johnleung918的個人專頁

兩個月前, 在openrice上看到浜燒大將的食評, 單看圖片已覺得十分吸引, 最重要是看到浜燒二字, 浜是指海邊, 燒當然是爐端燒, 兩字加上來就是把海鮮即捕即燒, 亦即新鮮的代名詞. 據說餐廳大部份材料每日由日本空連到港, 確保新鮮居酒屋的格居, 牆上掛滿了menu, 很有日本feel每張枱上都有一個小爐用以燒烤 很有霸氣的制服基本上燒的過程會由店員代勞, 除了味覺, 還可享受燒烤時的嗅覺, 及看著貝殼類在面前慢慢打開的視覺享受,  思前想後, 6個人最後決定柯打3個2人餐, 相比起散叫, 套餐真的抵得多2人餐為$679 有沙律4選1小食炸八爪魚炸八爪魚炸得香口, 薄薄一層粉, 咬下去吃到八爪魚應有的彈牙, 但不會韌, 個人認為十分出色燒物方面有浜燒大蜆(2隻) - 大蜆鮮, 蜆汁甜, 可惜每人配給1隻, 意猶未盡浜燒活榮螺(2隻) - 店員細心教導要由尾部的內臟先吃, 再吃肉, 最後再把湯汁飲光, 不過內臟部份十分甘, 未必人人可接受浜燒活扇貝(1隻) - 扇貝肉亦很鮮, 燒完後店員會把扇貝切粒享用, 不過美足不足是店員在燒的時候把大部份的汁都倒掉, 以加入自家醬汁同燒, 不過燒海鮮時的汁是精華所在, 倒掉未免太浪費了日本產原隻生蠔 (2隻) - 蠔的質素較為參差, 我的蠔明顯過熟, 上枱時已經縮水了, 蠔汁亦已一滴不漏蒸發了 T_T 吃起來很老很韌, 最可惡是朋友的生蠔燒得剛好xD, 仍然是脹卜卜的浜燒松葉蟹腳 (2條) - 蟹肉很鮮, 尤其是蝦蟹類在燒烤時的味道真是香得不得了, 在吃之前已經完全滿足了嗅覺, 加上蟹殼的鮮紅, 完全是色香味的體現其他燒物有燒吞拿魚頰 浜燒日本香腸(1串) - 不像台灣香腸充滿肥肉, 肥肉和瘦肉的比例平均, 燒得卜卜脆, 充滿肉汁, Oishii~~~冬菇串燒南瓜蕃薯魷魚 / 鬼殼大蝦 / 花魚 / 燒吞拿魚鮫 / 池魚 / 金目鯛 選一當晚選了大蝦, 花魚和燒吞拿魚鮫大蝦不敢恭維, 肉有些散, 不像新鮮貨色 花魚是第一次吃, 份量很多, 相對較抵食 xDD, 表面燒得香脆, 裡面仍然很嫩滑燒吞拿魚鮫份量同樣很大, 而且充滿魚香飯類有雜錦貝螺釜飯 / 清湯大白蜆粥選一雜錦貝螺釜飯 有蠔有蜆, 味道香濃但個人較喜歡清湯大白蜆粥, 只有1隻大蜆, 不過蜆的味道完全滲入粥裡, 使粥多了蜆的鮮甜, 層次立即是升了不少要概括這頓晚餐, 相信只能用'鮮'吧! 以浜燒大將的質素, 相信我在短期內會再去的!!…查看更多

同一個比較耐冇見過既朋友食飯 揀左呢個日式西餐廳特製煙肉甜粟卡邦尼意粉 $65個汁算ok, 不過我覺得有啲太淡, 卡邦尼應該係蛋加芝士汁, 不過呢個汁唔算濃, 芝士味亦唔太出, 只能算係so-so既fusion菜, 不過粟米真係幾甜芝士忌廉全洋蔥蝴蝶粉 $69洋蔥鮮甜, 面頭有唔少芝士粉, 所以比卡邦尼更重芝士味, 汁雖然杰, 不過配上細細粒蝴蝶粉, 啲汁可以完全上晒意粉, 個人認為比卡邦尼做得更好風味炸雞 $39好好味, 調味唔重手, 最重要係炸得非常好, 表面香口, 入面好Juicy, 一點都冇過火香脆金黃牛小排 $99全晚最貴, 不過最遜色, 牛排炸得過火, 變得太韌, 個汁亦太杰, 變得有啲似啫喱總括黎講, 食物未算十分出色, 但考慮到價錢, 其實個性價比都算好高. 始終將呢間平均一碟意粉紅$60-70既餐廳同其他相對地高級既餐廳黎比較 對佢實在唔公平…查看更多

朋友想食Light野, 諗起最近新開既日本Style酒吧Sowelu.餐廳唔難揾, 到達後獲安排坐一張角落6人枱, 自成一角.仲有朋友未到, 所以諗住叫啲小食食住等, 叫了炸雞翼及Cheese Platter, 等了很久.... 30分鐘後朋友到達後枱面也未有任何食物. 催了幾次後, 侍應終於給我們小食 (不是應該一早就有的嗎?)總共等了45分鐘後, 炸雞翼終於到了! 炸得十分香口, 黑椒汁十分惹味 (由於太肚餓, 所以冇影相就ko了) Four Cheese Pizza亦十分不錯, 餅底很鬆軟, 不過不似之前的食評有那麼多芝士, 如果再多一點芝士, 應該能更香, 更好吃意粉揀了一個未見過的 (忘記了名字, 是在意粉類中最底的那個), 外貌有點像泰式金邊粉 xD實際是Napolean, 意粉煮得Al Dente, 彈牙有嚼勁, 不過汁有點太酸再三催促後發現一開始叫的Cheese Platter侍應忘記了落單Mozarella及Camembert都不算好, Parmasen總算合格. 不過最不滿意的是Cheese Platter居然没有Cracker?! 是我太孤漏寡聞嗎?當晚仲試了Frozen麒麟啤, 有一層綿密的泡在上面, 一來可以保持啤酒温度, 二來可以防止啤酒跟空氣接觸而氧化, 影響了啤酒的味道. 平心而論, 餐廳食物質素並不差, 侍應服務態度亦不錯, 不過1客小食要等45分鐘實在太過份, 希望餐廳能正視上菜速度問題, 因為當晚只有不夠10名客人... 被上菜速度影響了客人對餐廳的整體觀感實在可惜…查看更多

朋友生日, 有咩好得過揾間中菜, 大家可以圍住張圓枱傾計, 卜枱時已問店員可唔可以卜窗口位, 店員回覆窗口位每人最低消費$300, 立即耍手兼擰頭 xDD點知去到店員俾位張窗口枱, 27樓對住個海景食飯幾正 xD小籠包, 皮薄饀靚多汁, 中上之作要事先卜既菜式, 豆腐餃子, 一客6件, 皮係用豆腐做成, 手工賣相一流, 裡面包住菜茸同生菜, 清而不寡, 全枱一致讚好片皮鴨 我認為全晚全失望之作, 每次吃片皮鴨我都會在不加醬料下先試一片鴨, 的確燒的功夫很到家, 不過可能是原料的問題, 鴨冇鴨味, 唯有拌醬料同吃吧一鴨兩吃, 由於已柯打了雲吞雞, 所以就放棄了鴨湯, 叫了炒鴨絲, 這次加了濃濃的醬汁, 就蓋過了鴨肉冇味的問題了, 加上芽菜同炒, 味道立即提升了很多另一道推介菜式, 恭親王羊腩, 炸得剛好, 跟片皮鴨相比, 這個肉味濃得多了, 本身已經十分香口, 加上醬汁後更覺惹味雲吞雞, 雲吞水準不錯, 加上湯既清且濃, 令我飲左2碗壽包賣相精美, 不過未知是否大家當晚太興奮, 拍照拍得太長時間, 壽包非常難食...以當晚食物質素, 加上大家要打包幾盒食物回家, 店員亦很有禮貌, 每人$200實在非常抵!! …查看更多

對於Laduree 我是又愛又恨的, 愛既當然係佢全世界最好食既Macaroon, 恨既係自己當年蠢, 喺外國Laduree見隔離枱食煎蛋卷, 想睇下有咩咁把閉, 於是跟風, 叫左個10零磅既煎蛋卷, 點知係完全冇料既, 除左蛋, 都係蛋.... 咁就有左心理創傷 orz食過呢間出名既Macarron店, 都係對Laduree情有獨鐘外皮鬆脆 但內裡煙韌 唔會似其他品牌 一咬就碎晒饀料淡淡清香 唔會死甜咁多種味 最鍾意Vanilla, Salted Caramel同Rose Petal, 尤其Rose Petal實在太出色 玫瑰花味清新脫俗 有人話1啖$23蚊, 好唔值, 但我就認為好值, 因為佢幇我回憶番以前去旅行時既一點一滴…查看更多

早前行Jason's時見到冇人排隊, 突然macaroon癮發作, 於是就買左幾粒, 同朋友分甘同味包裝算精美不過衰在冇內涵 味道好假 啲人造味道好明顯 甜亦詌得過火咬一啖成粒macaroon就散晒以佢$22一粒既價錢 我寧願加1蚊食L字頭嗰間好過…查看更多

一直鐘情點心 貪佢煮法變化多端 咩都有 見到點一龍有點心放題 立即雙眼發光點知雷聲大, 雨點細, 冇一樣野食有驚喜, 大部分既食物都比不上其他點心店, 考慮到價錢, 這裡性價比實在不高, 而且服務亦不敢恭維, 每人限一粒的點心理應一開始就奉上, 但我們居然要三催四請, 直至入座後兩小時才上枱, 實在有點過分! 而等候期間多次受到店員白眼, 而部分員工亦不避嫌, 一邊望我們, 一邊細聲講大聲笑 (希望是我多心, 但當時店鋪只剩下3數枱客, 理應可望向没客人的地方傾談吧) 如果不是最後的西瓜糕實在驚喜滿分, 這餐廳應多了一個劣評了大部分點心都非常一般鮑魚雞粒酥, 做得較出色, 不過限每人一粒需要蒸2小時的蟹粉小籠包最頂癮的點心, 香炸百花蘿蔔糕, 將蝦餅直接放在蘿蔔糕上, 下次會否將蝦餃直接放在燒賣上, 又成了最新的點心 - 蝦餃燒賣了 原本對此餐廳的點心已失望, 誰知最後給他checkmate了 西瓜糕一上枱, 大家驟眼看都以為是真西瓜, 外觀已加了不少分, 咬下去亦有濃濃鮮西瓜味, 應該是用新鮮西瓜汁做出來的吧 很好吃啊!…查看更多

一向mimosa都出名好食但態度奇差, 我自己都俾佢地鬧過難得同事請食mimosa, 唔駛自己去拎又唔駛受氣, 真係爽YY餅皮鬆脆, 吉士打唔太甜而幼滑, 食完唔覺滯而想食多一件, 好彩有同事請左假, 我可以食多件希望下次再有人自願請食買餅, 唔駛我自己去做炮灰…查看更多

上網見到團購, 任食3個鐘有邊爐有串燒仲送半隻龍蝦好似幾抵, 再加上openrice對大熊貓既食評都似幾正面 所以就買左.去到立即落個小辣魚煲, 等左好耐先黎, 睇兩睇發現唔對路, 個魚煲有鳯爪既, 問店員時第一句就同我講 '你頭先叫雞煲架喎', 我堅持左2次之後佢先話 '又好似係喎', 其實如果佢肯一開始就去check單, 根本就唔駛浪費時間同口水....魚煲個魚幾好食, 魚係先煎香, 又好大舊多肉, 美中不足係個湯其實冇味, 可能係佢見我叫少辣卦.串燒就非常麻麻, 普遍都好燶, 味道亦唔算好龍蝦真係好失望 之前都知團購都唔會太靚, 不過真係太差, 冇味之餘, 啲肉散, 明顯好唔新鮮其他配料都係一般貨仔, 而響玲係我食過既最差既!我相信餐廳出團購應該都係想打響個朵, 等餐廳多啲人識, 不過以呢個質素, 應該都幾難有回頭客.…查看更多

難得入一次屯門 去左間想去好耐既餐廳 試左幾樣野 不過只有綠茶tiramisu好食白朱古力抹茶飲品 味道頗一般朋友叫既芭菲就都係好一般令我大為吃驚既綠茶tiramisu 口感濕潤黏稠 濃濃既綠茶味 好好食! 我較鐘意食甜 所以好鐘意 不過我估應該唔少人會覺得佢過甜…查看更多

自己一向唔太食得辣 不過又好鐘意食辣所帶黎既刺激感 一直見openrice上四姐川菜既評論都幾好 於是約左兩個朋友去試下每人劃一收費$280 3人共可選擇2個涼3個熱菜涼菜選左網上推介既四川涼麵麵條彈牙 醬汁惹味 不過唔太食得辣既我都係點少啲汁會安全啲蒜泥白肉 唔知點同有啲食評有出入 有啲係唔辣 而我呢個就辣既 味道上有啲過咸 醬汁既味道亦蓋過左肉既味道 不過不失之作重慶辣子雞 對食得辣既朋友黎講好惹味 但對唔太食得辣既我就唔太抵食 因為太少雞了 不過味道確係好為安全計 叫左一個唔辣既菜式 川式椒鹽蝦 炸得好透 可以成隻蝦連殼放入口 夠晒香口 送啤一流水煮肉片 俾面頭既紅油嚇親 好彩都唔算辣到食唔到 好香 令我就算一路飲水都要一路食 仲有裡面既大豆芽索滿辣油 香且惹味酸辣土豆絲 唔萛好辣 味道幾好 不過略嫌炒得耐左 唔夠爽口另送時菜一碟第一次食正式川菜 不過完全冇想像中咁辣 我估係餐廳想適應本地人口味?…查看更多

1年前吃過一次生記後一直念念不忘, 最近想去回味一下, 可能由於我6時多已到達, 做了第一檯客, 廚師未warm up, 導致大失所望失望的蟹粥, 上檯時才將煲蓋打開, 撲鼻而來的不是回憶中的鮮味, 而是燶味, 嚴重蓋過了鮮味, 浪費了新鮮的蟹和蜆 炒麵炒得乾身名不虛傅的名物 炸得恰到好處 蠔仔飽滿又juicy 最後食過番尋味 再encore了一碟…查看更多

一直礙於自己中文極差 所以從來不打食評 早幾星期看到有一位前同事在openrice上的happy share, 我手寫我心 但真情流露 令我也心思思想試一下寫食評幾年前 一年會到韓國幾次 每次都有本地人帶我食足幾日 如果要揀3個最念念不忘既菜式 1係燒五花腩 2係春川雞 3係安東雞偶然在團購網見到有專食安東雞的餐廳 於是立即取消原本預訂了的餐廳可惜團購要9月才開始 不過為了很久沒吃過的安東雞 有沒有團購都不管了由於是新餐廳 人客不多 加上我和朋友只有3檯客人標準(半隻雞) $98 加大(1隻雞) $188 可分無辣 小辣 中辣 激辣 第一次食 試小辣似較穩當xD期待已久的安東雞上場了 有大約10數件雞,薯仔,蘿蔔和青瓜 最重點是下面的韓式冬粉 因為每條都充滿著湯汁我吃過的韓國安東雞有點像豉油雞 咸咸甜甜的 只是汁已可送數碗飯相比起來 這裡的就咸多了 亦沒有了甜味 因此就算吃不飽也不會叫白飯來撈汁 不過醬汁咸加上辣亦很惹味 最後3人把整碟吃光了 加大的分量算頗多的 3-4人分享一碟已足夠了今天已約好朋友等9月有團購時再去吃多次 xD…查看更多