芒果樹下's Profile

尖沙咀海港城一直都有唔少過江龍美食，港威既Lady Nara就係其中一個例子。呢個鞦韆位置，岩哂要打卡既朋友。芒果乳酪特飲Mango Marble Yogurt好靚好岩打卡，乳酪味偏重，如果多D芒果肉就更好啦。紙包泰式鱸魚 Paper-baked Sea Bass with Plums & Vegetables因為張牛油紙鎖住水分，所以一打開個就聞到好香既泰式酸辣味，見到好多汁既鱸魚、肉碎、草菇、車厘茄同薯仔等，好豐富。因為車厘茄同香料既味道滲透係魚肉入面，唔會有腥味，而配料又吸左魚既鮮味，成件事好有泰式風味，唔錯。而呢個菜大概等20分鐘，所以想食記得早少少叫。可以係咁舒服既環境食到泰式fusion菜，仲可以欣賞海景同打卡，岩曬拍拖既情侶黎食。…Read More

有日見到荃灣既HIKARI裝修幾有心思，日系裝修，於是就試下。牛油果蟹肉他他賣相好靚既牛油果蟹肉他他，上面既牛油果好新鮮，中間既三文魚充滿魚油，加埋底層既蟹肉，多重口感。鵝肝多士鵝肝外層香脆內裡滑嫩，香但冇油膩感，而多士入口香脆，加埋黑醋橄欖油，味道非常夾。檸檬梳打酸酸甜甜咁，好清新。食物賣相好靚而且好食，睇得出好用心去做，因為每碟菜都包含好多唔同元素，好豐富，係有花心思去諗過，係值得支持既小店。…Read More

尖沙咀金巴利道既LAB EAT Restaurant & Bar，地點係有D遠同唔方便，不過環境氣氛都幾有情調。叫左個二人晚餐有成支香檳，不過呢期身體唔好冇飲。餐前麵包法國生蠔每一隻都好肥美，海水味濃，裙邊爽口，非常鮮甜。煙燻意大利沙甸魚及香醋魚子冇諗過沙甸魚配魚子加埋先蕃茄，口感係幾豐富，而且完全唔會腥。輕煎半熟北海道帶子配菠菜茸帶子輕輕煎左兩面，所以中間係半熟，一啲都唔韌。下面既菠菜茸估唔到幾幼滑，三文魚子更加係提升左帶子既鮮味。牛肝菌湯牛肝菌既香味撲鼻，味道濃郁又保留到口感，好好味。西班牙紅蝦及海膽意粉配魚子醬紅蝦肉質爽口，不過外面有D燶，有小小苦。而海膽味道鮮甜，金黃飽滿，魚子醬都鮮甜，意粉沾滿曬D醬汁，味道濃郁。Opera 蛋糕配雲呢拿雪糕其實黎到尾聲已經好飽，但都要食埋呢個蛋糕，配雲呢拿雪糕，完美作結。…Read More

今次想講下位於銅鑼灣Cubus的顏府御膳，以前經常黎呢座大廈因為有間音響店，但佢搬左之後都好耐冇黎，今日朋友話帶我黎食野都發現鋪頭唔同曬。環境比較暗，有情調既感覺，坐落都幾舒服。鮑汁鳳爪鳳爪整得好稔而且入味，仲有好多隻。塭燒茄子唔講真係唔知係茄子，切成長方型再炸，外脆內軟，好似椒鹽豆腐咁，好惹味。青紅蘿蔔煲雞腳足料又清甜，飲落無味精。鐵板鮮沙薑陳皮生煎雞係鐵板度煎，好入味而且好香，好有獲氣。冇諗過中菜都可以咁精緻，咁好味，朋友果然冇介紹錯。…Read More

今日黎到mikiki，試下平日小食既西班牙菜，餐廳叫Tapas Brew。餐廳有室內同室外，環境都唔錯，我覺得室外飲酒既話仲有FEEL。烤吞拿魚半芒果莎莎 吞拿魚表面被烤過，再灑上黑白芝麻，半生熟既吞拿魚呈現粉紅色，有濃厚既魚味，加埋酸酸甜甜既芒果，係十分開胃既前菜。地道蒜香辣椒橄欖油蝦配脆包粒有蔥、乾蒜、蒜片、辣椒做配料，加埋爽口又大隻既蝦，因為去埋殻所以更入味，而旁邊外脆內軟既脆包粒點上充滿蒜香嘅橄欖油，食唔停口呀。星期五放工同朋友黎食下野，飲下野就岩曬啦。…Read More

Romanne Leisure Food Concept有幾間分店，今日黎到大角咀店。餐廳佈置用左好多植物，都幾有心思。晚市套餐，包湯、沙律、蒜蓉法包同飲品，以百幾蚊就有5樣黎講都幾豐富，平時好多都係湯同沙律二選一。蘑菇湯餐湯係蘑菇湯，質地唔係輕盈，會飲到好多打碎左既蘑菇粒，好足料，有口惑。沙律有沙律菜、車厘茄、粟米、青瓜，新鮮爽脆，沙律醬唔多，係偏健康個款。蒜蓉法包好香蒜蓉味，法包又夠脆。北海道帶子牛油果忌廉汁意大利麵帶子煮得岩岩好，外層有D微焦，內層夠軟綿。意粉亦煮得啱啱好，有口感，同醬汁完美融合，加埋軟綿清新既牛油果，出奇地夾。其實本身想叫Burger，點知係韓式而且係辣，希望下次再黎有唔辣既Burger試下。…Read More

放假出去尖沙咀，去左TheOne 既Fifth Element Shokudo食Lunch。日本薄餅幾少見，仲要將味噌加入麵糰，24小時發酵，咁特別一定要試啦。睇餐牌唔係好知有咩材料，點知用APPS落單清晰見到有咩材料，之後直接落單，方便快捷。夏威夷薄餅有菠蘿、火腿、燈籠椒、水牛芝士，佢既薄餅皮唔係平時食個種脆口，但係好軟熟，就連個邊都可以食埋，唔係平時硬到食唔到個種，意想不到。肉桂富士蘋果日式窩夫濃郁既肉桂味，蘋果煮得軟身，但窩夫好感偏脆，感覺似炸多過焗。餐廳環境唔錯，坐得舒服，出面又有自然光照入黎，如果天氣好既可以坐室外。服務態度都好好，有機會可以再黎。…Read More

朋友升職請食飯，開心事當然要食豪D，一於去殿大喜屋。點左野食未黎之前有D小食，蟹鉗質數唔錯。鯨龍薄切配海葡萄海雲之前冇食過呢款刺身，切得晶瑩剔透，味道清新，配埋帶海水味既海葡萄，不錯。卷物拖羅蓉火山卷，芒果軟殼蟹。軟殼蟹炸得香而酥脆，充滿鮮甜的蟹肉，非常飽滿，不油不膩，我非常喜歡。刺身我覺得呢間選擇比其他放題多，有蟹腳、池魚、拖羅、三文魚、油甘魚、帶子、甜蝦、北寄貝、希靈魚等等，鮮味十足。不停食刺身之後想飲湯暖下胃，海南椰子雞湯清甜可口，我飲左兩碗，如果有更多湯飲就更好，冬天食食下刺身總係想飲湯。食食下突然搖鈴一響，原來係海膽手卷，即刻出去排隊。每份手卷都分量十足，冇腥味而且完整，為左海膽手卷我應該會黎食多次。北海道燒帆立貝帆立貝的裙邊非常爽脆，肉質香嫩多汁，加埋醬汁焗至金黃色，好味。最後當然食雪糕，有haagendazs、movenpick同milk top任食。甜品都有好多選擇。…Read More

女仔總係鐘意甜品當正餐，但作為男仔硬係覺得正餐要食鹹食。今次又要陪人食班戟，本來諗住陪佢食完之後自己去食個雲吞麵，點知有驚喜。FLIPPER'S係班戟專門店，即叫即整，所以都要等一陣。就係呢個餐牌，當D女仔望住上面個栗子班戟既時候，我見到竟然有煙肉煎蛋班戟，絕對係我救星。充滿牛油味的既熱香餅上面有隻太陽蛋，仲有塊唔太油膩既煙肉。刺穿蛋汁再加埋蜜糖，味道層次幾豐富。食食下覺得膩可以食下旁邊既紫椰菜同新鮮沙律菜，酸酸甜甜，好開胃。飲品有三種口味，我一定係叫芒果珍珠奶，煙韌既珍珠加埋濃濃既芒果味，好似飲緊奶昔咁。今晚終於唔使食個雲吞麵先返屋企啦。…Read More

銅鑼灣既Casa，聽朋友介紹食海鮮好出名，今次趁朋友生日就黎試下。呢間餐廳既新鮮生蠔都非常出名，有10幾種唔同國家既生蠔比客人選擇，而且仲有買一送一優惠。叫左Black Pearl同Mermaid。新鮮爽口，有淡淡的海水味。美國Rib Eye 10oz我們點了7成熟既Rib Eye，肉質嫩滑而且多汁，中間仲係粉紅色，就咁點海鹽已經帶出牛扒既鮮味，而且份量十足。其實本身想叫龍蝦，可惜賣曬，下次要早D訂定先得。飯後甜品唔少得，叫左梨撻，即場焗製雖然要等一陣，但係值得既，因為酥皮鬆脆，個梨又夠清甜，既然個撻底做得, 6出色，不妨考慮下做埋其他生果，好似蘋果，一定好好味。…Read More

一向冇咩藝術細胞既我，今次被朋友帶黎充滿梵高畫作既餐廳，一邊食野一邊欣賞。平平地$78已經有午餐，包是日頭盤或是日餐湯、是日甜品及咖啡或茶，已經好豐富，價錢又唔貴。如果想食得豪D就可以叫個行政午餐。是日頭盤原來是日頭盤係沙律，口感爽脆，都幾新鮮。南瓜湯南瓜湯煮得夠濃稠，香味濃郁。煙三文魚櫻桃蕃茄汁意大利粉煙三文魚既口感軟綿，意大利粉就軟硬適中，煙韌煙韌咁，蕃茄汁又夠曬味。甜品今日既甜品係奶凍，白色既奶凍配上紅色既士多啤梨醬，口感柔軟，奶味又濃郁，好食。係銅鑼灣有個地方傾下計，幾好食又唔貴，環境仲咁有藝術氣息，值得介紹比朋友。…Read More

聽朋友講寶勒巷開左間串燒店，約埋朋友去試下新野先。地方唔算大。店員會先放一塊熱石板，原來係保持串燒溫度，呢個安排唔錯。美國珍寶生蠔美國珍寶生蠔SIZE真係好巨大，只係幾滴鮮檸汁已經帶出生蠔既鮮味。燒韮菜韮菜味道惹味，而且爽嫩無渣。燒海龍躉黑豚肉卷用黑豚肉包住龍躉去燒，口感好特別，有黑豚肉既咬口，又有龍躉既嫩滑。牛油蒜蓉金菇包蒜蓉同牛油味好香，金菇仍然保存水份。整體食物其實幾好食，不過環境地方細左少少，而且冇咩特色，如果要係競爭咁大既尖沙咀可能要再花多DD心機突圍而出啦。…Read More

都有一段時間冇外出用膳，今次同朋友聚舊，相約係大角咀。餐廳地方甚廣，裝潢設計感覺舒適，難怪座無虛席。聚寶海鮮豆腐大部份主菜有分大、中、小，3個份量，等大家唔會做大嘥鬼。呢個聚寶海鮮豆腐有4件，豆腐面佈滿有肉鬆碎，吃一口豆腐，嘩一聲，完全冇諗過口感咁嫩滑，配埋濃調既湯汁同埋海鮮粒，好食到大家搶住食最後一件。家鄉海鮮炒麵線賣相真係差左少少，但食落又真係有陣家鄉味。雖然好簡單咁用鮮蝦、魷魚、雞蛋、紅蘿蔔、芽菜和椰菜炒，但炒得夠乾爽香而且唔油膩，家既味道大概就係咁。 三色桂花班蘭糕呢個甜品賣相靚到未食已經覺得吸引，最頂係晶瑩剔透既桂花糕，味道清甜，中間係班蘭糕，不過唔太食得出，最底既椰汁糕味道最濃。整體感覺清涼，不失為一個好食既飯後甜品。 …Read More

係灣仔既新店就在落係利東街，亦有囍帖街之稱。餐廳有兩層，地面有甜點，雪糕同沙律既輕食，而樓上就供應熱食。灣仔店既面積其他分店寬闊，而且枱與枱之間空間絕唔狹窄，環境好舒服，叫一杯飲品加件甜品，過一個輕鬆既下午就最岩。意大利雪糕佢地自家製既意大利雪糕款式超過10款，令人花多眼亂。我本身都係鐘意芒果，熱情果呢類水果，於是揀左熱情果雪糕。質感極之幼滑，入口酸酸甜甜，感覺清新開胃，而且味道天然而不造作，但如果可以加埋果肉增加口感就更好啦。同埋我地去到已經賣曬墊底既waffle，有少少美中不足。香蕉牛奶朱古力慕絲一場黎到當然要叫甜品啦，用香蕉做主打既甜品比較少有，一於叫黎試下。外層係牛奶朱古力，入面用左新鮮香焦蓉放中間，再加埋鬆軟既蛋糕，層次分明，而且配搭得宜，食到香蕉味之外又唔會比朱古力擔曬風頭。環境舒服，食物質數又高，放假黎過一個輕鬆下午就岩曬。…Read More

以前讀書年代成日去又一城溜冰，但出左黎做野之後都冇再溜過冰，甚至連又一城都好少去。咁岩又一城戲院新開我先過黎，睇戲之前見格離新開左間餐廳就食個下午茶啦。成間餐廳以白色為主，由坐椅、牆身至裝飾品都用左白色，感覺好優雅。望埋個餐牌，有英式早餐同女仔最愛既甜品，食物款式算多，而且價錢也大眾化，難怪吸引左大批女仔，特別係大學生同中學生。英式全日早餐食材好豐富，有北海道3.6牛奶炒蛋、煙肉、香草腸、法蘭克福腸、煙三文魚、焗豆、薯條、蕃茄同雜菜沙律。炒蛋軟滑，不過奶味未算特出。煙三文魚軟綿不過唔夠油潤。煙肉偏肥，不會煎得幾香。香腸外皮香脆，薯條香脆可口。不過最鐘意係落左橙汁既雜菜沙律，清新又唔會過於單調。士多啤梨蜜糖吐司盒吐司即叫即整，等候時間長少少。吐司焗得金黃色，外層香脆又帶點蜜糖，厚身既吐司沾上Movenpick雪糕，加埋甜美既士多啤梨，不論賣相同味道都非常好‧如果麵包預先切細條就更方便食用，改善埋就完美啦。特別一提全店既雪糕都係用Movenpick雪糕，鐘意食既朋友唔好錯過。最後跟餐仲有柚子冰紅茶送，但如果可以跟餐加錢轉其他飲品，例如水果茶或特色咖啡就更好啦。…Read More