EATPLAYLAUGH的個人專頁

星期日瞓到日上三竿，瞓醒就去一盅兩件。彩福一直都係我大埔飲茶首選，除左個場靚之外就係要食流沙包🤤。㩒飛仔等位，企左約半個鐘就入坐，洗好杯碟就夠鐘入紙下午茶。-----飲茶都係呢幾味，呢間點心質素好穩定地好食。呢個浮誇嘅 旋風黃金流沙包-$30 係必食！包要趁熱食！一扯開，溶化左嘅奶黃就咇出黎！流沙涵濃稠度剛好，一手一啖，仲食到鹹蛋黃香。點心紙標明係得獎作品，食過覺得佢都名符其實。-----另外仲有好浮誇點心例如鮑魚仔燒賣（當然浮誇嘢價錢都浮誇啲），我都係偏愛街坊平實點心。-----八婆雜誌餸點心，愉快下午茶❤…查看更多

深水埗人來人往，見呢間門口多人企，燒賣魂又迫我掃街！12蚊拮左一兜辣魚蛋燒賣，可能呀姐太睇得起我豪汁俾我，辣汁真。係。好。辣！食開譚仔三小辣嘅我食完一粒已經咳到要飲嘢。覺得辣汁死辣太嗆喉，冚到魚蛋同燒賣分別只係口感唔同。…查看更多

唔駛上淘寶，但要去深水埗！買到一袋二袋肚打鼓想食豬膶麵，去到維記已經休息=[ 咁就亂撞一間醫飽個肚啦~－－－－－堅持要食豬潤，點左豬潤河：豬膶厚切，份量多，生熟又掌握得啱啱好令到肝兒好juicy，估佢唔到好爽口唔粉，而且一啲肉蘇味都無，加埋旁邊的薑葱好滋味！只係略嫌湯頭淡味少少啫。－－－－－試左少少雲吞麵：雲吞細細粒，但粒粒有蝦算足料，麵底幾爽又彈牙，食到有梘水味，加醋食港式風味！－－－－－黎多個薑葱鯇魚皮！呢款餸真係買少見少唔常有得食，即試～魚皮連埋薑蔥一啖放入口，醬汁同薑蔥好夾，魚皮唔薄，好爽又脆身，一啲魚腥味都無，讚！而且魚皮雪凍左，餸粥又好餸粉又得，降下溫一流！-----食飽飽見到鄰座叫左八爪魚同陳皮魚蛋！下次想試下！…查看更多

早前公司開大食會，同事建議不如訂隻豬仔返黎切吓，於是就試吓傳説中嘅季季紅。原來可以係官網直接訂購，但要預早三日，好方便😍。當日豬仔準時送到公司樓下，有環保袋抽住，靚靚仔仔拎上樓。打開仲有把廚剪添! 好貼心！唔駛帶定菜刀返公司斬豬，唔係俾警察周到唔通同佢講我食開榴蓮乜乜乜咩😂。-----有米豬$660剪開一忽忽，有米齊齊分。乳豬肉真係好滑好嫩口，皮薄，皮同肉中間夾住一層薄薄的脂肪，肥而不膩😋，點埋附送嘅乳豬醬真係食完一舊接一舊。如果豬皮再脆卜卜啲就完美。而豬仔包住嘅米飯好香口，豬油撈埋包含芋頭粒同蝦米嘅炒飯，正啊！！！！最後破戒飯左兩碗飯🙈🙈🙈。雖然話係乳豬仔，但豬肉連飯個份量唔細，十個女士都食唔哂。之但係，隔日翻叮嘅乳豬飯依然係正嘅。意頭好又好食，黎緊新年應該會Encore 😍…查看更多

早前趁天氣稍稍轉涼就諗起去四季食煲仔飯～上一次去已經係N年前，仲係用炭爐煮的年代～諗起好多年無食過，9點幾即興去撞下彩睇下排唔排到。一出地鐵站已經急步行，去到竟然得一對情侶排緊隊？！無去錯地方丫嘛？等左五分鐘已經入座。抬頭睇一睇餐牌，唉，人工唔見加咁多，當年一煲煲仔飯三十蚊一定有找架Ｔ.Ｔ無計啦，好食就得。－－－－－落單十分鐘都唔駛就上左細蠔餅（$35）：好香啊~~~~!!!!!!蠔仔份量都算多!!!但係!一食落口就覺得係翻炸。唉。其實枱枱都必點蠔餅，理論上佢出貨應該都出唔切，點解會中咗翻炸個塊架嗚呀Ｔ.Ｔ　如果唔係翻炸，可想而知......＠＠　好彩只係叫左細size，撩下啲蠔出黎食就算。－－－－－食完蠔餅無幾耐就上埋戲肉－　臘腸滑雞飯($53)！上枱唔準郁佢住，焗幾分鐘先影相！影完倒豉油再焗多幾分鐘！嘩～～～臘腸同滑雞係滋味的！而且一煲飯份量好大，夠兩個女仔食。反而豉油就遜色左少少，因為係無味的。煲仔飯既精髓之一係來自面層餸既天然肥油（加豬油風味更佳）加出色既豉油，撈撈撈撈撈到啲汁完美包住每一粒白米飯，先係一絕。然而，個人認為超級市場買到既李錦記煲仔飯豉油比較正。嗱，個飯呢，每食一層就扣一次分，因為食到最底，係無飯焦架！！！！！煲仔飯無飯焦！！！！煲仔飯無飯焦！！！！煲仔飯無飯焦！！！！我冷靜唔到。唉。唔開心。　希望愈大，失望愈大。如果旅遊書推介呢兜飯係香港必食，可以掉左本書佢。除非你想黎香港食地踎味。－－－－－後話：離開經過隔離廚房，見到已經轉哂煤氣定石油氣爐煲飯。的確，做多幾轉先係做生意，風味算乜嘢。…查看更多

心血來潮想食香口嘢，醒起NENE係朗豪坊開咗都好一段日子仲未試過，就即管去試下。平日７點左右到，兩位唔駛等位直入；環境光猛條路好闊但座位唔寛敝，希望齒雞個下唔會跐到人踭，哈哈。自從係韓國外賣過NENE返酒店食，個半半的甜辣炸雞真係驚為天人，簡直可以話係（炸）雞界的花魁！同一間餐廳黎到香港，睇完呢度食評其實我期望不大，滋味程度打個八折已經會心足。－－－－－上個小食醃羅蔔先：唔好食的，食左一舊就停，食食下炸雞食多一舊解下膩都無再食了。－－－－－其實點菜時環觀鄰座都覺得食物幾大兜，唔敢叫太多，只係點咗兩樣食物。先上炸雞－NENE雙重滋味炸雞（甜辣＋初雪）$173：一甜辣炸雞，叫做滿足左我叫雞的心願。甜辣醬包住酥脆雞皮，一野齒落去！正啊！雞肉唔鞋口添！如果醬多啲就好啦。但初雪炸雞相比下真係遜色左啲。所謂的初雪，其實只係少量芝士粉（甜嘅？🤔）曬係原味雞面頭，可能係食完甜辣雞先食佢，覺得呢款雞真係唔夠味。一碟炸雞兩個人食真係太多，一件起兩件止，三件已經有些少膩，雖然比起家鄉雞唔算油。—————跟手就上左枱枱都有點嘅 迷你雞蛋卷（原味）$88:雖然係迷你，但份量都大，不過蛋卷賣$88值唔值就要試味先。第一啖食落去，E..........大佬，至尊薄餅換左餅底啊？Pizza味嘅點解？伏黎嘅喂？😩😩😩最後啲醬呀椒呀橄欖呀唔溶嘅芝士呀全部撩開哂，唯一可取嘅係蛋是滑的。🙄—————炸雞的最佳拍檔一定係啤酒，但見枱枱都一大杯冰所以又叫杯cocktail Rita (peach) $93試下先：大大杯燒酒加沙冰解膩一流！留意返呢，杯嘢同menu幅$88個杯係exact_ly一樣嘅，但點個陣呢就話你聽呢只係跟蘋果汽水，要menu上個杯寫到明係燒酒呢係要加多冇寫嘅5蚊嘅。都係想飲咁點呀？同女神約兵仔出街食飯要AA一樣，俾咪俾囉，無所謂嘅，無下次之嘛。…查看更多

九展簡直係美食沙漠🙄。-一大棚人要一齊食個午飯首選一定係中菜，咁就一係十三樓一係就三樓，通常都係揀三樓架啦。人渣老細點半先放飯，多得佢地咁無人性先可以唔駛卜位直入坐低。-極速點菜。嗱，做個精明消費者😏。想點四人餐？Nonono，點兩個二人餐啦😎，貴四蚊多一個小菜架😁😁😁。-拼盤系列👇🏻▶️燒味拼盤海蜇爽，叉燒係瘦叉但唔柴，燒鵝OK 。▶️脆皮燒腩仔堅脆皮！好食！-小食系列👇🏻▶️雞絲涼拌粉皮小辣，唔錯，但好細好細碟。-小菜系列👇🏻▶️炒小菜係好食嘅！鑊氣好夠！掛住食都冇影其他相。但黎多兩碟好似碟碟都差唔多味又差唔多樣😂。-留意返，個餐無跟飯，一定要散叫多碟炒飯炒粉先餵飽成圍枱🙈。-再留意返，上菜速度偏慢，啲菜出左都無人傳上枱，明明一個二個棟哂係度，上到枱已經變暖，咁咪扣分囉。-評分界乎好評同OK之間，九展黎講呢間算係咁啦🙂。…查看更多

深夜出街食宵夜，於是去左開廿四嘅老麥食我嘅飛佛麥甩咯啦😍。-一入去，又變左樣嘅？新裝修完？嘩，仲有新玩具😂😂😂呢部咪傳説中嘅自助點餐機？不過原來用機點雞翼係冇得揀哂全翼喎，唯有傻更更返counter 柯打。-老麥嘅麥甩咯同炸雞翼係我心目中同其他同類食品比係排第一架！廿三蚊餐有麥樂雞餐無得輸。麥樂雞同雞翼都係即炸架，一打開香噴噴。▶️即刻拎起隻雞翼，點大量泰式甜酸醬，趁熱辣辣一啖齒落去，炸雞啲汁(油？唔理啦！)必哂出黎😍，皮脆肉嫩，正呀！▶️麥樂雞得六件，好掛住廿四件嘅大盒麥甩咯呀😣！點麥樂雞，醬先係精粹！麥甩咯緑色盒甜酸醬，係其他乜鬼芥茉醬bbq醬韓式醬爛鬼伏醬無法媲美嘅！咬一啖點一下，啖啖肉啪入口，食肉獸表示好滿足🤗。▶️Btw, 有得免費轉粟米真好😭，起碼食哂個餐都冇咁內疚🙈。之但係如果唔係食宵夜，記得問職員攞牛油，自制重牛油粟米👄👄👄。…查看更多

深宵出街食宵夜，行過不如食碗碗仔翅。呢檔係大埔已經好多年，係樓梯口嘅小檔口，係冇環境可言嘅，係食街坊小食檔嘅味道架啦。之前食過碗仔翅同豆腐花都幾唔錯架。坐底個下因為要食宵夜而SamHui，點左生菜魚肉，呃自己有菜冇咁肥。咁橫掂坐底，不如食串燒賣魚蛋啦。一上枱，嘩😯，咁大碗嘅，魚肉舖滿哂，撈一撈底菜少肉多。$15一碗咁多魚肉，好抵！但魚肉一入口，𡁻𡁻𡁻，都幾靭口，唔係魚肉彈牙，感覺係太多魚膠粉😥，有啲失望，係我以碗仔翅做標準所以對佢期望太高？真係一碗都食唔哂要做大哂鬼。惟有靠燒賣魚蛋慰藉返我穿左個窿嘅心。…查看更多

一壽司對我黎講係青春嘅回憶😂細個讀書會以一壽司宵夜時段黎做傾功課時限，做完功課會幾gp人一齊去喪食，半價壽司真係學生恩物，平靚正。😍話說朋友話我知六點竟然有得做半價！橫掂唔知食咩不如搵下回憶😂。成七點去到，見門口有龍。但一話兩位就直入，唔駛排。wow! -留意返，小食，其他，串燒及甜品冇半價喎。-冇食咁耐，唔知水准變成點，唔會好似以前咁喪點😆😆😆。▶️三文魚壽司▶️蟹棒壽司▶️火炙三文魚壽司幾乎燒熟哂塊三文魚。以上壽司講好食算唔上，講難食又唔係。舊飯都幾細粒，比放題個種半隻無名指飯團大少少咋。▶️火炙海膽蟹棒壽司我點嘅時候朋友極力反對，話試過係一壽司食過人生中最腥最難食嘅海膽軍艦，唔准再點。但係好耐冇食過海膽啦，膽粗粗試一下呢款啦。其實都ok喎，當然海膽唔係靚嘅，但都不過不失。▶️火龍卷熟嘅卷物唔錯唔錯。▶️火炙左口魚邊壽司成晚最好食呢個。入口就溶。▶️活赤貝刺身一隻嗱嗱嗱，全晚伏王，腥到要講粗口。😰😰😰故事教訓你，一係要記得你點過哂咩唔黎要催單，一係記得要check單啊，圈住就係埋單個刻都未黎嘅😣。職員拎返張單走去check，返黎就連壽司一齊放係枱。▶️活海老同甜蝦蟹棒壽司人地抹好咀諗住走架啦嘛😑。-總括而言，水准真係冇以前咁好。比爭鮮好好多嘅，但比元氣仲爭一截。唔怪得半價都唔多人排，唔通以前排一粒鐘啲嘢會好食啲？😂😂😂…查看更多

星期二戲飛平，一定要食飯睇戲直落啦。😆買咗7點9係淘大睇戲，近近地搵間餐廳啦，咁岩我好想食菜，於是就黎左打邊邊。-本身用kabu app攞定位，六點鬆啲行到去都仲有位可以直入唔使睇飛唔使等。原來有得揀一人一鍋定一大鍋架，不過一人鍋得返自閉面壁位，唯有食一鍋過啦！其實自閉位個設計都幾好，有時一個人想慢慢烚都冇咁老尷嘛😅😅😅。-要讚一下貼心的設施唔止自閉位，仲有usb差電😍。-好，點嘢食。-我地揀左最平嘅美國進口牛肉。鍋底方面揀左骨膠原豬骨湯同昆布湯。豬骨湯個味好似丁麵嗰包味精。😜昆布就清清地。牛肉算可以，唔會一烚就散開哂。Order完冇幾耐就送到，再嗌都快送到，唔會話要等好耐先有肉食😎。豬同雞脾肉都唔錯，掛住食唔記得影，嘻😜。[海鮮盛合] 係用會員coupon換的，有蠔有蝦有魷魚有帶子，唔錯。-一眼睇哂攞野食嘅位，估佢唔到算多嘢揀喎。由右到左，有飯，有唔同醬汁任溝，有好幾種菜呀菇呀，丸啦等等。吖，個芝士丸有啲伏，芝士甜到漏好奇怪。其他都ok。另外有個飲品加甜品corner。飲品方面除左最普通嘅汽水，仲有網袋茶包😍，like!甜品方面有雪糕任你吱，仲有一個雪櫃嘅糕點你試添。-會員九折賣單，但賣單速度快少少就好，趕住睇戲嘛😫😫。…查看更多

星期五晚約了舊同事飯聚，要找一間地點方便沒限時人不多又好食的餐廳，朋友立刻提議沙嗲軒！好好好！朋友預早有訂位，留了半隻招牌海南雞，好怕沒得食～-餐廳位於尖沙咀中港城，好方便～餐廳有戶外的位置，但現在天氣太太太太熱了，秋天再來坐戶外吧～-一坐下就送上炸蝦餅，邊食邊點菜。後來埋單才知價值$20～-很餓了，上菜吧！點了夏日精選套餐$588。包：[招牌海南雞半隻]。(9/10)食雞怎能不食雞皮！雞皮是爽的好驚喜！雞肉內質嫩滑得來不會軟淋淋，還是去骨的，加分加分！醬方面備有薑蓉，辣醬和黑豉油。那個班蘭薑蓉要沾多多，太好食！［焗椒鹽蝦］(8.5/10)推～好濃味好好食！蝦已開邊，不用剥，啖啖肉食下去好方便～［燒豬頸肉］(8/10)大讚那個汁，嗜辣的我也覺得有一點太辣，但真係好惹味！忍不住一塊接一塊送入口，再來口啤酒！［炒粉］(7/10)總不能只食肉吧，還是要來點粉來撑肚子。- 還有還有，［炸蝦餅］($112，8/10)新鮮炸起好脆口，蝦肉彈牙，沾甜酸醬好開胃～［炒芥蘭］($78，8/10)芥蘭炒得好爽脆，還加了咸魚炒～重口味好喜歡～［豬牛雞串燒］半打($102, 8/10)肉不會燒得柴柴的，外層微焦但肉還很juicy～花生沙嗲醬是大讚的！要沾滿整支串燒再送入口～［炒羅白糕］($108，8/10)這個是必點的！炒得好夠鑊氣好香～［肉骨茶］($88, 6.5/10)新加玻的肉骨茶應該是偏胡椒味重？但這豌是藥材味偏重，有點甘甘的苦苦的，不是我喜歡那種味～大家各自試了一點就停手了～油條扣了分，好硬。　-星洲菜辣辣的，一定要配飲品啊！泰國啤酒Signha，$38一大枝。不喝酒的朋友點了[西瓜沙冰]，$68一個。別看它小西瓜一個，喝極喝不完。-[緑豆豆腐花]甜品是送的~這一餐偏重口味，最後一碗糖水不會太甜～好舒服呀～-我們7點半到，坐到快十一點才走。這餐廳是可以儲ASIA MILES的，$2一分~但我用DBS信用卡找數，有9折~AM跟9折二選一~因為是一大伙食飯所以就用了9折大家扣~…查看更多