新年嘅期間實在太多飯局啦，都未試過同老公兩個人撐枱腳，所以今日我決定同老公出去食個開年飯😂，經過呢間餐廳嘅時候見到佢新出咗個壽喜燒，仲要標明係正宗壽喜燒食法，因為我同我老公兩個都非常喜歡食，所以諗都冇諗就上咗去食😂，其實呢間餐廳我都唔係第一次幫襯，質素確係唔錯，被安排坐係卡位，環境舒適，服務員非常有禮貌，呢一個餐係有鹿兒島牛、牛舌、豬肉，鹿兒島牛，肉味非常濃郁🤤，牛舌及豬肉都唔錯，另外海鮮拼盤有，廣島蠔、帆立貝、原隻魷魚仔，海鮮方面亦非常新鮮爽口，湯底方面確係出色，我自問食過好多唔同餐廳嘅壽喜燒，亦都喺日本食過幾次，佢個煮法同日本確實係一樣，首先燒紅左個鍋，再落一舊牛脂肪，然後將洋蔥同京蔥一齊爆香佢，之後就可以落牛肉，再加壽喜燒汁👍🏻👍🏻，另外飲品方面亦係任飲，整體來講絕對值得一試👍🏻
The above review is the personal opinion of a user which does not represent OpenRice's point of view.
Like
Dining Method
Dine In
