hautungg's Profile

自己同男朋友都好鍾意食燒肉🤤知道屯市新開左YAKINIKU HOMURA 日式燒肉店，今日先係新開第二日，已經要即刻黎試下啦😍店舖地方寬敞，座位闊落。另外抽氣系統都好好，店裡唔會充斥住油煙味😆配合埋店舖設計裝潢，客人可以感受到強烈和式氣氛，依家無得去旅行都可以黎一解思鄉之苦😆🤣第一次黎食，係和牛方面，簡左餐廳推介嘅幾款😍🥰白金燒！黑毛和牛上西冷（一片）配生蛋及飯✨ ($168)依個菜式，店員會幫手整🥰店員燒嘅時候，客人就自己打好雞蛋🥚攪好個飯🍚和牛西冷油脂分佈平均，薄薄一片，輕輕燒下就得😆燒好後配埋飯食，牛肉入口即溶，肉質嫩滑！🤤超名物！上和牛牛舌(中)✨($238)牛舌有分小/中/大 3個份量，我地2個人嗌左個中嘅🤣有足足10片😱😱份量好多建議2個人叫小份就得了🥰薄切和牛，肉質滑溜，輕輕烤燒，味道焦香脆嫩！名物！菠蘿漬骨付牛肋肉✨($288)賣相非常吸引✨📷📷牛肋肉好大塊，厚度亦適中👍🏻菠蘿漬醃嘅果酸令牛肋肉更軟嫩😆除左牛肉，我仲燒左幾舊菠蘿黎食🤣🤣估唔到連菠蘿味道都好香甜🤣👍🏻名物！雞肉拼盤✨($118)叫拼盤就可以1次過試哂4款雞肉：雞心、雞腎、雞頸肉、雞腿肉！雞心入口粉嫩，無腥味！雞腎爽口👅雞腿肉嫩滑Juicy👅幸福！生蛋拌飯✨($29)雖然叫和牛西冷都有配生蛋拌飯，但其實果個係一人份🤣🤣所以就另外叫多左個飯🤣🤣大大碗都係$29🥺🥺性價比極高！幸福感upup🥰另外仲叫左白桃梳打✨($36)甜度適中👍🏻青蘋果青瓜梳打✨($36)青蘋果配青瓜，配搭特別，味道好fresh，清清地，食燒肉飲👍🏻👍🏻！店內仲提供3款醬汁，適合唔同客人口味😆…Read More

之前係fb/ig都見人介紹過「是但求其食」依間餐廳，感覺好得意，所以自己都記住左🙊今日黎開元朗，就黎試下😍餐廳環境氣氛唔錯👍🏻仲有好大嘅海洋投影🌊感覺好新穎✨餐湯配多士✨多士烘得好鬆脆😍湯好creamy😋椒鹽雞皮串✨ ($38/6串)$38份量好多 好掋食👍🏻雞皮炸得好脆 趁熱食椒鹽調味落得岩岩好，唔會太重口味龍蝦汁海鮮燴飯✨ ($108)最上面有原隻大蝦，同海量蟹籽👍🏻仲有好多魷魚，非常足料飯creamy，份量都好多 夠飽肚😋北京烤鴨pizza✨ ($98)睇menu見到覺得好得意🤩Pizza薄脆👍🏻每件都有煙鴨胸肉 配埋北京烤鴨嘅醬同芝士 味道又幾夾 感覺非常有趣仲叫左餐廳推介嘅青檸檸檬茶同鴨屎香奶綠✨($38/杯)…Read More

平時都鍾意食泰國菜同埋飲下cocktail見元朗新開左間泰菜酒吧 就黎試下啦🍹餐廳係黑色型格風，環境舒服又有格調😍燒牛肉沙律 ($98)沙律菜好fresh，另外配埋辣椒，辣辣地，味道好特別✨而牛肉亦燒得岩岩好，唔會燒焦，生熟程度都適中👍🏻牛肉有嚼勁，但一d都唔硬鮮活大扇貝 ($68/1隻)即叫即整✨扇貝新鮮彈牙爽口，配上泰式做法，用蒜蓉同洋蔥，好有泰國風味🥳泰式鹽燒元朗烏頭 （$168）烏頭原條上，好大條😍魚肚同魚嘴部分都有滿滿香料✨另外餐廳預先介開左少少，客人食嘅時間好方便👍🏻魚肉肉質結質，新鮮👍🏻黎度緊係唔少得飲返杯🍹餐廳有beer，cocktail亦有無酒精飲品最後，餐廳仲有套餐提供，更加掋食😍…Read More

好耐之前已經試過Pillowtalk，今日再黎回味一下😆水準依然👍🏻！餐廳門口都有3枱座位，今次就坐左係出面，夜晚黎加埋今日有d風，街上靜靜地，都幾舒服幾好feel😍😆香草醬法式羊架配薯角($188)一上枱 見到有3件😱已經覺得份量好多 好掋食食落發現肉質好嫩👍🏻多汁👍🏻唔會煎到乾晒亦都無羶味野菌忌廉汁蟹肉意大利飯 ($128)有好多蟹肉蟹膏😋每一啖都食到意大利飯香濃又creamy😍最後食當然要嗌返杯🍸飲下chill下😍Lychee Martini ($78)Margarita ($78)除左Classic cocktail 餐廳仲有好多特色cocktail同其他野飲…Read More

黎到尖沙咀，想食日本野，醒起好多人係ig打卡嘅鮨一，因為仲未試過就黎試下啦😋見最多人post嘅係千層海膽飯($298)黎到緊係要食啦海膽超級多，味道鮮甜，2個人食都好足夠另外仲會配有紫菜，咁就無咁單調啦😋另外仲嗌左d壽司同特上錦繡刺身($488)不過其實食完海膽飯已經好飽啦😆係好滿足嘅一餐飯呢…Read More

夜晚隔唔中都會黎食euro gogo，又掋又好食仲要每次都係差唔多嗌返同一樣嘅野🙈最鍾意食法式薯蓉焗田螺($45)芝士薯蓉蜜糖雞翼($45)雞翼大大隻，蜜糖好入味田螺同雞翼上枱時都係熱辣辣卡邦尼意粉($58)意粉同肉嘅份量都好多，夠飽肚！…Read More

有時晏就都會黎飯館食下點心飲下茶🫖前一日打電話想訂定枱，但店員話已經無位啦，只可以11:30am開門時排隊walk-in入11:30黎到，已經有好多人排緊隊，場面都有d誇張🙈今次4個人食，可以嗌多d款式😍另外飯館嘅點心多數係3件一籠，店員見到我地有4個人，提我地如果想要多一件，就係紙上寫返+一件咁就可以😍🥰蒜蓉蝦春卷$52好香脆，唔會一上菜春卷就淋哂仲有d熱蝦都好大隻但蒜蓉味唔突出水晶蝦餃$62皮薄餡靚唔會好厚皮，入面有原隻大蝦醬王金錢肚$62好大舊，滋味豉汁蒸鳳爪$62正正常常香菜鮮蝦腸粉$62平時多數叫帶子腸粉，今次試下其他上菜先發現又係蝦😆😆睇相都見到1條腸粉入面有2大隻蝦，非常足料但連入面嘅香菜都係原塊🙈鮮蝦燒賣$58香煎蘿蔔糕$58有d普通，唔推介叫小梨子咸水角$62岩哂影相😆外形好得意😍上面係甘大滋皮好煙銀椒鹽白飯魚$78本身唔太鍾意食白飯魚，但配合埋椒鹽，味道ok，好似椒鹽鮮魷咁方魚肉碎粥$52四寶滑雞札$62…Read More

自己本身好鍾意飲珍珠奶茶依d手搖飲品，每次都會叫埋男朋友一齊飲吃茶三千依間係佢飲過一次之後，會主動話去飲仲讚嘅😆飲品可以自己配搭或者直接簡佢HOT 配好左嘅～飲品茶底好濃茶香，店舖用左得獎嘅茶葉平時飲開熔岩黑糖波霸鮮奶，今次見到有新野，今次試左鳳來蜜冰茶（$40）入面包括鳳梨湯、水仙桂花、百花香蜜同纖玉菓子入面有鳳梨肉同菓子，但係店員俾左幼飲管，所以食唔到d肉同埋嗌左少甜，飲落都仲有d甜，可能因為有蜜糖嘅關係不過酸酸甜甜幾解渴…Read More

夜晚黎到，其他餐廳都要等位，但稻成小館可以即刻入得，其實之前食過佢酸菜魚都覺得普通，不過再俾多次機會佢啦嗌左廚師推介二人餐($418)簡左稻成小籠包有4隻～小籠包包底痴實左張白色紙就算係輕輕夾起 小籠包都會爛咁就無哂入面d汁了招牌稻成酸菜魚因為二人餐餐牌寫住酸菜魚係中辣，我地問侍應可唔可以要小辣，佢話可以，但最後又再問我地要咩辣咁餐牌做咩要寫明中辣呢侍應亦無留心湯底都算可以，魚肉結實，但唔入味蟲草花炒翡翠苗好普通嘅一個菜+$38嘅竹蓆茅根雖然佢唔係糖水咁嘅假竹蓆茅根但亦無味道…Read More

每次係海港城食完飯，都要去i CREMERIA食個雪糕，先覺得滿足🙈最鍾意食i CREMERIA 嘅Fresh Crepe士多啤梨香蕉味落單後即刻整～餅皮暖暖配埋朱古力雪糕、香蕉同士多啤梨雪糕好滑，生果新鮮…Read More

前排好興嘅打卡cafe，朋友想黎影下相食下野打下卡，就黎試下啦✨其實打卡位主要就係門口，唔算好靚同好好影不過野食唔錯，價錢好掋，份量都好多，味道都不過不失如果係元朗想搵個地方坐下抖抖，就可以黎依度啦…Read More

聽過好多人講嘅元朗壽司之神，一路都未去試過，今次晏就就黎試下試左$550嘅廚司發辦有4款刺身，1品料理，7款壽司同迷你三色丼另個有$680嘅，就係7款壽司變左有4款係呑拿魚前菜～係中華沙律、沙律同蒸蛋🤣刺身4款～味道無深刻印象但由刺身色澤都可以睇到刺身唔算好新鮮一品料理～7款壽司～三色丼係最滿意嘅一part整體黎講，食物無咩特別，唔會有驚喜同一價錢嘅午市omakase應該都有更好選擇但住附近嘅，如果突然想食下Omakase都可以黎試一次…Read More

以前已經成日聽人講雲川，但係都係近年開始先成日食佢最鍾意食酸辣豬大腸薯粉✨豬大腸份量勁多湯底又酸又辣另外都推介豬頸肉，好香脆不過有時夜晚外賣超多人建議嗌定再去拎就岩岩好啦…Read More

食完晚餐，想食個糖水，見未食過依間，就試下啦店舖係自助嘅形式，自己買再自己拎～鋪頭唔算大，枱都唔多，坐得唔算舒服賣相芋圓同珍珠都無味，就算配埋糖水底，都唔知食緊咩…Read More

同朋友黎到海港城，佢話想食金不換🤣因為已經3,4點，所以只係嗌左小小野食海蝦刺身($120)蝦唔夠肥美蛋網海鮮金邊粉$168蛋網賣色幾得意，海鮮同金邊粉都好多，好足料另外仲叫左🥥椰青$70原本價錢都偏貴，用左海港城coupon$200-$100，價值就較為可接受啦…Read More