突然想起月前到稚內用膳 感覺良好 在此與各網民分享
稚內為日式餐廳 首輪先試刺身及壽司
隨機叫劍魚腩 八爪魚 及鰹魚
八爪魚連吸盤為新鮮又爽甜
劍魚腩佈滿油香 可是並未完全溶雪 此舉不但影響其味道 更影其口感
鰹魚賣相不錯 表面佈滿油脂 而且條紋不錯 可是略帶腥味 建議如鯖魚一樣 可於表面放少量薑蔥 去除腥味
壽司有芥辣八爪魚 蟹膏及火炙左口魚黑松露
芥辣八爪魚 芥辣同八爪魚分量調配唔錯 有d可惜八爪魚本身冇咩咬口
順帶一提紫菜好新鮮 仍然保持乾爽 咬落索索聲
蟹膏黎自松葉蟹 上台仍為膏狀 頗為新鮮 味道濃郁 令人想再order
左口魚頗具驚喜 皆因入口即溶 肉質鮮甜
可是火炙後 黑松露嘅香味被蓋
黑松露頓時失色
鰻魚炒飯用料細緻 珍珠米同鰻魚粒炒得均勻 加上鰻魚汁調味 每粒飯面都柒上香口味道 切粒鰻魚大細適中
總結
值得一試
