heisfoodiary's Profile

女朋友話想食壽司，我唯有揸車出黎睇下買咩比佢啦！！我成日買爭鮮、元氣，女朋友一早吩咐定要去邊間買，我就唔使再上網搵下買咩比佢啦！過黎灣仔，門口已經有人排隊，買外賣等10分鐘左右，見到師傅即叫即製，好新鮮！我叫左black magma roll、c-dragon、cali salmon roll。菜名好有趣，分別喺帶子、櫻花蝦、天婦羅脆片、黑芝麻醬，另一款喺香炸三文魚、蟹棒、黑芝麻鹽和胡椒，最後一款喺雙色蟹籽、炸鰻魚、mayo醬和鰻魚醬。賣相好靚，難怪女朋友會鐘意。壽司味道層次好豐富，絕對唔會淡口，入口有脆片有魚肉油脂香味，又會有醬汁濃香調味，整體令人食到停唔到口。壽司款式都有好多，可以下次再黎試下其他味道。…Read More

今日返工嘅時候有同事竟然話午餐去食燒肉所以就嚟咗呢間肉料理廣試一試啦唔試就唔知原來喺隱世入面都有一間咁正嘅燒肉鋪我見到依間舖頭主打飛驒牛，就一於叫咗一個日本和牛套餐黎試吓啦。一試就知冇得頂，肉嘅份量唔算多但係只和牛嘅價錢來講都算對得住啦。油脂分布非常之靚，一擺落個燒烤爐上面，非常之香嘅肉香就已經出咗嚟。一擺入口更加唔使點咬，好似發開咗咁。牛味都非常濃郁。跟餐配有茶碗蒸，麵豉湯，同一啲漬物。啲漬物感覺上就偏韓風小小嘅，好似係啲辣泡菜菠菜同芽菜咁。甜品有兩款分別係芝麻同紅豆。同事話飽得滯唔食，我一個人食晒兩款都非常之滿足。…Read More

今日去左鮨逸同女朋友慶祝拍拖紀念日，餐廳早早就訂左位，因為實在太怕臨時搵餐廳無位，女朋友一定黑面。餐廳充滿日本風味，仿似去左日本一樣，用餐環境好好！我地叫左廚師發辦套餐。沖繩水雲配松葉蟹肉、長崎水果蕃茄配高堂啫喱岩鹽、水母刺身柚子醋，前菜太驚喜，精緻開胃，味道清香甜美，打開味蕾的享受。海膽豆腐、北海道粒貝、龍蝦刺身、磯燒帶子，又是另一種層次的味道，海膽甜密，龍蝦好新鮮，味道爽嫩清甜！壽司又是吸引的位置，赤貝、深海池魚等。食物種類和款式好多，好似一場表現，味蕾之間的爭妍鬥麗，岩蠔、白象拔蚌、豉油漬蒜頭、白蝦壽司、活北寄貝壽司、北海道銀鱈魚壽司配炸蒜、原隻紫海膽、南非鮑魚蟹膏、大拖羅壽司、北海道白海膽，種種都非常滿意，白海膽令人太難忘，綿密香甜，濃郁的甜香充斥整個口腔。最後有毛蟹飯、玉子布丁、龍蝦頭舞茸菇清湯和紫薯雪糕。食完之後，女朋友話一定要再黎！…Read More

今日同女朋友去左尖沙咀食飯，佢就快去外國讀書啦，我好唔捨得佢。一早上網book左枱同佢去食餐日本菜。接完佢放工就去餐廳，晚市人客好多，門口都有一條人龍。今晚女朋友想食日式串燒，上網見到好多人推介南亭，結果唔錯啦！我地叫左好多碟，有雞心、雞翼、白鱔、三文魚鰭、免治雞肉棒、豬頸肉、牛舌心、明太子雞翼、黑豚豬大蔥，我最後仲加叫左牛肉烏冬和三文魚飯團。質素太高啦！白鱔燒到卜卜脆，魚肉爽嫩魚油豐富。牛舌心厚切口感十足，中間爽嫩驚喜。明太子雞翼好肥滿，咬開明太子滿瀉。串燒即叫即燒，水準高。最後既牛肉烏冬女朋友大讚，牛肉肉質嫩滑而且肉味濃厚，飯團好香口！餐廳食物水準高，性價比都幾高！下次再同朋友黎食過！…Read More

今日同女朋友慶祝拍拖紀念日，已經9年啦。時間過得開心又幸福，紀念日當然要同女朋友食餐好既慶祝一下啦！佢最鐘意食日本菜，我一早做定功課，早兩個星期已經book定位，同佢開心食餐飯。餐廳主打壽喜燒，專人喺面前即燒，極有風味。前菜有磯煮鮑魚、魚肝、魷魚。前菜賣相好靚，鮑魚香嫩入味，魷魚爽甜，魚肝醬汁酸甜，好開胃。刺身有赤身、海膽、帶子。刺身好新鮮，帶子香嫩鮮美，最愛海膽甜密香嫩，無海水腥味。和牛他他好特別，加上海膽點綴，入口無血腥味，甜美香嫩，海膽增加味道增加。壽喜燒來了，和牛西冷和肉眼，肉味非常濃厚，醬汁香甜增加肉香，牛肉入口油脂豐富，非常惹味！墨汁海膽三文魚籽蒸蛋，入口好幼滑，甜美三文魚籽非常驚喜。甜豆三文魚籽蟹肉釜飯！飯粒咸香鮮甜，豐富食材增加口感。甜品有女朋友最愛既水信玄餅和柚子雪糕。由頭到尾，用餐環境和味道非常滿足！值得再次幫襯！…Read More

今日去到了銅鑼灣買了一些東西，又想起了早前吃的一間餐廳，價錢合理，而且坐bar枱還可以好好欣賞廚師的即席表演鐵板燒，每一枱的食物都可以在你面前煮起，非常吸引。先來的是一份蒜子醋蕃茄，酸酸甜甜的，多點一下在底下的醋汁，非常醒胃。然後是一入日式章魚御好燒，感覺記像是一份超級大的薄餅版章魚小丸子。還可以自己加些紫菜同薑絲。牛脂炒飯，不得不說，愈邪惡的東西永遠是愈好味既。牛脂非常香濃，入口即溶。泡菜洋蔥豬肉，微辣的泡菜配上豬腩肉，有洋蔥解膩而且中間有一些年糕增加飽肚感。…Read More

老朋友升職加薪，特登約左我食飯，慶祝一番。咁岩撞正平日有假放，女朋友又番工，當然要約朋友食飯慶祝下啦。我地諗左好耐唔知食咩好，朋友介紹左一間日式鐵板燒餐廳，聽講質素幾高，我地就去食個午餐。午餐有lunch set menu，我地叫左午餐B。先來沙律，我地都叫左芥末醋汁，沙律簡單清甜，幾開胃醬汁，為一陣間美食打開序幕。之後有魚籽醬配日本帶子。底下是菠菜汁，帶子香甜嫩口，配上魚籽醬，味道鮮香提升不少。之後再來龍蝦，配龍蝦膏醬汁，更是令人未能忘記。龍蝦肉質非常香嫩鮮美！主菜叫左牛肉薄燒，朋友叫左燒牛柳。燒既時間控制得好好，配竹炭鹽，更是提升肉味。清甜湯品清清味蕾，再來海鮮炒飯，蝦肉蜆肉份量都好多。最後更加有甜品。午餐非常滿足！…Read More

今日放假同女朋友去行街，佢一早想去銅鑼灣Sogo感謝節掃啲化妝品，趁減價大手入貨。所以我一早做定功課搵定餐廳，決定同佢食個午餐。番工忙都好少機會同女朋友食飯，一早打去灣仔Odelice! Book定枱，同女朋友食個brunch啦！我地叫左一模一樣既brunch set。「班尼迪碗」有煙燻茄子蓉、燒茄子、車厘茄、牛油果，我地都叫左哈羅米芝士。健康又colourful既午餐，雞蛋好流心，荷蘭醬微微燒香，非常香甜焦香！麵包吸哂醬汁，超正！女朋友叫左海鹽焦糖醬、朱古力醬、杏仁既法式甜品，甜度唔高，海鹽焦糖醬味道比較突出，配上香軟充滿蛋香既餅皮，非常滿足。…Read More

女朋友要去銅鑼灣做facial，男朋友當然要做柴可夫司機，照顧週到啦！最近Sogo做緊感謝節，銅鑼灣既人流多左好多，非常誇張。送完女朋友之前，諗住一個人食左lunch，點知周圍都喺人，間間餐廳都滿座。經過見到波士冰室，人客好多，排左一陣入去食個茶記午餐先。環境新式簡約，我好快就落單，叫左一個「咖哩吉列豬扒旋風蛋包飯」。賣相有睇頭，旋風蛋非常滑溜，蛋味又重！吉列豬扒炸到脆卜卜，厚度剛好唔油膩，好鬆脆！飯底有驚喜，加左日式味素，味道層次更豐富。果然有心思，而且非其他一般茶餐廳質素！…Read More

在這段不能夠旅行的日子，常常都想念著食日本菜。而當中最令我心動的，最能夠回味日本的，就是依一間漁獲浜燒。吃海鮮不配上一杯酒，是對不起條魚的。今天心情卻不太想喝太濃酒精味的，就選擇了乳酸味的果酒。酸酸甜甜，十分開胃醒目。前菜來了一份黑松露平目魚邊沙律。平目魚邊輕輕燒過，油香感十足。配上清新的蔬菜，滑而不膩。黑松露醬的味道也很濃，再加上少許的油醋，就是一道美味的沙律。刺身拼盤。不用多說：肥！厚！甜！鮮！也來了一客最出名的浜燒海鮮套餐：有鮑魚，大蝦，帶子，蟹腳，蠔。燒海鮮十分鮮甜，而且有自家製的醬汁，正正就是我所期待的日本風味。當中一定要試的是活活的燒鮑魚和牛油燒帶子。鮑魚上枱仲識郁架，燒完出嚟爽口彈牙，一啲都唔韌。牛油帶子吸盡了牛油的香味，非常邪惡惹味。…Read More

今日去左尖沙咀行街，去到lunch time諗住接埋女朋友食飯，點知佢做緊facial未走得！我就自己一個人搵野食嚕行行下見到一間新開張既泰式fusion餐廳，環境有精心設計，好靚好舒服！menu選擇唔多，不過款款都好吸引我叫左前菜：泰式營火串燒，有豬肉、牛肉和雞肉，調味非常夠，燒到外脆肉質爽嫩，好juicy！醬汁喺沙爹醬，香濃夠惹味！主菜叫左泰式紅咖哩配無骨雞，紅咖哩香濃夠椰香，咖哩味濃唔會太辣，雞肉香嫩雞髀位置非常香滑！甜品最驚喜，賣相夠心思芒果糯米飯椰子雪糕甜筒，夠可愛唔會太甜。…Read More

由於疫情關係，依家無左晚市但係唔緊要！飯就點都要食，祝就點都要慶！所以今次搵左一間高級的鐵板燒專門店，同朋友一齊慶祝！首先上的當然時湯和刺身，湯是粟米湯，十分香濃，而且帶有點點的甜味，非常開胃。刺身則是十分新鮮，當中最愛的當然是牡丹蝦啦！又甜又大隻，仲會漿住個口！一流！跟住落嚟就開始開爐燒野食啦，鮑魚有微微的焦香，入口爽口彈牙，而且鮮甜。最愛的和牛卷！入面仲包住左香蔥，入口即溶並帶有濃濃的蔥味。我只想投訴！3件太少啦！午餐的最後以炒飯，炒什菜同埋一杯雪糕作結。炒飯入面有少量菜和黑豚肉。米飯粒粒分明，入口非常滿足！…Read More

今日同老朋友食飯，幾年無見特登約出黎見個面！大家約左喺中間點食飯，大角咀有間日式串揚居酒屋，晚市都有唔少人幫襯，我就去試下啦！先點啤酒，配炸串最岩螢光魷魚，入口爽嫩，輕輕wasabi帶出鮮味三文魚刺身，肥美魚油極高，好香嫩！夠新鮮油甘魚腩薄切喺店員推介，時令又新鮮，入口魚味重而且香甜，果然好味！金龍卷，由炸大蝦、蟹籽、芝士等等食材製成，夠哂惹味！吉列大池魚的確最難忘，入口香脆魚油豐富，嫩滑魚肉夠哂吸引另外仲叫左串揚，有南瓜等等蔬菜之外，仲有雞肉、豚肉、沙錐魚、蠔肉卷，外習炸粉夠薄，而且夠香口！中間肉質唔乾！…Read More

今晚同女朋友慶祝拍拖週年紀念日，一早搵定間餐廳同佢慶祝！做定功課女朋友最愛食日本菜，早早之前上網睇到旺角區新開左一間日式居酒屋，位置近旺角東火車站，聽聞質素高！今晚黎到枱枱都滿座，好彩一早攞定位:)前菜：鯷魚醬雜菜，魚味好濃香，配埋清清地既雜菜，味道剛剛好！我地叫左一枝清酒，酒味甘醇，容易入口！前菜叫左左口魚沙律菜，燒香左口魚入口即溶，魚油濃厚！鰻魚干配清酒最夾，咸香獨特又唔乾！另外叫左燒牛舌、燒白鱔、燒菠蘿、燒豆腐，串燒即叫即燒！最愛爽口厚切既牛舌，黑椒味濃入口咸香爽口，好juicy！白鱔皮脆肉嫩，魚油豐富！最後叫左九件壽司拼盤，最愛和牛壽司，入口即溶，大拖羅非常肥美，黑松露帶子爽甜新鮮黑豚肉炒麵炒飯，大板燒煮法，加上沙律醬，好惹味口感好特別！甜品當然唔少得女朋友最愛黃豆粉蕨餅…Read More

說到要吃一餐麻辣味道的好餸我就會立即想起這一間麻辣派對！最緊天氣涼，想吃辣的感覺又愈來愈濃，當然又要回來朝聖啦！依一次我叫了一份孜然蔥爆羊肉。說到羊肉，很多人都很怕，我卻是十分喜愛的。嫩滑至極，而且吸收了辣味，配上了大蔥一起吃，十分的惹味。香噴噴的，令人胃口大開。而且這邊的辣，總是帶有一陣陣的甜味。主食則叫了一份肥牛酸辣米線。湯底味道不算大濃畢竟仲有餸要食， 所以正好。肥牛軟淋，好味！Delicious!…Read More