Vivianjack's Profile

忙裏偷閑，可以有機會出去食下野。每次放工嘅時候都覺得好疲累，想搵一間餐廳可以輕鬆一下，去咗中環嘅foxglove , 最初以為呢度係酒吧，但係原來呢度係一間好特別飲雞尾酒同埋食點心嘅地方。本人唔係經常去飲茶，因為唔係好鍾意食中式嘅點心，但係呢度完全打破我嘅傳統，我哋叫咗唔同嘅嘢食海膽蝦餃，同埋脆卜卜腸粉。呢兩個都真係好特別，出面好像從來傳統茶樓未見過，上面有少少金箔，而且蝦餃個皮好薄，最緊要嘅梗係海膽啦。初頭以為只有一點點，但係原來每一粒蝦餃上面都有個大大嘅海膽配上，正。腸粉，講到明脆卜卜，入邊真係有香脆可口嘅脆脆，食落去有點兒似剛炸起嘅炸兩，但係相比下呢個一啲都唔油，仲要有有蝦喺入邊。食食吓因為唔係好夠飽，所以我哋叫咗個安格斯牛肉包，淨係個賣相已經好靚，楓葉造成嘅麵包様子，咬落去入邊嘅肉汁，流晒出嚟。呢一餐真係好滿足。…Read More

本身好少去九龍城食飯,因為唔近我公司,又唔近我屋企,但講到食泰國菜就一定要去九龍城,又多選擇又正宗,今次係泰象館係因為價錢平及款式多 炸皮蛋比較少食,用蝦餅包住皮蛋,都幾好味,蝦餅的外皮好彈牙, 皮蛋又好大隻馬拉盞通菜,好香好夠味,不過SIZE比較細PHAI THAI,份量十分足夠,配青檸酸酸甜甜好好味,另外加左蛋,好睇又好食!!甜品係人見人愛既芒果糯米飯, 芒果一D都唔酸又大件,又抵食~~糯米飯好軟好香棷汁味,一個人都可以食晒成份!!…Read More

屋企人一向鐘意食中菜,有老人家又有細路通常都係去商場多,人多又會睇地點又會睇價錢,今次係I Sqare 入面食小龍包,人都算多,全場爆满,不過就等左一陣大約10分鐘左右地方都幾大,所以特別方便有小朋友用餐綠色睇落好舒服黎得金牌小龍就一定要食小龍包皮都算薄,肉汁又多真的十分不錯一人都有一粒酸辣湯,唔太辣.一家大細都食得雞絲粉皮,好香好滑,正咕嚕肉,酸酸甜甜,小朋友都爭住食牛肉都幾香,肉都幾軟總之呢度好適合同屋企食,而且價錢都好抵,可以再食過…Read More

今日同太太去炮台山附近到陪朋友取東西，咁為食嘅我，周圍行去搵嘢食，慢慢等。😂😂經過見到一條叫水星街，裏面有好多唔同嘅嘢食。揀咗間比較坐得舒適，同埋價錢又化算嘅西餐廳。👍🏻👍🏻我叫咗個龍利魚柳配芥末忌廉汁，呢個魚食落去感覺唔會好油膩，煎得來都幾香口👍🏻👍🏻，同埋佢嘅自家製醬汁都真係幾好味。😍😍👍🏻👍🏻呢度其實午餐來講價錢都係非常之化算，而且種類來講都算好多。 😜😜又有飲品仲有餐湯或者沙律配搭。仲有甜品。😜😜🤪🤪🤪呢度有少少感覺好似有點像法國菜式，雖然是午餐，但係做工同上碟一啲都唔馬虎。仲有即磨咖啡配搭。👍🏻👍🏻👍🏻都真係幾滿足。😍😍😍😍😍…Read More

又有假期可以食好嘢，今次難得星期日阿仔喺銅鑼灣到學嘢，終於有時間可以同老婆撐枱腳去二人世界。行左幾轉銅鑼灣睇下有冇啲方便又快捷嘅嘢食。但係又想食啲比較特別嘅好嘢。😍😍🤤🤤經過一間叫做野郎嘅石板燒，入邊好似有和牛食，所以我哋入去享受一下。🤤🤤🤤環境好友日式feel。一人一個石板，呢度最開心係自己控制牛肉烹調嘅熟度，因為原本牛肉只會有三成熟，而且特別之處係個石板，可以慢慢烹調。烹調到你完美嘅煮熟度數。而且仲有唔同嘅size俾你選擇，啱晒我呢啲細食人😂😂呢度除咗有和牛同埋美國牛之外，仲有豚肉，有好多不同部位嘅牛扒選擇。☺️呢度可以加唔同嘅小吃吃，腸仔，仲有我最喜愛嘅日本米。💕💕💕🤤…Read More

去過好多唔同嘅地方打邊爐，但隔一排就上返黎呢一間食，超級掛住呢度嘅水晶包同埋肥牛！叫到成枱都係嘢食！超級開心！肥牛當然係最緊要嘅！呢度叫得禾牛薈，牛肉當然有番咁上下！鮮嫩無比！好有牛肉味！呢度嘅水晶包亦都好有水準！一點有三款口味，有芋泥，叉燒同奶黃！皮好煙韌！涵料好好味 ！我有鬼鬼都好出色，好脆好香！中間嘅蝦膠都好甜好彈牙！呢個菜唔記得叫咩名，但好鮮甜又脆脆地，口感幾特別！珊瑚蚌味道正常！都好爽！蜂巢豆腐係我其中一樣打邊爐至愛。索盡湯底嘅精華！…Read More

終於放假啦，可以去食返餐好嘅。因為經常落雨，二天氣又有少少清涼，所以我哋梗係爭取時間去打邊爐啦。朋友搬咗屋搬咗去西灣河，我哋揀咗間比較就腳近地鐵站嘅，養心殿台式火鍋。我哋打邊爐最講究係環境坐得舒唔舒服，呢度非常闊落，唔會感覺好逼夾。我最喜愛就係可以自由調製配料，食物方面，湯底我哋揀咗美人鍋，大大隻烏雞，加埋養顏嘅材料，令湯底極度鮮甜。好味。😍😍😍火鍋唔可以少得牛肉，我哋叫咗個手切肥牛，唔會好似雪花肥牛咁肥，正梅花豬，意想不到嘅嫩口。響玲，熱辣辣係新鮮即炸嘅。喜歡食海鮮嘅我，我嗌左個日本蠔，享受一下，真係好肥美鮮甜。水蓮餃，都好特別，咬落去好多汁。😍😍😗個人覺得比一般水餃更為好食，魚丸就食得多鵝肝墨魚丸就係第一次食，食落去除咗魚丸嘅鮮味之外，入邊鵝肝都係好正，彈牙好味，一粒魚丸有兩種享受丶😍😍😍😍呢個冰菜我諗唔係度度地方有得食，而我哋都叫咗過嚟試吓，脆脆的，一般嘅青菜更為鮮甜同入味。…Read More

終於有機會可以去食下野,而且主要因為仔仔生日而佢咁啱又去西環到學嘢所以我哋揀咗間比較容易泊車多街位嘅地方去食嘢。我哋去咗西環海旁，呢度都幾多嘢食。我哋因為仔仔生日嘅關係揀咗間比較特別，信州日本料理。呢度比我嘅感覺覺得幾特別，有點兒像日本嘅壽司店一樣，有個很大嘅壽司吧。有好多師傅喺度準備。我哋揀咗個紙鍋晚餐，有唔同嘅嘢食，啱晒我呢啲啲有選擇困難症嘅人。刺身，師傅話呢度每日都有一啲唔同新鮮嘅魚生運到，今日就有深海池魚，油甘魚，赤貝同三文魚。呢啲都係好特別。蟹膏鮑魚，呢個鮑魚好特別，鮑魚嘅甜味，加上蟹膏嘅濃郁嘅味道。正牛薄燒，幾特別入邊有啲蒜蓉配上香蔥。炸豆腐。海鮮紙鍋，海鮮嘅鮮甜味令到個湯非常之濃郁好味。😍😍蔥花吞拿魚腩丼，我嘅至愛，😍…Read More

今日想食韓國嘢，但係有朋友唔想食舊式嘅韓式鐵板韓國燒烤，所以我哋揀咗Seoulmate ,呢度位置都唔錯係正銅鑼灣。最重要嘅係佢除咗有韓國特色嘅食物之外，仲有唔同fusion菜式俾我哋選擇。啱晒我哋咁多意見嘅人👍🏻呢度入邊環境好好，仲有室外可以俾人坐，但係因為天氣太凍，所以坐返係入邊。 即叫即炸，超香口！一切開個蛋黃係咁流出黎，好正😍炸番薯條 香口之餘好似感覺上冇普通薯條咁邪惡😇 配埋個醬令人食唔停口意粉煮到岩岩好 唔會太淋 味噌個味好特別又好出 成個combination意外地夾超級邪惡～啖啖肉 啖啖芝士呢個見台台都有人點，睇落好cute 我地都忍唔住點左 po IG 吸like 必點！出面係好梳乎既蛋白入面係truffle risotto 又好影又好食！甜品size 都幾大下，4個人share岩岩好，唔會太甜 熱辣辣既pancake加埋凍冰冰既雪糕 真係無得輸！…Read More

住在黃埔咁耐，終於有機會搭船，過去北角碼頭行吓。之前諗住轉車去銅鑼灣都找啲嘢食，跟住沿途經過嘅時候見到好多餐廳都好吸引。於是我哋就將計就計喺北角度食，呢間餐廳都幾特別初頭以為酒吧。呢度有happy hour ,啱晒我呢啲歡樂人。因為我哋都幾肚餓嘅關係所以叫咗個二人餐享受下啦。呢個餐都幾抵食又有餐湯，頭盤同埋兩個主菜。我哋叫咗牛扒同埋意粉。牛扒配埋薯角，好好味呀😘😘😘😘蜆肉意粉，味道都配合好好。海鮮嘅鮮味十足。我哋仲叫埋佢呢度嘅蛋糕，因為呢度個蛋糕嘅雪櫃嘅蛋糕樣樣都真係好吸引。玫瑰蛋糕綠茶千層蛋糕…Read More

呢排食多好多西餐，所以特別喜歡吃中餐。今日去咗一個環境比較就腳嘅銅鑼灣利舞台玉桃軒。因為屋企人住銅鑼灣，所以都好鍾意喺呢度食飯。呢度成日都有唔同嘅套餐可以俾我哋選擇，因為我哋都一家人食嘅關係所以揀咗個四人套餐，有條魚，湯，仲有兩個餸夠晒抵食。其實銅鑼灣都有好多選擇，不過呢度坐得比較闊落，唔會感覺到好多人好迫夾，我以屋企人都係喜歡喺度聚一聚而且價錢亦都相當抵食。粟米羹，粒粟米，魚肚都夠晒足料正😍海班，幾新鮮，師傅煮得幾好魚肉非常嫩滑。大蝦粉絲煲，大大隻海蝦😘😘😘燒鵝，烤得皮都係好香口。真係好滿足。…Read More

出咗尖沙咀整啲嘢，經過呢間嵐山日本料理，見到鋪面企理乾淨，又有午餐set lunch,決定入去試下。佢嘅定食同便當都係百幾蚊，跟蒸蛋，湯，沙律，漬物，前菜同雪糕，價錢非常合理！我叫咗個北海道don, 有三文魚，帶子，海膽同蝦。發現個set整體來講誠意十足呀！前菜份量精緻，每樣都十分好味。到個don啦，帶子同蝦都好大隻，三文魚肥美而不漏，啲海膽食得出好新鮮！啲飯亦有驚喜，唔係普通嘅醋飯，係預先調好味道嘅。粒粒飽和同吸滿咗醬汁嘅味道，加上新鮮嘅刺身，令我呢個飯桶話咁易ko曬成碗don！食完個set我同朋友都意猶未盡，決定試埋其他壽司。我哋嗌咗加拿大海膽（因為真係好正！！），火焰平目魚邊同埋蔥花吞拿魚腩壽司。每一件都好滿意，$25食到呢個質素同份量嘅海膽壽司真係十分之抵。係呢個環境清靜，舒服嘅餐廳食咗一餐咁美味同抵食嘅午餐，再嘆埋杯豆腐花雪糕，成個人都開心曬！…Read More

終於可以去同囝囝家人去食下飯休息下，阿仔平時鍾意睇足球，之前世界盃晚晚都唔瞓咁。今次所以搵咗一間比較特別嘅西餐廳。 銅鑼灣stadium . 呢度之前朋友介紹話有好多野玩，又有足球機又有桌球。所以今次咁難得得閒梗係同仔去吓啦。嘢食方便以美國菜為主，分量都好大份，帶幾樣野share食。焗薯皮。呢個焗薯皮唔係好多地方有得食，最緊要係煮得好食，。脆脆嘅薯皮，配上醬汁，加啲煙肉係上面。好正啊😍，我哋幾個大人當然唔少得飲啤酒啦，阿仔飲檸檬水。呢度啲啤酒樣樣都好唔同，有好多唔同嘅款式，有果味，有手工啤，有入口嘅啤酒。 可以講係諗得酒嘅種類佢哋都有。叫咗個蔬菜食下，呢度比較特別warm salad ..全部都係熟嘅蔬菜。 👍🏻👍🏻呢度有唔同嘅set dinner 可以選擇，我哋叫咗個鵝干漢堡， 非常好食。 漢堡扒嘅肉汁流晒出嚟。 再加上鵝肝嘅鮮味，配埋香口薯條，阿仔已經食到樣子非常滿足晚餐有南瓜湯，非常之香濃仲叫多咗一個海鮮意粉，大大隻帶子，同埋有各式各樣嘅海鮮青口鮮蝦。 好味👍🏻👍🏻…Read More

銅鑼灣真係好多好嘢食，琴晚收左工，同啲同事去食好耐冇食過嘅韓國嘢。前菜八小碟，各有風味。最鍾意佢隻黑胡椒鹽溝油，點肉好prefect match。生牛肉拌梨，唔係到到食到，呢到好新鮮吖！主角出場啦，烤牛肉我哋食咗醃既同埋無醃，醃既汁太濃味，蓋過牛肉既鮮味，唔醃既就好正，鐵板迫出牛肉既油脂，燒幾下就熟，牛肉入口即溶，油花分布均勻，絕對係靚牛。海鮮豆腐湯，唔太辣，送飯一流！最後大家仲未夠飽，加多個炒粉絲，勁滿足既一晚。…Read More

前兩星期抓住暑假的尾巴，帶一家大細去銅鑼灣尚鮮火鍋海鮮料理食火鍋。餐廳裝修日式風格， 我哋一家人坐6人卡位環境舒服。我哋坐低卡位後，店員就細心解釋當天有嘅是曰推介corner ,有好多新鮮海鮮。同放低Menu 及多種醤油俾我哋慢慢揀。因為有小朋友,店員好細心建議我地order 鮮魚湯鍋。我哋等緊鮮魚湯鍋嘅時候，就食住小食。我哋叫咗香口彈牙嘅粵式煎蝦餅，同蒜香牛柳粒。牛柳粒肉嫩加上爆香嘅蒜片係回味嘅。鮮魚湯入面有好多蜂窩豆腐，鮮冬菇同宜加最潮食嘅羽衣甘藍，湯底奶白魚鮮味，非常清香鮮甜。我哋大人當然最喜愛尚鮮是日限定刺身，我哋今日食到章紅刺身，魚質新鮮特別。我哋都order 咗兩種健康清涼嘅飲品，分別係洛神花蜜同青檸梳打，2大支冰冰涼飲品小朋友至愛。小朋友見到這個好似tea set 嘅五味豚拼盤Pig Set 覺得好新奇，仲問我地點解好似去食High Tea 🤣五味豚拼盤入面有豚肉，黃沙豬潤，豬粉腸，豬皮同豬紅。當然仲有有食火鍋店出名嘅手切牛邊位Short Loin 同四色丸尚盛。仲有香口兩種食法嘅百花釀油條，鐘意食魚嘅朋友一定要order 脆鯇魚片。餐廳員工細心嘅服務，加上環境舒服，食物品質高。…Read More