angel..的個人專頁

早排我同老公2個突然想食自助餐，所以上網睇下，最後我選擇左呢一間，因為之前聽朋友講呢一間既質素唔錯，而我見佢個價錢又唔係貴，所以就決定食佢啦，入到去環境都唔錯，唔會太逼，服務員好好禮貌，基本上自助餐嘅質素都唔錯，冷盤方面有生蠔、凍蝦，青口，龍蝦、刺身等等，但熱食方面就麻麻，冇咩選擇，所以都係以冷盤為主，飲品方面有橙汁、蘋果汁、可樂同埋咖啡奶茶，其實整體來講我都覺得可以，但去到最後買單嘅時候，訂枱時明明話可以儲里數，買單嘅時候同佢哋啲同事講就可以，但係同佢講嘅時候佢話唔可以，因為要正價先至可以儲里數，因為費事同佢理論，所以就算數，但我想話，我訂枱嘅時候已經問咗，佢又冇話一定要正價先可以儲里數，而且係OpenRice度都冇講明，酒店又有信用卡優惠，又話身分證上面有1、8、0呢三個數字又再九折，咁其實你係唔會有正價架喎，弱弱一問，算唔算有欺騙成份，最好笑係個員工答我，話我買完單之後會自動有25分入落我OpenRice個戶口，但係你又冇問我攞OpenRice個Account，而且貴酒店都冇話過訂枱會有25分，咁請問嗰25分點樣過俾我呢🤬…查看更多

今日同老公2個去旺角行街，行到差唔多晚飯時間，同老公2個諗食咩，就行過呢一間新開既居酒屋🏮，所以我地決定食呢一間，入到去環境非常舒適及闊落，服務員亦都非常有禮貌，睇咗個餐牌一輪，我哋兩個決定叫個$488嘅松套餐✌🏻，1）首先有一個椰菜沙律🥗，椰菜非常爽脆鮮甜，再加埋個醬汁，非常開胃，另外仲有一個胡麻將豆腐，豆腐非常滑，2）前菜方面就係四選二，第一個就係日式炸雞🍗，炸得非常香脆，而雞肉入面仲有肉汁，第二個就選擇和牛他他其，黃牛上面鋪左黑松露醬同埋蔥花，議和下面就係洋蔥絲，一入口好重嘅黑松露味，之後慢慢就食到牛味，而佢個醬汁係帶酸，所以呢一個和牛他他其口感非常突出👍🏻，3）串燒可以選擇喺$28以下，所以我選擇左雞翼同雞肉，雞翼表皮燒到非常香脆，但我個人比較喜歡食雞肉多啲，雞肉連埋大蔥一齊食，非常咁夾👍🏻，4）石燒美國安格斯肉眼片，因為我老公唔鍾意有血，所以我地煎到大約8成熟，但肉質依然非常腍，咬落去都有肉汁👍🏻，肉味非常濃郁，雖然佢叫做肉眼片，但其實叫做肉眼扒都不為過👍🏻，居酒屋有提供醬汁，但係我冇用到，因為我比較鍾意食原汁原味，5）鍋物美國安格斯肉眼片，湯底方面我選擇咗壽喜燒，肉眼嘅質素非常高，肉質鮮嫩，肉味非常濃郁，但唯一嘅缺點，係個湯底太甜，呢個係唯一需要跟進嘅問題，6）飲品方面就叫咗兩杯，一杯係蜜桃乳酸梳打，不太錢，個人非常喜歡💕而另一杯係幻彩藍蝶花檸檬梳打，酸酸甜甜，都幾好飲，整體來講，質素非常好，值得一試…查看更多

今日約左朋友食飯，之前一直都想食呢一間燒肉，朋友又話冇問題✌🏻，所以今次就食呢一間，一早book定枱，準時17:30到達，入到去環境舒適及闊落，服務員非常有禮貌，一坐低首先佢會上三個拼盤，首先係刺身拼盤、燒肉拼盤及海鮮拼盤，刺身拼盤入面有三文魚、八爪魚、油甘魚、生蠔、甜蝦、帶子、海膽等等，所有刺身都非常新鮮，而生蠔就蠔味十足👍🏻，海膽非常鮮甜👍🏻，海鮮拼盤就有，帶子、北海道蟹腳及海老，以上海鮮都非常新鮮，尤其是係海老，非常鮮甜爽口，虾味十足，仲要非常大隻😂，真係有一隻手掌咁大✋🏻，最後係燒肉拼盤，肉類非常多，首先係牛肉，肉味非常濃郁，非常腍，咬落去嘅時候肉汁非常多😍，而米澤三元豚西冷，肉味亦都係非常濃郁，一啖咬落去非常滿足，因為非常厚身👍🏻，仲有豬頸肉、雞翼及骨付雞肉腸都唔錯，仲有炸番薯天婦羅🍤、芝士年糕、鯖魚、泡菜、毛豆、蕃茄沙律🥗等等，所有食材都非常新鮮，味道亦都剛剛好，而飲品方面亦有好多選擇，除咗一般汽水或者烏龍茶外，仲有紅酒🍷、白酒、清酒🍶、梅酒、柚子酒等等，真係好多選擇，甜品方面都一樣係好多選擇😍，真係花多眼亂，整體來講，食物質素非常好，值得一試…查看更多

今日難得同老公一齊放假，所以一早就出咗去行下，行行吓突然覺得肚餓，所以就搵個地方去食下午茶🤣，見到呢一間日本餐廳，所以就入去試吓，入到去環境非常舒適，服務員非常有禮貌，1）三文魚腩壽司、左口壽司、赤貝壽司、辣味三文魚軍艦，三文魚腩非常肥美及新鮮，左口非常爽口，赤背亦都非常新鮮爽口👍🏻，2）辣味三文魚卷，呢一個都唔錯，不過不失，3）炸餃子🥟，炸到脆卜卜，但又唔會太油膩👍🏻，4）蟹柳玉子燒，玉子上面鋪滿蟹柳同蟹子，咬落去嘅時候脆卜卜，最重要係個玉子仲係暖嘅👍🏻，5）燒三文魚頭，燒到外皮非常香脆，但又唔會過熟，食落去嘅時候啲魚油仲係個口入面👍🏻👍🏻，真係好好食，整體來講，價錢合理，食物非常有質素，值得一試…查看更多

之前一直都想試呢一間餐廳，所以今日同老公兩個人去咗試，一早book定枱，所以去到唔駛等就可以入座，入面環境非常舒適，被安排坐係卡位✌🏻，服務員非常親切有禮，湯底就叫左胡椒豬肚湯，湯底好濃，胡椒味好重👍🏻，但不會太鹹，火鍋配料就叫咗：美國牛肉、美國極上牛肉、蝦🦐，蠔、麻辣牛丸、牛柏葉、響鈴、蟹柳、墨魚滑等等，蝦同蠔非常新鮮夾口👍🏻，而牛肉方面呢，2款肉味都非常濃郁👍🏻，麻辣牛丸非常野味，而其他配料亦非常新鮮，蔬菜方面就要自己出去攞，飲品亦係任飲選擇亦都非常多，刺身就叫左：三文魚、八爪魚、赤貝、北寄貝、甜蝦、希靈魚，所有刺身非常新鮮👍🏻，日式料理食物方面亦非常多選擇，甜品亦都花多眼亂👍🏻，整體來講，120分鐘任飲任食，確係值得一試👍🏻👍🏻…查看更多

今日同老公兩個出咗旺角行街，見差唔多到晚飯時間，就入咗去始創睇吓有咩食，見到呢一間餐廳係食上海菜，就決定食呢一間，因為都好長時間冇食過上海菜，所以決定就食呢一間，入面環境非常舒適，服務員非常有禮貌，1）老上海炒麵，味道剛剛好，不會太鹹，2）酸辣湯，酸酸辣辣好開胃，3）蟹粉小籠包，咬落去會爆湯汁架，4）炸銀絲卷，一直以來炸銀絲卷加練奶都係冇輸,5）牛肉生煎包，肉味濃郁，外皮香脆，溫馨提示：18:30入座已經有八成滿，差唔多20:00嘅時候已經滿座，所以記得要訂枱…查看更多

今日約咗朋友食生日飯，因為佢同我都係火鍋迷，所以今次揀咗呢一間試吓，一早打咗電話去訂枱，準時7:30上到去，入面環境非常舒適闊落，服務員亦非常有禮貌，有4個套餐俾你選擇，我同朋友決定揀個$228，任飲任食兩個鐘✌🏻，牛肉及豬肉肉味非常濃郁，而雞肉就好滑，以上呢三款如果食完可以叫服務員再攞比你，而其他配菜就可以自己係出邊攞，配菜有，芝士丸、牛丸、午餐肉、腸仔、萵筍、菇類等等，最特別係有花生苗，我都係第一次食，原來佢同火鍋好夾，吸收晒湯汁👍🏻，飲品方面亦都有好多選擇，120分鐘都好足夠👍🏻，火鍋之外亦都有炸物，即叫即炸，非常香脆…查看更多

今日約左朋友食飯，因為朋友話好耐冇食過放題，所以上網搵左呢一間，其實旺角店我已經食過，覺得非常好👍🏻，所以同朋友今次食荃灣呢一間分店，18:00上到去，已經坐滿八成，環境比旺角更加闊落，被安排坐係卡位，非常舒適，服務員亦非常有禮貌，除咗可以有紙落單，外面仲有好多嘢食，有凍虾、青口、蜆、沙律🥗、甜品及雪糕等等，飲品方面亦有好多選擇，最重要係清酒🍶及梅酒都係任飲，仲有爆谷、棉花糖🤤，至於刺身方面，非常新鮮，熱食方面有，羊架、芝麻雞翼、燒虾、牛柳粒、燒比目魚、牛舌等等，所有食物確係有水準，價錢亦不貴，絕對會再次幫襯👍🏻…查看更多

今日去太子接朋友收工，由於唔知食乜嘢，所以就行咗入呢條街度睇下，最後同朋友決定食呢一間餐廳，入到去環境非常舒適，被安排坐係卡位，非常闊落，服務員亦都非常有禮貌，1）蘢仔蒜蓉開邊蒸蝦糯米飯🍚，好香蒜蓉味👍🏻，虾非常新鮮爽口，糯米飯亦煮得剛剛好，再加入少少豉油，真係唔錯👍🏻，2）有囍海鮮湯，非常足料，有魚，虾🦐，白菜仔，豆腐，成個湯非常濃，白菜仔及豆腐完全吸收晒湯汁，非常好味，而魚同埋虾都非常新鮮，我個人非常喜好✌🏻，3）窩燒辣酒東風螺，螺肉非常爽口，好香酒味而又不會太辣，4）紅燒妙齡鴿，外皮非常脆，而d肉又唔會太干身，唔錯👍🏻…查看更多

今日同老公兩個出咗旺角食飯😂，其實之前經過過呢一間火鍋店，見到佢外面裝修好懷舊，已經想試吓，所以一早打咗電話去訂枱，同老公兩個準時到達，入到去環境好舒適同埋好懷舊，服務員亦都非常有禮貌，火鍋店內有三個價錢提供選擇，我哋兩個決定食一位$258嘅任食火鍋，湯底方面我哋揀咗花膠雞湯，個湯好有雞味，確實係有誠意，出面好多地方係當你飲完個湯之後，再加水去打邊爐，但呢一間火鍋店可以比多一個選擇你，就係有另外四個湯底俾你選擇，最重要嘅係免費嘅，當然啦，亦都有另外幾款嘅湯底係需要收費的，但最後我同我老公決定都係用返花膠雞湯嘅湯底打邊爐，因為個湯真係幾出色，而火鍋配料方面我叫咗：特級安格斯牛，肉味非常濃郁，亦都非常腍👍🏻👍🏻美國珍寶肥牛，雖然冇安格斯牛咁好食，但肉味亦都非常好👍🏻其他亦叫咗響鈴、山根、牛丸、粟米、雞髀菇、韭菜餃、五餐肉等等，仲有好多選擇👍🏻另外亦會有一個海鮮拼盤，入面有蝦、蜆、墨魚滑、蠔同埋脆肉鯇，用了非常新鮮及爽口，尤其是係墨魚滑，好彈牙👍🏻最後仲會有甜品🍮，紅豆涼粉雜果冰，用呢一個作為呢一餐嘅結尾，非常之咁滿足🤤整體來講，款式選擇好多，用餐時間兩個鐘，亦非常足夠，但溫馨提示，真係記得要訂枱💪🏻…查看更多

除咗火鍋之外，日本料理放題亦係我特別喜愛之一😂，諗下諗下好似又好耐冇食所以早幾日訂咗枱今日同老公兩個出去食放題✌🏻，今次試新野，呢一間御滿屋就喺地鐵站出口非常方便，雖然係閒日，但我上到去嘅時候已經滿座，好彩一早訂咗枱💪🏻，入到去環境非常舒適，服務員亦都非常有禮貌，刺身或者熟食嘅選擇都非常多，刺身方面有三文魚、吞拿魚、八爪魚、池魚王、大赤虾、帶子等等，刺身方面非常新鮮，所以壽司亦都非常好食，我個人特別喜歡食火炙壽司🍣，因為會將啲魚油燒晒出嚟，好香，熟食方面我叫咗，芝麻雞翼、羊架、黃金芝士凡立貝、青花魚、燒鰻魚、鹽燒牛舌、蜜糖雞翼、西京比目魚、鹽燒雞軟骨等等😂😂，都非常有水準，我個人特別喜愛芝麻雞翼、西京比目魚、鹽燒牛舌及鹽燒雞軟骨，飲品方面亦都非常多選擇，喺外面嘅位置亦都有其他雪糕🍦沙律或者甜品🍮，最重要嘅係除咗啤酒任飲之外亦都有清酒提供，呢一方面真係非常之好，所以整體來講，價錢優惠值得一試👍🏻…查看更多

今日過觀塘接朋友放工順便約埋一齊食飯，之前聽佢講話係The wave嗰度開咗一間新嘅餐廳，所以今次亦都一早訂咗枱，接咗朋友收工之後一齊去食，入到去環境非常舒適，裝修亦十分有格調，服務員非常有禮貌，1）黃金烤原隻龍蝦🦞，粟米蓉，法邊豆，意大利飯，一上枱嘅時候已經見到隻龍蝦非常大隻🤤，用鹹蛋黃焗龍蝦🦞，出奇地夾，龍蝦亦非常新鮮爽口，意大利飯亦做得非常出色，飯嘅軟硬度剛剛好👍🏻，2）至尊Pizza，餅底做得非常薄，非常之脆口，最重要嘅係好多好多芝士🤤，絕對符合我嘅口味😂😂，3）焗香蕉酥皮卷伴自家製開心果雪糕🍦，香蕉出邊包住一層酥皮，非常香脆，最重要係佢個自家製開心果雪糕，真係非常非常好食，佢將個開心果完全打爛哂，令到開心果個味非常濃👍🏻👍🏻，呢一個一定要試吓，4）冷泡茉莉茶抹茶奶蓋，茶味唔係好濃，奶蓋非常香滑，5）冷泡櫻花茶奶蓋，呢一杯個茶味濃少少，奶蓋亦都一樣非常香滑，整體來講環境非常舒適，食物質素亦非常好，值得一試…查看更多

早兩日同老公出去慶祝元宵節，又見好耐冇食過燒肉，所以上網搵咗間燒肉，地點又方便喺旺角，所以決定就係嗰一間食，一早訂咗枱，準時晚上七點半到達，已經客滿，好彩有訂枱✌🏻，環境舒適，服務員亦好好禮貌，首先我地叫左A4日本和牛及A4和牛肉眼，兩個都肉質柔軟，而且肉味都非常濃郁👍🏻，五花腩，非常厚身，豬肉味濃但又不會太油膩🤤，雞腎，已經預先用腌料腌好，味道剛剛好，不會太鹹，而且份量十足👍🏻，泡菜炒牛小排，味道非常夾，用黎送酒一流😂😂，整體來講值得一試…查看更多

新年嘅期間實在太多飯局啦，都未試過同老公兩個人撐枱腳，所以今日我決定同老公出去食個開年飯😂，經過呢間餐廳嘅時候見到佢新出咗個壽喜燒，仲要標明係正宗壽喜燒食法，因為我同我老公兩個都非常喜歡食，所以諗都冇諗就上咗去食😂，其實呢間餐廳我都唔係第一次幫襯，質素確係唔錯，被安排坐係卡位，環境舒適，服務員非常有禮貌，呢一個餐係有鹿兒島牛、牛舌、豬肉，鹿兒島牛，肉味非常濃郁🤤，牛舌及豬肉都唔錯，另外海鮮拼盤有，廣島蠔、帆立貝、原隻魷魚仔，海鮮方面亦非常新鮮爽口，湯底方面確係出色，我自問食過好多唔同餐廳嘅壽喜燒，亦都喺日本食過幾次，佢個煮法同日本確實係一樣，首先燒紅左個鍋，再落一舊牛脂肪，然後將洋蔥同京蔥一齊爆香佢，之後就可以落牛肉，再加壽喜燒汁👍🏻👍🏻，另外飲品方面亦係任飲，整體來講絕對值得一試👍🏻…查看更多

今日約咗朋友喺荃灣度食飯，其實一直都想試呢一間火鍋店，咁啱同朋友講起，佢又話佢未食過，咁二話不說就大家一致認同去呢一間食啦，一早訂咗枱，所以上到去都唔需要等候👍🏻，入到去環境非常舒適及闊落，服務員非常有禮貌，今次我哋叫咗個稻八海鮮餐，湯底方面叫咗味增芝麻豆乳湯，味道剛剛好不會太鹹，肉類方面有豬肉，羊肉及雞肉，豬肉肉味濃郁，而羊肉及雞肉就不過不失，海鮮方面有蝦、蜆、帶子、青口及蠔等等......，以上海鮮全部都非常新鮮及爽口👍🏻，飲品、雪糕及甜品都有好多選擇，最特別嘅係佢有一個位俾你自己炸天婦羅🍤，連我朋友唔識煮嘢食嘅都炸得非常好食😂，其他配菜方面亦有好多選擇，整體來講值得一試…查看更多