酒肉仙人's Profile

午餐時間經過铺頭，見門面相片吸引，朋友話好食，於是買一盒推介黯然叉燒飯試下。 外賣盒好吸引，夠曬大，仲以為買了隻燒鵝。返到公司一打開。發覺盒燒味飯好精緻，叉燒同飯份量唔多，叉燒只有瘦肉，冇半點肥，肉質比較粗糙，蛋唔係好特別。係豉油比較出色。其他全部都好一般，真係冇下次。 食完今次後，依個飯可以改名為「黯然失色飯」比較貼切！附近幾間燒味飯店燒味都整得好過佢、物值高過佢，我都唔明點解朋友會話好食？！絕對低物值燒味👎👎👎…Read More

以前地鋪時候，價錢同食物質素都算抵。自從上樓後，就開始做高級刺生。但完全不是日本貴價刺生料子。食材其實現在好多地方都可以買到依個級數，刀功師傅唔差，但又未至於俾咁貴價錢食。…Read More

睇見好多人話品潮軒唔掂，的確係好事！因為唔使無位食飯！團年飯前一日，我叫朋友幫我訂了一隻豆醬雞，據講要用四小時慢火煮，令到啲豆醬入味，雞肉嫩滑。當晚我好多朋友都係第一次去，佢哋全部人都話隻雞好食，而排骨配料亦好入味。其實當晚係食蠔仔卷前菜，外面皮脆，裏面充滿肉汁，味道絕對不咸，有蠔肉既腥鮮味，正！鹵水鵝腸，掌翼同鵝肝，鵝腸肥美，掌翼好入味同淋，鵝肝非常嫩滑，老實講鵝肝好唔好，真係要同老闆溝通，佢話好唔通俾啲垃圾你食咩？！我哋之後再番飛「鹵水鵝肝，一樣咁掂！灌槳，我哋叫咗蘿蔔同芋頭，好清楚食到蘿蔔絲同肉，芋頭夠粉同香。蠔仔烙用汕頭既蠔。整體果晚大家都食得好開心，八個人都係每人二百幾。其實間鋪真係一啲都唔好食，大家千祈唔好幫襯！…Read More

星期六做完嘢，朋友極力推介到土瓜灣食廈門小食，我心諗有無咁巴閉，連我依一個嘴刁又要求多多既朋友都推介，咁我就即管試下。別到達後，第一個小食就係「土旬凍」，上面有啲燈色醬料，件食物灰色啫哩狀，有啲好似螺肉物體係入面，我問朋友係乜嘢嚟，佢話食咗先講，跟住我就試下啦，先試一啖，幾爽同有啲海水腥味，我諗應該係貝殼纇，幾有趣。好快食完，跟住我朋友就話係「沙蛆」，頂！唔怪得有啲海水腥味。不過又幾特別。後來聽老闆娘講，做「土旬凍」工序繁複，需要好多時間等沙蛆吐沙。凍章魚，餸酒唔錯！五香春卷，皮脆肉香。廈門春卷，用芹菜，蘿蔔，莞茜，砂糖，同多款蔬菜釀造。炸雲呑，幾惹味。…Read More