fatfred1987's Profile

忽然癮起想食唔係韓燒既韓國菜，經過美麗華就來左 lee 間試下。唔試由自可，一試把鬼火中伏既就係佢啦，人參雞湯。我去食韓國菜通常都會點來食，一般都唔會做得好差。Lee 間成功挑戰到我底線：隻雞又老又柴唔在講，最難頂係個湯好似溝左熱水咁淡過鬼，唔好話參味雞味，我差D紅棗味都飲唔出 Orz唉。又公道D，其實除左個人參雞之外既野都唔錯既：個泡菜煎餅就幾好，個邊脆個心軟，泡菜味唔會遮左個餅本分既麵香，食落仲有種蔥油餅既香氣，幾特別。朋友同我都覺得煎餅個汁點左反而過咸，唔點就咁食已經好夠味了。拌冷蕎麥麵啱曬夏天，入口好爽仲有大量既蔬菜。夏天個人熱到無乜胃口個時真係救星。個汁食個下唔多辣，但係慢慢會有道嗆勁反攻上喉，小人怕辣覺得有點辛苦，但係不損佢整體俾我既好感。食韓國菜最開心就係有好多前菜食，lee 度每樣都整得唔錯，好開胃。整體而言，我點既大部分野食都係好食既，不過就係因為咁個人參雞俾我反差感好大。環境好寬敞，服務都好好，可以見到有韓國人都來食。不過當然價錢唔會相宜，佢既食物又唔係話好食到點，性價比就一般般啦。…Read More

忽然間想去遠點既地方搵食，Search Openrice 搵到 lee 個地方方便泊車，就膽粗粗星期日夜晚七點揸車出去搵食，諗住附近咁多咪標位又三個停車場唔會無位泊既，點知好既唔靈醜既靈，真係 full 曬。咁唯有兵分兩路，一邊去等車位，一邊去等飯位啦。好在都唔洗半個鐘就兩邊都排到，唔係一場來到都幾無癮。入正題：娘惹其實就係印尼 fusion 中菜，但個人感覺其實都係東西亞特色多點。由於大家都唔點食得辣，主要都點左唔辣唔菜式。椰汁雞幾香幾入味，可惜雞就少D。個汁送飯幾好。唔知乜乜沙律，精華就係個醬：唔係沙爹唔係咖哩，但係同香料十足，少少辣得來又夠惹味！唔單止點菜，點串燒一樣好食。推薦！炒飯，合乎期待。炒得唔油，幾乾身，唔過咸。串燒無乜特別，反正係點左沙律個醬之後好食左。本身個汁似係豉油醬之類。假日限定黃薑飯，乜配料都有，啱曬乜都心思思想試D既人。個飯本身好香，配料中最鐘意個牛肉。首先炆得好腍好入味，而且香料既配搭有自己既特色，同泰國/越南/印尼都好少少唔同，可惜就得得個一舊，下次再食要叫翻一碟先得！唔記得乜湯，個味幾特別。咸咸酸酸咁，個人無話特別鐘意。整體來講，食物質素幾好，環境都舒服既。價錢合理，服務都叫周到。不過如果要揸車來留意翻車位就啦。…Read More

久仰 Espuma 大名，何奈每次想食都大排出龍，一次又一次澆熄了去試的念頭。說真的，樓下等電梯的隊已經讓人好想放棄。然而今次在星期一下午茶時間剛好經過，竟然大量空位，當然要來嘗願。環境是不錯的。特別無人在外面等你的位時。午後的陽光輕透入室，十分讓人放鬆。懶洋洋地等著時，點的菜已經到了。我想像中這會是更札實的薯仔蛋餅，然而這裡的薯仔和菠菜其實都不多，跟我自己在家做的西班牙奄列很不同。這蛋糕般篷鬆的口感是自家很難做到的吧？去西班牙餐廳必試西班牙海鮮飯吧？這份量比我想像中少多了， (一般見都一大鍋嘛)但味道卻很足。蕃紅花和甜椒粉的味道都很足，一口吃下去，馬上滿口香氣四溢。海鮮也算鮮甜。只是吃到後來卻覺得有點咸了。畢竟是重口味的東西呢，忽然覺得這份量已經夠了。重點來了。相中是 Tea Set 的窩夫。先不說窩夫本身做到外皮薄脆，內餡香軟，附上的醬和Cream都細滑不得了，而且一點都沒有過甜，配上水果、棉花糕和雪糕筒碎，口感豐富之餘味道也恰到好處。下次再來肯定要叫上一大個，哈哈。結論上來說，這兒是窩夫最令我滿足，主菜水準都不錯但價錢也不能說便宜。下次再來其實吃一個下午茶大窩夫就好了。 (重點是這種時間不用排隊 XD)…Read More

家附近又開了新餐廳，一看是客家菜，價錢是普通茶餐廳的位置，便去一試。也許是新開的關係，店員並未用熟手上的落單機，其實可以用翻手寫仲快。落單後等了十分鐘左右便有得食了。今次叫了個芋頭扣肉。味道正常，芋頭同五花腩都入味，可惜未做到入口即溶的滋味。反而是那砵中的飯感覺比一般茶餐廳來得香口，這點反而有驚喜到了。另外叫了個紅蔥頭蒸雞，忘了拍照。味道也在預料之中，不過雞肉不多，好幾塊都骨多過肉。整體叫不過不失啦，在家附近多個食飯的選擇是好事。…Read More

旺角開左明洞，剛好經過去試下。水準ok ，價錢都唔貴，以韓國菜來講算唔錯。人參雞湯夠味，但參味個人覺得淡左點。喬麥冷麵都唔錯，如果再冰點會更爽口。配菜無乜特色就唔講了。今時今日好多韓國菜都係韓燒，好熱氣，想食下普通韓國菜不妨一試lee間。…Read More

這區附近不少越南粉小店，這家沒試過便去試下好了。湯河還可以，湯底沒甚麼特別。炒金邊粉不知是否個人口味問題，有點略重，吃著吃著便覺口乾，幸好有一杯lunch set包的青檸水解渴。春卷反而是最有驚喜的，脆得來味道不會太香，不錯。 …Read More

久聞其大名，昨日終於去試了蛋牛治和豬手麵。蛋牛治不用咸牛而用牛碎，食起來更有質感，用煎得香脆蛋皮包住，再夾在烤過的白麵白中，一口脆、香、軟，好是滋味。豬手麵也十分不錯，先是豬手軟滑入味，口起骨落，想必炆煮多時方成。麵底卻是爽口彈牙，不比很多有名麵檔失色，有點驚喜呢。下次路過也得再試。…Read More

大角咀新開的一家小cafe，老闆原來就是賣1:1武器的，現在把零售和cafe結合便出來了這家店。只點了一個螺絲粉沙律，果然很新鮮，生菜爽脆多水，螺絲粉的味道也可以。有機會再試咖啡。…Read More