RayTsang95's Profile

元朗必食拉麵莫過於野川拉麵，呢間拉麵價錢唔貴，味道選擇又多，仲有好多小食選擇，唔鍾意食拉麵嘅朋友可以選擇烏冬。今次我就揀咗吉列豚肉拉麵配芝士辣湯同自家製豬軟骨拉麵配芝士辣湯。呢度嘅芝士辣湯味道濃郁，辣到又夠，食過翻噚味，鍾意食辣嘅朋友一定要試吓。自家製豬軟骨拉麵。豬軟骨大大嚿，非常軟滑入口即溶。吉列豚肉拉麵。呢度嘅炸物非常出色，豬扒唔會炸到好乾，食落有肉汁又夠香脆。小食選擇都幾多。最近做緊優惠，只要喺社交平台分享就有半價小食，我就叫左一份日式芝士年糕同廣島吉列炸蠔。…Read More

今日行開佐敦肚餓就上OpenRice睇下附近有咩食，睇睇下就見到呢間十二鍋好似幾吸引。呢間餐廳地理位置都幾方便，鄰近地鐵站行幾分鐘就到。呢間餐廳主打一人一鍋，$88套餐有12款唔同嘅鍋可以選擇，仲包埋飯或者粉絲同低糖紅茶或者綠茶。今次就叫左台式沙茶牛肉鍋同台式麻辣鍋。台式麻辣鍋入面有牛肉、麻辣鴨血、牛丸、蟹子丸、娃娃菜、金菇等等，配料都算幾多。味道方面辣度十足唔係咁食得辣嘅朋友可以叫小辣。台式沙茶牛肉鍋配料有牛肉、牛丸、貢丸、娃娃菜等等，面頭仲有台灣麵線，再加埋配既粉絲食完都幾夠飽。…Read More

今日經過九龍塘見到呢間april k餐廳諗住買個外賣，去到外賣區見到個每日精選外賣都唔錯，價錢又平仲包埋餐湯($35)就諗排隊買個肉餅飯試下。點知我等左成十分鐘都無職員過嚟落單，我就行入去餐廳收銀落單，之後佢同我講唔得閒服侍你，叫我行返出去外賣區等。之後我又等左十分鐘先有職員過嚟落單，完全唔明白呢間餐廳點解要整個外賣區加埋個外賣區冇人理成班客人係到排隊冇人理。呢餐廳服務完全係超乎想像，唔明一間餐廳點解可以咁差…Read More

今日係荃灣行街經過見到呢間新開既流水蝦餐廳好似幾好，同埋未係香港食過呢類型嘅餐廳，所以就去試下先，一入到餐廳就聞到好大浸海鮮味，張枱隔離就係一個連住一個嘅玻璃水缸，入面裝滿大量嘅新鮮蝦。入面既蝦非常新鮮生猛，每張枱都有一個冰桶，將水缸入邊嘅蝦夾到冰桶等一陣就可以放落爐燒。蝦肉食落非常爽口，唔會霉，同埋呢到既蝦都幾大隻下。如果覺得枱邊細缸既蝦唔夠大隻仲可以攞個冰桶出去慢慢揀。出面仲有好多款唔同嘅嘢食可以選擇，有雞翼腸仔漢堡扒等等，仲有幾款海鮮可以攞嚟燒。兩個人食完非常滿足，黎到淨係食海鮮都夠回本。…Read More

係元朗夜麻麻口痕肚餓第一時間就會諗起呢間東哥點心，夜晚仲會開到凌晨四點，見到餐牌早餐同午餐都有幾抵食嘅優惠，$33有兩款點心$24仲有細籠仔飯。今日就叫咗呢個抵食套餐，一個飯加個湯都只係$65，我揀咗籠仔鳳爪排骨飯同蟲草花燉土雞。呢度嘅籠仔飯係用荷葉包住蒸，份量都幾大，排骨同鳳爪份量都算多，白飯粒粒分明唔會太濕。蟲草花燉土雞味道鮮甜，足料夠火候，啖啖都係精華。牛柏葉非常爽口，入面嘅蘿蔔都非常入味。蟹子燒賣基本上係飲茶必食之一。最近仲有煲仔飯食，下次嚟到要再試下。…Read More

係IKEA行到攰又見差唔多到晚餐時間，第一時間就諗起呢間窮人恩物IKEA Restaurant & Café，不過由於疫情關係排隊等候時間較長，喺外面排隊職員會幫你安排位置。今次晚餐就叫咗香草煙三文魚沙律、海陸大餐、小食拼盤同埋新出嘅牛油蒜香焗龍蝦配芝士煙肉焗薯。香草煙三文魚沙律係必食之一，挪威三文魚油潤可口，沙律菜亦都新鮮。海陸大餐，牛肉夠嫩醬汁又煮得夠香，不同隻蝦就有小小差，薯角非常香脆，仲有雜菜半碟。牛油蒜香焗龍蝦配芝士煙肉焗薯，$69有半隻龍蝦都算抵食，肉質鮮甜配上牛油蒜茸非常唔錯，焗薯份量適中夠晒飽肚，不過味道一般。小食拼盤一次過食晒唔同嘅小食，有粟米、薯格、腸仔、雞翼。…Read More

母親大人生日想搵間環境唔錯既酒樓食飯揀咗頗有名氣嘅三希樓睇睇餐牌發現除左川菜之外 仲有粵式燒味小菜前菜有個川味既涼拌小食入邊有筍片同鴨腎味道好好幾開胃母親大人發板第一個上枱嘅係酸菜魚講真賣相真係一般比起坊間嘅酸菜魚呢個係比較遜色味道單調同埋唔明白點解會有秀珍菇做配菜不過魚片肉質可以份量都足夠反而三希吊燒雞有驚喜外皮炸得香脆肉質嫩滑而且有雞味值得一試酥炸生蠔炸得十分酥脆炸漿調校得好好生蠔亦都好大隻唔會有腥味京蔥爆羊肉炒得夠鑊氣不過略為覺得鬆肉粉落得太多失去左羊肉嘅味道有啲似食緊乾炒牛河嘅牛肉整體覺得味道還可以不過價錢偏貴炒多個芥蘭四個人一共食五個小菜折左都要1500…Read More

今日經過天日商場，發現原來呢度有好多唔同嘅餐廳，最後揀咗呢一間魚眾不同酸菜魚，店面裝修一般，但係見到佢嘅食物好似幾吸引。呢度選擇大概分左牛肉同魚，而每一款都有七個口味，套餐仲可以揀白飯、米線或者薯粉同贈送兩個配菜，今次試咗金湯酸菜魚同香辣牛肉。金湯酸菜魚入面有青花椒同辣椒，味道比較辣唔食得辣嘅朋友建議小辣同小辣椒，而配菜就選擇了萵筍同大豆芽，萵筍爽脆同埋酸菜魚建議選擇生魚片。香辣牛肉真心推薦，味道香濃，牛肉鮮嫩較為厚身，唔會好似一般平時食到嘅平價生肉咁用普通肥牛，而配料方面我選擇了金針菇同豆卜，豆卜吸收了湯底之後變得非常美味。套餐分量十足，一個人食一個餐十分足夠，套餐個人建議選擇白飯配搭，因為米線是分開上的，比較淡味。…Read More

今日收工經過尖沙咀諗唔到食咩好，朋友建議過嚟韓國街睇下有咩食，跟住經過呢間oppa coffee bar restaurant好似幾好味同幾多人排隊，所以就試吓呢間人氣店。上網見到呢度最出名嘅係熔岩炒飯，有六款唔同嘅口味，今次叫咗秘製章魚蛋漿熔岩炒飯。個炒飯嚟到之後，店員會親自過嚟處理呢個炒飯，佢會用火槍加熱鐵板，然後加入芝士同蛋漿再用火槍燒溶芝士，再將炒飯同芝士蛋漿混合，撈成拉絲狀。食落每一啖都有粒粒嘅章魚同芝士，味道不錯，嚟到一定要食。嚟到韓國餐廳梗係要食炸雞，我哋叫咗個蜜糖牛油無骨炸雞，外皮香脆食落有好濃郁嘅蜜糖牛油味，底部仲有薯條。最後叫咗個韓式泡菜湯，十分足料但個人認為味道偏鹹。…Read More

最近朗豪坊網上商店有優惠，可以用$70的價錢買到價值$100的現金卷，所以過來朗豪坊川莊試食一下。入到門口坐低之後侍應就攞咗一壺茶黎，入面有杞子,紅棗,玄米,冰糖,茶葉，味道清新帶甜。酸辣土豆絲味道一般，比平時食到的偏酸和辣。孜然香酥羊腩，味道超正，外表香脆羊腩入口即溶充滿羊肉的油香，黎到川莊一定要食。（暫時食過最好味的香酥羊腩）黎到川莊又點少得食水煮魚，今次叫咗招牌水煮桂花魚，仲可以免費加4款配料，我加左蓮藕片,午餐肉,牛肚同木薯粉條。兩個人食份量十分足夠，唔係太食得辣嘅朋友建議叫返微辣。飲品方面選擇都多，今次我就叫咗芒果香桃雪冰，飲品夠晒大杯。…Read More