舌尖上的揭仔's Profile

久未復出 皆因本人有私人事未解決突然想起月前到稚內用膳 感覺良好 在此與各網民分享 稚內為日式餐廳 首輪先試刺身及壽司隨機叫劍魚腩 八爪魚 及鰹魚 八爪魚連吸盤為新鮮又爽甜 劍魚腩佈滿油香 可是並未完全溶雪 此舉不但影響其味道 更影其口感 鰹魚賣相不錯 表面佈滿油脂 而且條紋不錯 可是略帶腥味 建議如鯖魚一樣 可於表面放少量薑蔥 去除腥味壽司有芥辣八爪魚 蟹膏及火炙左口魚黑松露芥辣八爪魚 芥辣同八爪魚分量調配唔錯 有d可惜八爪魚本身冇咩咬口 順帶一提紫菜好新鮮 仍然保持乾爽 咬落索索聲蟹膏黎自松葉蟹 上台仍為膏狀 頗為新鮮 味道濃郁 令人想再order左口魚頗具驚喜 皆因入口即溶 肉質鮮甜可是火炙後 黑松露嘅香味被蓋黑松露頓時失色 鰻魚炒飯用料細緻 珍珠米同鰻魚粒炒得均勻 加上鰻魚汁調味 每粒飯面都柒上香口味道 切粒鰻魚大細適中總結值得一試…Read More

素有聽聞新仙清湯腩之大名 不僅有米之蓮坐陣 更有蔡San推介 正因如此本人與家人特意前往品嚐一番是次光顧灣仔分店 正值晚市 未算多人 內裹裝潢與茶記無異為求方便快捷 本人等各叫一晚市套餐先黎蕃茄雲吞湯 感覺頗為新穎 皆因以雲吞作湯料雖然雲吞飽滿而且材料新鮮 可是湯底味道太濃及蕃茄湯與雲吞之組合並無相扶相乘再黎鯪魚肉釀青椒及麻辣牛肚兩者皆辣得出色 為兩者平淡嘅味道帶上色彩鯪魚本為極腥之食物 可是在新仙嘅炮製下 只嚐出鯪魚嘅香及鮮味 加上青椒嘅口感 此小食頓時成為「黑馬」 令人喜出望外呀麻辣牛肚頗為柔軟而無腥味 加上醬油 咸中帶辣 成為不嘅前菜金黃色嘅炸物奉上台中 原本無暇問津「卡勒」清脆嘅聲音傳到各人耳中 焦點瞬間落在眼前新鮮製起嘅酥炸雲吞口感外脆內軟 原隻富彈性嘅蝦肉及豬肉配上泰式酸醬 甜酸辣味正好成為其最佳拍檔最後 全晚嘅主角清湯爽腩駕到爽腩嘅肉被脂肪包圍 油香較重蘿蔔無渣並充分吸引清湯清湯正如其名 味道適中 清甜可口 令人想一飲再飲兩字總結：「上品」…Read More

是次黎到川熙樓 本人甚愛此名 音順意好 「熙」有幸運及興盛之意 引申全名即有將四川菜發揚光大之意館內牆上有葫蘆及中式畫像等裝飾 更有玫瑰燈 具中式氣韻坐下隨即送上一壺苦蕎茶 由苦蕎麥種子製成 產於四川茶色黃中帶綠 雖名有苦字 但味道則似麥茶 有微微嘅甜味苦蕎茶有降血壓及抑制脂肪吸收之用 正正適合本人這類常外出用餐及安坐於辦公室之人魷魚羹打開晚餐嘅序幕 有魷魚、腐片、蛋花等材料 味道適中 頗為美味羹本來不需要咀嚼 所以川熙將魷魚切成粒狀 降低食客需咀嚼次數 不錯由於川菜較為濃味 以麻辣為主 本人決定先行食菜 稍作「打底」 再打大佬 故叫鮮湯浸翡翠苗鮮湯浸翡翠苗以豆苗、雞肉及蘿蔔等製成鮮嫩嘅豆苗吸入鮮雞湯精華 美味可口 加上豆苗天然嘅清新草味 令本人頓時有如身處田園嘅感受「熱身」過後 便品嚐野菌小炒牛肉 此菜式色香味俱全「色」儘管擺相平平 但整道菜皆為一色 即材料均充分吸收醬料「香」鍋氣十足 香氣撲鼻「味」牛肉鮮嫩 西芹野菌爽脆 由材料間充分吸收精華 無論單獨食或組合食皆配合 此為中菜特色由於鍋氣十足 食用過後仍齒頜留香 令人回味最後黎到全晚主角「冷鍋魚」冷鍋為四川之烹任方法 並非冷食之意 而是上桌不點火鍋底以多種原料製成 有麻、辣、鮮、香之層次魚肉滑而鮮嫩 不腥不燥 上品本人認為只吃魚而不用湯太過浪費 剩喝湯又太重口味 靈機一足黎個「冷鍋魚湯飯」有如發現新大陸飯作為緩衝稍稍降低湯嘅濃度 充分吸收湯汁後隨即反映出湯嘅特質 上品高潮過後 黎杯凍豆漿沖走先前嘅濃味豆味雖濃 但口感稍需改善皆因豆漿未被隔渣 以致口感不佳 飲用後可見杯邊有粉末川熙樓菜色上盛 能讓食客體驗地道風味 而且上菜速度快 不失為hidden gem…Read More

先前已評論營盤街新貴記 是次黎到長沙灣另一老店冠華粥品一較高下比賽項目為肉片生滾粥及油炸鬼此為生滾粥 肉片與粥共同煮成 故粥能充分吸入其他材料嘅精華本人會從粥底及肉片作考量「粥底」粥已充分吸狀咸肉嘅精華 食落有陣陣咸香 跟新貴不相伯仲冠華嘅生滾粥偏向水狀 即米對水嘅比例較低 理想嘅粥應呈漿狀「肉片」雖然味道不錯及量多 但未夠嫩滑 在口感上略遜於新貴記 油炸鬼雖然比較細件 但非常香脆浸入粥後並非如想像中完全變軟 部分仍保持脆口口感頗為特別 「軟硬交融」另外冠華油炸鬼食入後香味較濃因此冠華嘅油炸鬼則略勝一籌新貴記及冠華粥品嘅出品皆為美食 本人每次光臨皆見其坐無虛席聞其傳統裝潢及食客扶老攜幼食得津津有味 不禁想起年幼所見舊香港嘅情懷這類餐廳雖不及西餐廳等摩登及華麗 但內裹包含不少港人回憶及文化 別有一番風味…Read More

途經西九龍中心八樓 發現某一店有人龍查探之下為雪糕店 價錢頗便宜 便買一試食消費九元 得雙球朱古力及士多啤梨雪糕筒此店可讓顧客自由加入toppings 有朱古力醬、士多啤梨醬及彩虹糖作選擇好奇之下發現雪糕黎自Appolo 質素還可…Read More

合益泰早於深水埗享負盛名 因其腸粉價廉物美 本人從小光顧此老店 但有openrice後才知其名聲大噪是次品嚐首選腸粉其售賣方式多年不變 於店旁有一小販車每到總能勾年兒時母親攜幼排隊光顧嘅畫面腸粉製好後 放於鐵箱中恆溫 此舉並無令腸粉變硬 腸粉反而仍能保持光滑柔軟嘅質感 令本人嘖嘖稱奇當中巧妙應該是鐵箱能充分將熱力平均分散致腸粉中 並適當地調節溫度 保持其口感及質素本人食腸粉時不愛加入芝麻 原因有二一、芝麻與腸粉口感不夾二、腸粉本身會被加入芝麻醬 加入芝麻多此一舉除左芝麻醬 腸粉仲會被加入甜醬及豉油作調味合益泰嘅腸粉拔萃於其口感 整條腸粉非常柔軟七元四條簡直抵到爛…Read More

每次行過福榮街 一定會見到文記大排長龍今次決定黎到文記探過究竟是次叫左碗牛腩蘿蔔幼麵加腩汁配文記自製辣醬幼麵質素雖平庸 烈過其他材料頗為出色牛腩有啲碎 但正正因為碎 所以入味 而且非常柔軟蘿蔔充分吸入腩汁 完全無渣 咀嚼不費吹灰次力 上品車仔麵要做得出類拔萃 除左要有好材料 仲要有自創元素 高低之分在於其自製辣醬文記嘅辣醬呈膏狀 「香、咸、辣」食用時辣度唔會立即湧現 反而係慢慢增強本人建議以點嘅方式食用 溶於湯中則失其特色三字總結「平、靚、正」…Read More

正值十一假期前夕 到外與女友相聚葵芳新都會嘅餐廳擠滿人群 好不容易覓得一餐館「牛角」二人佔據一卡位 開始享受二人世界先黎骨付牛肋肉 將其烤至七成熟 香氣撲鼻 令本人垂涎三尺本想將其放進生菜中進食 可是骨嘅部分令人進食艱難 本人只好先去除骨嘅部分將牛肋肉、大蒜及甜酸醬放入生菜中牛肋肉未被醬汁及大蒜嘅味道蓋過 反而成為不錯嘅組合 清爽嘅生菜不但改善整體嘅口感 而且中和醬汁嘅濃味再黎廣島蠔 以一塊牛油蓋上蠔肚飽滿 色澤鮮明 頗為新鮮本人對牛油配蠔此組合感到新鮮 但牛角應在每隻蠔蓋上牛油 這使每隻蠔在烤嘅過程皆可充分吸收牛油蠔並無充分吸收牛油 幸好蠔味濃郁 creamy本人再試澳洲安格斯牛胸肉 此為本晚最佳之選 肉質鮮味 口感柔軟 上品再上牛鍵肉 雖然有點韌 但配入蘿蔔蓉柚子醋後 味道微酸而清新 這正好去除牛騷味最後 胡椒蜜糖豚肉為另一必食之選豚肉在烤嘅過程再三沾上蜜糖 令豚肉充分吸入蜜汁由於豚肉肉質細滑 咀嚼時甜味肉味交融 上品可是胡椒則多此一舉 胡椒與蜜糖味道上不夾 而且胡椒味淡 容易被蓋過 牛角應取之其一 而非將胡椒蜜糖共同使用於豚肉中雖然質素唔錯 但份量太少 性價比稍低二人完成所有 只有半飽 女友再加一石鍋泡菜豆腐海鮮湯配飯本人並無進食 故不作評論…Read More

本人抱持食好野嘅心態四出尋找再作評論 發覺新貴記在openrice未算太popular希望以此評論令讀者對新貴記有進一步嘅認識新貴記此傳統老粥店對於住深水埗或長沙灣嘅讀者應該一啲都唔陌生本人其實甚少食粥 皆因本人自小不好水狀食物但新貴記改變本人對粥嘅體驗 原來粥都可以好好味新貴記嘅滑肉粥為本人最愛 是次再配上油條豬肉份量多、滑及嫩粥呈漿狀而非水狀 顯示米對水嘅比例較高 俗稱「足料」粥味微咸配上柔嫩嘅豬肉 兩者放進口中 先吞下粥 再慢慢咀嚼豬肉 慢慢細味出肉香味由於粥中伴有薑絲及蔥 兩者留有嘅清新味道可去除肉膻味每當食油條都會想起西方視其為甜品 例如本人於西班牙時品嚐當地嘅熱濃朱古力時 當地人會伴上油條churros本人總覺得格格不入 油條配上粥才是最佳組合油條吸入咸咸嘅粥與本來嘅味道及口感完全不同吸入粥後嘅油條會軟化 更易入口由於粥已吸入豬肉等精華 令油條更美味新貴記圪立於營盤街多年 此類老式粥店買少見少粥雖非奢華食物 但新貴記出品嘅粥用心之極 早已「俘虜」一眾街坊對本人而言 食物無分貴賤 只在乎是否好食 望此劣文可提高讀者對此店認識…Read More

在深水埗搵食之下 發現生龍 本人甚好牛腩 抱著探新之心 進入店內正值晚飯時間 但人不算多隨意叫左至尊套餐A由於本人不好雞 故此食評不會包括有關雞嘅評論先叫杯檸賓以解夏日之炎 味道微酸 正好刺激本人食慾先黎蝦籽金魚尾鮮蝦雲吞名字頗具霸氣生菜色澤仍保持鮮綠 咬落去「索索聲」雲吞大大粒 原隻鮮蝦 非常足料無需加入任何調味料之下已經夠味皆因雲吞已充分吸入清湯及蝦籽已微微為雲吞調味 味道不錯再黎招牌清湯腩呈條狀 份量多 大大塊 啖啖肉 本人認為最佳脂肪對肉比例為一比二前者太高只有油香而缺乏肉味 而且會食完有被騙嘅感覺後者太高則口感不佳是次比例為後者 由於脂肪比例低而缺乏油香及口感偏韌另外清湯不算太清 於表面有油份 而且味道略咸 有待改進雖然薄餅與主菜完全唔夾 但本人認為生龍嘅薄餅質素不錯「新鮮」餅上有油漬 雖然有點影響食慾 但這顯示薄餅為新鮮製造「齒頜留香」熱騰騰放進口中 口感煙韌煙韌 味道濃烈本人邊食邊想此薄餅最佳拍檔為咖哩 可惜本人並無叫咖哩牛腩 實是有點浪費 雖然生龍嘅食物未算非常出色 但份量多 食客必定捧腹而去…Read More

途經荃灣街市 必定看過於嘉樂冰室前長長嘅人龍原因有二嘉樂奄列遠近馳名坐位較少 未能容納大量客人人龍反而引起別人注意 間接已為嘉樂冰室宣傳 以致客似雲來不過歸根究底 嘉樂冰室奄列的確有其留住粉絲嘅「必殺技」 必殺技一 「大石擲死蟹」嘉樂雖稱其為火腿「小」奄列 但一啲都唔小 斷估用左三至四隻蛋本人完成後飯都食唔落必殺技二「足料唔握秤」本人先品嚐在旁嘅牛油方包 發覺「啖啖牛油」好奇之下打開麵包 發覺佈滿牛油 導致「啖啖油香」再切開奄列 火腿量何其之多從此可見嘉樂實行「以本足人」嘅政策必殺技三「美味沒法擋」火候剛好 雞蛋一啲都唔老 非常滑表面加上少量美極豉油 為淡淡嘅雞蛋加入美極獨有嘅「鮮咸味」可謂錦上添花火腿嘅口感上雖與雞蛋未算太夾 但味道上一拍即合 火腿自身嘅咸味剛好成為雞蛋嘅調味品正因如此 美極份量不用太多 否則反客為主一字記之曰：「正」…Read More

本人對Ocean three 印象一向良好 首次試後已絕少到蠔吧或放題等餐廳 皆因ocean three嘅生蠔及刺身價錢較便宜但質素卻較好本人這次特意再到ocean three品嚐最愛嘅Gillardeau No.0 Oysters 及試試新款Mermaid No. 0 OystersGillardeau 為法國一個知名家族所養殖嘅蠔而No.0 嘅生蠔為同品種生蠔中最大一組Ocean three生蠔頗為新鮮 色澤較深 蠔肚飽滿Gillardeau 蠔邊呈深黑 蠔肚呈淺黃 長如手掌 味道creamy 肉質特別係帶子部分非常爽甜 整隻放入口中 慢慢咀嚼 淡淡嘅海水味微微為生蠔調味 上品Mermaid 味道有層次感 先黎濃海水味 再黎creamy 嘅感覺 適合「濃味一派」本人品嚐後已達三十分鐘 仍有餘韻 回味無窮相同質素於坊間估計需要四十多元 在ocean three 只賣約三十元 但要注意嘅係ocean three 並無提供開蠔服務…Read More

友人邀請下 黎到此韓式Cafe內裹寬敞 以白色為主調 感覺精神 播放著韓國音樂牆上有雪人等裝飾 店如其名 有如進入白雪嘅世界底層為blended chocolate cookies and yogurt本人為「新手」對該店嘅食品不太熟悉店員主動向本人等推介甜品經過一番考慮 決定要朱古力曲奇巴菲在等待嘅過程 本人等嘗試尋找年少回憶 比拼層層疊及Uno未幾 朱古力曲奇巴菲駕到黑白相融 賣相頗為吸引Topping 為 原塊Oreo cookie with whipped cream & chocolate powder中層為chocolate ice cream & chocolate brownies底層為blenbded chocolate chips mixed with yogurt味道頗有層次感 口感特別本人先試topping whipped cream 膩但不太甜 可是未夠硬身chocolate powder 為whipped cream 加入淡淡嘅苦味再試中層 chocolate brownie味道濃 與朱古力雪糕相輔相成 提升品嘗朱古力雪糕嘅體最後 chocolate powder 加入yogurt 味道可整體味道不錯本人甚愛冰雪公主嘅「自助式服務」客人可自由提取於門桌嘅玩具品嚐食物後可以於店內打發時間 …Read More

久未挑戰放題 聞番本有特大赤蝦 本人是愛蝦之人 便前往挑機當晚可謂客似雲來 人山人海 小等一回 獲得一桌坐下後便命人升級 以享用期待嘅赤蝦先黎一盆升級刺身在坐無不嘩然 皆因赤蝦比本人手掌更長 估計至少十五厘米 粗如大姆指細看之下發覺色澤鮮紅 頭部並無發黑 這表示赤蝦還保持新鮮狀態取之其一 脫去尾殼 放進口中 鮮味直擁入喉 拍案叫絕再吸啜蝦膏 清甜甘香 完成數隻後仍有餘韻 上品由於質素高 本人全晚狂吃赤蝦 希望「番本」雖然赤蝦質素上盛 可是赤蝦處理得有點馬虎本人多次發現蝦腸未完全清除乾淨除左赤蝦 帆立貝同是推介美食原隻大大粒嘅帆立貝放入口中頗有滿足感口感柔軟 味道清甜 上品上品劍魚腩則不過不失 雖有油香提升劍魚嘅味道 但口感不佳 咀嚼起發覺有渣本人再上另一組刺身先試港人至愛嘅三文魚 色澤鮮明 脂肪比例不錯 味道濃郁八爪魚味道雖淡 但口感清爽本人不太好螺肉 但發覺螺肉頗為鮮甜 尚算不錯番本嘅刺身的確不錯 熟食又如何呢？本人先試蝦天婦羅蝦天婦羅被炸至金黃 但表面佈滿油 有礙觀瞻若能先清除多餘油份 再送給客人會更佳幸好天婦羅非常鬆脆 蝦肉具彈性 新鮮程度可叫一絕牛肉入口即溶 但由於醬汁太咸 致蓋過牛肉鮮味從牛肉嘅質感 可推斷牛嘅質素不錯 此醬汁令整盆熟食付之東流酸芝士蓋於蠔上以過溫焗熟酸芝士及高溫嘅目的為去除蠔嘅腥味 可是本人仍微微嚐出腥味兩句話總結 「刺身不錯 熟食還可」提到此餐廳 本人甚愛番本一名之意 番本即「食到回本」讀者們 請問「番本」未呀？…Read More

由於本人女友家住葵青 故每逢周六日經常到葵芳閒逛 觀賞電影等閒娛節目 自然會光顧附近嘅餐廳若讀者熟悉葵芳嘅話會知道本人先前所評論嘅雲桂香正正在是次餐廳嘅附近言歸正傳 棠記雲吞麵「平、靚、正」 ：「平」棠記雲吞麵只售十七元 雲吞竟有四粒 試問坊間還有何麵檔會以此價錢賣有四粒雲吞嘅雲吞麵？ 如有又好食嘅話 請留言告知本人「靚」雲吞由於皮薄 故能被清晰地看透 不太肥嘅豬混合原隻橙色嘅鮮蝦 令本人急不及待咁咬一口「正」雲吞皮薄餡靚 豬肉嫩 蝦肉彈牙 鹼水麵吸入微咸湯汁 非常匹配最後豆漿不太甜 但豆味濃 正好中和一下剛才嘅「濃味」棠記雲吞麵 平民美食 當之無愧…Read More