veve's Profile

Happy Friday想食餐好，當然搵間小店支持下。香煎虎蝦蝦油闊條麵醬汁應該係用蝦頭去煮，非常濃香蒜香油煮廣島蠔蟹膏蟹肉薯波太標準嘅食評，我真係唔識寫，（相信其他食評都已經寫咗）不過每道餸都真係令到我哋食得好開心，尤其見到呀仔追住食，重要不停讚，依個就更難得。我係食完兩個鐘都無狂飲水同頭痛，即係佢哋真材實料。依度每消費滿$350， 可免收1支酒嘅開瓶費。重要有印花儲discount😱😱大家都多多支持啦！…Read More

無意中經過見到佢有黑松露意粉啱仔仔食，就入咗去試吓！我哋係叫咗set，先嚟飲品同埋沙律，本身冇乜期望，點知沙律一入口，每條菜都比醬汁充分包裹住（後尾問返先知原來係自製芝麻沙律醬）簡單，但係將沙律菜完全提鮮！ 意粉al dente, 濃濃嘅黑松露醬汁完全滿足松露迷嘅仔仔。再嚟係煎盲曹配檸檬牛油汁，煎得皮脆肉嫩，同檸檬牛油夾得天衣無縫。配菜嘅薯角都唔hea㗎！其實我哋連續去咗兩晚，第二晚我哋再嗌埋燒春雞，春雞已經起骨，非常方便食客。燒完啲肉都好Juicy，但雞皮就相當之脆卜卜。老闆亦非常好傾，好值得支持嘅小店😻😻我哋非常期待下次去試sourdough ! …Read More

之前係到食過兩次晚飯，整體食物質數不錯。星期日，見附近酒樓都無位，不如嚟依到試試，應該唔差掛！依隻華茶館香片，不是普通下價貨，係大片茶葉來的，雖然我唔知點先係一杯頂級嘅香片，不過至少佢係又香又比飲再來鮑汁鳳爪，個汁好味，不是死咸，鳳爪也入味夠林小籠包，同集團式叮叮小籠包冇得比，如果皮可以再薄少少重正牛肉球係最有驚喜嘅，相信係自家製，少少彈好有肉味及陳皮味。多汁生煎包芋泥燉奶，唔會太甜嘅芋泥下有滑滑燉奶👍🏻高力豆沙👍🏻2個人食左$260左右，有舒服海景卡位，環境好唔太嘈。食物種類例如腸粉選擇不多（只有兩款），希望遲下會有更多款點心。…Read More

成日經過依間餐廳，見佢做放題諗住無好嘢啦，所以一直無幫襯過。今日突然好想食飯，睇見不錯嘅食評，反正lunch time 周圍咁多人，依間唔洗等位一試無妨。因為身體狀況，好多嘢要戒口，見menu 熱食都有幾個選擇，點咗自己煑極都煑得唔好食嘅銀雪魚西京燒定食。先上嘅係蒸蛋，又香又滑好暖胃。另外叫了我好想試試嘅燒玉子，甜甜哋好味道主菜上啦！可能我太晏嚟，個炒菜唔太熱，不過個銀雪魚好啱味，唔會太咸或太甜，連皮都食埋。四眼哥哥係一位好貼心嘅服務員，佢見我沙律唔食得又唔飲得茶，上甜品嘅時候都問下我食唔食得先比我，既唔怕浪費又窩心，其實依篇食評我係因為佢而的起心肝寫。下次我會試埋個放題㗎啦！…Read More

見佢新開又冇乜人就嚟試下個早餐，叫咗雞扒麵，送到嚟有驚喜喎！雞扒皮脆肉嫩又大大塊，比起其他連鎖店求求其其的真無得比。依到五寶飯都只係$37，下次lunch要嚟試試先…Read More

早幾日經過店鋪對面，見到店名知道賣tarts, 以為係咸點無特別留意。這幾天經過都見到有人幫襯，今日決定入去睇睇，好彩我八卦，好嘢嚟喎店鋪係由兩位法國人主理，一心做好老家精緻甜點，總共有九種口味，我哋選擇咗Coffee cream brûlée 同 raspberry chocolate Cream brûlée 有濃濃的㗎啡味，原來夾㗎喎，tart 底新鮮唔求其。raseberry chocolate 呢，紅苺中和咗濃濃朱古力，食多幾個都唔heavy, 依個tart 底有啲咬口，同cream brûlée 嗰個有D唔同，果然講究。已經期待下一次試orange earl grey tart😋…Read More

打風想去飲茶又想試小店點心，近近地試下依間不過試完可以準備搵過第二間先嚟糯米雞，中間有米粒未熟，叮叮點心大隻版米紙春卷欣賞店家的嘗試，米紙極為吸油，只吃了一囗已經成口油，不討好松露燒賣好香，燒賣不會有太多肥豬肉蝦餃成日覺得出面啲蝦餃有陣味（可能蝦唔夠新鮮，又可能豬肉有雪味），所以好多時一口了之。但依到嘅蝦餃係救分之作。入口非常彈牙，又冇雪味，本來以為搵到啦！點知再食發覺太咸太重味，還是我吃得比較清淡？當然餃皮都可再Q弾D就更好最後有最期待嘅蟹粉小籠包，賣相吸引，可惜小籠包皮，太林，夾唔起因為- 底已痴，所以係先食皮，之後所有湯同肉就留係大湯匙到，湯係多，蟹粉少，失望！…Read More

假期想去平日少去嘅地方走走，附近返正有小巴去荃灣，不坊去行下。兩點幾又開始諗咖啡同下午茶，本人鐘情小店，就跟食評嚟試試。係千色店過嚟都唔算太難搵，沿路仲見幾個商場內有好多小店，加埋㗎啡賞館，可以多個理由經常過嚟搵嘢食三點嚟到，等一陣就有位，店內裝修簡單舒適，相信老闆原意都好歡迎客人坐底享受咖啡睇書，但假期比較人多，見睇書客都非常幫忙讓坐👍🏻先來一杯Flat White ,大杯嘅程度係精品咖啡店嘅兩至三杯份量。 好多出面㗎啡店會做到似㗎啡奶水，又或者咖啡豆本身唔好而影響味道，依杯嘅濃道雖然同精品㗎啡店比會淡少少，但都係一杯好啡，㗎啡豆本身唔錯自家制芝士蛋糕唔係日本咁「林」嗰隻，叫咗大家都讚嘅「桂花豆腐」同「紅苺益力多」桂花豆腐好有豆味，加埋微微桂花香，連男生也不會抗拒。紅苺益力多酸味味，食多件都唔會膩。兩件cake 兩大杯咖啡係set, $92。繼續努力呀…Read More

又因為小數嘅好評（少評價但好嘅佔大多數）嚟幫襯。今次食評係綜合咗兩次嘅食物寫。先嚟泰式燒雞，雞肉juicy又滑，燒得香，其實唔洗要汁都好夠味網上見有人大讚泰式炒米粉，味道的確唔錯，不過第一次食比較咸，第二次食非常正但又到啲雞有D雪味，店方要留意一下鳳爪沙律，非常爽又彈牙，清新之選咸魚炒芥蘭，正常唔會差嘅。值得一提龍眼冰好好飲㗎！…Read More

星期天起身遲，天氣又熱又焗，突然想食碗越式撈檬。雖然依間小店食評少，不過都係一致好評，即管一試。我哋想order豬扒撈檬，店主（我估係）細心一提星期日都有set㗎，就算加埋杯越式滴滴㗎啡都係$55左右。豬扒醃得入味，撈檬汁醒胃，相信係自制嘅。生牛河有店主自家制湯底，第一啖入口感覺好淡（可能因為之前食咗個拼盤）但食落其實非常淸甜，食食下直頭忍唔住飲灑，之後都一路無口渴，果然足料無味精。拼盤有米紙卷（出面比較少跟拼盤），炸春卷，扎肉同香茅雞翼。每樣的味道都好，除咗雞翼有啲唔夠入味，不過都唔會炸到太乾。見到小店都幾多熟客，店主一腳踢，其間有外賣客係店外等，佢都細心邀請佢入店等怕熱親佢，幾忙都保持親切笑容，一定再返嚟支持！{…Read More

朋友介紹話粵來順老細係名廚，有時睇電視都會見到陳師傅一顯廚藝，新開張當然要試試。店舖地方乾淨企理，格局同前身鉅龍相似。打開menu, 有家常小菜，海鮮，燉湯，燒味，最驚喜見到無乜地方有嘅甜品-馬蹄露，一於留肚比佢先來小食牛立方，其實係牛𦟌切粒。味道少少酸幾開胃杞子白果菜苗，清清地，湯又唔會過咸，食開淡味嘅我好buy! 不過唯一扣分嘅係白果冇去心，食起上嚟好苦，依到要改善下炸子雞，皮脆肉滑，唔似冰鮮雞。隻雞多肉唔肥，正呀期待嘅馬蹄露，可能食過澳門嘅杏香園實在太正，依個比較之下失色，但唔會死甜，其實都唔差。員工非常有禮貌，尤其有兩位相信比較senior 嘅，看來對工作非常有熱誠，有傾有講。食物質數好，清淡冇味精，最出名嘅杏汁豬肺湯會係我下次之選…Read More

心血來潮想食D特別嘢, 喜試新店又見有好食評，即管試試。店子小小但乾淨企理，還有室外位，如天氣好出外坐坐相信幾舒服。先來千層豬耳，野味又有咬口，佐酒一流今次主打係十三香秘制干鍋，用十三種香料去炒嘅火鍋，有多種配菜選擇我地叫咗微辣麻辣鮮蝦鍋再加貢丸，寛粉，肥牛同蓮藕一上枱，香氣撲鼻，紅卜卜嘅賣相亦非常吸引。先吃一口貢丸，係先煎一煎才落鍋炒，細心。所有材料都非常入味，鮮蝦連殻都食埋。唯一某部分寛粉太過「硬」，可能未煑夠時間？但依一鍋，係完全滿足了視覺及味覺。2個人居然淸得曬大大鍋，心想如果有杯嘢飲清一清就好啦！此時店家offer一杯清新飲料比我地試，西柚味加益力多，剛好中和咗十三鍋的重口味這店都有幾多國語朋友幇襯，大概都想念家鄉菜吧。我哋幫襯時全院滿座，我們被安排坐近speaker位，其實有D嘈，傾唔到計。店子小，建議店家不用開background music 也行。我都知京菜係比較濃味，但十三鍋食多幾口會比較咸，建議店家可加個少咸選擇。無論如何一定會再返嚟試其他小炒相信十三鍋加午餐肉一定夾到爆！服務亦很好，比心機呀:)…Read More

首先，如果你想良朋共聚的，這不是你的選擇，因為地方太小不方便慢慢談心，也沒有任何酒精飲品供應。不過這店的泰國菜水準倒不錯。晚餐泰式肉碎飯$68，味道比較辣，不過相當惹味蝦醬炒芥蘭蝦醬非常之香，但奇怪十分之有香港風味。冬蔭公，晚餐加$25唔知係咪店主睇完之前D食評有所改善，今晚的冬蔭公有酸味又不會死辣。其實就算去到泰國，每家店的冬蔭公味道都有不同，都好睇個人喜好。燒豬頸肉依個餸係失分之作，豬頸肉本身味道ok (其實都好難整得難食），但係完全唔似係燒出嚟，唔夠乾身冇咗陣風味餐廳整體是不俗的，請店方繼續努力…Read More

愛吃小籠包，喜見上海菜小店開張，點知一試就知唔洗回頭。先來涼拌小青瓜，雖然係前菜，但份量小得看來頗似餸頭餸尾。味道過酸，丁點麻油香都沒有。沒關係，反正都係主要想食小籠包，但一夾，就知皮厚，一口咬下，「享受」的是厚厚的皮而不是那丁點爆不出來的肉汁，感覺就像在吃某牌子的叮叮小籠包，非常失望。再來四川肉醬擔擔麵，麵本身係不錯嘅，有咬口，但食完我都以為自己叫錯咗清湯麵。最後上四川麻辣雞翼，本身雞翼都唔係太難煑得唔好食，所以抱有一絲寄望，點知，佢只係炸雞翼上淋D辣油同麻辣粉，雞翼本身完全冇醃😱。嘩！唔係求其都咁呀！其實同區同類小店不多，現在試業其間亦見多外賣客，如食物有質數同誠意係有得做。聽到餃子之類好似係supplier 供應，如果有心做不如快快轉過個供應商啦！…Read More

心血來潮想在家打邊爐，星期日屋企附近沒太多靚餃賣，行經忠記就試下啦！$76一打，遇啱師傅即包，當然有D期望啦！唔係我去超市買就得碌起一咬，嘩！蝦彈牙到不得了，入面有少少瘦肉、木耳同筍，又唔會太咸，正呀！下次打邊爐會嚟買佢個雲吞一試…Read More