲做到流心的效果相當吸引😍。肉碎混和了豆角拌勻一齊食味道咸咸辣辣好惹味好適合佐飯。🦐蝦醬炒飯食物遞上時已聞到濃濃的蝦醬味道，配料還有幾片豬頸肉伴碟但本人覺得其肉質較“鞋”口有點韌😅。炒飯方面都幾有鑊氣，做到粒粒分明的效果。整體味道還好唔太咸反而是有種甜味😅。🐮🍞印度紅咖喱配烤包每份印度烤包都是即叫即製的。外邊烤到微濃仲有少少脆邊，口感煙煙韌韌相當不錯😋當烤包沾上咖喱後其味道可以話係再上一層樓，咖哩的辣味跟烤包一齊食的話簡直係完美的配合。雖然味道都幾辣但好惹味會令人食唔停口。🐔🍞印度白咖喱配烤包這款咖哩較紅咖啡甜有少少奶油味和辣度程度低，適合唔太食到辣的朋友仔。雞肉肉質嫩滑配搭咖哩食一流。🍢泰式串燒（雞、牛、豬）雞串味道偏向咖哩味偏咸。豬串味道甜甜的肉質有點韌但唔羶。牛串味道一般牛味道唔算濃肉質也是有點韌。當沾上醬汁後味道多了一層咖哩味，但這會令整體更咸😅。🍼泰式奶茶正宗泰國奶茶味道，茶味和奶味都能取得平衡味道醇厚奶滑唔太甜又解渴，食完味道較辣的食物又可作解辣之用，認真不錯。🍋泰式檸茶味道清新茶底清澈沒有苦澀味的檸檬茶相當解渴。…Read More

店內舖面座位不算多但設有兩層，牆身的漫畫壁畫吸引了小編眼球，畫中每個人物和物件都畫得好細緻。上層同樣有壁畫是貓主題的，但掛住食忘了影相😅。 座位與座位之間都闊落幾好坐適合聚會的。 以下是跟友人點選的食物： 🦞龍蝦尾海鮮濃湯蝦麵 配料共有六樣：（龍蝦尾、帶子、青口、 魚片、雞蛋，通菜）這道菜式是每日限量供應的，而且還不設外賣，所以想食的朋友仔記得提早進店落單啦！絕對唔惹少的湯底，遠距離在廚房遞出來時已聞到好濃郁的龍蝦味，湯底質地好杰身呈糊仔狀。只睇賣相已經口水流🤤。識食第一時間一定飲湯先，其味道真係無得輸超級鮮甜仲飲到濃郁的蝦膏味道😋。當油麵放入口時，每食一啖味覺完全被蝦味覆蓋。主角龍蝦味道當然夠新鮮，肉質彈牙蝦味相當濃。其次是帶子青口這兩款海鮮同樣是相當出色，味完全唔腥仲冇沙。魚片爽口又彈牙，整體食物味道近乎滿分。麵質方面油麵質感粗身口感煙韌Q彈的感覺令人越食越想食👍🏻。🧇咖央多士 餐廳必點食第之一，一分為四的多士，牛油跟咖央醬混埋一齊未食已經覺得好邪惡😈再一啖咬落去先唔講味道，已聽到脆卜卜多士發出的聲音。味道兩者結合一起時相當夾，食落又唔會覺得膩最主要唔太甜十分正😬。 🐷細滲食得東南亞菜點少得食肉骨茶呢，食材相當足料份量絕對夠飲。（因為這店的肉骨茶可以無限添飲👍🏻）配料分別有：（五花腩、豆卜、雞腳、 豬腳、豬肚、一字骨，金菇等）肉骨菜精華所在在於湯底，由多種藥材及香料煲成， 所以營養價值相當高仲會有健脾益胃的效果😎。 湯底味道相當濃郁配豆卜一齊食吸哂湯汁真心正👍🏼。每樣配料都平均分配所以上菜時擺盤相當豐盛。每一啖都能品嚐到肉骨茶的味道，五花腩肉質鬆化越食越惹味，其次是豬腳和雞腳估唔到會有入口即溶的效果，相當入味。這道菜雖然叫細滲但份量絕對夠三人食。 🐔芽菜雞 （例牌）馬來著名菜式之一，雖然只是例牌但Size相當大件，黃色的雞皮顏色奪目吸引食慾🤤。每件雞件都肥大肉厚，值得一讚是肉質相當嫩滑完全唔“鞋”口，底層的芽菜吸入雞湯的精華味道相當不錯又可解膩。 🦑水魷蕹菜 面層的麻辣醬令唔太喜歡食辣的小編都覺得惹味，水魷魚跟這醬汁味道是一個完美配搭，蕹菜吸入湯汁後更令人有食上癮的感覺越食越過癮😋。🍋檸檬薏米水美白袪濕的薏米水適合貪靚的朋友仔，其味道酸酸甜甜是一款不可多得的解膩飲品。🦖美祿恐龍飲品頂層有美祿脆片、美祿粉，和加上蜜糖星星作點綴賣相相當邪惡😈。底層還加上了煉奶喜愛甜的朋友仔強烈建議點選這杯飲品。…Read More

🍕海鮮披薩 （ salmon. Squld Shrimp. Clam. Mushroom. Onion ） 海鮮配料： 披薩上可見三文魚、魷魚、蝦、 蜆肉，蘑菇，洋蔥 。每樣海鮮都好新鮮完全唔腥，基本上每件披薩都可食到海鮮，分佈得好平均。披薩表面淋上橙色的特色蛋黃醬汁，中央堆滿了鰹魚碎，為其增添了日式風味。披薩餅底較薄，邊緣略帶焦黃口感香脆可口。 🍳All Day Breakfast全日早餐是本人喜歡的食物之一，基本上每次見到都會忍唔住落單，因為佢可以一次過食到不同的食物 。這菜式餐廳有幾款肉類可選擇（例如豬或牛）是次選擇了雞胸肉。食材非常豐富，包括有雞胸肉賣相看似乾身鞋口，但食落沒想像中這樣，甚至乎有種香烤雞肉味，味道不錯。香腸外層脆身切開仲有肉汁流出來，肉味濃郁。鹹香味煙肉但小編覺得口感太乾身似食緊餅乾😅。炒菌菇菇汁多味道香濃。煎到好靚的太陽蛋。味道香口的薯仔粒。牛油果醬塗上香脆多士。烤車厘茄咬開爆汁，以及鮮翠綠嫩的沙律菜，每款食物都好新鮮營養價值又高，是一款較出色的全日早餐。 🍰自家製焦糖芝士蛋糕芝士蛋糕旁邊放了幾顆水果令食物賣相增添色彩，提升食慾感。餅身滿佈焦糖其燒到微濃的效果再配上濃郁的芝士蛋糕兩者味道相當夾，令人忍唔住一口接一口，雖然食到中段會覺得膩，但水果及果醬可做到解膩的效果。以蛋糕作結為當日晚餐劃上完全句號。 ☕Flat White 有時會因為拉花而特登點算熱咖啡，這杯拉花圖案雖然簡單但拉得算工整。老實說本人覺得這店的咖啡算是不錯較高質的，其咖啡味道可選擇果香味豆、堅果味豆或單品咖啡豆，奶也可選擇燕麥奶。選擇了果香味豆及純牛奶，飲落口感好順滑乾淨味道微酸略帶花香味，唔會太重奶味好適合配搭蛋糕類食物。…Read More

餐廳門面已經相當搶眼，遠處已看到牆身掛上了一個以燈泡拼砌成的招牌”ITAMAMA"。餐廳裝潢充滿歐陸格調很時尚，其面積都算大座位很多，環境令人感覺舒服寫意，適合聚餐。順帶一提餐廳兩點後是下午茶時段，食物份量相對較正餐細份，但價錢經濟實惠適合來過快閃短聚約會。🍕MaMa手工披薩 六吋 (香草腸-温泉蛋-煙肉 肉醬） 採用招牌名來改的菜式當然要一試啦！加上意大利餐廳著名食物是披薩，味道都唔會差。一顆溫泉蛋放置在披薩中間一切開蛋液緩緩流出，分散在每塊披薩上，每件披薩配料分佈都相當平均，脆卜卜的餅邊配上各種配料食落口感豐富有層次，味道唔會太膩及過咸值得一試👍🏻。 （這份是下午茶份量）🐷香烤厚豬扒拼芝士腸 配珍珠飯•田園沙律只睇賣相吸引已覺得好吸引🤤 豬扒厚度真係冇呃人，真係好厚仲好容易切開，豬肉肉汁多味道濃充滿油脂但又唔會有豬羶味，食落有少少黑椒味有入口即溶的感覺。芝士腸咬落質感脆身，芝士味濃但小編覺得咸了一點。整體其實處理得不錯，但美中不足是珍珠飯口感太硬感覺有點似煲仔飯般太多飯焦影響了菜式的表現🫤。🍝輕量鮮蜆青醬天使麵鐘意食青醬的朋友仔建議你們點選這道菜。本人對青醬味道一般，覺得醬汁味道太濃搶走了蜆肉的味道，加上蜆肉食到有少少沙和腥味😑。不過天使麵處理得唔錯唔會過硬及過“林”。☕熱咖啡出奇地有驚喜的熱咖啡，雖然係機沖的咖啡但估唔到咖啡味道香濃飲落順口絲滑，值得一推👍🏻。🧊凍無糖齋啡凍齋啡相對比熱奶啡比下去，味道較似炭燒咖啡的味道，應該是深炒的咖啡豆來，如果喜愛堅果味較重的朋友們不防一試。…Read More

餐廳環境燈光曛暗，水泥風的格調和周邊日系的擺設比人一種放鬆寫意的感覺。🫓燒芝士年糕外脆內軟的燒芝士年糕外層用紫菜包裹，其做法方便拿取也令年糕多了一種口感。當芝士年糕咬開時溫度微暖有軟糯的感味道不錯。🐟拖羅蓉脆米餅 一款無論味道及外觀都不錯的頭盤，底層的米餅脆卜卜有少少焦香味再配上拖羅蓉入口即溶的感覺令人一刻愛上。本人建議拖羅蓉沾上芥末及小量豉油一齊食味道會更佳。 🍚海膽炒飯 海膽炒飯可以話係其餐廳的招牌菜，差唔多每一枱食客都會叫的。這菜式亦設有輕量版其採用蒟蒻米。但這次選擇了正常版。其賣相顏色鮮豔，面層兩粒新鮮的大海膽周邊放滿了大量蟹籽及三文魚籽，飯內配料也相當足分別有菇菌、蝦干、小元貝粒。將飯拌勻一齊食後味道好鮮，口感微糯有少少黏口，令人忍唔住一啖接一啖。 🐔雞翼/串 （鹽燒）雞翼燒得剛剛好做到脆邊的效果，雖然皮層有少少咸，但雞肉肉質嫩滑適合佐酒。 🐷豚肉露荀卷 一串四件的豚肉露荀卷。豚肉味道好香濃，每件豚肉片包上一小件露荀，當一齊食時整體口感爽口露荀亦可中和豚肉的咸味和肥膩感。 🐔黃金聖衣（雞皮）這款燒物第一次食，味道及外形也能帶給我驚喜，估唔到雞皮都可以燒到這麼薄和脆，質感好似豬肉紙，食落味道有雞味之餘亦有炭燒味，不錯之選。餐廳酒類飲品進行優惠買一送一，入得居酒屋當然要飲番杯酒先稱得上圓滿。所以跟友人點選了以下：🍇巨峰提子Highball 🍑白桃Highball …Read More

老實講其實本人跟友人為了食其自選刺身配搭的丼飯才過來進餐！竟然$68 就可以食到四餸丼，最多可選擇九餸$148 ！超高性價比🤩！餐廳招牌採用了橙紅色相當搶眼，其裝潢無論門面或內部都充滿日本氣息，尤其店內牆上掛了幾幅跟🐯相關的掛畫還有大字寫了“正丼燃” ”當然正”的裝飾相當霸氣！天花板也放置了幾個燈箱一個寫著“丼燃火爆”的火形燈箱同樣相當搶眼😏。 跟友人點了以下食物：🦀乜蟹都有丼（ 海膽醬） 限定蟹棒、 蟹肉 、蟹籽、蟹膏，蟹鉗單來講係原隻蟹拆件所有部位一次過食哂，可以話對蟹迷來講一個大滿足😍。為味蕾帶來多重刺感先講賣相已經好吸睛，所有食材都相當新鮮食落好鮮甜值得一讚是蟹膏唔腥。將所有食材拌勻一齊食味道更上一層樓。🍱六餸丼飯 估唔到丼飯都可以有自選刺身選擇，六款餸每款分別都有有兩片都幾足料。刺身味道同樣新鮮尤其蝦類味道好爽甜，火炙左口邊入口即溶的感覺令人一食愛上😋。🔥火焰焦糖三文魚卷 講得出火焰卷當然是有🔥啦😁。 店員上菜時會用火槍點上碟周邊的蠟造成了火焰效果都幾搶眼。壽司上層蟹籽和火炙三文魚， 內裡是青瓜、蟹柳，蛋。每件壽司的Size一致。小編建議一口一啖因為這樣才可以食到層次感，好自然令人一口接一口🤤。🍺ASAHI 朝日啤酒 🍑白桃冷泡茶…Read More

餐廳門口和周邊都是以日式風格來裝潢，門口櫥窗位置放置了大量的特色清酒，座位與座位之間都好闊落坐得好舒服。最值得一讚係串燒店抽風做得很好油煙味唔勁👍🏻。餐廳的串燒種類有好多選擇分別有雞、牛、豬、羊、魚、海鮮、蔬果、佐酒、穀物，甜品等。每串串燒火喉都控制得恰到好處唔會太濃。每枱仲設有一個爐，就算跟朋友傾計傾耐左都唔怕，因為可以將食物放上去整熱佢再食相當貼心😬。順帶一提生啤有買一送一優惠岩哂一大班朋友一齊啤啤佢🍻。以下是跟友人點選的食物：（因為點選了太多串燒的關係不會逐一點評，會將推介的串燒加以點評😁。）🐔惹味蜜糖燒三黃雞全翼雞翼都算大隻，面層的惹味醬汁滿佈蜜糖雞全翼的身上，咬落去啖啖爆汁雞肉味道甜甜辣辣好開胃。🦪蒜蓉燒生蠔蒜蓉味濃加上肥大汁多的燒生蠔完全唔腥是燒烤必食的食物之一。 🫓黄金芝土年糕外脆的黃金芝士年糕咬開有拉絲的感沾上煉奶一齊食味道雖然又咸又甜但比相像中好食味道都夾。🫑鹽燒日本青椒仔被木魚包圍著的日本青椒仔形狀細細條的容易入口，味道咸咸的和濃濃的青椒味相當適合佐酒。🍄‍🟫牛油芝士蒜蓉焗雜菇份量相當足的蒜蓉焗雜菇面層滿舖芝士相當邪惡，只睇到賣相已經流哂口水😋。食落每啖都好有濃濃的牛油芝士味令人忍唔住一啖接一啖。🍙明太子燒飯團 份量足的飯團周邊燒到微脆有焦香感，每粒飯粒都好分明加上面層仲有大量明大子醬包上紫菜後味道不錯。🐟日式燒白鱔脆卜卜的皮層再配上肥美的白鱔原全唔腥，其鮮味及蔥花的香味真係無得輸。🐑秘制燒羊架羊架份量都算大件，羊的肉汁都算多其味道又唔羶，孜然粉味濃之餘咬落亦充滿羊脂的味道。🐷韓燒泡菜五花腩喜歡食辣的朋友建議可以點選這串燒，泡菜味道偏辣又惹味配上層次分明的五花腩可解除豬油的肥膩感，味道亦可口。🌶️麻辣豚肉莞茜卷麻辣味道令人醒胃的莞茜卷味道特別完全唔覺得似食緊莞茜亦是適合佐酒的串燒之一。P.S. 🔞🍺未夠18歲的朋友仔千祈唔好飲酒呀！…Read More

餐廳裝潢是仿木的牆身設計，牆身掛了很多中型的啤酒蓋和揮春，座位都算多座位與座位之間尚算闊落幾舒服。 餐廳位置位於大埔墟站A1出口步行十多分鐘就到。除了售賣漢堡薯條外還有意粉扒類等。雖然食漢堡係應該拿上手食先叫正宗，但餐廳的漢堡SIZE都幾大份難以一啖咬落口🤣，所以只可選擇切一半再放入口。其實本人好怕切漢堡，因為市面好多店的漢堡一切開就成個會塌下來，食的時候要砌過漢堡再切過或逐層食相當麻煩😅 。不得不讚這店的漢堡皮層製作過程處理得相當出色，好脆身食落好香口切開時仲唔會容易塌下來。是次跟友人選了以下兩款漢堡 :🐮經典牛肉漢堡🍔🍟Signature Hamburger相當有份量的一份牛肉漢堡，牛肉肉汁多到滴出來，牛肉肉質好結實但也不影響其口感其完全唔韌唔”鞋”口食落充滿濃厚的牛味🤤。內層除了牛肉之外仲有、芝士、酸瓜、生菜和蕃茄。食完肚皮相當滿足👍🏻。 每個漢堡餐都會包一份薯條，不得不讚薯條的味道相當不錯薯肉又多，外層夠脆身就算影相影耐左都唔會影響到佢脆身的質感👍🏻。🐔BBQ 葡萄牙烤雞漢堡🍔🍟BBQ Pineapple Peri Peri Chicken Burger 邊個話漢堡只得牛可以選擇？餐廳還有提供雞漢堡可選擇。同樣相當足料烤雞份量大塊又厚身肉汁真係多到無得輸，內層除了雞肉之外仲有菠蘿、芝士、生菜和蕃茄。當雞扒跟菠蘿一齊食時味道相當夾，菠蘿仲可以為煎雞扒作解膩之用減低罪惡感🤣。 🍺比利時手工啤酒🐘DELIRIUM TREMENS BEER食煎炸野當然要配有汽飲品先名盡興，這次選擇了一支試面較少見的啤酒，其濃度為8.5% 一開蓋時已聞好香果香味，飲落只有少少苦味和麥味，感覺似飲有汽的果汁酒多點，配搭漢堡可以話係完美的配搭。🍼焦糖鮮奶CARAMEL MILK TEA這杯飲品味道略為有點奇怪，雖然味道不算太甜，但味道較似小朋友飲的營養奶粉飲品😅。…Read More

餐廳裝潢是採用傳統式的韓式裝潢，外牆是淺藍色為主，店內主色以橙色為主，還放置了幾部電視播著韓國的k-pop 音樂感覺真係好似去了韓國當地進餐，座位與座位之間好闊落坐得好舒服👍🏻。🍗原味炸雞Original Fried Whole Chicken來這間店一定要點的食物之一，因為其炸雞是相當出名的，跟友人想嚐嚐炸雞的原味道所以選了原味，即叫即製炸炸雞一遞上時已聞到好香炸雞味，真係未食都已經口水流。皮層脆トト內裡暖笠笠的炸雞，肉質真係好嫩滑咬開仲爆汁，就算唔沾上任何醬汁都覺得好入味好好食😋。🐟魚糕湯Fried Fish Cake Soup是日天氣凍凍地最適合食鍋物，來到韓國餐廳當然也要點選魚糕湯啦！其份量超級足料魚糕滿佈整個碗份量足以四人份。第一時間飲啖湯先，湯底相當有驚喜因為既沒有魚的腥味又沒有好濃的胡椒味，只有清甜的魚鮮味和夾雜少許芽菜的草青味，飲完啖熱騰騰的湯整個人都暖笠笠☺️。魚糕味道煙韌彈牙跟湯底味道很夾。🌹韓式玫瑰醬炒年糕Rosecream Noodle Tteokbokki份量也是相當足料的炒年糕，配料還有芝士腸其足以四人份量。年糕外型長長的跟烏冬相似口感煙煙韌韌的，其味道好特別有少少煙燻的味道，當芝士粉溶了和偏甜的玫瑰醬伴勻年糕一齊食時食完唔太覺得好膩口，仲有少少開胃感。🔵藍梳打🥤Curacao Blue Soda顏色相當奪目的藍梳打其命名為藍色多瑙河配搭炸物同時飲用最適合不過，味道甜甜的好清新。🟡西柚梳打🥤Grapefruit Soda顏色相當吸睛的紅橙色西柚梳打其味道甜甜酸酸飲完好開胃亦很解膩。…Read More

餐廳門面設計搶眼以主色黃色的霓虹燈招牌及酒吧式的復古裝潢，推開門會見到一個大銅鍾，鐘身設有🐘圖案猶如置身博物館似的😁。店內的座位與座位之間都好闊落坐得好舒服。每枱卡位還設有一盞復古的燈，牆身貼上舊式泰國品牌廣告的招紙充滿懷舊色彩。不得不讚餐廳上菜速度很快，落單後十分鐘左右食物已經將大部分食物遞上枱面👍🏻🐔炭燒雞串沙爹Chargrilled Chicken Satay泰式秘製花生醬及淹青瓜Peanut Sauce and ArJard Cucumber Relish雞串味道偏向咖哩味少少咸，再沾上醬汁後味道充滿香濃的花生味兩者味道好夾，令人忍唔住食多幾啖。🍲冬蔭功 Tom yum Kung 大頭蝦、卡菲爾膏檸葉、蘑菇、南薑酸辣湯Lightly Hot and Sour Broth with River Prawns Kaffir, Mushroom & Galangal食泰菜當然要飲冬蔭功湯啦！其份量足夠二至三人的冬蔭功湯，蘑菇份量相當足，大頭蝦味道也很鮮，整體味道酸酸辣辣相當開胃，飲完後整個人暖笠笠不錯之選。🦀蟹肉炒飯 Crabmeat Fried Rice 蟹肉、洋葱、炸蒜Wok fried rice, crabmeat, onion and fried garlic 大大碟的蟹炒飯味道不錯好香口又唔會好咸，雖然唔算炒到好乾身，但也做到粒粒飯都好分明的效果，飯份量及蟹肉都好足，基本上每啖飯都食到蟹肉。🦐虎蝦金邊粉 Pad Thai with Prawns 炒金邊粉、虎蝦、芽菜、花生、羅望子醬Rice noodle, Prawns, Bean Sprout, Peanuts and Tamarind一碟幾有鑊氣的金邊粉味道偏甜，口感煙煙韌韌，唔會炒到太乾身或太濕處理得唔錯😎。虎蝦份量都幾多，金邊粉仲拌有豆腐干一齊炒所以食完唔會覺得太膩，整體味道良好👍🏻。🥭芒果椰汁糯米飯Thai Mango Sticky Rice食泰國菜必點甜品之一，即叫即整的芒果糯米飯相當新鮮，糯米飯口感煙煙韌韌每食一啖都有好香濃的椰汁味😋，芒果味道清甜兩者混合一齊食簡直係完美組合。🫖Thai lce Mik Tea奶茶味道茶底不錯其偏重茶味多過奶味整體味道唔太甜又解渴，食完味道較辣的食物又可作解辣之用，認真不錯。🍸Thai Collins一杯酸酸甜甜的酒精飲品味道跟檸檬梳打相近，每飲一啖都好清新食完一餐豐富的美膳後可幫助消化，但其酒精濃度也算高不要飲得太急。P.S. 🔞🍺未夠18歲的朋友仔千祈唔好飲酒呀…Read More