Food_player's Profile

三聖食海鮮，選擇多同埋有幾間加工餐廳揀，每逢weekend黃昏時間就會逼滿人。今次買左幾款海鮮同屋企人開心食，最後揀左係三聖邨樓下嘅鋪頭棠記，之前已幫襯過好幾次，加工費都算係均爭同埋師傅炒得超級有鑊氣！全部人都食到lam lam脷避風塘King Size瀨尿蝦瀨尿蝦係愈大隻就愈鮮甜，雖然都偏貴，但都難得出嚟食唔洗自己整，咁就梗係炒返個避風塘口味啦！好彩拉完油都冇令肉質過老，仲好甜好彈牙。金銀蒜粉絲蒸扇貝 今次特別挑選買北海道嘅大元貝，感覺乾淨同大粒好多。金銀蒜好香，粉絲又索哂帶子汁豉汁炒大蟶子+米粉底蟶子被豉汁包裹住，好彩都無過咸，同埋配埋米粉底做索汁，味道口感剛好麻辣酒浸花螺今次D花螺都係好大粒，好厚肉，麻辣汁太惹味；略略搶螺嘅鮮甜味，好似配返就咁酒煮花螺會夾D鹽水浸花甲(粉絲底)買左大花甲一斤左右，鹽水浸煮都幾鮮甜，不過可能其他炒菜都太濃味，令佢味道就偏淡口。薑蔥蠔今次揀左超大台山蠔，期待左好耐嘅味道，以前細個食過真係連薑蔥都食埋！個蠔整得剛好，扑左粉拉完油封左水份，所以啫係個鍋到仲係嫩西蘭花爆炒鮮尤鮮尤厚肉、份量又足！薑蔥豉油皇鵝腸 鵝腸好入味，仲有配埋薑蔥同埋芽菜，豐富哂成個口感，十分爽脆！炸乳鴿當係個餐前小食，即叫即炸，都算幾大隻！…Read More

今次初嚐鐵板燒，店鋪係位於尖沙咀都幾多人試過唔錯嘅海賀。晚餐試左佢嘅「悠YU」 Set套餐，雖然只係得和牛係鐵板燒，但每碟菜式都好食，而且份量都好夠，配搭19樓夜景同服務，以依個價位整體都算滿意。套餐包括: 刺身三味(吞拿魚、牡丹蝦、季節魚)- 吞拿魚未至於去到中拖，但都鮮甜，其餘兩款刺身夠鮮味魚籽醬帆立貝伴日本南瓜汁- 冇特別撈埋南瓜汁，反而分開食；魚籽醬咸香味吊起帶子個甜味，同埋好香牛油一齊煎封磯煮鮑魚- 醬香味好濃，鮑魚完全浸到好入味而胚好軟腍A5日本和牛柳-大廚表演時間，邊睇邊流口水，終於有得食，A5 和牛級數真係無得頂黑松露和牛海膽焗飯-依個本來以為都係鐵板燒，原來係焗飯；但出奇地撈堆新鮮海膽食係好香滑沖繩黑糖豆乳奶凍-黑糖味都偏甜，豆乳都幾滑…Read More

大埔文藝區位處於大埔正中心，前身由一間中學校舍變身成區內文藝氣息濃郁嘅集中地，更吸引新餐廳進駐，名為「Pentola」🍸🍴 可以讓你同三五知己chill住咁食西餐同飲酒。裝修設計走工業風，地方闊落坐得舒服，樓底高、空間感充足。今次試左晚餐，整體都唔錯:👍🏻⭐青口配羅勒蕃茄醬醬汁濃郁，青口幾有鮮味⭐炭燒安格斯肉眼扒配燒雜菜肉眼扒大概五成熟，肉質都算嫩+Juicy⭐波士頓龍蝦意粉配搭龍蝦汁嘅手工意粉係驚喜，意粉硬度適中又掛到濃濃嘅鮮甜龍蝦汁，但份量唔算好多⭐炸魷魚圈即叫即炸出，好香脆，當係餐前小食開下胃口⭐柚子烏龍茶+宇治抹茶Latte⭐Tiramisu…Read More

近期火紅的酸菜魚餐廳魚眾不同又有新分店👍🏻北區朋友仔有口福👅 原來就係粉嶺花都廣場。依家鋪頭近期都好火熱，最重要都係有酸菜魚好多款式選擇，不論係湯底、配料、菜式，有大份同一人前揀！必點超濃郁湯底酸菜魚一人前！份量夠哂一個人食！今次一人點一個不同味道，分別係青花椒酸菜鯛魚、麻辣濃湯墨魚片，過過口癮😋。青花椒酸菜鯛魚🐟再配萵荀、薯仔、白飯，配菜好爽口兼入哂味，鯛魚鮮甜兼肉質比鱸魚彈牙🌶麻辣濃湯墨魚片🐙配豆皮、金菇、白飯，墨魚片彈牙唔韌，豆皮金菇都好索味！辣得幾過癮🔥🌶🌶🌶…Read More

秋風起🍂又到左烚下烚下打邊爐季節🍲要搵下好食嘅火鍋店先得😎如果要專門食牛肉，就肯定揀 @616hotpothk 616牛肉火鍋專門店🐮牛肉部位選擇多，加上環境/坐位都坐得好舒服，啱哂同朋友慢慢食傾吓偈👍🏻而且分店又多，好就腳😂今次點左沙嗲湯底，好有醬香味，唔太辣兼好夾淥牛肉👍🏻😎🥩每款肉類同材料都好新鮮，即叫即預備！超級推介滑龍尾，超滑好嫩好好食！牛陀峰、匙柄、橫隔肌都唔錯👍🏻霜降豬都好味，食落好似豬頸肉，好爽口🤪另外都叫左響鈴同蜂巢豆腐👍🏻👍🏻…Read More

莆田米芝蓮福建菜餐廳相信好多人都唔會陌生，主打福建手工菜式，不時不食！近期季節有跳跳魚新菜式揀，好多菜式好適合一家大細食， 整體水準keep到唔錯👍🏻鹹香酥跳跳魚跳跳魚其實係彈塗魚，大約手指的size，拍上一層薄薄炸粉起炸，食落好香口，肉質幾鮮甜鹹香黃花魚就算係炸咗黃花魚都做到魚香肉嫩，份量雖少但都好夠過下口癮芋香鴨咸香味適中，好餸飯！依道菜都巧功夫嘅菜式，炸到外脆內嫩興化炒米粉靈魂助料就係碟甜酸辣醬，撈埋一齊食超級開胃，超級幼細嘅興化米炒配搭幾種配料提升口感層次！黃金荷葉包炸皮好香口，慢慢開邊，夾住炒香肉絲洋蔥食，超級juicy 有口感！有得玩又有得食馬來風光馬拉盞醬同通菜一齊炒起，超級濃香…Read More

秋冬就到，又係時候搵下好食嘅火鍋專門店！發掘到近排超火紅嘅火鍋店@香江花月，由環境到食物質素都好高！店鋪潢以紡織做主題，環境坐位都極闊落！今次點左最signature 嘅拼盤，每款食物擺盤都好靚！香江拼（全牛）$788有多種牛部位可以一次過試哂，包括手切肥牛、牛柳粒、安格斯肥牛、牛小腿、牛白肉、牛心頂、黑柏葉、牛脷。牛肉質素超高，牛味濃郁，淥10-20秒都已經好嫩滑湯底：秒製花雕豬肚鍋係一個好滋補嘅豬肚藥膳湯，清而不燥，淡淡藥材味，仲有支竹豬肚可以食👍🏻係加前先飲一小碗，好暖胃！七色餃七種顏色嘅餃子皮，仲有七種不同肉、素舀料！大大隻，好juicy飲品：桃花緣、異世界睇得有飲睇嘅特飲，店員會同支槍吹起個大泡泡！兩杯分別係桃味、奇異果味的特飲，好清新👍🏻…Read More

可以在全香港位處最高的星級酒店住宿兼品嘗進註的米芝蓮級餐廳，好別緻的體驗，服務態度非常好，令人有賓至如歸的感覺。今次有機會食到係ICC 102樓嘅著名中菜館 – 天龍軒，依間已連摘幾年米芝蓮2星嘅餐廳，平時晚市都好難Book位。天龍軒嘅茶都係好高質，一人各一壺，點了龍井及熟普，又香又濃，侍應都經常埋黎斟茶，超好服務。每道菜娓娓道來，完全係可以慢活地享受環境、美食，沉醉於天際。二人點了幾味招牌菜頭盤龍蝦湯左口魚蝦粉豆腐蜜燒西班牙黑豚肉叉燒 即叫即燒，仲要係厚切上碟，叉燒裡面的肉質嫩而不肥，仲要係入面熱出來，掛埋外層蜜汁，甜度口感剛好。芝麻海蜇凍鮑絲較為清清淡味的冷盤，開下胃口蝦多士蝦肉同豬肉臽比料適中，炸到剛剛好，多士底好鬆脆花雕蛋白蟹鉗酒味滲入蟹鉗肉，並無搶走蟹肉的鮮甜味，加上蛋白令整個口感又滑又食到蟹鉗肉爽彈的質感對比炸釀鮮蟹蓋即炸上碟，外層炸粉好薄脆，用羹品嚐，啖啖蟹肉，份量超多龍軒東波肉一磚肉都有手心咁大嚿，好貼心咁幫我地一開4件慢慢食。醬汁香濃，滲哂入肉，燉到個入口即肉，不會有肥膩感。香芒楊枝甘露 最後點了清新甜品，香滑又好多芒果同柚子肉整體來講，以米芝蓮2星的質素，價錢算係幾抵👍🏻…Read More

九龍城真係好多野食，除左泰國菜仲有好多日式餐廳。依間燒肉居酒屋已經2刷左，set lunch係高質又抵食，所以有時都想成日返去再食。2人各叫一個set，share食就可以食到唔同肉類。1. 和牛小排SET大約都有6-8件的和牛片，油脂分佈都好平均，唔係細細件，配埋前菜、麵豉湯、蒸蛋同甜品，非常豐富！只係少少海鹽就夠，每邊燒20秒左右就已經上得，超濃和牛香味，配白飯食真係好夾，減少油膩感！2. 大助一人前揀左牛舌+汁燒牛小排牛舌厚度適中，燒起來熟左食落都唔會韌；牛小排無和牛咁多脂肪，食起來就比一有咬口。但整體都好唔錯，份量又好多…Read More

旺角雲集咁多間cafe, 想食到西餐又可以同朋友坐耐啲聚腳，依間係登打士廣場嘅cafe 都係唔錯選擇👍🏻❤️坐得舒服，嘢食都幾好味😎地點好就腳，行完街就可以一齊上樓食🦞🍝特濃龍蝦汁海鮮意粉龍蝦汁超香濃，意粉索哂入哂味👍🏻意粉硬度適中，仲有大蝦同青口都好足料🍖德國咸豬手配薯角已幫手起哂肉，烤得好香，肉量超多！仲有薯角，好飽肚👍🏻🍗蜜糖烤雞翼蜜糖烤起嚟令雞翼外皮做到外脆內嫩！6件可以share食👍🏻…Read More

冇得去旅行幾年，成日都心掛掛台灣美食同掃街🙈間唔時都會想食🤪大埔中心附近有間台式餐廳，抵食之外仲有好多款揀！台式肉燥飯肉燥多到鋪滿哂成碗飯，肉燥調味適中，唔會好咸，仲超級香👍🏻台式酥炸豬扒飯豬扒都係好大塊，切件鋪係飯上，炸皮夠薄仲外脆內嫩👍🏻最重要係點埋蒜香豉油，好正！椒鹽炸豆腐熱辣辣炸起即上碟，加埋椒鹽個咸香味好夾，同埋係用硬豆腐炸，口感好夠珍珠奶茶/百香果綠茶一定要配埋台式手搖飲品啦…Read More

普慶餐廳以依個價錢食到生蠔+海鮮，仲有好多款熟成、刺身等！好高CP值！餐廳在逸東酒店地庫位置，設計裝修都別具懷舊特色，整體空間感十足，座位與各款美食分散幾個角落，令人流分散。刺身方面每次都有冰盤奉上，讓各款刺身保持冰凍狀態。不過刺身是即叫即切，需要時間等待，但確保新鮮處理海鮮種類繁多，全都有人專門夾取。面包蟹大隻多膏；海螺爽口鮮甜；青口新鮮彈牙重點的生蠔也有豐富口感，size 相對細隻。熟食方面，有中日泰式美食，絕不會吃悶食物質素對起這個價位較驚喜是面食的牛肉湯底，濃濃的牛味很正宗，雖然自助餐吃面食不花算，但我也不敢吃了兩碗🤣飲品方面限住每人兩杯，選擇正路，但兩杯未係好夠飲😋…Read More

位於九龍城泫居酒屋🏮原來午市都有好多野食選擇，仲有好多款set lunch 🍱 揀👍🏻之前都試過食晚市，今次午餐都keep到水準❤️👍🏻同埋一個set 超多野食😋🦀北海道蟹丼丼碗好大，飯面鋪面好蟹肉、蟹糕、蟹子、兩隻蟹鉗，量係超多👍🏻撈住飯一齊食，每啖都好多口感，層次豐富😋🐟燒鯖魚定食熱辣辣上枱，燒得外脆內嫩，少少魚油，食落好甘香👍🏻每份定食都包左沙律、茶碗蒸、味噌湯👍🏻好豐富😋😋…Read More

超人氣火鍋店！收工即落上環試「湊湊火鍋‧茶憩」，同朋友夾左好耐終於可以一試！一入座就已經有貴妃烏龍茶奉上，鴨血豆腐無限添加，仲附送沙冰同梅子茶凍！！超級正到抵食！依間店面環境都好闊落，坐得舒服！近排仲有個活動，有得食仲有得玩！愛辣人士必點湯底：勵志鍋 - 「台式麻辣火鍋」（ $198 單鍋）正宗台式麻辣鍋，辣度溫和，仲可以當湯直接飲，湯料用左超多料熬製，陣陣藥材湯味道！鍋料：－日本和牛肩胛肉眼（＄388）（勁濃牛味！）－巴沙魚（＄58）－企鵝丸（墨魚滑）（＄59）－ 豬骨濃湯貢丸（＄49）（好juicy！）－ 響鈴（＄58）－時蔬湊湊（小份）（＄98）－牛百葉（＄68）小食：－滷牛肚（＄68）－香滷大腸（＄68）飲品：1.大紅袍珍珠奶茶（ $33/大杯）招牌茶飲2. 鴛鴦大紅袍冰沙（ $38）近排仲有餐廳活動：湊湊夜市只要消費每滿$500 ，就有機會玩「套圈圈」遊戲，大獎有機會贏得$1200現金券！9:30後宵夜時段八折優惠，下次可以再約朋友嚟食！…Read More

美食集中地旺角真係雲集好多款式美食，其中有間韓國餐廳超令人驚喜，有海鮮亦有創意韓國🇰🇷菜式，仲要好好食，份量超對得住價錢😍😍啱哂三五知己邊食邊傾邊飲嘢🍻韓川燒巨蠔🦪隻蠔又大又厚肉，一啖都食唔哂！加埋蒜茸韓式秘製魔鬼辣醬，超級重口味，但都冇蓋過蠔的鮮甜👍🏻👍🏻真露焗蜆酒香味濃，仲有陣蒜茸牛油一齊焗，蜆量好多，仲有韓國粉絲墊底索汁韓川菜包五花腩韓式秘製魔鬼辣醬好夾燒烤嘅烹調方式，三大條五花肉，剪開夾埋生菜配菜食，口感好豐富，唔算好油膩。三味山炸雞有齊甜辣醬、芥末、糖粉三重味，脆炸單骨雞翼，味道超多👍其實佢嘅芝士系列都好正，仲好受食客歡迎👍🏻…Read More