pscheer's Profile

最近迷上咗一間位於上環嘅咖啡西餐廳，短短時間已經去咗兩次。店內只得十零個位，但正正因為空間小巧，反而散發住一種特別嘅cozy感，好warm好舒服，令人一坐低就唔想走。第一次我點咗蕃茄濃醬香烤雞肉配多士，加杯Flat White—雞肉嫩滑入味，酸香番茄醬好開胃；第二次試咗黑松露忌廉貓耳朵配凍荔枝紅茶，香濃之餘又唔會膩口，簡直係停唔到口！兩次都食得超滿足，每一口都感受到店主用心。呢間Cafe真心值得推介💛 下次一定要試埋佢哋嘅甜品，聽講好出色呀 👇🏻…Read More

最近發現呢間我覺得好味又抵食嘅shabu shabu專門店 - 本延鍋物。日系裝修舒適有一種休閒嘅感覺。點解我會話扺食呢？因為佢哋嘅二人套餐組合都唔需要四百已經可以食到，而且佢嘅質素係唔差喎。我同朋友揀咗個貴少少嘅黑毛和牛A4肩脊肉套餐。肉質好滑好有肉味，配有野菜拼盤（如果佢啲野菜多啲會更加好），亦都有時令水果，兩個人埋單都係五百幾，服務態度都好，真係唔錯。喺銅鑼灣有咁嘅價錢同埋咁嘅質素好難得。得閒試試。…Read More

知道中環有間新開嘅咖啡店, 所以特登探佢。鍾意佢哋日系嘅裝修，地方唔大，但感覺舒服和寧靜。好幸運今日有位坐，我order咗火腿蛋吐司，雖然只係普通嘅食材但係好味，亦都好夠熱。今次冇叫我最愛嘅Flat white，佢哋介紹咗一杯特色嘅熱飲- Maple Meadow 楓樹草甸 (有楓糖漿，肉桂，濃縮咖啡和牛奶）。咖啡有肉桂糖漿味好正，非常滿意我嘅lunch。我下次會係試吓佢哋嘅甜品豆腐cheese cake同埋紅豆吐司。得閒去飲杯咖啡😏…Read More

今個假期又再嚟多一次我都幾鍾意嘅一間阿根廷餐廳，呢間餐廳喺北角同中環都有分店我今次就係中環嗰間。特色的環境依然係我最愛的一部分，喺農曆新年期間呢間餐廳都好有中式嘅氣氛。我哋今次因為唔係太肚餓，所以就冇嗌佢哋嘅最出名嘅steak但係就試咗佢哋lunch set，都唔錯。下次多D人就可以試多幾款菜式。推介：🍽️Steak tartare 韃靼牛肉🍽️Grilled spatchcock chicken烤鷄🍽️Milanesa 阿根廷吉列牛肉🍽️Roasted Brussels sprouts烤椰菜花…Read More

去咗南海二號銅鑼灣分店食晚飯。佢哋嘅中菜以新鮮同埋矜貴食材係出名，環境方便地方大也有幾間貴賓房，也睇晒維多利亞港嘅海景，今次我點咗個生日餐, 因為是堂家姐嘅生日，我哋仲買咗酒嚟到慶祝添。冰鎮鮑魚 鮮甜爽脆陳皮話梅萵筍天麻燉魚王 幾好味薑蔥焗肉蟹金榜醬煮大蝦即燒片皮鴨兩食龍蝦湯貴妃飯 香芒布甸佢哋再送多個糯米糍整體都0 K價錢都合理和服務都唔錯，唯獨是肉蟹凍咗係有啲硬，可能唔係當造季節。希望下次佢哋做得好啲。*不是贊助也不是試食，我和堂家姐真金白銀去嗰度食作評論。…Read More

放假想去食個早餐，突然想去呢間cafe 店係淺水灣 - parabolica caffe, 佢係一間西式麵包咖啡店。雖然佢幾遠，但係都想特登走去探吓佢。買咗杯Flat white咖啡都OK啦，係好飲嘅冇乜太特別，最主要我想講呢個早餐-English Muffin呢個signature佢哋由包嘅本身製造己至士多啤梨JAM都係自家製，配上日式半肥瘦叉燒，再加太陽蛋同埋芝士，個Muffin唔係普通嘅Muffin係輕輕烤過當然係佢自家bakeshop 嘅出品啦，係好鬆軟,有種又甜又鹹嘅感覺，整個鹹甜味嘅味道係好融合到。如果你哋有時間真係要去試吓。價錢係比出邊咖啡貴小小嘅，但係冇咁嘅價錢又未必有咁嘅質素啦。服務都好好，佢哋會提議你今日想食啲乜嘢而去建議你食邊個早餐，食咗一個好好味好開心嘅早餐，睇吓書聽音樂好relax,其實開心就真係好簡單😊…Read More

今日多謝我朋友請我去一間我未去過嘅餐廳:Rosewood - bluhouse, 餐廳主打食意大利菜式。今次點了三道菜：八爪魚橄欖沙律好新鮮好彈牙亦都唔會好硬，非常之嫩滑做得好好，份量都幾多。意式火腿布拉格芝士開心果烤圓形薄餅 - 第一次食呢種Pizza dough感覺好煙靭鬆軟，個麵包亦都烤得又香又鬆脆真係冇嘢可以挑剔。再食埋香辣蕃茄伏特加短管意粉，佢個芝士同蕃茄味好濃，亦係有少少辣味令人好容易入口，通常短管意粉嘅質地比較硬㗎，坦白講平時我好少食呢種意粉嘅，但係佢絕對係煮得啱啱好，令我對呢種意粉有改觀。最後因為太飽都冇嘗試佢嘅甜品，我相信如果多幾個朋友可以食多啲不同嘅菜式，整體感覺非常好環境係冇得輸啦，可以望到好靚嘅景觀地方又寬敞。可以同好朋友食一餐豐富嘅午餐一邊欣賞風景，一邊談天說地人生莫過於此🤩…Read More

講到食牛扒，L Vache係其中一間我覺得質素高的餐廳。佢哋嘅分店除咗中環仲有金鐘太古廣場和尖沙咀。我個人就鍾意SOHO嗰間，首先係每人有一碟合桃嘅沙律啦，烤過嘅合桃好香脆同埋有麵包亦都好好味，我order咗五成熟牛扒，牛扒嘅質素都好好同埋好粉嫩， 可能有蠟燭興住，所以可以keep warm令到好好味。亦都有非常充足嘅薯條供應，有我最鍾意食嘅黑森林蛋糕同埋檸檬批。真係好滿足。佢哋服務係非常好，有機會可以去試吓😊…Read More

一直都想去但未有時間，之前已聽我朋友介紹呢個名，尋晚突然同我好朋友提議不如去試。尋晚不是太多人，但到門口已聞到好香的串燒味，可以一邊坐卡位，一邊聞到串燒味，已經唔知點乜好，好彩有美女侍應介紹，她重提點我哋定雞翼先，因要一小時烹調。重點重有happy hour八點前落定有25%折扣，太吸引了。我們共點了十四串，種類很多，非常好味，牛舌和雞棒我最recommend, 好味到難已形容，但實在太飽，不可以吃所有的食物，水準一流…Read More

昨晚朋友問我係邊度吃生日飯，我第一時間就想到勝八。之前都試過好幾次午餐，味道非常好味。昨晚點了2個dinner set，價錢都係～$350，有魚生，鵝肝多士，銀鱈魚，厚切牛肉，串燒，雞件，野菜烏冬，樣樣都好好味，而且老闆和職員的親切服務，令我更加覺得要常常來。值得推介…Read More

今天同舊朋友食午餐，她説銅鑼灣新building V Point 有間新的日本餐廳Kamon可以去試試。餐廳主打teppanyaki, 但都有lunch set可供選擇。入到餐廳，已有好親切的服務人員迎接帶位，餐廳環境一流，座位寛敞舒服，是見客和同家人吃飯的好地方。我當然選擇我最愛的sushi set啦。當中包括10款sushi加麵豉湯。我個人着重食物質素，Kamon 的經理話啲海鮮都由日本專運到港，真是非常新鮮好味，而麵豉湯又不會太醎。朋友就選擇吃teriyaki定食，份量十足，味道一流。下次要同家人試試鐵板燒。值得再來！🤗…Read More