caca.ate.too.much的個人專頁

有時想食light d, 去「大吃大喝」買返個包做lunch都係唔錯嘅選擇，個包有返咁上下厚度，非常足料爆餡，而且款式都唔少，食一份都夠飽😋「松露安格斯牛肉鐵板三文治」 $46一打開盒已經聞到黑松露陣陣香氣👃🏻安格斯牛肉都幾厚，煎得幾香，牛肉味香濃，配上厚厚嘅滑蛋、蕃茄、生菜🥬！黑松露蛋黃醬令口味更加豐富😆💕三文治本身已經烘底！加分💯「香蔥芝士鹹牛肉滑蛋三文治」 $35+2三文治烘底加2蚊🥪鹹牛肉同滑蛋本身已經夾，加上超多香蔥同熱溶芝士🧀味道好豐富，每一啖都好滿足😊樽仔奶茶🧋+$9買三文治可以加$9配樽仔奶茶，茶味同奶味香濃，唔算好甜！…查看更多

夏日炎炎出街一定要飲番杯手解解渴🤣經過《花斑茶社》見到佢哋出咗新嘢，一於試吓先٩(◕‿◕｡)۶✨完熟蘋果冰茶 四季春 $28茶底可以揀四季春同紅茶，四季春非常清新，淡淡嘅茶香令濃郁嘅蘋果味道好突出🍎🍎而且好多蘋果果粒係底，酸酸甜甜，好清爽🤩✨大甲芋頭鮮奶 $36 +小芋圓 $6大甲芋頭用糖水煲過，鮮奶要無糖已經夠🙂‍↕️芋香濃郁，入口綿密，加左小芋圓煙煙韌韌好有嚼勁，口感好豐富🌟🤍好味指數：4.4/5…查看更多

今日帶幾位台灣朋友食香港大排檔😆佢哋想試吓地道風味😎呢度環境都幾闊落，幾熱鬧，店員同客人好似好熟，有講有笑，氣氛都唔錯😌我地一行四人嗌左6個餸菜🫶🏻🔺冰盤冰火辣魷魚 🔺好味醬烤骨🔺芥辣牛柳粒🔺海鮮孖寶🐟清蒸海上鮮 & 蒜蓉粉絲蒸蟶子🔺芥蘭爽肉煲🔺金豪和味雞冷盤涼拌魷魚好啱依家天氣熱食，酸酸辣辣好開胃🦑和味雞夠晒嫩滑，海鮮都新鮮，蒸魚嫩滑，蟶子更加冇得頂，啖啖肉，淋上蒜蓉蒸粉絲嘅醬汁，好好味！芥辣牛柳粒好特別，雖然用咗Wasabi醬味去調味，但係唔會好嗆喉，有琥珀合桃伴碟，成件事好加分👍🏻好味醬烤骨用咗佢哋自家醬，酸酸甜甜超好味，烤骨一層肥一層瘦，肥瘦均勻，鍾意食東坡肉嘅，你一定會鍾意佢🐷！芥蘭爽肉煲好惹味～朋友有鑊氣過好多台灣嘅熱炒店🥬整體食物味道唔錯，見到佢哋宵夜時段10點後入座仲有7.8折，都幾抵食🫶🏻…查看更多

一入到嚟見到個巨型屏幕好搶眼👀原來可以係ipad上畫畫/寫字，會即時投射喺屏幕上嘅天燈，幾有feel😂好適合同朋友/另一半慶生🪩👨🏻‍🍳午市套餐（月🌕/星🌟）一人前 $380 𑁍沙律𑁍鵝肝多士🌕/帆立貝🌟𑁍汁煮白鱈魚𑁍廣島蠔🌕/大蝦🌟𑁍美國牛肉薄燒或厚燒𑁍櫻花蝦炒飯𑁍漬物𑁍吸物𑁍甜品/咖啡直接講結論‼️食完覺得好驚喜，可以歸納成一句🙂‍↕️食材高檔有質素、料理方法用心但價格合理，性價比高！帆立貝、大蝦、白鱈魚、鵝肝、廣島蠔、美國牛肉應有盡有，都係港幣380咋！每道菜都好味又足料，估唔到廣島蠔有成三隻，鋪上巨量櫻花蝦🦐汁煮白鱈魚個洋蔥湯勁好飲🧅十分鮮甜！牛肉都係好好味好軟嫩🫠再者加上廚師料理嘅方法好新鮮，調味料/醬汁嘅搭配好用心，令人印象好深刻☺️例如係鵝肝多士🤤煎到外酥內嫩嘅鵝肝多士，配上焦糖醬同焦糖燒青檸🍋‍🟩反而清咗口腔嘅油膩感🫢真係物超個set仲包全日指定清酒任飲，午市飲足90分鐘！晚市飲足120分鐘🍶晚市仲會送日本海膽杯一個，午市可以加$80換一個日本海膽杯❗️簡直係飲飽食醉👻5月12日母親節都仲照會有呢兩個優惠🫢 環境方面幾舒適，仲有獨立房，啱晒一班朋友/公司包場聚會👯‍♂️…查看更多

💥CHEF'S SOUP OF THE DAY 💰58是日餐湯係蘑菇忌廉湯，口感幼滑，味道香濃，好多蘑菇粒，增添咗口感💥ALOHA 夏威夷薄餅💰178Pizza係厚批，批底焗到好香脆鬆軟，蕃茄醬批底配上新鮮火腿同菠蘿，味道十分配搭，相得益彰💥BLACK TRUFFLE MUSHROOM TAGLIATELLE 新鮮黑松露蘑菇扁意大利麵 💰178鮮甜菇菌加上新鮮黑松露，味道十分香濃，牛油味好香配上帕馬森芝士🧀味道好有層次，扁意大利麵煙靭富有彈性💥AFFOGATO 特濃咖啡配香滑雪糕💰58一份熱騰騰、濃郁香醇的咖啡淋在雲呢拿雪糕上面😍冷熱交融，回甘嘅咖啡同奶香十足嘅雪糕配合得天衣無縫💥TIRAMISU 提拉米蘇💰78Tiramisu 口感綿密、質地偏軟身，咖啡味同酒味再濃d會更好，Mascarpone cheese奶香味十分突出，令人心情愉快嘅甜品😍 …查看更多

越男仔登陸九龍灣德福Foodeli啦🤩🪄由旺角大排長龍開始食佢（當時要排一個鐘🥲）到依家開到旺角、沙田、荃灣、啟德、九龍灣都有佢嘅分店，真係好開心😚越男仔係香港我覺得數一數二好味嘅越南菜🇻🇳屬於比較新派嘅越南菜，有啲fusion菜感覺🔺鎮店四烏 椰汁酸湯檬粉 $85 一碗麵有齊脆雞皮、手撕雞、雞件、香脆雞🫶🏻嫩滑嘅手撕雞同雞件、香脆可口嘅炸雞🐔試齊唔同味道唔同口感！個椰汁酸湯好清甜，淡淡椰汁香味，個人好鐘意！🔺 招牌精裝海南雞配黃薑飯 combo dinner海南雞係佢哋招牌！無誇張，雞肉超嫩滑多汁，連雞皮都好好味😂😂combo dinner包小食同沙律，沙律可以揀黑糖無骨鳳爪沙律或者手撕雞沙律，或者＋$15轉煙三文魚沙律；小食可以揀手撕雞檬紙卷，或者＋＄8轉越式炸春卷/+＄15轉煙三文魚手撕雞檬紙卷！食啖炸物再食啖沙律，好清爽解膩！🔻牛油雞翼 +$29特別一定要介紹嘅牛油雞翼，牛油味超香🥹蒜蓉同牛油融合埋一齊，炸到勁香脆，100分💯…查看更多

✨魚介豚骨沾麵🧜🏻✨辛辣沾麵 🌶️沾麵可以揀熱麵或者凍麵，我地揀咗凍麵，比起熱麵質地更加Q彈，煙煙韌韌，好香小麵味🍜配料有叉燒、荀、半熟蛋🥚炙燒過嘅厚切叉燒肥瘦相間，油脂香十足，入口即化加上火炙過嘅香氣，十分出色！魚介豚骨湯頭濃厚香醇，十分掛湯；而辛辣湯惹味又開胃🤤✨章魚燒🐙✨煎餃子🥟✨雞軟骨棒章魚燒同煎餃子都係有五粒，餃子大大隻，皮薄餡靚，餡料鮮味多汁，沾醋食十分開胃；章魚燒內有章魚粒，上層鋪滿海苔、木魚片、大阪燒汁同沙律醬沙律醬，增加口感，如果面層燒得更加香脆會更好🤤雞軟骨棒一份兩串，雞肉棒中有雞軟骨脆脆嘅口感，加上沙律醬，好過癮！✨白桃烏龍冷泡茶🍑無糖茶零負擔，好清爽解膩！…查看更多

————————————————————————嗌咗兩個湯粉熊貓外賣一個叉雞米線（$80）、一個叉鵝瀨粉（$89）油雞、叉燒一啲都唔滑，好乾好鞋口燒鵝脂肪佔多數，無乜肉米線算彈牙，但瀨粉完全唔彈牙，好粉個湯都無乜誠意公司canteen質素，完全唔值呢個價————————————————————————-————————————————————————————————————————————————…查看更多

位於「旺角」嘅日式居酒屋，主打棉花糖壽喜燒，餐廳選用頂級嘅鹿兒島A5級同MBS11級嘅黑毛和牛，令我好驚艷，超牛肉質鮮嫩多汁，入口時散發出誘人嘅牛肉香氣🥩MBS (Beef Marbling Standard) 由MBS 1 到至12 量度，和牛大理石嘅雪花紋分佈均勻，好似大理石咁靚，配上棉花糖aka自家製壽喜燒醬汁唔會太甜，每一啖都帶嚟極致嘅享受🥹 壽喜燒套餐送包括野菜盛合、蘭王蛋、讚岐烏冬/日本米飯🍚新鮮嘅蔬菜、菇類、豆腐加入鰹魚湯煮，口感鮮脆，入味十足🥬讚岐烏冬配埋濃郁嘅湯汁，吸晒佢嘅精華，100分滿足💯我哋另外加點左串燒貼炸物，包括牛舌👅、雞心、雞腎、大蔥雞、炸廣島蠔。串燒方面調味好好，另外想食辛辣香口一點既朋友佢地會提供唐辛子或日式胡椒粉，餐廳以炭火爐上，唔怕串燒變凍，好貼心🫶🏻炸蠔炸到外脆內軟，肉質鮮嫩🦪飲品點咗巨峰提子梳打同海鹽荔枝梳打，唔太甜，好清爽！整個用餐過程中，服務員非常周到， 照顧到我哋嘅需要🫶🏻💯…查看更多

Dinner set跟餐湯同飲品，是日餐湯係南瓜忌廉湯🎃南瓜味好濃郁唔會好甜，加咗黑椒好香🤍日本霜降菇雜菌燴飯 💰138菇菌份量好多！好濃郁菇嘅香氣💛意大利飯煮得啱啱好，每一粒意大利都沾上咗蘑菇汁，好creamy，煙煙韌韌，好有口感🤎森巴醬烤春雞扒 💰189第一次是試燒春雞扒🤩雞肉好嫩滑，燒到外脆內嫩～森巴醬有d似蘑菇汁，充滿鹹香🤓有薯條同好多蔬菜伴碟🍟🥬大滿足🧡楓糖味鑄鐵鑊仔法式吐司💰75 （+💰10雲呢拿雪糕 🍦）厚吐司焗到金黃色，外香脆內鬆軟，有啲焦香，裡面用牛奶同蜂蜜浸咗🍯好軟腍，入口即化，配埋雪糕🍨好好味！…查看更多

✨前菜🫛毛豆同榮哥自家特製嘅甜酸齋，酸酸甜甜好開胃👅✨ 本地水耕沙律菜伴芝麻醬、雙色墨魚仔、茶煉流心蛋伴黑魚子醬配厚切茄子🥗🦑🍆水耕沙律菜非常新鮮，雙色墨魚仔係原味同獨特嘅辣味，口感彈牙有嚼勁，茶燻流心蛋搭配黑魚子醬，散發出好濃郁嘅煙熏香氣🍆厚切茄子炸過，配上魚子醬好好味🤤✨慢煮海黃花配普寧豆醬伴黑魚子🎣第一次試慢煮黃花魚，魚皮少少脆脆的，魚肉細緻無骨，非常方便食用，味道獨特，凍食但完全冇腥味✨ 原盅燉川見陳皮海底椰鱷魚肉湯🐊✨ 原盅燉哈密瓜螺頭黑毛豚肉湯🍈兩款燉湯都清甜，好足料好有營養，豚肉燉得非常入味！湯品好滋潤，哈密瓜令到湯更加鮮甜，好驚喜！✨蝦球水芙蓉🪷蛋嘅口感十分滑順，蝦球十分彈牙🦐🫨✨ 蜜椒比利時杜洛克 St.Louis橄欖豬肋骨甜甜嘅醬汁，肉質肥瘦適中，烤到外脆內軟🐷✨招牌茶王燻雞🐓雞皮烤得香脆可口，肉質鮮嫩多汁，煙燻嘅味道好濃郁入味🤤✨魚湯有機時今鮮蔬 🍲新鮮蔬菜以白菜為主，魚湯濃郁得嚟好清甜✨他鄉炒米絲(24個月西班牙黑毛豬火腿配福建莆田米粉）🍝莆田米粉非常之幼而彈牙，可以炒到條條分明又完全唔油膩👨🏻‍🍳好出色！搭配24個月嘅黑毛豬火腿，令米粉增添肉香同橡子果仁香，仲有種獨特嘅甜味🌟好驚喜！✨時令甜品🐻熊仔咖啡奶冰，配上甘味嘅桂花凍同埋百香果凍，好特別嘅味道，唔會死甜，賣相可愛之餘又好味！ …查看更多

滾爺火鍋絕對係一個唔可以錯過嘅地方。呢度嘅火鍋體驗唔單止可以滿足你對火鍋嘅渴望，仲可以帶你去探索一個全新嘅滋味世界。滾爺火鍋以新鮮食材同獨特嘅烹調技巧聞名，而佢哋嘅招牌菜式更加係一絕，其中包括香脆炸雲吞、椒鹽魷魚鬚、手打蟹籽墨魚丸同蜂巢豆腐。而家就同我一齊嚟詳細咁品味下呢幾款美食啦！首先，滾爺火鍋嘅香脆炸雲吞絕對係一個開胃又美味嘅開始。炸雲吞外脆內軟，每一口咬落去都可以感受到鮮嫩嘅雲吞皮同鮮美嘅餡料。佢地嘅炸雲吞炸得金黃酥脆，一咬落去，雲吞內嘅肉汁就會迸發出來，令你嘅味蕾瞬間滿足。其次，椒鹽魷魚鬚係滾爺火鍋嘅另一款經典菜式。魷魚鬚嘅彈牙口感同椒鹽嘅香辣味道絕對係一對絕配。滾爺火鍋嘅魷魚鬚炸得香脆，每一條都帶有滿滿嘅魷魚鮮味。一咬落去，魷魚鬚嘅汁水會在口腔內四溢，令你嘅味蕾感受到一種獨特嘅滿足感。接著，我要介紹一下滾爺火鍋嘅手打蟹籽墨魚丸。呢款丸子係由新鮮墨魚製成，每一口都充滿著鮮味同彈牙嘅口感，仲有蟹籽嘅驚喜！最後，滾爺火鍋嘅招牌蜂巢豆腐係一個結束火鍋盛宴嘅極致選擇。佢地嘅豆腐外層網狀嘅質感，非常有特色。每一塊豆腐都嫩滑細膩，入口即化，帶有豆腐獨有嘅香氣同滑嫩口感。佢地嘅蜂巢豆腐可以吸收湯底嘅滋味，令豆腐本身更加美味。…查看更多

本人係一個蛋糕迷，呢間原本係一間人氣ig shop，進駐尖沙咀K11後一直想試💕今日終於比我試到🤤嗌咗一個伯爵茶千層蛋糕，同埋一個開心果千層蛋糕🤗蛋糕好實在，一層又一層嘅餅皮中間夾住軟滑嘅cream，餅皮有啲似威化餅口感，食落似俄羅斯版木糠布甸🇷🇺 伯爵茶味道比較淡，唔夠濃，蛋糕牛油味好香，但過甜，遮蓋左淡淡的伯爵茶味道，而且蛋糕厚實嘅餅皮同清淡嘅伯爵茶味道/口感好似唔係咁夾～開心果味好濃郁，襯托牛油味餅皮更加香濃～口感和味道都相對地夾🍰…查看更多

呢到火鍋真係幾抵食，有頭盤可以揀芝士焗蠔/芝士焗龍蝦/雞煲/酸菜魚，每人可以揀一份😆焗蠔同龍蝦都新鮮鮮美🤤湯底都算多選擇唔hea，但略嫌鹹咗啲。最欣賞係佢海鮮拼盤，有兩隻大大隻飽滿嘅生蠔🦪海蝦、元貝、沙白、鮑魚、脆肉鯇、手打丸，每樣海鮮都好新鮮，好鮮味，令湯都有陣海鮮鮮甜味🤤牛肉方面有三款安格斯牛，雖然未到入口即化，但都ok，多啲脂肪會更好。最後，佢啲配料都睇得出有精心挑選過，唔係好hea嘅丸，而係高質嘅，特別係牛丸同餃類。…查看更多

係旺角做完野想買啲外賣返屋企食，見啲呢間三文治賣相好靚好吸引😍忍唔住買嚟試下🍄DOUBLE濃厚松露蘑菇滑蛋三文治 $38+$2烘底一打開個盒已經聞到好香truffle味🥺滑蛋熟度恰到好處，仲keep到少少流心，松露醬好順滑濃郁，加上蘑菇俾得一啲都唔吝嗇🤩一啖食到滑多松露磨菇🥹勁滿足🥩松露安格斯牛肉漢堡三文治 $45安格斯牛肉味道濃郁，口感柔軟，脂肪唔多，就算拎到屋企焗一焗都唔會太乾🥩濃郁嘅松露醬，生菜好爽脆🥬蕃茄好新鮮🍅🧀🍳香蔥芝士鹹牛肉滑蛋三文治 $32+ $2烘底厚厚的方包🍞夾住厚厚的香蔥滑蛋，芝士俾包的熱力烘到半溶，夾埋流心滑蛋，仲有鹹牛肉嘅鹹香🤩非常出色！所有三文治都係即叫即製，非常新鮮🤩而且用盒裝，唔怕壓扁😎…查看更多