我哋係叫咗set，先嚟飲品同埋沙律，本身冇乜期望，點知沙律一入口，每條菜都比醬汁充分包裹住（後尾問返先知原來係自製芝麻沙律醬）簡單，但係將沙律菜完全提鮮！
意粉al dente, 濃濃嘅黑松露醬汁完全滿足松露迷嘅仔仔。
再嚟係煎盲曹配檸檬牛油汁，煎得皮脆肉嫩，同檸檬牛油夾得天衣無縫。配菜嘅薯角都唔hea㗎！
其實我哋連續去咗兩晚，第二晚我哋再嗌埋燒春雞，春雞已經起骨，非常方便食客。燒完啲肉都好Juicy，但雞皮就相當之脆卜卜。
老闆亦非常好傾，好值得支持嘅小店😻😻
我哋非常期待下次去試sourdough !
