公主.Miyoona's Profile

秋風起又係時候過上一個禮拜可以日日打邊爐食蒸鍋嘅日子啦哈哈適逢而家疫情有啲穩定身邊嘅朋友都開始接受到堂食今日係朋友嘅生日一於去食返個蒸鍋晚餐佢哋有個魚缸喺舖頭所以海鮮已經保證到新鮮，魚缸好乾淨..最想稱讚同欣賞嘅地方就係其實而家疫情大家都好擔心啲餐具嘅清潔度，呢度係開餐之前會將餐具喺蒸鍋度蒸幾分鐘然後再用，啲碗熱辣辣，好老實講令客人心態上已經舒服咗好，然後蒸完嗰個蒸架又會換走，做得十分好！！準備去食嘅朋友大家對衛生依點可以放心啦！我哋嗌左蒸鍋套餐唔使諗食咩好唔使煩但係當中有幾項海鮮係可以自選嘅，我哋就揀咗食咁特別嘅蟹，真係第一次食仲有揀咗琵琶蝦佢有龍蝦揀嘅但係我同朋友都比較鍾意食琵琶蝦啲嘢食上得好快然後服務員又會同你蒸埋，咁嘅價錢享用咁嘅服務真係值回票價服務員同我哋蒸嘅時候我哋閑談咗幾句，得知依度嘅老闆係海鮮嘅供應商能夠直接入到新鮮嘅食材比舖頭，「新鮮」可以話係呢度嘅賣點優勢！！啲海鮮真係好鮮甜好新鮮，連豉油都唔想點，因為想食海鮮原本獨有嘅鮮甜當中嘅琵琶蝦環帶膏…然後鮑魚又彈牙唔好睇隻蟹細細隻咁原來都幾多肉真係第一次食，味道好獨特！食完海鮮之後就開始蒸蔬菜啦然後到最後就係用佢嘅精華湯做一個粥，啲粥好快已經煲得好綿好入味，其實以為唔夠食點知最後我同朋友大家互望，一個眼神已經知道大家好飽啦，哈哈最後最後間鋪竟然有個驚喜俾我朋友就係準備咗壽包俾我朋友真係好窩心呀，只係店員同我哋傾偈我哋咁岩講過生日黎食飯，竟然係餐飯最後送上壽包，壽星女好開心,我都好驚喜,仲有椰汁燕窩糖水食好滋潤呀……Read More

戚起條根想去打邊爐，又想食好啲食材，唔想食放題見，呢間comment唔錯就嚟試下～一嚟到就比個湯底吸引左，花膠好多地方都有，但用鯊魚骨熬湯就好少，仲有泡飯送tim！個湯都好足料，花膠夠大舊，鯊魚骨係軟骨部位，可以成條食哂！個湯入口好甜，又無味精味！個泡飯係飯焦，撈埋一齊食勁正！個湯無揀錯！另外值得一讚係個蜆介鯪魚球，好香夠味又唔腥！蝦膠油炸鬼好香口，送酒一流！我呢隻牛肉控，打邊爐梗要食牛肉！可惜我地得3個人去食，原來佢地4個人有得送安格斯四品盛牛天梯！sit鬼左！我地點左個牛魔王塔，$428有哂3款牛都幾抵！肥牛粒同最底嘅安格斯牛頸脊，睇啲油花分佈就信正嘢！好有油香又唔un，我可以自己隊哂成碟肥牛粒！但中間個手切牛頸脊就略嫌有啲un。海鮮試左白鱔同桂花蚌，夠新鮮分量都唔少！總括嚟講，價錢係貴過放題，但勝在食材新鮮靚料，份量又足！侍應服務好好，唔洗三催四請，會自己主動問我地洗唔洗加湯，又會主動幫我地收碟。一間有heart嘅火鍋店，加正嘅安格斯牛，值得我再幫襯！…Read More

* 終於等到黃大仙嘅十二味 *我同媽咪不嬲都鍾意食川菜，不過黃大仙區就真係冇乜川菜可以選擇。終於比我哋等到十二味喺黃大仙開分店今日就同媽咪妹妹去試吓～可能平日下午關係，店內好鬆動，坐得好舒服。仲一邊食一邊有歌聽我地叫左個土豪版酸菜魚 (小辣)。其實好想食大辣不過妹妹唔食得好辣唯有叫小辣另外佢本身係冇跟薯粉的，如果想要薯粉，可以以$28加配。酸菜魚一上枱我哋都“嘩"一聲，因為真係好誇張，好大盤用咗10分鐘打卡之後，終於開動個人認為呢度嘅酸菜魚夠酸夠香，飲第一啖湯真係好正，熱辣辣，微辣。酸菜香味十足，份量充足，每一啖都可以食到好多酸菜！！媽咪發現個酸菜魚仲有好多菊花瓣 (希望我無講錯), 出邊嘅酸菜魚係冇嘅，而我又真係食到微微嘅淡花香味，我覺得幾特別。魚肉好滑，完全冇骨，可以大啖大啖食，好暢快不過麻辣味就一般，可以重麻味少少。而最美中不足係有啲太鹹。只係一個酸菜魚已經食到我哋三個抱住個肚走，仲有好多川辣小食都未有機會試～下次又可以來再食過:)…Read More

今日係黃大仙做完野，即刻上openrice睇下附近有咩好食，見到有間係現崇山地下既茶餐廳，地鐵行去都係100米左右。茶餐廳黎講，呢度真係好多款式野食👍🏻叫左兩款餸既晚餐加多個招牌龍蝦湯飯試下😍油鹽水粉絲蒸海中蝦～～粉絲吸收哂蝦既鮮味，加埋油鹽水浸住，超好送飯，好正煎封黃花魚～～條魚煎到金黃色，又香又可口。名副其實係煎封，做到外脆內軟，魚肉嫩滑，鮮味十足😍叫小菜套餐加$20既白菜仔～白菜炒得好靚，仲好嫩綠👍🏻仲有好多人都點既招牌龍蝦泡飯～果然係正野呀，個龍蝦湯入面有浸林左既飯粒，加埋另上既一碗脆卜卜飯焦食，口感好得意，味道好夾，好好食！！龍蝦湯鮮甜，仲要熱辣辣，正呀。加$25有法國田螺～味道不過不失，薯蓉好滑。仲有兩碗西湯贈送👍🏻👍🏻😋😋店舖仲有細心位，提供多款消毒用品同搓手液比客人使用；仲有無比滴比坐室外既客人。加分～～…Read More

If you are seeking place for chill and special, you can’t miss this restaurant!It was my sister’s birthday last night, I found this Lebabonese dining in instagram. Its decoration just attracts me. The place is so stylish, colorful and instagram friendly. Every single parts are cute and good for photos.We ordered a fries, it serves with mayonnaise and ketchup. Crispy and fresh fried. Second dish is the chicken tagine. Tagine is a traditional arabic dish, it serves with rice and some sauce. I’ve tried before in Morocco. This time I tried the Lebanon one, besides the tangine container is a bit different from the Morocco one, taste is alike the same. The chicken is so soft and juicy, I love it so much!!Third dish is the main one, the mixed grill meat. It served in a golden container, with beef, pork and lamb. I also like the slice on it, eat with the meat is less oily.The last dish is the Lebanon slow-cooked lamb, this is so big!! The lamb is very soft , mixed the vegetables to eat, it’s so delicious!!My sister loves craft beer much, she ordered a made in hong kong one, “black kite”, it taste a bit bitter and strong wheat taste, very nice one.For me, I just want my all time favor, Guiness~A perfect birthday dinner with my family. My sister feel so blessing and happy. Next time we will try the shisha here without parents haha.…Read More

諗起肉骨茶我就會諗起馬六既出品,對我黎講,出色既味道喺香港真係數一數二!!冬天,天寒地凍真係好啱飲啖熱湯暖暖胃!!!重要當日朋友遲到,足足企咗喺條街等咗半個鐘,我比任何人都更需要依碗肉骨茶!!!好窩心一坐低店員拎咗兩杯水放低,重點係佢講咗句"出面好凍呀飲杯暖水先啦" 雖然只係簡單嘅一杯水但暖咗我心!!! 除咗肉骨茶其實馬六仲有好多嘢食㗎, 好似喇沙湯粉都唔錯㗎!!! 無骨海南雞飯配白胡椒肉骨茶白胡椒肉骨茶以大量白胡椒入湯,湯色較淺,胡椒味較濃烈而且香味十足!!隨湯而上的腩排充分吸收了肉骨茶,肉質軟嫩!!驅寒暖胃感十足!!!無骨海南雞飯配巴生肉骨茶巴生肉骨茶,以中藥材為主,色澤較深而味道濃郁但不油腻,湯夠熱辣燙口!!!海南雞已經去骨,一口食落去啖啖肉,雞肉肉質好嫩滑!!! 仲有青瓜做伴碟,口感清新爽脆,用青瓜比起用油菜更加匹配,另外附上嘅三種醬料每一種都用得上,特別係黑醬油沾雞沾飯一樣美味!!季節限定有款黑醬油雞腳,呢度嘅黑醬油咁好味,我諗呢款菜式都應該好好味但係當日已經食飽飽喇下次再試啦!!…Read More

呢度嘅茶杯好精緻好有氣派感,茶用上養生材料,菊花紅棗圓肉等,味道跟健康更勝一般的茶!!!話梅豬手凍食,首先冇諗過咁大碟,好入味有話梅嘅甜又有酒香,層豬皮好爽口,既有骨吮又有肉咬,平時出面食凍豬手,成日都覺得唔夠食唔夠喉呢度一碟咁大碟,認真滿足,同埋豬手做得咁入味,呢度真係做得好成功!!!足料燉湯之:姬蟲草螺片燉雞,有圖有真相啦超足料,啖湯夠熱飲落去好醒胃,姬蟲草嘅香同螺片嘅鮮甜 ,好滋味!!!是日燉湯有兩款選擇,另一款選了依個無花果海底椰雪梨燉豬,呢個燉湯嘅療效真係啱曬轉季夠滋潤,重有落南北杏,正!!!龍躉球蒸豆腐,用豆豉蒸好野味,龍躉球好嫩滑無骨啖啖肉,豆腐口感同樣嫩滑,兩樣野夾埋好相襯!!!節瓜浸魚滑,味道清清地感覺好清新健康節瓜魚話仲有冬菇同雲耳口感豐富!!!魚滑一d都唔腥,新鮮!!!魚肉點呢個豆瓣辣醬更加惹味 呢度除咗有散叫小菜仲有好多餐可以選擇,有二人三人四人餐,包埋湯同白飯,d餐已經有海鮮選擇即使二人餐都有,認真抵食!!!***個人認為呢度嘅食物味道都係偏淡嘅,味不會太濃,感覺健康,第一啖入口已經知道完全零味精,原汁原味!!很欣賞!!…Read More

依到既套餐有每位$298.$398.$498.$688,不等, 價錢豐儉由人任君選擇,但係咁多個套餐都有一個共通點,就係每個餐都已經可以食到好多款海鮮!!!今日同朋友一行二人,選左個每位$398既套餐!!一開始店員放一個粥底,裏邊有南瓜同豬骨,醬油方面就有得加蒜蓉同辣椒!!!起初啲嘢食嚟到準備開動之制,原來呢度會有店員埋黎代勞為客人蒸埋,每樣食物都會用計時器計時拿捏到最佳既蒸煮時間,蒸好分畀客人食 ...鮑魚海蝦貴妃蚌生蠔龍躉大蟶子!!!其實用一個字已經可以形容曬依碟野!!就係一個字"鮮"好新鮮!!! d蝦爽彈,蝦頭又有膏!!!一邊係越南頂角蟹一邊係菲律賓大黃蟹,有圖有真相,d黃d膏多到咁,好滋味,最緊要係真係好新鮮!!!野生瀨尿蝦依隻係野生嘅瀨尿蝦而且好大隻佢嘅size係我半個手瓜,佢呢度嘅食法呢已經係蒸好咗攤凍,即係好似潮州打冷蟹咁嘅食法,又唔腥喎食起黎,原先都冇酒意㗎冇諗住飲酒就係食咗呢隻瀨尿蝦突然間好想隊番杯!!!食到有黑啤,唔係到到有呀!!!正!!!飲飲下酒送咗碟炸魚皮畀我食,哈哈!!!呢度嘅人好熱情,當晚都見到有啲熟客仔係到同店員傾計,個炸魚皮脆卜卜送酒一流!!!呢隻澳洲青年龍蝦真係唔係講笑!!好好食,又有膏,嗰啲肉質又彈牙,好鮮好甜!!!蔬菜最後上嘅有南瓜粟米生菜娃娃菜,估唔到南瓜都好快蒸得淋,食起黎好甜!!!總結嚟講呢度嘅海鮮好新鮮,估唔到呢個價錢食到咁新鮮既海鮮,真心好抵食!!!…Read More

食泰國菜又點少得飲冬陰功湯呢,必點之選!!!碗湯聞落去好香,配料有原隻蝦同草菇等等,飲落去酸酸辣辣好惹味!!!呢個冰鎮翡翠螺真係冇得頂,讚不絕口!!!首先凍冰冰食落好透心涼,啲螺肉好爽口,重有就係個泰式辣汁,辣辣地好過癮!!呢個泰式辣汁點海鮮一流!!例如生蝦魚肉等!!! 泰式珍珠椰菜苗炒香菇,椰菜苗口感獨特,味道帶點甘甜,碟菜炒起黎色澤嫩綠,仲有啲好似砌到炸薯條咁嘅紅蘿蔔條同埋冬菇絲,口感好豐富!!!香茅炸魚,原條魚上,大大條重有配菜,條魚起咗骨啖啖肉,依碟野講緊都只係$168,認真抵食!!!第一次見柚子沙律竟然好似炒嘢咁樣,連個味都係鹹鹹哋嘅!!!味道好得意幾新奇!!!正所謂美酒佳餚,點可以唔隊番杯呀!!!食泰國菜識飲一定要飲泰國啤啦!!!叫左咁多野都600蚊有找,重要係灣仔繁華區,真係抵食重要係唔難食而且係好食!!!…Read More

喺社交平台見到朋友放咗啲美食相之後問佢呢間嘢喺邊度嚟㗎佢就介紹咗我呢度啦!!!• 渝味曉宇重慶老火鍋• 西環堅尼地城卑路乍街163號聚賢逸居1樓佢呢度嘅點餐紙上面嘅食物有半份同全份選擇,可以隨心選擇多同少份量,啱曬鍾意樣樣試小小嘅人!!!同埋佢每樣食物下面都會括住要煮幾多分鐘既提示,好貼心!!!醬油費每位20蚊我整咗一個有蔥花芫茜辣椒粒蒜蓉蠔油麻油豉油既混醬... 耗兒魚,一定要食,好好味,魚肉結實一啲都唔腥好鮮甜,冇咩魚骨啖啖肉!!! 紫溝白淮山,其實紫淮山營養更加豐富同賣相更靚,既養顏又對腸道有益健康!!! 皇帝菜洗得乾淨,係打邊爐絕配!!! 魚鰾即係魚卜,其實佢本身就冇乜味嘅但係加入麻辣火鍋裏面,索曬辣味湯精華辣得過癮,既爽口又滑身!!!桶蠔,真係唔係講笑,一上枱好大陣蠔既鮮香味!!!大大隻,蠔身飽滿,味道鮮甜!!!金菇菜同樣係食麻辣火鍋一流既選擇,又係索盡曬辣汁湯嘅精華,辣得過癮!!!湯底每位38蚊今次揀咗鴛鴦鍋,一邊係重慶麻辣湯底一邊係山珍菌湯鍋,裏面有猴頭菇姬松菇秀珍菇,依幾種菇合拼埋令依個素湯味道已經好濃郁!!!手打三寶丸亦即牛丸墨魚丸蝦丸, 口感Q彈!! 食完仲有糖水送,呢個係紅棗雪耳糖水甜度適中好清潤!! 門口有茶水同糖果供應,大概係畀人等位有得享用又或者完餐後食粒糖消除口腔裏面個陣麻辣濃味!!…Read More

有朋友嚟香港旅行話想試吓啲靚嘅餐廳食午餐～所以決定帶佢去梵高餐廳，因為梵高餐廳開業初期我已經嚟過一次食晚餐～覺得氣氛唔錯 ，所以想帶朋友係充滿梵高嘅藝術氣氛之下用餐~剛巧依一個禮拜香港日日都落雨 ，但黎到呢一間飯廳都無損雅興 ，因為有一個天花玻璃幕牆就算外面落雨都仲感受到自然光~枱上面已經放置好靚既麵包碟，碟上有梵高著名畫作既花紋，藍綠色配搭金色餐具，真係又靚又優雅！上前菜之前，餐廳提供左果仁麵包 ，仲配上海鹽牛油；由放麵包器皿到張麵包紙、牛油，其實都盡顯心思 ～然後,今日叫咗一個set lunch 有3個course 前菜我揀咗青芒果蝦沙律，主菜炸龍利柳配薯條同甜品點左椰子雪糕～平時好怕青芒果沙律好酸，但依度重新調配份量，同傳統泰式沙律唔同，依個沙律入口清新好多；亦唔會好酸好濃味 ，青芒果切片特別有囗感，好開心係悶熱天時 ，遇到一個咁開胃前菜^^然後到主菜炸魚，第一眼望到以為平平無奇 ，但其實食落口外脆內軟，魚肉超超滑，再點上橙色沙律醬 ；眨下眼就食晒 （後其睇番原來個汁叫「克里奧爾忌廉汁」）！其實炸魚配薯條，薯條都好緊要，但係呢度嘅薯條係走幼同脆身路線，好似食緊薯片咁，就唔係咁啱我口味，因為我係鍾意食粗身同淋嘅薯條嘅；但如果你鍾意食好脆嘅薯條呢，依度就啱晒你～食完甜品之後就係我最期待嘅飲茶時間，因為我記得上次嗰個壺係粉紅色好靚㗎～同埋我覺得得啲茶都好飲 ，因為餐廳會混合唔同茶葉材料，我覺得有D茶係有層次D，唔差過啲英式大牌子嘅茶！最後，幸運地店員奉上我最愛既向日葵黃色茶杯，再配上紅茶，真係「色」香味俱全~離開既時候，我地仲參觀左位於門口既精品店～每一個product設計都充滿梵高既風格，真係可以當藝術品咁欣賞。最後，我買左罐 Van Gogh breakfast tea 俾朋友做禮物；嗰度嘅茶罐花紋，每個都用左梵高畫作出現過嘅植物做設計，飲完D茶仲可以收藏咁經典既茶罐！…Read More

提早慶祝母親節,帶媽咪食好西,依間野係朋友介紹我去既,真係無選錯地方慶祝,無論位置同店内環境同菜式都好滿意!!!在此祝天下各位媽咪"母親節快樂"環境設計有品味,感覺高尚!!!極精緻的一道菜,媽咪見到哄到佢好開心,佢好鐘意紫色,係咁讚靚,其實依道菜係用冬瓜做呀,食落去味道好清新,軟綿綿既口感!!!!花椰菜,有火係下面熱住,賣相更有睇頭!!!其乎食川菜必點既一道菜!!!酸菜魚,依到有桂花魚可選,味道比鯇魚更佳,肉更嫩滑!!!依個酸菜魚除左主角桂花魚之外,舖係底既配角粉條都唔遜色,索曬d水煮汁好好味!!!依到既茶好香醇,水滾茶靚,係用茶包泡呀,更衛生!!!完餐後有水果免費附上,正正有如為依餐慶祝晚飯劃上完美句號!!!…Read More

黃金帶子笑蝦蝦食完真係笑哈哈!!!依款粥亦即鳳尾蝦帶子肉丸蛋花粥!!!用鐵鍋煲仔上,所以碗粥食到最後一啖都重熱既!!!材料足量,蝦肉鮮甜,帶子大粒,肉丸爽彈!!!個粥底用左蛋花黎煲,更香更滑,口感更豐富!!!自己係屋企煲粥學下佢打d蛋花落去煲先!!!餐配的自選小食:燒賣,亦可選牛脷酥/煎堆/咖喱魚蛋見到旁邊既食客食緊煎堆,心諗好耐無食過,但成個咁大個又食唔曬,望下餐牌有"Q版油器",真係岩曬,比原版細個,但其實我覺得Q版黎講都算大個!!!油器櫃有保暖功能關上門更衛生!!!佢依到d野食款式都幾多選擇,臘味飯都有!!!Ps:當我想要紙巾抹咀,我都未問店員,竟然有位店員主動拎紙巾比我,同我講左句慢慢食,細節裏感受到窩心,真的觀察入微!!!…Read More

除了單點還有set dinner~點精選晚餐比較抵食，成個餐已經包曬“前菜沙律+湯+主菜+甜品”沙律清新開胃依個南瓜湯味偏濃鵝肝蒜香意粉，鵝肝既肝油真係好滋味，細細淡放落口，入口即溶！！炸豬手，色香味都齊，除左主角隻豬手，伴菜既菠蘿同薯蓉都好好食，特別薯蓉，調味夠，軟綿綿，大愛薯蓉！！食好野係要付出既，食依隻豬手就要付出儀態，要將儀態放埋一面先，試過問店員可唔可以叫廚師切開，店員話無，換左把鋒利點既刀，不過最後都要出手，用手拎住食，隻豬手整得真係好味既，好香口好野味！！！甜品藍莓雪糕，深紫色好靚，味道亦好好味，咬到細細粒藍莓粒！！…Read More

無飯腳食自己~雖則一個人食晚飯但都唔好待薄自己~望住碗咁多配料既車仔麵重叫左d小食，開電話播住自己喜歡睇既影片，戴上耳筒，當刻自成一各既空間，其實都係一種享受~蠔油生菜自選餸車仔麵，選了配油麵，+$1轉了咖喱味湯底，湯底好香但味道又唔會話濃到搶曬其他食物既原有味道！溏心蛋，醃過黎，味道濃淡適中，可以再濃味d！蛋黃仍流心，黏黏的口感，滋味滋味！必點之選！雞亦尖，好夠味，食完一隻又一隻，食唔停口，唔夠喉！必點之選！鮮竹卷，依味餸係點餐紙上推介既，話係自家制必食的，無令人失望，鮮竹卷餡料飽滿又豐富！墨魚丸，依到既墨丸比較有咬口，咬落重有細細粒既墨魚碎！蘿蔔出色！鮮甜，無渣唔老身，同埋好入味！鮮腐竹伴粉麵食係絕配黎，一定要夠淋先好食！魚腐索盡曬d湯，一咬落去好軟綿綿！芝士腸孜然新彊雞亦：孜然粉既味已經夠特別，重加左d黑椒粒，味道好特出，好野味！必食之選！…Read More