yumdream's Profile

與一班朋友聚餐，星期五也沒有滿座，大概已經係香港的日常? 我哋主要都係散叫:鵝不是鴨肉 – 上到菜比想像中細份, 可能隻碟又太大啦… （圖中係一上枱嘅樣）花雕藥膳雞卷 – 好味! 推薦!! 呢個算係咁多個菜入面，所有人都好鍾意同大讚既食物之一!  骨膠原豬手 – 味道非常好, 而且真係好似食緊滿滿既骨膠原咁! 正花枝月亮蝦餅 – 新鮮炸完就上，雖然做得有d 薄，但都係好好味，好足料既黃金單骨雞翼 – 呢個相對冇咩驚喜，味道正常，唔算太多咸蛋黃碎櫻花蝦油飯 – 呢個都係大家一致大推同埋清唒既一道菜! 油飯加埋櫻花蝦，好香、好夾!!滷肉飯 – 味道正常，份量相當迷你，但我地都食唔唒… 每樣食物都不過不失，但實在沒有什麼記憶點。另外想特別講一講呢間餐廳既服務，實在係強差人意，餐廳當晚不算多人，但入坐後沒有任何人過黎協助，當然不用說水和餐具。明白餐廳是以自助點餐形式，但所有野都要客人出聲先會做，而且，呢間餐廳要叫停一個侍應是相當唔容易既事。上菜的時候也都只係放低個碟就走左，完全唔會講呢個係咩黎。咁岩我地有個餸送錯左，我諗都等左5 分鐘先有人理我地。跟住我地有個糖心蛋 (應該就係同之前送錯果個搞亂咗)，最後催左兩次先有人送返比我地。最主動就只有黎同我地講last order，其他時間都搵唔到人既… 整體黎講，食物既質素同餐廳既服務加埋，就真係未必會推薦呢間餐廳。…Read More

同同事一齊去食個brunch, 門口已經好有花花世界feel ! 一入到餐廳，基乎每張枱都有個unicorn 毛毛公仔, 真係超可愛同埋打卡able。order 左個 綻放迷你法式吐司 同埋一個 士多啤梨souffle cancake綻放迷你法式吐司 :食物同相片中的確實有些差距，menu 上面張圖有好多生果, 但我果個上到枱就好似少左d 野咁.. 另外跟餐係有配飲品的, 但估唔到我地9:45a.m. 去到, 竟然連橙汁都已經無唒, 但在場睇, 又唔係真係咁多客咋喎??! 呢d 位實在做得不夠好 士多啤梨souffle cancake:空氣感足，味道也可以，食完三件都夠飽呢d 擺盤都較有心思，用黎影相打卡也不錯。整體黎講，成間餐廳係相當少女風，價位也合理。好適合帶女友或者與幾個閨蜜一齊黎食野傾計…Read More

平日間唔中都會食下pokebowl, 自己一向都食開Poke Go, 但今次朋友就推介呢間, 所以就試試先~餐廳採用全自助形式，掃QR code 已經可以落單, 比埋錢等食。叫左個加洲風味, 本身諗住佢呢個價錢應該唔會太大份, 點知一上到黎係超多! 完全out of expectation!! 好彩叫左個半飯半沙律，如果唔係真係食唔唒講返個味道，個人覺得就好岩口味! 醬唔會太多, 感覺更加健康! 另外，飲品選擇仲有cold press juice，而且都只係加$5 ，真係超級良心價!! 總括而言，我地覺得呢間性價比真係好高!! 好食又大份，而且價錢合理，唔會亂收加一 (依家好多餐廳都qr code落單但係收加一架!) 絕對會再去試埋其他口味! …Read More

係openrice 見呢間Omakase 做緊speical promotion, 所以就襯朋友生日帶佢黎食! 呢個餐有手握壽司(十貫) + 湯 + 茶碗蒸 +甜品喜歡廚師發辦除左係因為可以食到特別食材, 另一個原因就係想同師傅有多 d交流, 等自己知道究竟食左d 咩落肚! 而今次蘇師傅就做到唒呢樣野! 一開始就同我地講解進食既flow, 仲話比我地知有機會試一條好稀有既魚!! 即時心心眼 !! 當日既食材就唔詳細講喇, 畢竟 廚師發辦 次次食既野都有機會不一樣! 但都好想Share 下我地食左既兩款稀有魚! 師傅話呢兩條係十粒星嘅魚，有錢都未必食到! 我地真係超好彩咁岩撞正師傅bid 到!! 希望我無寫錯, 佢地分別係「油方主」 同 「方主銀保」，油脂重，入口即溶，好正另外，師傅仲比左個油方主既魚肝我地試，一食落口，除左尖叫同心心眼，真係冇其他野可以形容! 用餐當日雖然係Weekend，但可能臨近新年，所以都未見有太多人，我地幾乎係包場，整個用餐體驗都非常好! 其次，師傅對每條魚既講解都好詳細，大家有傾有講，相當開心! 師傅仲安排d 打卡野比我地，岩唒我果位鍾意影相post 社交平台 既朋友! 呢餐飯食得好開心，朋友都相當滿意!  …Read More

中午時間約朋友黎到呢間拉麵到Lunch 唔知係唔係下雨天的關係，無需等候就可以直接入坐點了個白湯拉麵，諗住將佢同之前的泓一及座銀比較一下。 拉麵一上枱，超 級 大 碗 ! 食麵之前，先試啖湯，沒有想像中的濃郁，味道偏咸。麵不能簡硬度，而塊肉我會話係成碗麵最好食既野! 脂肪同肉既比例剛好，入口有少少即融感! 不錯!! 雖然門口寫左45分鍾要還枱，但無人等既情況下，侍應都冇特別趕!…Read More

一直都有去開Oolaa 既中環同金鍾店,  將軍澳店真係第一次黎潮聖! 見到呢間d comments唔太好, 都有小小擔心請朋友黎呢到食飯唔知會唔會有d 咩不愉快經驗, 但結論係: 擔心係多餘既 餐廳一如其他分店, 以外國客人為主, 呢到就係一個放工輕鬆下既好地方Staffs 都好friendly,  特別係企門口果個男仔, 相當醒目食物一如以往保持水準, 叫左個sweet potato fries, Margarita Pizza, Korean Chicken wingsSweet potato fries 比我地想像既份量要多 , 黎到既時間仲係熱辣辣! 掂呀! Margarita Pizza 都冇咩可以挑剔唯獨係Korean chicken wings 醬汁實在比較鹹同辣 !! 朋友食左一隻就頂唔順! 個人都覺得鹹得濟, 最後只係食左兩隻都頂唔順收手了 總括黎講, 呢到都實在係個chill chill 既好地方, 雖然望唔到海, 但享受一下輕鬆熱鬧既氣氛都相當不錯!…Read More

一早黎到泓一潮聖，大概11點40 黎到已經有7,8 個人排緊隊鋪頭好細, 大概坐到8個人, 所以入唔到第一輪, 不過拉麵店勝在大家食完就會走人, 所以都係等多廿分鍾左右就入到去喇! 友人一早睇左網上食評想試佢既雞白湯沾麵, 但當日就只有海老沾麵, 所以我地都簡左佢既第一位 -- 雞白湯拉麵! 拉麵上有層薄薄的泡, 配上兩款蔥, 一隻糖心蛋，兩片叉燒，一片雞肉先飲啖湯,  雞味係有既, 但未算係濃郁, 而且有D 咸拉麵採用幼麵, 軟硬適中,  汁可以掛麵雞肉夠嫩, 還有淡淡的煙燻味, 幾特別! 另外糖心蛋都要讚一讚, 好入味, 一咬開, 好靚仔! 整體而言, 可能見網上評價都幾高, 所以原本對佢既期望都幾大但食完之後, 就覺得有D 言過其實, 我會話佢既雞白湯拉麵不過不失啦, 但就冇咩驚喜 …Read More

之前一直食開「李家炸雞」, 但最近識左位行內人, 話紅雞個recipe 再正宗同接近韓國d, 見佢介紹左幾次, 咁啱經過又唔洗排隊, 就同朋友入左去試試。叫左個無骨既「半半炸雞」同埋「芝士蛋卷」。「半半炸雞」點左甜辣醬+秘製蒜香醬，甜辣醬就咁都已經聞到肉桂味，呢個調味料應該算係炸雞中少有? 而秘製蒜香醬除左有蒜味之外，仲有d 蜜糖味，整個味道都幾特別，唔係一般的蒜香醬，我同友人都比較鍾意呢個味！至於肉質方面真係要讚一讚，雞肉好嫩，而且咬落去仲有雞汁吱出黎！可以想像到嫩滑既程度，單係呢個位，已經令我地想再返黎食。芝士蛋卷則不過不失，蛋卷偏甜，但芝士十分香濃。表面吱滿沙律醬同木魚乾，單係貌相就已經好豐富。雖然如此，但木魚既味道好似同蛋卷唔係太夾，又或者係甜蛋卷同芝士木魚既配搭唔夾? 反正就係有d 怪，但又唔會話係唔好食果種。總括黎講，紅雞的炸雞的確做得唔錯，而且環境比較舒適，枱與枱之間也保有距離，如果想同朋友傾下計，呢個都係唔錯既選擇。…Read More

次次夜晚經過都排唒長龍，所以就簡早少少既時間黎食個”early dinner”。簡左Nalu，由於無咩客人既關係，食物好快就到。份量係十分充足！大大碗，而且材料都好新鮮好好味，汁也是係毫無保留咁比勁多! 絕對能夠滿足大家既味蕾!唯一既問題係，餐廳採用QR Code 落單，而且繁忙時間仲要搭枱，也唔見得侍應有咩服務（其實這類餐廳都咩服務可以提供）。呢個價錢對比其他食poke bowl 既鋪唔算特別優惠，但竟然要加一，性價比黎講就真係唔算高。間唔中食下都可以，但如果繁忙時間又要排隊、又要搭枱就未必係首選了。…Read More

之前幾次黎呢間Café 都係下午時分，純粹停低飲杯咖啡。今次終於可以試試佢地既早餐！Around $80 就已經有份 poached egg & avocado toast 連野飲，相比起其他café，呢個價錢實在十分相宜！整間Café走工業風，上午的時間人流唔係太多，正好可以Chill住食同嘆咖啡。味道不過不失，比起出面既餐廳，呢到既Toast 只有一件，但對女士嚟講都好足夠！…Read More

Randomly find this restaurant on IG and it's in the Black series summer tour. Do understand that the restaurant is in Japanese bar style, however, the background music is WAY TOO LOUD! It’s just annoying and uncomfortable and we can barely talk! We are surprised that the restaurantmanager didn’t even realize it. The food is fine. We tried the Black Series Special dinner menu. For Raw, they serve Beef Tartar and Sushi Taco. Sushi Taco is impressive! They put sushi rice and sashimi in the Taco. Sashimi are fresh and tasty; the wasabi mayo is a good match with the taco.Drunken clams – we all agree that this dish is a bit hard to explain, not in a bad way. Just that we seldom have this kind of taste. It’s a bit sweet, but you can tell it's not sweet from sugar. And after we read the menu, we guess that’s because of Umesh!Besides, we also ordered salted caramel sweet corn. This is a must-have! The outer layer is crispy and the salted caramel is taste just right! In general, the food is fine. But again, the background music is TOO LOUD! If you’re looking for a place to chat, this is not the one. Another problem is that they only have 1hr 45 min to dine (even on weekdays!), but we’re not sure if this restriction only applies to Black Series Summer Tour.…Read More

經常聽朋友講呢間雞白湯拉麵好出色，但次次都排唒長龍，今天剛好提早放lunch，就去朝聖一下。原來佢未開鋪已經要排定隊，排左大概五分鐘，成功入到去第一輪。第一次黎，當場要叫碗最signature既雞白湯拉麵啦！拉麵上枱時仲係新鮮熱辣。先講個湯，十分濃郁，真係食得出果份真材實料。掛在碗邊一塊係雞肉，另一塊應該係叉燒？雞肉非常嫩滑，直頭有Ｄ似食緊慢煮雞肉咁！ 叉燒都合理發揮。而旁邊的配菜都令我幾驚訝，見到佢一堆炸物咁，諗住都冇咩特別，估唔到原來係炸牛蒡，仲要係甜甜地既！相比起出面的拉麵普通配菜，呢個真係覺得佢地好有誠意！食完之後終於明白點解佢會成日排唒長龍，無論係食物同服務都令人相當滿意！從湯頭到配菜都做到一絲不苟，白雞湯濃而不膩，絕對值得再來！…Read More

午飯後來了這間隱世小店飲杯咖啡到達既時候餐廳仲未有客人, 點了壺咖啡及兩件蛋糕, 第一次來, 本身都冇咩期望估唔到店長跟據我地既口味, 拎左幾包豆過黎同我地做介紹, 自問唔係好識飲咖啡, 但經過店長講解後, 頓時覺得長了知識! 最後因為想有個比較, 就選了兩款比較不同的咖啡豆來試試。surprise 既係店長真係由磨豆、沖泡至品嚐都同我地go through 整個過程, 對於首次品嚐呢種手沖咖啡既我, 體驗相當新鮮, 飲咖啡也變得多一種樂趣! 蛋糕價格雖然偏貴, 但味道相當不錯。對於這次的用餐體驗十分好，但為店長感到辛苦，因為我地點餐後開始有客人來午膳，店長除了要serve 我地咖啡，仲要做埋廚師，雖然無試到佢既手勢，但目測都整得幾精緻。由於整間餐廳都係one man band，所以建議大家有時間先黎慢慢品嚐…Read More

為友人慶祝生日, 見價錢合理, 又好似坐得幾舒服, 就簡左佢Book 枱時同我地講只有90分鍾用餐時間, 但無客人就可以繼續坐以QR code點餐, 當初一眼就睇中個9宮格牛抵食所以簡佢, 原來入面既肉仲可以按喜好選擇! 讚!! 整體黎緊食物價格都好相宜, 所以同友人就失左控咁叫左好多野食!重點推介:和牛多士: 上到枱見佢中間唔係粉紅色, 仲同友人講, 好似overcook 喎... 點知一食落去, omg 不得了, 煮得剛剛好, 而且塊牛好重油脂, 真係好好味!!! 9宮格牛: 呢個唔洗講, 每一格都好滿意!柚子漬雞肉: 份量好多!! 味道都唔錯 牛油蜜糖日本蕃薯條: 呢個又係勁正, 成塊牛油放係面慢慢溶, 咁你想像到佢既蕃薯條係有幾新鮮熱辣啦!其他無mention 既食物其實每樣都above avaerage! 而且唔知係咪我地掛住講野, 店員見我地遲遲都唔郁手, 仲走埋黎幫我地燒, 真係very nice!! 而且成間鋪嘅服務生都係後生仔, 女, 比人既感覺young 同fresh! 今次既體驗十分之好!! 無論食物, 價錢, 同服務我地都好滿意!…Read More

Lunch後到這間coffee shop 飲杯啡, chill一chill呢間鋪既位置其實都幾唔起眼, Coffee shop走工業風, 簡單黎講就係無咩裝修點了杯cold brew 同 honey americano 再加兩個home-made scone點餐既時候，感覺staff 比較cool, 好似唔太想溝通，兩杯咖啡其實都幾唔錯，杯honey americano 好順口Scone 有加熱先serve, 味道就普通啦, 但午餐過後飲杯啡, 加個小甜點都相當不錯! Chill 緊既時間發現其實個staff 係識笑既, 但就係「熟客限定」，難怪Openrice 咁多評語都話店員態度差。另外，我地也發現原來之前呢間Café 有好多畫同裝飾, 十分文青, 但現時卻什麼也沒有，不禁覺得有點稀虛，究竟這間Café 發生了什麼事? Elixir 既咖啡其實唔差, 如果服務能夠提升, 絕對係個chill chill 既好地方。…Read More