little_cat_jessie's Profile

鋪頭門口位置放了很多仙人掌及快根類植物，細心睇先知佢除了賣麵包，還有lunch咖啡飲兩個人叫左兩個餐入去chill下，其實環境好舒服，可以睇到人整麵包，叫的餐都係即叫即整，所以好新鮮叫左個牛油果沙律配sourdough，個沙律好多芝士，麵包上面的香草醬，成件事加起上黎好fresh另外仲有個panini ，麵包焗到又香又脆，再加上滿滿芝士，熱辣辣咁食好好味食完仲可以買番個麵包返屋企食，提子丹麥酥值得推介…Read More

新年年初五跟同事的開年飯我地叫左4個午餐，午餐包一個小食，飲品，甜品或素湯，我地就揀左4個小食每個set都是百幾蚊連埋小食都幾好，而且味道賣相都做得好吸引，就算平時唔食素的人都被吸引主菜：👇自家製照燒山藥鰻魚，口感做得好似真鰻魚，仲有少少脆👇冬菇支竹炆素腩👇香草蕃茄野菜芝士燴意粉+自家製素肉丸，好濃郁芝士味👇意式蕃茄蘑菇燒菜酥皮薄餅，個薄餅好鬆脆，同平時食的pizza皮唔同小食：👇香芒牛油果苜蓿芽手卷，味道很清新👇煙燻白玉鮮竹卷👇紅菜頭蘋果琥珀沙律👇私房養生純素薑醋，做得好似真的豬腳薑👇麻醬沙薑素雞絲粉皮…Read More

今日試左個炙燒慢煮叉燒丼，個叉燒好有口感，再加上少量的醬汁，好好味，肥瘦適中，厚薄也適中，仲要有五塊，正呀記得早排食都唔見有呢個選擇，應該係新加入，都好意外做得幾有質素，燒完更加香口，值得推介…Read More

忍唔住要黎encore上次見人食叉燒覺得好吸引，今次我一定要食另外叫左個蜜柚脆皮骨，黑松露海鮮炒飯，翡翠苗蜜汁叉燒，真係一定要食，做得好似真的叉燒，而且仲做到條邊有燒過脆邊的口感，切得薄薄的，口感更似肉，做得相當出色蜜柚脆皮骨，酸酸甜甜非常開胃，很多柚子，但我已經被叉燒搶了我的注意力黑松露海鮮炒飯，每啖都有黑松露味，有假蝦，魷魚，帶子，而且份量都幾多翡翠苗，雖然看似普通，但炒完好爽脆食左兩次覺得廚師確實很有心機下廚，素食也可以做到真肉一樣，好好味…Read More

見搬了鋪，而且變了自助餐就黎試下鋪內明顯比較光猛，裝修也比較時尚，門口的點心櫃望落好多選擇，幾吸引我兩個人揀了晚上的自助餐，原來分開了六點同七點的時段，可以食90分鐘，我就揀了六點的時段，建議去前book位，準時去到見菜式才慢慢上冷盤有沙律，各樣的涼菜如醃清瓜，蓮藕前菜都有齋滷味，有炸物如蜜瓜奶，炸淮山，炸茄子，春卷，芋頭魚，炸芋角，清了就會上另一款，炸蜜瓜奶好味，其他炸物覺脆漿較厚熟食有飯麵，炒菜，豆腐，蕃茄炒蛋，椰汁南瓜，整體都幾好味，仲有碗仔翅，粟米粥甜品有糕點，水晶餅，紅豆沙，有生果都算幾多選擇，絕對可以食到好飽*暫時只收現金*…Read More

之前兩次想黎食都摸門釘, 今日終於食到啦鋪內位置唔多, lunch想食就要早點到, 而且即叫即整, 要點時間等我地叫左兩份吐司, 一咸一甜來試試咸的叫左個台灣墨汁花枝蝦扒吐司, 就算炸物也唔覺油膩, 花枝同蝦膠咬落好彈牙, 加埋菜&蕃茄, 好有口感, 可以揀他他醬或芥末醬, 我地揀左他他醬黎試另一款甜就揀左芋泥肉鬆吐司, 芋泥控必試, 超好味, 如果一個人食晒成份芋泥應該超飽, 所以咁樣一咸一甜share黎食就唔錯再加杯超級果茶, perfect池…Read More

看似高級的意大利餐廳, 環境算幾好, 建議事先book位先好去, 因為lunch time都會爆滿, 我地都係當日早上openrice book位😂😂Lunch set有兩個選擇, 一個$298/ppl, 另一個$398/ppl, 我地兩個人揀左$298黎試試, 咁包左頭盤, 主菜, 甜品Antipasti 前菜 - 我地揀左一個 Prosciutto E Melone即parma ham哈蜜瓜, 另一個揀 Mussels &Cannellini Soup, 即海鮮湯Secondi 主菜 - 我地揀左Linguine Allo Scoglio 蕃茄海鮮意粉, 仲有Homemade Tagliolini Tartufo白松露意粉, 白松露份量都算多, 但意粉唔算好出色, 食完成個碟都係油, 似係橄欖油Dolci 甜品 - menu上有雪芭同雪糕, 但我地只左普通coffee就算啦其實食物方面還可以, 但我接受唔到一間高級餐廳D碟全部都崩晒, 我作為食客, 第一個感覺很差, 而且客人唔小心就會𠝹損, 仲有D座椅係有點污糟侍應見到我地張枱污糟都唔清潔下就打算上飲品, 要我地主動開口整體我覺得試一次就夠…Read More

新派素食, 星期六lunch 12點幾上到去不算多人, 枱好像也不太多, 第一時間看看餐牌有什麼好食, 看到相, 招牌的豆腐很吸引, 於是決定叫一個, 另外加個飯, 兩個人食就差不多當芒果香酥豆腐來到, 做得相當精緻吸引, 第一啖熱辣辣咬落去, 外層炸皮相當鬆化脆口, 內裡豆腐很滑, 完全做到外脆內軟的口感, 外面還有芒果醬及芒果絲, 非常清新不油膩, 絕對要試招牌菜另外叫了一個石煱燒汁鰻魚炒飯, 也是非常出色, 燒汁味濃, 炒得很好, 不會過濕或過乾而且藉得一提, 茶的味道也很清新提一提, 付款只接受現金及八達通…Read More

有次偶然路過發現這間幾健康的外賣飯盒, 第一次試過豚肉, 好好味, 酸酸甜甜好開胃, 於是再encore , 試麻婆豆腐飯, 這個飯沒有肉, 全素食, 最鐘意的地方是不會太辣但又幾野味, 而且飯有紅米, 還有很多雜菜, 全部都不油膩, 以外賣飯盒來說真是菜式不錯, 份量也足夠唯一是用紙盒不保溫, 飯餸涼得很快, 但也明白要環保的理念…Read More

之前已聽說三德在北角也幾有名氣, 於是叫外賣來試試我們叫了沙嗲串燒, 齋滷味拼盤, 油雞素肉崧綠豆粉絲, 崧子香椿素肉炒飯沙嗲串燒配沙嗲醬不錯, 做得很似, 沙嗲醬味道不算濃, 外賣時醬汁用盒另上齋滷味拼盤, 塞滿整個外賣盒, 都係酸齋最好味油雞素肉崧綠豆粉絲, 外賣來說, 份量很滿, 粉絲炒得不油, 味道很好崧子香椿素肉炒飯, 這個炒飯好好味, 很多崧子, 很香口, 每啖飯都夾著崧子素肉, 很多材料下次應該要試試五柳仙斑, 食齋必食的菜式…Read More

這間只做pizza & doughnut的外賣, 平時行過都好奇究竟有幾好味, 所以今日我地4個人叫左個至尊夏威夷pizza + 6個doughnutPizza很多饀料, 味道不錯, 貪心的可以叫至尊😂😂, 會多了辣肉腸, 不配醬也好味Doughnut買6個比較平, 而且大家分來食可以試到6種口味, 我地揀左吉士醬, 檸檬, 咖啡, 朱古力, 焦糖, 士多啤梨醬, 外面鋪滿沙糖, 非常邪惡, 我會覺得係一個中式沙翁樣配西式饀料😂😂士多啤梨醬真是果jam個種, 味道麻麻, 唔多夾, 檸檬有清新味道, 唔錯, 吉士醬&焦糖都幾好味, 朱古力都係值得揀…Read More

第一次試這間的外賣, 叫了三餸飯, 飯量唔算多, 餸的份量都唔算多, 份量幾適合細食的女士, 如果大食的男士未必夠飽餸的味道唔錯, 我們其中一個叫左走飯, 咁都有俾番幾條菜, 而且餸唔會好油, 幾有住家feel, 加錢仲可以有湯…Read More

今日想找個地方跟朋友吃個下午茶, 之前假期午餐時間都見要排隊, 想不到下午茶三點的時間竟然有位, 之前兩次都是去建生那個分店, 基本上兩間的menu都是一樣, 但餐飲好似這邊多一點選擇, 這邊有用餐時間限定一小時, 而且要人齊才可進入我們叫了蕃茄忌廉蟹肉寬條麵, 挪威煙三文魚沙律, Hazelnut Latte, 銀月綠茶食物整體也很好, 上餐也算快餐廳環境也不錯, 大部份都是4人枱, 有少量2人枱, 下午茶時間聊天也不錯的地方, 餐具及水要自己自取…Read More

當日行完寵物展想找個地方飲咖啡吃午茶, 想起很久沒來的Cafe Relay, 這裡環境不錯, 食物質素也很好, 雖然座位不多, 午餐時間最好要預約, 但下午茶時間還可以, 剛好有位, 可以跟朋友靜靜地享受美食, 及傾談也不錯除了咖啡, 這裡還有茶可以選擇, 但我們當然選擇喝咖啡, 選擇種類也算多以前很多時會來食lunch, 下午茶時間來也是第一次, 窩夫即叫即整, 熱熱的窩夫配了士多啤梨醬&cream, 非常好味, 如果同朋友share食可以order全份…Read More

跟同事第一次叫丼飯, 我選擇了炙燒三文丼, 沒有想過只做外賣會有這種驚喜, 一打開飯盒, 賣相很吸引, 看到滿滿的三文魚, 經過炙燒後, 肥美又香口, 女士來說, 飯量足夠, 再配合醬油, 很好味, 而且 wasabi也是手磨那種, 很有誠意, 這個值得推介…Read More