KaMeal's Profile

同老公係美心食晚飯, 其實覺得美心已經愈黎愈唔好食, 但因落雨關係, 唔想行咁遠, 7:30pm左右都唔算太多人, 我同老公都鍾意鋸扒, 就order左2份西冷牛扒 ($53@), 唔多想飲酥皮湯, 但又唔比轉其他飲品/湯, 見到做緊夏日特飲推廣, 加配$9.5, 轉配$6, 問佢如果想飲係加配定轉配, 佢話係加配, 咁算啦, 照飲酥皮湯, 驚喜之處係西冷牛扒終於大返, 有手掌大, 之前食過一次只係大過BB手掌少少....而且都幾好味, 但原來成份扒餐得塊扒係好食, 佢既配菜有半條栗米同薯條, 食落都係霉霉地, 薯條唔脆, 懷疑係翻炸又翻炸, 栗米就收哂水, 最後到酥皮湯, 見外形都焗得幾靚.....點知金玉其外, 敗絮其中, 一拎隻湯匙吉開個酥皮, 表面係一層好厚既橙色油, 我真係忍唔住即刻拎相機出黎影低佢, 要寫食評  而且勁稀, 一D 都唔CREAMY, 相信係溝稀左, 唔通呢個就係唔比轉其他飲品既原因?  …Read More

今晚想同男友食韓國菜, 奈何荃灣區無乜韓國餐廳既選擇, 就同男友試下kim chi, 我地7:30pm左右去到餐廳, 唔駛等位, 餐廳只有4成滿座, 見到咁既情景, 有D擔心, 不過見餐廳裝修企理有風格, 用心設計, 而且店員親切有禮貌, 一坐低就馬上送上前菜 (有KIMCHI, 大荳芽同菠菜), 我地ORDER 左個$148 既二人餐, 好豐富, 包括牛肉湯2碗, 韓式牛肉炒粉絲, 豚肉鍋, 燒雞鎚, 白飯2碗, 飲品2杯, 以優惠價$8加左個炒年糕, 上菜速度好快, 30MINS 內就已經齊哂(可能係15mins ), 因為肚餓既關係, 影左一張相就掛住食唔記得影...=.=前菜中既KIMCHI係最好味, 好快食哂, 大荳芽同菠菜只算一般。炒年糕: 好味, 較甜亦夠辣, 好味, 一定要趁熱食, 咁先夠煙韌, 有幾條放耐左就硬左...:(韓式牛肉炒粉絲: 味道夠濃, 都係甜左D 同比較油, 都唔錯豚肉鍋: 對我黎講太辣, 男友就話夠辣但大荳芽太多, 如果換左係KIMCHI比較好, 豚肉好肥, 比哂男友食  燒雞鎚: 好似唔算係韓國菜? 但好好味, 又係甜甜辣辣~白飯: 比較硬同埋唔夠熱我地都好滿意呢餐飯, 埋單只係$148+$8, 星期一至五不用加一! 雖然唔算超級好味, 但絕對唔係難食, 會再幫襯, 希望KIM CHI 可以繼續做落去 ^^…Read More

6/6/2013 跟男友2個用膳, 我們7:45pm入座, 服務員親切友善的帶我們坐下, 然後跟我們說8時前happy hour 飲品買一送一, 我跟男友分別點了汽水及檸檬茶, 還無限添任呢, 服務員再為我們推介為慶祝集團成立60週年, 惠顧主菜送配菜1客, 我們選了主菜-龍蝦配牛柳7成熟 ($358) + 配菜-香草焗新薯 (Free), 服務員先為我們送上飲品, 過了一會, 便有餐包及沙律, 味道不俗, 餐包有點硬, 男友切了一會兒都未能切開, 服務員主動上前詢問我們餐包是否過硬, 更主動地換另一個給我們, 吃完餐包跟沙律, 主菜也到了, 時間剛剛好, 牛柳很軟很香, 牛味濃郁, 龍蝦蝦肉很彈牙, 味道特別, 有別於其他餐廳的做法, 帶有芝士香及有點兒辣, 很惹味!  美中不足是烹調用油較多, 伴菜都可以滴出油來, 可能美式菜的關係吧 吃完了主菜, 到甜品時間, 我們跟侍應說想要3球Homemade Galeto, 他讓我們選之餘, 還主動讓我們試味, 西環的分店有12種口味, 比其他分店多, 完全滿足喜歡吃甜品的我, 我們試了數款後, 選了Double Chocolate, Baked Pecan & Strawberry, 3款都很好味, 我最喜歡Baked Pecan, 有很多Pecan , 很有咬口, 令人再三回味 ^^無限添任服務也非常體貼周到, 他們會主動為我們添飲, 餐後亦會詢問我們的用餐滿意度, 發表完我的意見後, 他們說會用心跟進作出改善, 然後再送上了一張85折會員卡給我們 ^^…Read More

8/6/2013 跟男友到旺江南用膳, 早前於groupon購買了團購, 所以特地前往旺江南, 約了7點, 去到他們只問我有沒有訂單, 便隨便指了一張枱叫我坐下, 坐了許久都沒人招呼, 看見許多人都是買了團購而來, 都有8成滿座, 最後我地坐了差不多15分鐘才有人有空幫忙落單, 落單後等了一會兒, 菜便開始上了, 次序是担担麵 > 糖醋魚塊 > 菜飯 > 小籠包 > 青瓜哲皮 > 酸辣湯這頓飯花了大概1.5小時, 有一半時間都是等待......完全不是依菜單的先後次序上的, 算了, 心想美味就算了, 第一道菜-担担麵, 賣相已經不行, 放進口裡要馬上吐出, 因為真的很難吃, 麵條很硬, 湯底像餿水一樣, 可能太多人客, 應付不來, 應該只係拖一拖熱水就放進碗內吧, 跟侍應說了很硬, 咬不開, 他很不情願地替我們換了, 轉頭便換來另一碗冒煙的担担麵, 雖然麵條都是硬硬的, 但咬得開就算了....糖醋魚塊只有5-6件小魚塊, 隔離枱是叫餐牌上的糖醋魚塊, 比我們的大2倍, 味道還可以, 菜飯很淡, 沒有味道, 要加豉油才夠味小籠包雖然有肉汁, 但內裡的豬肉很硬....:(青瓜哲皮不是冷的, 好像放了很久才拿出來, 味道有點霉霉的......:(:(吃完以上的東西後, 還有酸辣湯未到, 我跟侍應說, 他就轉頭拿了2碗酸辣湯出來, 很辣.....我就叫侍應再添2杯豆漿 (注意: 餐單上寫的是豆漿及菜飯無限供應) 我跟男友只喝了2杯, 但因酸辣湯太辣的緣固所以需要多杯豆漿, 這次侍應很詫異的說: 又要?!?! 我跟他解釋是酸辣湯太辣...然後他走開了, 我們等了10分鐘,他都沒有理會我們, 我們都算了, 打算走, 走去問他是不是已包加一, 不用另外埋單? 他很晦氣的答: 唔駛埋就走啦! 這次經歷真的很不好受, 買團購就是要受氣嗎? 他們一邊招呼客人已經不斷埋怨很忙, 沒有人手, 還是他們沒有預計餐廳會滿座嗎? 又難吃, 服務奇差, 自己推出的優惠沒有兌現還要埋怨客人! 我們不會再光顧這間餐廳了!…Read More

30 Jul 2012 見openrice食評都唔錯, 所以就同朋友2個今晚book枱食, 7:30pm去到, 同佢講book左枱, 佢應完我地又行左去....跟住返黎又唔駛睇下D booking就帶我地坐低, 帶我地坐左係張6人枱, 轉頭又有2個女仔搭枱。睇左一陣menu就決定叫石頭飯(雞肉)同豆腐辣湯:前菜好快黎到, 有芽菜, 蘿蔔, 薯仔, 洋蔥冬菇, 泡菜.....都幾好味~所以都好期待D主菜食哂所有前菜都未黎主菜....但搭枱個2個女仔遲過我地黎, 遲過我地落單就已經黎齊哂D野, 咁我地唯有飲住茶等啦, 杯茶既味道怪怪的, 唔知係咩茶, 我同朋友都唔係咁鍾意, 就同侍應講要熱水, 可能太好生意, 佢地都唔得閒理我地, 我地同5-6個侍應講完, 佢地都當無回事, 最終15分鐘後終於有人肯理我地......過左無耐, 石頭飯(雞肉)到啦, 賣相唔錯, 但一食到雞肉就出事啦, 未食過咁難食既雞肉, 無雞味, 仲有少少臭臭地......食完石頭飯, 又要過成10分鐘先黎豆腐辣湯, 已經唔敢再期待.....服務差, 味道差.....豆腐辣湯: 黎到唔太熱, 味道可以, 仲有D 蝦同蜆, 不過蜆有好多都未開口....總括呢一餐係我食過最難食既韓國菜.....唔會再幫襯.....…Read More