yuenandyuen's Profile

疫情關係成日嗌food panda, 想食韓國野既話首選一定係呢間～唔好搞錯第二間呀，因為北角有兩間韓味屋。🤣嗌咗海鮮蔥餅，非常足料，海鮮佈滿塊餅。雖然嗌外賣，但送到過嚟都仲係脆口～好大份～相當好食！另外點咗炆牛肋骨定食，個牛炆到好淋，好重牛味。個湯就唔係好濃味，但overall都好好食，撈飯食一流～每樣食物非常大份，兩個人嗌兩樣野都食唔曬，淨係叫個定食都夠兩個人食飽🤣好抵食呀！一定會再嗌👍👍…Read More

疫情關係成日都要食外賣，呢間既外賣真係超水準～～咸蛋黃薯條勁香口，食唔停，份量亦好大。好出色，必嗌！帶子雲吞都好好味。帶子好大隻，有咬口，芝士醬汁好香濃，雲吞亦好煙韌，非常好食。carbonara 其貌不揚，但見好多人推薦都試一試啦。估唔倒都整得好好食，非一般港式西餐廳既質素，意粉有咬口，個醬汁都好好味。明明唔係嗌餐都送咗兩個湯比我地～～好窩心～食物質素好好，服務態度都好好，難怪咁多生意。等外賣唔算耐，三個字就齊啦，一定會再嚟幫襯👍…Read More

有水準既墨西哥餐廳👍👍價錢亦唔貴，一定會再嚟～未行入去已經比門口吸引，擺設裝修都好有墨西哥特式，感覺好chill~嗌咗一個必點既pork nachos！唔似平時nachos一大盆要畢嚟畢去，而係一塊塊，每塊都好足料，芝士味濃郁，非常好食！只係略嫌醬料唔係好夠～另叫再點咗roast beef quesadillas，相當香口同足料，好好食～二選一既話都係nachos比較出色。下次再嚟要試埋佢個brunch menu，同埋試佢d飲品！…Read More

帶狗狗去打咭既新熱點~環境係幾靚，成間都粉紅色亦好多花既佈置，仲因為k11 musea可以帶狗狗去既緣故，門口有一張枱可以同狗狗影靚相。但食物實在麻麻地，價錢亦唔平，影相打咭既去一次就夠啦。明太子雞翼，但無明太子味，當佢只係辣雞翼都好ok既。明太子素麵，又係無明太子味，唯一就個炸物炸得唔錯。最好食既無影到相，炸蝦三文治同番薯條～店員服務態度麻麻地，亦因為坐門口既關係，揮極手都無人理我地。好難先叫到店員，但佢好似好趕好唔耐煩咁。overall整體唔差既，打咭都不坊一試～…Read More

難得一遇高水準既dog friendly餐廳，一定會再去~叫咗個2人餐，只係488，有湯/沙律，一個小食，兩個main，兩杯野飲，同甜品。果日太肚餓，全部嘢食都食左一半先醒起要影相🤣蘑菇湯好足料!一炸起就上菜，熱辣辣又夠脆，咬落仲好多肉汁，非常好食。蟹肉意粉好足料，食落好鮮味，極力推薦｡另外羊排青醬意粉都唔錯，值得一讚嘅係個羊煎得好好。甜品就不過不失｡因為帶左狗狗去，只能講坐室外，風扇略嫌唔喺好夠強，但overall都坐得好舒服。店員服務好nice，仲請狗狗食蘋果~另外呢度亦都好多手工啤酒，帶狗狗可以chill 成晚😄…Read More

見到openrice book枱有七折，馬上試試。七折後連加一，人均350任食和牛、黑豚、海鮮（包括蠔、帶子、蝦）。食物質素非常好，嗌第二三碟d牛都係咁靚，海鮮都算新鮮。飲品好多選擇，連罐裝番石榴汁都有，生啤38蚊一杯，價錢合理。好怕任食邊爐，連另外再嗌啤酒都無得嗌。服務態度非常好，姐姐地好殷勤地幫你追order。唯一麻麻地係湯底唔夠濃，好彩嗌咗雙拼，成晚不停只係淥番茄湯。overall都食得好開心，一定會再來😆😆…Read More

想去九龍城食泰國野，但唔想又食小曼谷，見呢間open rice d comment唔錯就試下。好不幸食完當晚即刻瀉，即情要飛車翻屋企個隻，女朋友第二朝亦肚痾。野食都好多味精，我地翻到屋企飲咗幾杯水都仲好頸渴。話就話唔加一，但五道菜兩杯野飲，加埋都要六百蚊。咁既食物質素，唔會有下次了。生蝦，極大機會係因為呢個肚痾。冬陰功最正常。馬拉盞炒菜，都係唔香的。軟殼蟹咖哩，咖哩還好， 蒜蓉包都夠脆，但個主菜好唔掂呢！軟殼蟹唔熱唔脆，明顯反炸，收成百幾蚊，比小小質素好無呀？！蝦餅，完全無蝦味，我以為自己嗌咗魚餅呀大佬。突登揸車去九龍城，又唔好食又貴又肚痾，灰。…Read More

已經晚上八點幾先排隊，都排左九個字，但咁樣排法再加上佢人頭費要成一百蚊，都食唔到日本天婦羅既感覺，係五成都無，所以有小許失望。嗌左一份海老穴子天丼，天婦羅無得另上，上來時已經落曬醬油，所以好快d天掃羅已經唔脆.....另一份揀左天婦羅定食配冷烏冬，會比較推薦呢款，因為食到最後一舊天婦羅都還脆。天婦羅既炸粉唔算厚，但絕對唔係日本個種好薄、會溶既感覺，另外蝦本身亦唔夠鮮味，只有穴子有d驚喜。感覺同係香港高級小小既居酒屋既天婦羅差唔多，除非唔使排隊，否則都唔會encore了。…Read More

食過日本既美登利一次，每舊壽司都入口即溶，非常新鮮，所以都好期待佢黎香港開分店。岩岩開張頭一個月都好多人等位，攞飛要等起碼50張枱，根本無可能等倒，但尋日晚上八點倒竟然唔使等位，兩個人仲可以坐四人枱，懷住興奮心情衝入鋪頭。d set其實唔係好抵，計落條數同散嗌差唔遠，但又好肚餓，基於佢無乜熟食，所以我地散嗌左十款壽司。用料好足，魚生很新鮮，個人覺得比千兩好一點，但個飯真係好唔掂、好散，直頭好似大排檔嗌碗飯咁，扣曬分。除了三文魚 (HKD18)、玉子 (HKD10)、吞拿魚腩軍艦 (HKD15)同大赤海老壽司 (HKD25)既CP值較正常，其它都唔值呢個價錢。我會寧願食青衣城樓上既漁釧..佢個吞拿魚set性價比高得多..比得呢個價錢，最嬲唔係舊飯，係服務！已經唔係坐滿人，個堆侍應背對住九成客人，躲一角傾計，嗌加茶嗌左三四次，唔大叫既話淨係舉手係無侍應會理你，離曬大譜。比壽司又唔跟wasabi，問侍應攞佢問翻第二個人wasabi擺係邊。成班侍應發曬夢，好激氣！唔使排隊可值一試，但之後我會食翻漁釧或平平地元氣。…Read More

夜晚9點先搵野食，見好耐無食過大排檔，所以去咗街市搵野食，見到呢間咁多好評，諗住無死，點知好伏！！！伏一：咩都賣曬！！！明明開到凌晨，我地9點鐘坐底，無幾耐已經即刻落單。落左單五分鐘之後，同我地講其中一樣，芥蘭賣曬，咁我地轉通菜啦。再隔多十分鐘先同我地講，通菜又賣曬，唔止添呀，連第一次落單個幾樣，包括椒鹽九肚魚、蒜香蟹飯，全部都賣曬呀！賣曬唔係問題，但你早講呀，隔左十分鐘先講，又講d唔講d，吱牙膏咁，離譜！！！想食既全部都無得食，又黎曬野飲，迫住要係度食！伏二：零鑊氣！！！食大排檔都係貪d野食夠鑊氣、夠惹味，sorry呢間大排檔完全唔合格，我試過咁多間最差既，建議大家去食陳根記或妹記！椒鹽豆腐，無錯係外脆內軟，但無味既，必須要夾住d椒鹽一齊食。茄子煲，非常令人失望，點解！！！點解d料望落去咁足，但食落口完全無味，一d都唔香口！！！擺明求其用水煮熟左，扔落個煲度！同樣地，蜜汁豬仔骨都係咁，豬仔骨剛好熟既，咬落滑身，但無味！點左d蜜汁一齊食，都只會一入口個下有蜜汁味，咬多一啖已經無曬味！好灰咁同職員講，佢竟然話而家要食得健康d，少油少糖少鹽，喂我要健康去左你隔離鋪食素啦！無心煮就無心煮啦！仲咁多籍口！食到一肚氣！唔知d好評係假既定點，同層其他檔唔係特別少客，唯獨呢間特別多like！唔值得去，想食中餐，不如去大快活大家樂好過啦！難得既weekend，難得既同女朋友拍拖，咁就浪費咗啦！…Read More

女朋友落order要食上海野，一search openrice都係d連鎖店，難得見到有間排名都幾高又新開既鋪頭，即刻起行揸車過海去北角！未夠七點已經要等位，好彩都唔係等得太耐！但想嗌28蚊乳鴿已經賣曬了，下次要早d黎！味道：兩個人黎，咩都想食，嗌到要take away，佢每樣野都好大份，個前菜比我想象中多左double呢！首選賽螃蟹春卷！好足料，而且春卷非常脆，實在好好味！次選小籠包，湯同肉都有鮮味，個皮唔厚，做得相當好！其他食物排名不分先後，都係做得唔錯但唔算好突出。擔擔面：好香口，d面係滑身且彈牙！但略嫌唔夠花生味。口水雞：d雞好滑，有成十幾件，相當抵食，但對於我黎講有d太辣。XO醬炒椰菜花：椰菜花有d太淋，但個醬夠香可補救。西湖藕韵：個味係好食既，但切得太薄，d料一夾就跌出黎。最後有一道菜唔會再點，就係熏蛋，煮得太熟又唔入味，好似水煮蛋咁，唔合格！環境&衛生：新開既所以d野都好乾淨，餐廳好大，d位都坐得幾舒服，細心睇d杯杯碟碟全部都有襯過色，好有心思既一間餐廳！服務：服務好好，雖然人多，每個職員都好忙，但仍然很好服務態度！抵食：兩個人嗌到攬住個肚，先至$381，物超所值！…Read More

原本想試天丼，但太多人啦！見到呢間日本野唔使等，一於試下啦，結果有驚喜！絕對會encore!首選吞拿魚壽司拼盤 - 本鮪魚盛13件！$380有十三件，唔計d卷都有十件，食落入口即溶，超值！次選燒日本蠔，原本想嗌大蜆，但賣曬，不過隻蠔都有驚喜！燒得岩岩好，唔會太乾，而且好鮮味。其他就一般般，average水準，價錢亦合理。唯獨個西享燒有d overpriced，menu圖有三件，waiter已講明會係一件大份上，但黎到既時候都覺得偏細條，唔太值$168。一定會再黎，食物水準唔錯，坐得好舒服，職口態度亦好好！…Read More

聖誕節想搵一間環境唔錯既餐廳，見有海景所以就試下佢個Christmas menu，好失望，唔會再黎。味道：得麵包同sorbet 係OK，其它都好難食，呢個價錢黎講好失望，食MCD好過。Black truffle pasta同beef wellington完全無味，個牛生到切唔倒出曬血.....連甜品都食唔落口，個雪糕藥水味，配料又超酸。環境&衛生：非常一般。服務：Christmas要全數落訂，連訂金都計錯數。抵食：Christmas預咗咩都貴，但我諗我寧願100蚊食一個MCD餐囉，呢個5 courses (成$700) 衰過5個MCD sets，真係好唔值！…Read More

想帶埋隻狗去BBQ，見呢間環境好似唔錯就試下，比想象中乾淨，一定會再黎。食物：食咗牛柳粒、雞翼、豬頸肉、粟米、茄子、蝦、帶子。全部都幾滿意，牛柳粒加鹽會好味d，要另外問職員攞。推薦豬頸肉同帶子。有d食物餐廳無提供，包括麵包同綿花糖，有幾枱客自備麵包黎燒。環境：未試過BBQ有咁大地方，每一枱都隔好遠，而且非常乾淨，落雨都唔怕有好大把遮。得兩個人都有比好大地方燒，一個大爐另有一張細枱，眼見都有幾枱情侶兩個人去。另有免費泊車，很方便！服務：幫你開爐、加炭、送食物黎，服務好好。衛生：肉同海鮮都係真空獨立包裝，唔係一般BBQ場一堆肉咁由你夾，very impressed!抵食：Per head大約$2xx，very reasonable…Read More