碗仔翅大王

深宵出街食宵夜，行過不如食碗碗仔翅。
呢檔係大埔已經好多年，係樓梯口嘅小檔口，係冇環境可言嘅，係食街坊小食檔嘅味道架啦。之前食過碗仔翅同豆腐花都幾唔錯架。

坐底個下因為要食宵夜而SamHui，點左生菜魚肉，呃自己有菜冇咁肥。
咁橫掂坐底，不如食串燒賣魚蛋啦。

一上枱，嘩😯，咁大碗嘅，魚肉舖滿哂，撈一撈底菜少肉多。
$15一碗咁多魚肉，好抵！

但魚肉一入口，𡁻𡁻𡁻，都幾靭口，唔係魚肉彈牙，感覺係太多魚膠粉😥，有啲失望，係我以碗仔翅做標準所以對佢期望太高？真係一碗都食唔哂要做大哂鬼。

惟有靠燒賣魚蛋慰藉返我穿左個窿嘅心。