Salad BB's Profile

呢間位於太子既居酒屋好有日本feel , 大大棵櫻花樹🌸 + 日式榻榻米 , 打卡一流😍▪️日式吉列蝦▪️日式炸魚餅▪️海苔魷魚鬚去居酒屋好多人都鐘意小酌一杯🥃 , 叫炸物送酒就最適合 ! 三款炸物都新鮮炸起 , 熱辣辣脆卜卜仲好彈牙添🍤▪️Saba Misoni 鯖の味噌煮傳統日本家庭料🐟 醬汁濃郁 , 充滿日式風味 , 非常下飯 ! ▪️福袋腐皮烏冬用巨型腐皮福袋包住烏冬 , 造型脹卜卜好可愛☺️ 湯底偏甜 , 腐皮浸住湯汁 , 非常入味 !▪️榛子摩卡蛋糕▪️柚子芝士蛋糕兩款蛋糕都唔太甜 , 坐係櫻花樹旁食蛋糕都幾寫意🥰▪️木村綠茶可樂梳打汽水▪️原味波子汽水平時小飲汽水 , 間中來一杯都幾爽 !…Read More

小朋友放假要去玩 , 爸爸媽媽又想食好野 , Honjokko 既 Sunday Kids Brunch 就岩晒 ! 👶🏻0-6歲既小朋友仲可以免費享用kids meal , 好抵 ! Brunch期間小朋友可以去兒童遊戲室玩玩具同睇電影, 入面仲有小朋友最鐘意既face painting同扭波波🎈▪️Honjokko Sunday Brunch▪️- 大人版▫️Starters - 6款前菜都好好食 , 特別喜歡柚子醬油漬油甘魚 , 酸酸味味好開胃 ! 而芝麻醬菠菜亦都唔錯👍🏼▫️Sushi & Sashimi - 所有魚生、壽司、生蠔🦪都係仼食 !!! 魚生同生蠔都好新鮮 ,好味 !▫️Main Courses - 7個選擇 : 雞/牛/羊/豬/椰菜花/三文魚/天婦羅 , 我地點左牛柳同三文魚 , 兩款都烹調得岩岩好👍🏼 特別係三文魚個皮超級脆 !▫️Desserts - 黑芝麻crème brulee配海鹽焦糖雪糕同芝麻薄脆餅 , 鹹鹹甜甜既配搭好好食 !至於兒童餐都一樣好豐富 ! 除左壽司小卷 , 仲有日式炸雞飯/天婦羅烏冬🍤🍜 , 甜品同果汁 ! …Read More

想試好耐 , 今日黎開呢邊一於試下 ! ▫️Jumbo炸雞煎蛋窩夫炸雞好大塊 , 雞肉嫩滑多汁 ! 🧇窩夫烘得金黃香脆、充滿蛋香 , 好味 !▫️香煎北海道刺身帶子配鮮蟹粉墨魚汁燴飯Risotto 口感煙韌 , 墨汁+ 蟹粉 + 帶子鮮味十足👍🏼▫️溫泉蛋什菌牛肝菌汁貓耳朵粉貓耳朵粉比較有咬口 , 🍄牛肝菌醬汁香濃 , 加埋溫泉蛋撈埋一齊好creamy▫️椰子奶蓋芒果蛋白脆🥥椰子奶蓋咸咸甜甜 , 好香椰子味 , 配埋芒果醬同蛋白脆口感豐富 , 做飯後甜品一啲都唔怕膩 ▫️法國士多啤梨乳酪▫️芒果乳酪兩杯乳酪都好靚❤️ 而且係用100%新鮮生果打制🥭🍓 , 味道酸甜可口 , 特別推薦士多啤梨口味🍓順帶一提 , 餐廳最近做緊一個小型相展 “Nights and Lights” , 霓虹燈下既香港真係好靚❤️…Read More

成間餐廳都以黑白為主 , 牆身滿佈手繪畫作 , 好有漫畫feel , 真係每個角落都係打卡位 ! 呢到唔止裝修靚 , 食物質素一樣高 !🤍蜜汁焗雞中翼雞翼沾滿甜甜既蜜汁, 焗得岩岩好 🤍炸香脆粗薯條配黑松露醬薯條新鮮炸起 , 配上濃濃黑松露醬 , 好好味🤍白酒忌廉牛油煮鮮青口 配芝士多士青口好食 , 但芝士多士更吸引 ! 勁多芝士又焗得香脆 , 沾上忌廉汁好好味 !🤍京式烤鴨薄餅估唔到呢個組合既pizza咁有驚喜 ! 滿滿既芝士加埋烤鴨、大蔥 , 再配上香脆批底 , 味道好夾值得讚下烤鴨仍然保持軟嫩又不油膩 , 確實幾好食 !🤍烤焗美國豬鞍扒豬鞍非常厚身 , 而且肉質鮮嫩多汁 , 配上蘋果醬 , 味道更有層次又唔膩 , 好食呢到既甜品真係好靚又好食 !! 🤍夢 - 森の家外層係白朱古力 , 切開入面係乳酪慕絲蛋糕 , 中間有士多啤梨果蓉 , 食落酸酸甜甜 🤍富士芝櫻祭 - 丸久小山園抹茶 Tiramisu Mascarpone Cheese 細膩軟滑 , 抹茶味香濃 , 整體食落唔太甜又有抹茶回甘 …Read More

Step 1 - 前菜入座後店員會比QR code 你自助落單 , 我地點左麻辣鴨血 , 夠晒醒胃惹味 ; 椒鹽魷魚酥 , 香脆又唔韌 !Step 2 - 火焰雞煲有唔同辣度選擇🌶️ , 但我地有小朋友同行 , 所以點左走辣～ 但唔辣既雞煲一樣好惹味 ! 雞件入味嫩滑 !Step 3 - 時令海鮮拼盤呢日既拼盤包括 : 扇貝、聖子、鮑魚、蝦、蜆 , 仲有配菜粟米、勝瓜、烏冬煮法可以揀生既做打邊爐 , 或者蒜蓉粉絲蒸我地揀左蒜蓉蒸 , 蒜蓉醬超級香 , 海鮮又蒸得剛好冇過火 !Step 4 - 仼食火鍋我地試左最新推出既羊腩煲 , 羊肉唔會好酥 , 肉質彈牙 , 湯底又夠晒香濃 ! 另一highlight係個腐乳醬 ! 腐乳唔會死咸、醇香可口 , 一定要試 !食完羊腩可以加湯打邊爐 , 自助配料區有各式各樣既丸類 , 但一d都唔求其 , 其中既胡椒豬肚丸好好食 !自助區仲有多種飲料 , 竹蔗茅根、洛神花茶、檸檬薏米水等等除左自助區 , 亦可以QR code落單點選肉類同蔬菜Step 5 - 甜品呢日有凍既仙草同暖既木瓜燉雪耳 , 兩款都好味 ! …Read More

▪️白酒煮蜆蜆肉鮮甜飽滿 , 🥂白酒香氣唔會過濃 , 麵包點上醬汁好好食 !▪️四重芝士意大利長通粉每條長通粉都沾滿濃濃既芝士醬🧀 , 濃而不膩 , 芝士控不能錯過 !▪️烤春雞🍗雞肉嫩滑又夠入味 , 配上薯條、沙律菜、烤蕃茄 , 份量十足 ! 🍟薯條灑滿調味粉 , 香脆惹味 ! ▪️黑安格斯牛肉眼扒配薯條 (Lunch Set)套餐包括頭盤+主菜+餐飲主菜🥩肉眼扒火喉剛剛好 , 香嫩多汁▪️Tiramisu (Lunch Set)套餐可以加購甜品🍰 , 呢個Tiramisu真係好好食 , 值得叫…Read More

行過朗豪坊唔知食咩好，見呢到餐廳門口好似花園咁，花花草草牆好靚，而且openrice食評又唔差，所以入去試試！🍔特級牛扒竹炭漢堡 - 幾大份，但個包冇乜特別。跟餐既薯條好香脆！🍛青咖哩雞肉意大利飯 - 麻麻地，雞肉乾硬，冇乜青咖哩味，直頭係好淡口…🍨焦糖麵包布甸配雪糕 - 麵包質感似蛋糕，暖暖地，加埋凍冰冰既雪糕幾好食🥣蜆肉湯 - 味道正常，質地較稀🥣野菌忌廉湯 - 好多菇菇打岀黎既湯，好飲☕️咖啡 - 可能唔係我口味，覺得麻麻地總括呢間餐廳係幾靚幾岩打卡既，但食物質素可以再改善💪🏼…Read More

餐廳係林村許願樹旁邊，都相當隱世！餐廳係園林設計，好多花花草草🌴，有荷花池、鯉魚池、小木屋，充滿打卡位！假日都有set lunch供應，淨係頭盤已經有6個選擇！🔹周打魚忌廉湯呢個湯夠晒creamy，而且落足料，好味🔹凱撒沙律羅馬生菜新鮮爽脆 ，即使係跟餐頭盤，份量都好多🔹檸檬蜜糖單骨雞翼甜甜酸酸好開胃🔹法式焗田螺田螺好大隻，肉質軟林，滿滿蒜蓉牛油香味～ 仲有綿綿既薯蓉鋪底！🔹蒜蓉包好多蒜蓉鋪係面，焗得好香脆！🔹鵝肝醬焗豬扒飯好特別既醬汁，每口都充滿住非常濃郁既鵝肝醬味道🔹黃金軟殼蟹尖通粉滿滿既黃金蛋黃醬包住啲通粉，係邪惡既味道🔹脆炸德國咸豬手配蜜糖芥末籽汁外皮脆卜卜，忍唔住食左幾塊～ 肉質唔會好乾硬，好食🔹朱古力心太軟配雪糕中間既流心效果好好，濃郁朱古力味又唔會太甜🔹焦糖燉蛋面層既焦糖略為厚左啲，但燉蛋好香蛋味又夠晒滑，整體都唔會過甜…Read More

一段時間冇黎，感覺上冇之前咁好食☹️當日叫左吞拿魚丼，吞拿魚有小小腥，底下既吞拿魚蓉冇乜味，好似一pat肉泥咁，有啲失望😟 不過份量係多既！另外叫左三文魚盛盒，正常發揮，不過不失～…Read More

中午超多人，我地係大家放lunch前入座，隔一陣已經滿晒座！一共叫左三個麵，落單後好快上菜！每份都包左前菜中華沙律、甜薯同甜品花雕雞麵 - 花雕酒分開上，鐘意落幾多隨自己喜好！雞肉已去骨，啖啖肉，夠嫩滑！貢丸湯米粉配鹽酥雞 - 貢丸彈牙，但湯底冇乜特別，鹽酥雞岩岩炸起，新鮮香脆！紅燒牛肉麵 - 牛肉夠入味夠𣺉，湯底香濃！另外要讚下呢到既店員，食緊途中發生小插曲，我地唔小心倒瀉野，雖然滿座好忙，但佢地都好快過黎幫手一齊清理👍🏼👍🏼…Read More

平時食開午餐，今次試下早餐！▪️西班牙蛋餅蛋餅入面有薯仔🥔、菠菜🥬同菇菇🍄 , 配埋沙律🥗 , 份量十足👍🏼 , 略嫌蛋餅面有小小過老變得鞋口▪️鮮果熱香餅配果醬🥞熱香餅好鬆軟 , 配菠蘿果醬🍯甜甜地幾好食 , 焦糖香蕉🍌煎過好好食 , 但士多啤梨🍓有啲酸▪️Flat White☕️ / Babyccino🥛Weekday加配飲品有50% off , 都幾抵飲！咖啡可以因應自己既喜好揀咖啡豆Nutty or Fruity…Read More

今日去左大埔新開既點心店飲茶🫖呢到既點心即叫即做 , 上枱新鮮熱辣辣👍🏻 點心賣相精美 , 味道不錯 , 價錢亦合理 , 值得再去～▪️茶芥：$6/位▫️荀粒鮮蝦餃 $36▪️香菇燒賣皇 $36▫️山竹牛肉球 $28▪️水晶鮮蝦菜苗餃 $26▫️牛肝菌上素餃 $22▪️蘿蔔絲酥 $26▫️酥皮焗叉燒餐包 $26▪️流沙荔枝球 $26▫️椒鹽魷魚鬚 $48▪️避風塘蘿蔔糕 $36▫️冰鎮豬手 $48▪️鳳爪排骨煲仔飯 $38▫️陳皮紅豆糕 (送) 💬 蘿蔔絲酥 , 好小酒樓會整 , 竟然呢到見到 ! 酥皮粉紅色 , 一層層又酥又鬆 , 食落唔會太油膩 , 好食👍🏻💬 山竹牛肉球既賣相好特別 , 佢用腐皮包住牛肉球 , 好似褔袋咁 ! 💬 呢到既餃皮做得煙韌 , 唔會淋pat pat , 今日點既 3 款餃都好食 !💬 呢到仲有好多特式點心 , 造形都好靚 , 下次再黎要試晒佢 ! 推薦度：🌕🌕🌕🌕🌑…Read More

呢間餐廳以前都曾經開過係大埔 , 後來搬走左 , 最近又番番黎大埔 , 住大埔既我當然要去食😍呢晚我地食左 : 🍗 小食 - 蜜燒雞中翼 (4隻)蜜汁雞翼 , 甜甜既蜜糖味🍯 , 應該大家都鐘意食🤤 🥖 小食 - 香脆蒜蓉法包 (4片)呢到既蒜蓉包好有heart , 佢既🧄蒜蓉醬係食得岀有一粒粒既蒜蓉口感 , 滿滿既香草蒜蓉加上法包一齊烘 , 新鮮熱辣辣 , 好好食! 鐘意蒜蓉既一定要點😍🥣 是日餐湯 - 甘荀芋頭忌廉湯餐湯經常轉換款式口味 , 每款都落足料 , 口感幼滑👍🏻 有時更會飲到驚喜 , 例如咖哩薯仔湯🍛好掛住以前有一款大蒜薯蓉湯 , 唔知幾時可以再試到🤤🍖 主菜 - 香煎西班牙黑毛豬扒配鮮薯蓉厚切黑毛豬扒 , 煎得岩岩好 , 肉質軟嫩 , 一啲都唔韌💯 係我地每次黎到必點菜式😌配菜有鮮薯蓉🥔、烤蒜頭🧄、烤南瓜🎃同西蘭花苗🥦 , 即使係配菜 , 亦都不會馬虎 , 全部都好新鮮 ! 🍗 主菜 - 燒慢煮鮮雞配鮮薯蓉雞皮燒得非常香脆 , 雞肉嫩滑多汁 , 唔洗額外沾醬亦都非常夠味 ! 🐟 主菜 - 香煎三文魚柳野菌意大利飯三文魚柳煎得岩岩好👍🏻 皮脆得黎 , 魚肉仍然保持嫩滑、唔鞋口 ! 野菌意大利飯🍄菇香十足 , creamy 又唔會膩😋🍝 主菜 - 是日意粉每日唔同既精選意粉 , 呢一晚係蕃茄肉丸意粉🧆上枱都有啲驚訝 , 因為好多肉丸 , 絕對冇揸流灘 ! 配埋蕃茄意粉好夾👍🏻…Read More

我平時都好鐘意以湯水食療去養生防病保健 , 所以都有留意下坊間既新鮮燉湯店🥣 最近試左一間位於旺角既鋪頭「金寶蟲草皇 - 湯之日常」 , 呢間店舖除左賣海味湯料 , 仲有賣自家燉靚湯同糖水🥣 呢到有2個size選擇：碗裝 (500ml , 1-2人份量)樽裝 (2000ml  , 4-5人份量) 今次試左: 🥣 補腦提神強身海參湯選用左上盛材料燉製 , 包括: 希臘米刺海參、野生羊肚菌🍄、雲南松茸乾🍄 , 全部都係營養價值高既食材 , 可以幫助增強免疫力 , 預防感冒 ! 呢個湯飲落好香菇菌味 !  原條海參燉煮後口感腍滑 , 冇腥味!   🥣 抗衰老花膠仔烏雞湯主要材料除左花膠仔同烏雞 , 仲加左桃膠 , 性質溫和 , 潤而不燥 雖然係用花膠仔 , 但無損佢既食用功效 , 而且仲滿滿膠質 , 非常滋補養顏🥰 最緊要係完全冇花膠腥味👍🏻👍🏻   🥣 紐西蘭花膠牛奶美顏糖水除左靚湯 , 呢到既糖水都非常吸引! 紐西蘭靚花膠 (好厚身😍) 加上北海道3.6牛奶、紅棗、蓮子、百合 , 養顏滋潤又健康好食❤️  🥣 靈芝龜苓膏成日捱夜 , 最好食番個龜苓膏下下火🔥 靈芝龜苓膏採用龜板、靈芝、土茯苓、金銀花等名貴食材製成 食得岀係落足料既 , 食落嫩滑微苦 , 食後有回甘既味道👍🏻 怕苦既可以配糖漿食用～ 後記：▪️呢間鋪頭確實係真材實料 , 無論係燉湯定係糖水都非常足料 , 而且用料又靚 💯 ▪️呢到既定價非常親民合理 , 而且唔洗自己買料同煲 (仲要浸發!!) , 方便得黎又有高質素靚湯飲😋 ▪️除左新鮮靚湯 , 呢到都有售賣海味食材同湯包 , 可以買番屋企自己煲! …Read More

今日係將軍澳 PopCorn 商場行街 , 比呢間日本蜂蜜茶飲店 @buzzstand 🐝 吸引左～ 平時普遍既茶飲店都係使用糖漿調味 , 但BUZZ STAND 既飲品係無添加任何人工糖 , 佢既甜味全部來自「杉養蜂園」既優質天然蜂蜜同果汁蜜🍯, 再配搭新鮮水果🍎🍋製作出各種健康清新既飲品 , 當中仲有唔同既功效 , 為健康增值～ 真係比起一般既手搖飲更加天然健康美味💕 🍹 蘋果醋蘆薈檸檬蜜茶 呢款係母親節限定既特飲～ 由檸檬蜂蜜🍋、純蘋果醋🍏、青森蘋果汁🍎、紅茶🫖調製 , 再加入蘆薈粒粒同新鮮蘋果🍎 , 味道酸酸甜甜又有咬口 ! 功效: 幫助消化、增強免疫力、改善皮膚、調節血糖 🍹 香蕉麥盧卡蜜冰 呢款皇牌人氣產品以麥盧卡蜂蜜🍯、新鮮香蕉🍌、鮮奶🥛調製而成既沙冰 , 加左蜂蜜更特顯香蕉既清甜味 , 沙冰口感順滑 , 飲落非常透心涼 ! 功效: 麥盧卡蜂蜜營養豐富 , 有助增強抵抗力；香蕉含大量膳食纖維 , 可以維持腸道健康💪🏻 🍹 純蜜鮮奶咖啡除左凍飲 , 呢到都有熱飲提供 ! 平時飲咖啡☕好小落糖 , 但原來落左蜂蜜既咖啡都幾好飲～ 除左飲品 , BUZZ STAND 既甜點都非常高質💕 🍦 純蜜雪糕自家製既牛乳蜂蜜軟雪糕 , 牛奶味香濃 , 配上天然蜂蜜味道味道非常夾💛好可惜今日冇原塊蜂巢 , 下次一定要再試 ! 🧇 原味窩夫配純蜂蜜 窩夫即叫即整 , 口感外脆內軟 , 蘸上蜂蜜 , 每一口都甜絲絲🥰🔸店舖有一張長枱 , 買完甜品可以係到食 , 唔洗一路行一路食咁狼狽～🔹一杯飲品價錢都係3,40蚊左右 , 同一般茶飲價錢差唔多 , 但健康好多 , 飲完都冇罪惡感😌🔸杉養蜂園既蜜糖同果汁蜜大家應該好熟悉 , 呢度都有佢既產品岀售 , 仲有得試飲～…Read More