foodiehere's Profile

西環西營盤第三街既呢間墨西哥酒吧餐廳，不是很大間，坐位不多，所以客人都喜歡拎住酒杯係酒吧門口傾計，好放輕鬆既氣氛！餐廳剛剛位置於斜路轉角位，加上餐廳外牆有很多色彩繽紛既塗鴉，好多客人都會黎影相打卡。可能你會覺得酒吧餐廳食物方面未必出色，但呢間餐廳既墨西哥菜都做得好出色，種類未必好多，但味道出色，充滿墨西哥風味。同朋友兩個人叫左一個雞肉芝士Nacho, 好香口好脆，加上料十分豐富，份量也算多！性價比好高！另外，炸雞翼同墨西哥卷都做得好出色！飲品方面，佢有個signature drink, watermelon margarita 推薦一定要飲！ 好fresh ! …Read More

同男朋友慶祝週年紀念日，於是物色一間有靚景既餐廳慶祝一下，可以食到好味道東西之餘，仲可以影返幾張靚既合照紀念一下。我訂位個時已經表示希望坐靠窗既座位，餐廳於是安排左一個靠玻璃窗既4人卡位比我同男朋友。除左可以欣賞到景色之餘，座位仲夠晒寬敞。野食方面，我地叫左個燒魚乾，煎蛋卷，刺身拼盤，壽司拼盤同炭燒雞肉。刺身同壽司都好新鮮好味道！而個炭燒雞肉就好嫩滑，調味唔係特別多，主要食佢既原味同鮮嫩。除左刺身壽司出色，佢既甜品都好不錯，我地叫左個焦糖燉蛋，男朋友讚口不絕，性價比超高，呢個甜品為我地呢一餐劃上一個完美既句號。特別值得一提既細心位係，服務員係我地食主菜既時候提供既茶同上甜品時既茶係不一樣，大家可以留意下；）…Read More

老闆請食飯呀，今次揀左omakase，係銅鑼灣樓上既一間日本餐廳。一入到去環境已經比到你挺高級既感覺，侍應的招待都好親切同好周到。座位之間既私隱度都好足夠，枱與枱之間不會太近，兩個人或者一伙兒聊天都不會嘈到人。餐牌既omakase有三個選擇，主要係價錢不同，提供既食材同菜式既數目會有不同。今次我地試左幸福，連埋甜品總供有15道菜。每一道上之前侍應都會同你講解返道菜係咩黎應該點食。15道菜既食材都好新鮮，好有驚喜。我個人就好中意其中既安鱇魚魚肝，大拖羅，海膽同芝士帶子野菌！其實每道菜式都好好食！甜品係千層蛋糕加日本密瓜，超甜～絕無欺場！以往食過既omakase ，有時食唔飽，但今次真係飽到捧住個肚走，充滿幸福感。…Read More

位於尖沙咀亞士厘道既呢間樓上餐廳，營業時間由晚上六點去到凌晨一點，最適合夜左收工既朋友仔約埋三五知己黎呢度飲飲食食傾下計。呢間餐廳既裝潢以近期流行既工業風為主，牆壁上加上左好多酒瓶裝飾。另外，餐廳亦設置左一個大酒櫃。除左放置各式各樣既酒瓶之外，亦可以當牆身作分隔用途，簡簡單單卻成為餐廳既亮點。餐廳其中一個角落設大玻璃，可欣賞城市夜景。加上設有高身大長枱，最適合一大班朋友聚會。肚餓了串燒烤焗專門店，故名思義就更係以食串燒為主，但除左串燒，都有其他焗飯、烏冬等供應，總之你一定可以食到飽。除左出名燒烤串物，肚餓了亦提供多款特式手工啤酒。喜歡暢飲既朋友仔不妨黎試一試。餐牌上詳細介紹每款手工啤酒的特點、苦度、甜度以及酒精濃度，客人可以根據介紹黎挑選最合適自己既啤酒。食物方面種類好多，有各種肉類、海鮮類、蔬菜類及丸類。今次我就試左幾款串燒燒物，份量都好大份。柚子燒雞翼，加入左酸酸甜甜既柚子醬，惹味之餘又增添分清新。微辣肉碎原條燒茄子，個人必推之選。手臂咁長既茄子開邊燒，加上辣肉碎同帶少少麻辣既秘製醬汁，包你越食越上隱。汁燒BB露荀，清甜爽脆既BB露荀，加上孜然粉及辣粉，特別惹味。西班牙黑毛豬，入口肥美濃郁，好有驚喜!芝士燒扇貝，滿滿既芝士配上啖啖芝士既扇貝，超級滿足。惹味汁燒雞泡魚乾，惹味有口感，最佳既拌酒小食。每枱都有孜然粉、辣粉、黑胡椒、鹽，可以按自己口味加重香料。…Read More

荃灣既肉餅哥係大圍開分店~大圍既朋友仔有口福喇!之前睇過介紹，肉餅哥既肉餅係用上六成肉質較結實的前赤肉及四成油脂豐富的五花腩，以人手剁及撻鬆再配合不同新鮮食材製成既，所以口感係特別結實彈牙。講到咁正，一於去試下!第一次試就緊係試佢最霸氣既龍蝦肉餅飯，可選蒸或煎，再配油飯或菜飯。今次我選擇左蒸配菜飯或菜，因為唔想太油膩。經過8-10分鐘蒸煮，登登登登! 真係原隻波士頓龍蝦上! 肉餅中混入左龍蝦肉，平實得黎又不失霸氣既肉餅飯!味道方面食得出有龍蝦汁既鮮味，可能係蒸既關係，唔會話太濃味太油膩。肉餅個質感係幾紮實既，紮實得黎又唔"鞋"，好明顯係加左成油脂豐富的五花腩既功勞。另外，朋友叫左個流心芝士肉餅菜飯，佢選擇左煎既。嘩! 你睇~真係有流心架! 凡係可以做到流心既效果，我個人都會特別加分XD ~呢個流心芝士肉餅好香口好惹味，好快可以食到一碗飯。除左以上兩款肉餅，仲有好多其他選擇。想食得豪氣啲既，可以揀煎鵝肝肉餅、帆立貝黑松露肉餅、原隻鮑魚肉餅、足三兩花膠肉餅、芝士和牛漢堡肉餅等等。想食得有特式風味啲既，又可以揀老乾媽肉餅、泰式冬陰功肉餅、京蔥羊肉肉餅等等~ 另外，仲有多款有gimmick既新口味肉餅，例如好立克肉餅、咖啡煉奶肉餅、特式果醬肉餅等等。喜歡挑戰創新口味既朋友仔，不妨一試!…Read More

同媽咪係又一城行完街，突然好想食泰國野～就坐小巴落九龍城搵好野食今次揀左呢間由泰國人開既鱷魚泰國餐廳～真係無令我失望，試左四道餸都好好味😋而且價錢又抵！會再食～第一道菠蘿炒飯，買相已經好得！加上料好足～炒得好香，每粒飯都粒粒分明！而且用上新鮮菠蘿，好有泰國風味！第二道係我食泰國野必叫既生菜包～可選辣度～今次試左小辣，好惹味！配上新鮮爽口生菜，口感十足！值得一讚既佢用較小片既生菜，方便進食，唔會食得好淪盡第三道係沙爹串燒，至少叫半打，今次叫左豬牛雞各二。其實都幾大串，兩個人食可能會太多😂不過係食肉獸既我，完全無問題！因為實在太好食～燒得好香口但又唔太油膩～值得一試！最後我地仲叫左條香辣青檸烏頭魚，火爐慶住上，夠曬熱剌剌！酸酸辣辣咁，開胃之選！😋…Read More

有時午餐真係唔想食得太飽肚，因為番到office 下午好易恰眼訓～所以好多時我都會選擇沙拉黎醫肚～鰂魚涌最近開左一間新既餐廳，主打health chicken salad ，今日決定一試！嘩嘩嘩！估唔到佢咁大碟，女仔如果細食既，絕對可以同人share ! 呢個雞脾沙拉除左有一隻手掌咁大既雞脾，仲有大量沙拉菜、豆、粟米粒、蕃茄粒、洋蔥粒、芝士同埋一小份飯（有菠菜飯、蕃茄飯、紅米飯選擇）～醬汁方面亦有幾種口味選擇，老闆就推介呢隻白色既garlic醬汁，比較惹味！雞脾方面，肉質方面幾嫩滑，一啲都唔鞋，煎得亦好香口～真係估唔到沙拉都可以食到咁豐富🤣呢個沙拉一定唔係for 你減肥🤣🤣🤣除左沙拉，餐廳仲有pasta 、pancakes 、窩夫、咖啡等等，都好似好吸引咁！下次再試埋其他！…Read More

每次經過apm 都見好多人排隊，令我真係好想試下係唔係真係咁好食！試完之後，終於明白點解咁多人排隊喇🤣真係係我食過最好食既越南河！佢餐牌上可以選擇既種類其實唔係太多，但貴精貴多，每樣食物都好似好好味咁～最多人叫既就係呢碗綜合牛肉牛丸河～湯底真係無得頂呀！好清好甜但又會飲到好濃郁既感覺～牛肉方面就不過不失～牛丸就一定要試，真係好好好味，佢明顯地係真材實料既牛丸，好彈牙亦好有牛味～下次我一定會叫浄牛丸河，我要一次食晒5粒😂😂😂食牛肉牛丸都記得試下點埋甜醬同少少辣醬，味道會估唔到咁夾!…Read More

今次去到九龍城食野，準備食大餐。我一向好中意食泰國菜，令次來到都幾出名的金寶餐廳。一坐底唔係比佢既食物吸引，而是餐廳內有老世的晝像，畫得維妙維肖，都絕得意。講返正題，我地第一道菜係『冬陰功』，上菜前，侍應首先拎個細爐來點火，再上湯，確保唔會擺太耐而凍左。個湯辣得來很鮮味，似乎唔係用味精來煲，酸酸辣辣，醒胃之選。之後就係『生菜包』，我地叫左牛肉。肉碎又香又辣，食到上癮，而本身生菜都新鮮，而且仲洗得好乾淨。跟住來左春卷。春卷唔油，食多幾舊都唔會覺得成口油，而且脆卜卜，本人推介。最後試左碟馬拉盞炒通菜。食呢碟最怕廚師落得太多馬拉盞而令人覺得太咸，但呢度都就岩岩好，食多幾啖個人都唔咸到要飲水，所以係合格滿分。…Read More

今次我地來到觀塘試試隱藏係工廈的意大利菜，其實之前聽朋友分享過，一直都想食，令次終於有機會啦！話明GO INSIDE KITCHEN，就更係要行入少少先見到啦。餐廳冇乜太華麗的裝潢，但感覺好似返左屋企咁，唔似去所謂高級西餐廳咁局促，都幾舒服。一入到去，一陣濃郁的意粉香味令我十分肚餓，立即坐定定。令次試左佢地三樣野。第一味，就係溫泉蛋卡邦尼意粉。一上碟，果陣濃郁的忌兼味令人回味幾日，而且佢地煮既意粉剛好，不太軟，又不太硬。意粉非常彈牙，每一條意粉都有卡邦尼汁料，汁料可以說完全恰到好處，食起來唔怕濟。份量雖然唔多，但重質不重不量，少食多滋味呀嗎。我冇試過真正的意大利菜，但我覺得呢碟意粉絕對岩哂香港人口味。而我朋友就叫左個西班牙海鮮意大利飯。呢個飯都相當唔錯，先講配料，用上新鮮帶子，食落去冇一陣雪藏味，不過兩隻大蝦就好似煮耐左，好似好乾加上冇味。至於個飯，用珍珠米而且個汁好濃，岩哂我地呢Ｄ濃味人。另外，都叫左個小食，係黑松露蜜糖烤雞翼。其實都係得少少黑松露粉係雞翼上面，冇乜味。可能係蜜糖味蓋過哂所有，但都尚可接受。不過雞翼有少少血水，我就有少少反感。…Read More

咁岩朋友生日，而佢又中意越南菜，咁就試試呢間新派越南餐廳。入得THE ONE 既餐廳，係裝修上都有點心思。先係一個開放廚房，食客對廚房整潔一覽無遺。而食野地方，更係用心佈置，絕不馬虎。新派餐廳自然有新派餐廳既氣氛，起碼我坐係餐廳入面，都有一種好舒服既感覺先。而我地食第一度菜係＂牙快車＂，聽個名就唔知係咩，但其實係沙律，加少少甜酸醬，超級醒胃。係食指大動的情況下，再來小食拼盤，其中春卷外脆，更重要既係完全不濟，不過減緊肥既朋友都係少嚼就算囉！之後來既香茅燒牛仔骨，絕對係本人誠意推介。食牛最驚韌，但呢碟就完全冇呢個問題，而佢既汁更係野味非常，真係會食上癒！！到最後就來左個大蝦菠羅飯，即係菠羅炒飯上加兩隻大蝦，個飯炒的幾香，最緊要足料，每啖飯都會足夠配菜，絕不厄秤。最後點少得甜品，原本就一心想食心太軟，但遺憾一早賣哂。最後，我地簡左最簡單既焦糖燉蛋。不過可能餐廳始於唔係主打甜品，只能用不過不失來形容。…Read More

餐廳環境好舒適，有特式啤酒又有小食供應～唔太嘈好適合傾計飲下野～當然黎呢度晚餐亦係一個唔錯既選擇，menu既菜式以西餐為主~食材亦以新鮮、外地空運到港作賣點～不仿一試！前菜叫左個香脆粟米片，中間個杯其實似沙律多於醬汁，有菠蘿蕃茄洋蔥粒，酸酸甜甜咁拌著脆卜卜既粟米片好夾好開胃！跟餐可揀餐湯或者沙律，今次揀左沙律～新鮮既沙律菜拌醋再加莓同桃乾，好特別！好食！我叫既主菜係法式油封鴨腿配鮮橙醬，一上碟已經聞到好香，再加上賣相好吸引，急不及待要試一試喇！鴨腿肉質偏乾身同埋較咸，但配合埋個香橙汁同果肉一齊食就可以中和返！橙同鴨肉原來係可以咁夾！另外朋友叫左個穀飼牛法式薄煎餅～呢個可以話係必點！除左配菜紫薯蓉已經可以值得一試之外，個穀飼牛肉粒估唔到係咁好味，好有牛味好嫩口～加上薄煎餅同甜甜地既醬汁～難以形容咁好食😋意大利汽水（檸檬味）～好濃既檸檬汁😂👍🏻飲品推介呢杯100%真·果茶～有大量新鮮既莓係入面，唔太甜，絕對適合愛健康飲品既朋友仔！…Read More

喜歡食麻辣既朋友，除左雞煲，其實仲可以試下麻辣烤魚～小店式經營，店員又親切又有禮貌～雖然唔係咩特別裝潢既店面，但未食佢既食物已經好有親切感！今次試麻辣味，佢有大中小麻辣選擇，魚既份量都有得選擇，兩個人食小邊已經好夠～因爲除左食魚之外，可以好似雞煲咁叫火鍋材料打邊爐～講番條魚，魚肉好滑，尤其腩位，超肥美！好夠味！小辣對於我剛剛好，麻既程度適中，愈食愈想食😋叫左份芹菜加雜菇！加落去吸曬d汁，正！我個人認為必點🤣另外，除左火鍋配料，仲有其他小食～試左個蒜泥白肉～都好好味，蒜香夠曬之外，佢每塊肉都夾左片青瓜！又爽口又可以解油👍🏻👍🏻👍🏻…Read More

好姊妹生日，揀左間日式餐廳慶祝～環境舒適，如果天氣唔太熱，仲可以坐户外～今次我地叫左個二人餐，前菜有個蟹肉沙拉～超多蟹肉！芝麻醬汁，好開胃～之後就上五件刺身😋😋😋有海膽、劍肉腩、吞拿魚腩、甜蝦、三文魚～魚類都好肥美好新鮮！海膽味係偏濃郁個隻！所以一定要最後先食，如果唔係蓋過曬其他刺身既鮮味～本人最愛甜蝦!好甜好張口😋跟住就上燒黑松露雜菌～好多汁好香黑松露味！真材實料!最期待既海鮮拼盤🔥上碟，首先佢一盤上曬，然後有人幫你即燒即食！有生蠔、元貝、蜆、大蝦、鮑魚、蟹蓋，全部都鮮甜大隻～隻鮑魚仲識郁！好新鮮！重點推介，燒蟹蓋，裡面全部都係蟹肉蟹膏，拌一隻蛋加蔥花，再配小片薯片食，好食到癲左！另外仲有炸雞同烏冬！都係水準之作！呢隻櫻花味可樂，幾特別，第一次飲～好夠汽，但我個人覺得偏甜～不過可以一試，夠特別最後以一球柚子味雪芭结束呢餐！好飽好滿足…Read More

雖然多人又要排隊，又要搭枱又係露天茶檔，姐姐伙計們又唔係特別禮貌對待～但依然愛食佢既蕃茄通粉😂通粉既湯底係最濃郁既，今次淨叫一餸，蕃茄牛肉通～因為要留肚食脆脆😂 熱剌剌紅卜卜既湯頭，酸酸甜甜，濃厚既蕃茄味加上易入口既通粉，真係蕃茄控既最愛！今次叫牛肉，唔夠邪惡😈！平時叫餐肉蛋，簡直絕配！另外，我必叫咸檸七，佢既咸檸係特別夠味，夠咸夠酸！檸蜜脆脆，最少都要等10-15分鐘，記得落單個時叫定喇，食完通粉差不多可以食到！好香好脆！檸檬加蜜糖，甜甜酸酸，簡直係港式茶餐廳之最😂…Read More