nmhpues's Profile

其實個標題已經寫到好明 呃到一次冇下次《超級差劣 要限時 落單亂 出菜慢 食物求其》開店咁耐經過多次，每次都好多人排隊試過埋去問諗住book 位，又要6-8人以上才可book今次中秋補假諗住早啲17:30去唔洗等位去到即有位，店員千叮萬囑1.5小時 要交檯之後問要咩茶俾個茶包你，自己拎住個茶包埋位沖水檯上自動注水個上水器壞嘅，所以只可以煲不可加水檯上餐具係唔清潔的， 匙羹明顯有醬汁未洗淨污漬由於限時關係就立即叫菜，點咗個優惠68元嘅咩鷄煲之後店員就話已賣晒… 就回佢「嘩…咁好生意？」店員回因為每日只出幾個，所以好快冇晒 (聽到咁樣真係知講咩好...“有啊…不過得幾個咋嘛”)之後改了其他菜式(其實個餐牌都冇乜嘢好揀)落完單，派返張點菜電腦單，菜式都落錯，要再改單乳鴿、伊麵、海味什菜煲、咕嚕肉●紅燒乳鴿$58/隻連頭一開5，皮唔脆，多油到可以倒出嚟●海味什菜煲$98有菜、粉絲、冬菇片、幾粒魷魚，勁味精湯●脆皮咕嚕肉$98 (有相睇)皮唔係脆，完全求其到，就咁倒落碟就算●蝦子山珍炆伊麵$118超級油，食完晒所有嘢，直頭叫埋單取消先至拎嚟以上完全屬實 (其實見隔離左右啲客人，他們見到間店食物及服務都反白眼)老人家成70歲，都要爆金句...「個伊麵等咁耐，個麵依家先去買呀？」「唔係唔想交檯俾你，而係你冇嘢俾我食」今次試菜經歷，真係要好好記錄，完全Black list 冇下次.…Read More

呢間酒店小編好耐以前嚟過幾次食晚上自助餐，每次都有唔同嘅人，有唔同嘅回憶。今次母親節訂冇訂到正日，因為第二日都係假期，所以訂咗後一日。訂位都係全部網上訂，除了用Openrice外，酒店前1日亦會發SMS過來，在短訊連結網站回覆確認，非常方便。電梯大堂以前放咗好多酒做裝飾已經冇嘞～ 可能多人提早10分鐘到場關係，所以酒店特別早些安排客人，在餐廳內的掃疫苗針卡QR位置開始排隊，而且好快就安排好位置俾各客人。可能疫情關係，食物款式唔算太豐富，但最少咩都有啲。冷盤魚生及海鮮都幾新鮮，而蟹仲有大量蟹膏。另外，酒店亦安排了每位客人都有一隻龍蝦，味道就一般，但如果想食生蠔就冇喇～中式湯內有花膠半粒及冬菇，味道就太重胡椒味及太多油了～ 媽媽飲西湯話裡面都有蜆肉都算OK。飲品都係咖啡檸茶檸水自己搞掂嗰種啦～自助餐通常有個煮粉麵嘅地方，呢到就分了兩個，一個係平時一般見到似車仔麵嗰啲，另一個就係煮意粉及伊麵，最驚喜係有龍蝦鉗伊麵，有分上湯及芝士，試咗個芝士味道OK，但個汁就太悕唔太掛麵。而甜品款式一般，味道都算幾好～ …Read More

小編日前同朋友嚟Café 下午茶，因早前來過一次食晚餐，覺得都OK，而且今個月Café 仲有特別主題佈置，所以就在Openrice Book 位。Café 未有電話Confirm，電話又打唔通，擔心冇咗張檯，所以到咗當日就提早少少直接落去Café confirm booking 喇～ Café 有兩個舖位，原本係打通，近期就封咗，而小編就去咗女人街嗰邊嘅門口，入去搵店員Confirm booking，好彩店員通知Openrice Booking 如果已收到Email 確認，就係即是Confirmed～小編個心立即安樂晒～由於Café 有特別主題佈置關係，入到去冇幾耐，發覺已經全場都打成一片，不停影相打卡～ 而小編都唔例外😅 但都因為時候唔早，所以都叫咗啲嘢食，同朋友一齊分享咗先～小編Order 了兩個下午茶餐，卡邦尼扁意粉及煙三文魚凱撒沙律，兩個人開心Share 有蔬菜又有主食剛剛好。意粉軟硬適中味道香濃，而沙律除咗個碟型吸引，煙三文魚及蔬菜都新鮮美味。朋友仔就Order了柚子Espresso Tonic，小編就飲抹茶Latte，抹茶Latte 味道都尚可，如抹茶味再濃些就更加好了～最後就係甜品時間，由於係連晚餐食關係，所以就Order 全份嘅80後黑糖麻糬窩夫。小編對士多啤梨醬嘅嘢一向少食，但今次出奇地居然會覺得好好味，窩夫外面少少脆口，裡面鬆軟夾住黑糖麻糬，入口煙韌鬆化感覺特別，加上新鮮士多啤梨、焦糖香蕉及藍莓，配上醬汁及雪糕，味道剛剛好甜而不膩。餐廳差不多夠鐘要關門，店員都好好俾少少時間小編拍攝，而且查詢資料時，他們都好樂意回答👍🏻…Read More

小編雖然有出去試新嘅小店，但好耐都冇Update過照片或食評了。今次呢間特色精品Café，小編要化身成小粉絲帶埋小嘉駿去打卡😝剛在早前3爺(郭嘉駿193)連同幾位中學時代相識嘅好友，於紅磡開了間特色精品Café (Tanuki Coffee)，招牌Logo 及吉祥物都是用了日本狸貓設計，店內擺設吉祥物就用了3D打印技術及鮮明嘅黃色設計，擺放在店內不同位置非常顯眼。Café 空間利用了CNC技術，製造多個洞穴燈凝造太空艙天花，加上開放式特色設計，令人身處太空艙浮游感覺之餘，還可以好Chill 咁喺室外嘅陽光下，在綠柔柔草地中享受咖啡遠離煩囂。打卡同時亦可留意下店內選用的𥖁，細緻度也很高，全是本土出品人手一塊塊鑲嵌，真的是一絲不苟。Café 是用世界階級，咖啡店罕用的三個沖煮頭咖啡機。除了多款精品咖啡外，還有提供咖啡豆及不含咖啡因飲品，配合到不同人士需要。店內最Signature 是限量食品“Brunost Cheese Croffle“ 及 “Super Rich Cocoa“，而“Brunost Cheese Croffle“是用香港暫時未有供應商代理的挪威特產芝士製成，所以暫時只能限量供應，先到先得，味道要賣個關子，等大家親身去Café 試吓喇～小編要介紹是另一必食推介“小龍蝦沙律Egg Drop“，雞蛋下面成小粒狀嘅小龍蝦份量十足，麵包外脆內軟，加上生菜配合埋醬汁，上面灑上少許香草調味，味道非常香口滋味。小編為配合市民郭先生代3爺轉達10mins立食呼籲😂，及讓出坐位給在場排隊支持人士，所以開張當日堂食快快享用完，就帶住小嘉駿四處打卡了。另外，也外賣了Scone 及Bagel 兩款食品帶走再回味。外賣盒中間設計了虛線，沿虛線就可輕易分開，變成兩個食物碟可以開心Share，設計非常貼心。Café 開張當日還推出了多款期間限量精品，而且好快就全部售罄。不過Café 也會繼續再推出不同精品，到時就可以繼續買繼續嘆咖啡嘞～…Read More

今日小編晏咗放工，冇時間去買嘢返屋企煮，之後出咗去麗閣邨搵食。其實麗閣邨翻新裝修後，加入咗好多新元素，多咗好多食店，令多啲後生一輩去消費，增添多啲生氣，唔好令到條邨變成個老人邨。麗閣邨商場內外都有多間食肆，泰日中西任由選擇。商場內有個 Food Court，都有十多間食肆。今晚揀咗呢間森記粥店試吓，粥店內油炸器差不多賣晒，但見到個煎堆係圓圓地形狀，唔係完全扁晒落嚟。之後，叫咗個碎牛粥及皮蛋芫荽腸粉，等咗一陣就做好了。個腸粉係即蒸嘅，一夾開就聞到陣芫荽香味，夾埋皮蛋嘅味道，幾特別味道幾好。而碎牛粥一用匙羹拎起，就知道呢間粥店好細心。一般九成粥店嘅碎牛粥，都係預先將碎牛放入碗底，再放入味粥，加上花生及葱碎。但森記粥店是碎牛同粥混埋一齊。顧客食每一口粥，都會食到粥入面混咗嘅碎牛，呢一點多數只在家內煮的粥才會咁做，所以呢碗粥食得出有細心，同感覺到好似屋企煮嘅粥。👍🏻😊…Read More

小編好耐都冇寫食評，但今次食完餐飯後 ，決定要寫返編食評。黃大仙豪苑嗰邊，其實都有另外一啲酒樓，但見到京都酒樓門外，十元隻飛天雞，加上兩百幾元個龍蝦伊麵，有點兒吸引，所以決定入去試吓。酒樓環境都OK，坐位唔會太迫，入到去見到有個超大屏幕。點咗龍蝦伊麵🦞、飛天雞🐤、兩個燉湯、粉絲海鮮什菜煲🥗。龍蝦伊麵冇加芝士，🦞龍蝦及伊麵都好夠味，伊麵唔算太乾，不過如果加芝士🧀會更惹味。飛天雞要非常讚賣相特別，酒樓有細心預先安排手套🖐🏻及剪刀✂️，熱辣辣用手撕開食，真係另有番風味。🐥雞皮非常脆口，雞肉嫩滑，特價10元隻非常超值，1-2人叫一隻，人數多可以叫兩隻。燉湯三十八元，有原隻鮮鮑魚(有殼)、淮山、雞腳、魚肚、杞子、豬肉，味道好鮮唔太咸。粉絲海鮮什菜煲睇相片，意為一般酒樓貨色，原來係一啲都唔差，88元非常值得，海鮮非常新鮮，完全唔會跟一般酒樓咁，得返粒仔啲黃色縮水帶子，🦑魷魚及蝦🦐非常彈牙新鮮，唔似用雪藏貨，有不同種類嘅菇菌，仲有菜心、西蘭花、白菜三款蔬菜🥦，加埋小朋友喜歡嘅蟹柳，味道鮮明唔太味精。職員服務都幾好，換骨碟都幾密🍽，查詢餐牌內容有細心講解。晚餐可以再來試其他菜式(掛住食冇影太多相片🤭)…Read More

除了新一代青年人外，不少人九龍東人都會認識官塘巴士總站隔離嘅粉麵街。G字頭嘅店舖，原先係一間百貨店，店舖裡面有好多化妝小姐，當時官塘真係好旺，用繁榮呢個詞語都好適合，店舖隔離行仔行入去就係大家所講嘅粉麵街。粉麵街成條行都係賣粉麵，由街頭行入去就係間小書店，有好多人買完書，就會行入粉麵街到食返碗麵，立即睇吓剛買嘅書。粉麵街除咗做街坊生意之外，仲有不少由官塘工業區過去食嘢嘅食客㗎~而小編呢就最喜歡去粉麵街入面一頭一尾嘅粉麵店喇~ 其實唔講大家都未必知，其實頭尾兩間店嘅老闆係兩兄弟嚟㗎~ 自從粉麵街拆咗，有不少都結業冇再做落去，而呢間東記就係粉麵街中，喺書店旁邊嘅粉麵店，街尾嗰間粉麵店，就開咗喺瑞和街街市附近。其實東記喺搬遷之後，小編喺好多年都搵唔返，就喺今年新年時，終於俾小編去搵得返，仲得悉街尾麵店搬遷後位置㖭~店內嘅實心木凳，天花嘅吊扇，加埋支裝汽水，真係好懷念啊… 小編叫咗喜愛嘅牛筋牛肚米，牛腩汁嘅湯底加上蔥花，味道更加香同好味。牛筋夠淋而不散欄，牛肚好入味，米粉煮得軟硬恰當，整體都好好。…Read More

16座車仔麵係以前舊秀茂坪16座，令小編想起小時候喺藍田住嗰陣，喺大排檔食嘅車仔麵，以前舊式嘅公屋係以坐數嚟分嘅， 16座剛好就係小編喺藍田就讀嘅幼稚園嘅位置，所以對16座非常之有親切感。食店嘅裝修都有用返舊日公屋排檔設計， 大黑板旁邊嘅傳遞食物窗口上面， 16座字眼嘅設計係昔日公屋大廈外牆嘅模樣，真係好令人懷念~嚟到食車仔麵，揀嘅餸一定唔少得，豬紅、豬皮、豬腸、蘿蔔… 豬紅嘅味道值得一讚，去咗咁多間嘅車仔麵，暫時只有16座呢度最好味 豬腸、豬皮、蘿蔔都好入味，蘿蔔炆到好淋。金沙青係每日限量嘅，味道好好肉質好淋。雞翼都炆到好淋好入味，肉質嫩滑。豆漿味道好似維他奶。牛腩汁湯底都非常之好。…Read More

小編呢一日同媽媽去鳳凰村買餸，媽咪話要買餸之前食下午茶，之後就嚟到呢一間好似餐廳嘅粥店，呢度有粥粉麵外，仲有茶餐廳嘅飲品，同埋甜品㖭~媽咪好鍾食熱嘢，所以佢下午茶都叫咗碗粥食，所以媽咪身型咪…花師奶咁囉~ hehe…媽咪二話不說就叫咗碗粥食，而我就叫咗碗糖水同埋炸兩，媽咪食得太快喇~ 手機都準備拎出嚟影，已經開波食咗一半… 偷食咗媽咪少少粥，粥嘅味道好綿。綠豆沙豆煲到已經起沙，同埋海帶嘅味道好出。炸兩粉皮唔太厚都幾滑但落晒豉油，油炸鬼就變咗冇咁塞喇，屋村都算好味嘅~…Read More

小時光係一間台灣食店，入到去裝修到好似一間學校咁，周圍都放滿咗書(漫畫)，還有好多懷舊嘅物品，如電視、梳化、枱櫈… 全部都好似學校咁~ 食店設計有兩層，而我哋就被安排咗喺樓上嗰層，上層嘅光線較為充足，裝修亦都係學校嘅設計，樓梯旁邊仲有一啲台灣物品出售。點餐方面係要到樓下嗰層去買票，等到號碼機響先去取餐，點餐位置擺放咗好多長頸鹿好得意~小編叫咗台式養生藥膳排骨飯及蜂蜜綠茶，食物方面都好有台灣同埋學堂嘅風味，個餐除咗有餐前小食，仲有生果㖭~ 而是日嘅生果就係黃皮。蜂蜜綠茶都好特別，用實驗室個樽嚟裝茶，而珍珠係蜜糖嚟嘅，亦都係用實驗室嘅 杯嚟裝，感覺好似返學上化學堂咁。養生藥膳排骨飯排骨好難咬，可能同埋藥善湯一齊煮得較耐，湯嘅味道唔錯，好有藥材嘅味道。其他同事都覺得呢到裝修好特別，同埋食物幾好味~…Read More

鴻師父呢間食店，喺好多地方都有好多分店，小編今次嚟到旺角新商場 ( 即係舊嘅工業貿易處 ) 地牢嘅 food court，見到有間鴻師傅，小編未試過，所以就試下啦~小編諗住用電子點餐機點餐，因為唔想要飲品，只是想飲老火湯，點知點餐機不能選擇冇飲品嘅，最後都係去咗櫃檯付款處點餐…… 小編叫咗蟲草花蒸雞，配咗個老火湯。蟲草花蒸雞，整體味道尚可，蒸雞肉質不太韌，但係蒸雞有有好多油，怕油嘅人士要自行選擇喇~ 老火湯幾好，足料好好味~…Read More

小編約咗幾位知己朋友，諗住去旺角附近的餐廳聚舊一下，我哋係喺openrice裏面訂枱嘅~ 當中因為朋友公司要開會及天氣因素，已經改期改咗起碼三次。 喺openrice訂枱之後差不多到訂枱日期，餐廳沒有員工致電過嚟confirm，餐廳非常之細心有禮，會問客戶有冇食物敏感，同埋有咩特別嘅要求。加分小編訂咗六點半嘅時段，餐廳位置都好開揚，坐位都隔得好開，好有私人空間。店員俾餐牌我哋選擇食物，仲自我介紹自己叫咩名，仲話有啲咩需要，可以搵佢哋幫忙。喺香港好少有餐廳，有員工會自我介紹自己叫咩名俾客人，呢樣令我覺得好親切同特別，加分牛肝菌泡沫濃湯，泡沫係用北海道牛乳打成， 牛肝菌味道香濃，湯仲有粒粒嘅質感，好好味。鮮海膽蟹膏蕃紅花手工義大利麵，海膽好新鮮，加上蟹膏同埋番紅花，味道更加香濃好味 ，店員仲細心提醒我哋，要盡快品嚐，因為海膽係屬於刺身，所以盡快食較好。加分香煎海魚柳，魚柳煎得非常香脆，魚肉非常嫩滑。黑松露野菌闊條麵伴溫泉蛋，味道非常出色，黑松露加入野菌，味道更加香濃，美味~😋…Read More

小編嚟呢到旺角行街，見到有架巴士設計嘅食店好特別，所以行埋睇下有咩新嘢啦~ 發現原來係梳乎厘~ 食店嘅設計遲一架黃色嘅校巴，加入了Snoopy 及 其他卡通裝飾，好似返緊學去零食店買零食咁啊…Y(＾_＾)Y食店除咗有梳乎厘之外，仲有飲品、冰沙同埋雪糕，食品都好有日本風味，有用咗青森縣嘅蘋果汁及百年之蜜嘅百年之蜜蘋果汁、彩雲朵冰沙及日本3.7牛乳雪糕。小編叫咗抹茶梳乎厘，同埋原味梳乎厘加雪糕，原味梳乎厘好香，味道好好，質感好鬆軟，雪糕非常之軟滑。抹茶梳乎厘味道好好，抹茶味道清香，小編較喜歡抹茶味~食店對開係一個掘頭路，所以好少車輛，可有大啲嘅地方等候及享用美味食物~😋…Read More

小編喺公司附近搵食，嚟咗一間門口好特別，放咗好多書嘅餐廳，門口放有個木箱，上面寫住“二牛書籍交換平台，行動一：放寸想跟別人分享的書籍，行動二：把喜歡書籍帶回家“，俾小編第一個印象，覺得呢間食店做緊件好環保事情，食物應該都唔會太差的。呢到餐牌上食物選擇不太多，午餐有3款，但飲品就有好多不同茶選擇，有伯爵茶英式早餐茶、茉莉綠茶、雜莓果茶、薄荷綠茶及玫瑰雲呢拿茶……小編叫咗白汁龍脷柳扁意粉，配羅宋湯及有機沙律，魚柳唔太乾，扁意粉煮得唔太硬幾好。沙律係黑醋加上羅馬生菜及青瓜，健康清清地都不錯。…Read More

小編嚟到呢荃灣行街，由於行到已經晚上九點幾，周圍食店都開始執嘢，經過呢度發現仲有人食嘢，又有好多位，所以就走咗入嚟搵食喇~入到去環境都幾舒服，坐位之間都好闊。食物方面叫咗個菠菜汁龍利柳闊條麵、法式薯蓉焗田螺，仲叫咗一個細 Pizza。好耐冇食過薯蓉焗田螺嘞~ 芝士味道好香， 仲可以拉出長嘅芝士拉絲~ 闊條麵味道幾好，魚柳不太乾。Pizza 厚度適中，個底好脆，蕃茄煱出嚟嘅醬汁，加埋菇及青椒令 Pizza 味道更加香濃，而且 Pizza 份量剛剛好，夠兩個人食。😋…Read More