揀咗頗有名氣嘅三希樓
睇睇餐牌發現除左川菜之外 仲有粵式燒味小菜
前菜有個川味既涼拌小食
入邊有筍片同鴨腎
味道好好幾開胃
母親大人發板
第一個上枱嘅係酸菜魚
講真賣相真係一般
比起坊間嘅酸菜魚呢個係比較遜色
味道單調
同埋唔明白點解會有秀珍菇做配菜
不過魚片肉質可以份量都足夠
反而三希吊燒雞有驚喜
外皮炸得香脆
肉質嫩滑而且有雞味
值得一試
酥炸生蠔炸得十分酥脆
炸漿調校得好好
生蠔亦都好大隻
唔會有腥味
1
京蔥爆羊肉
炒得夠鑊氣
不過略為覺得鬆肉粉落得太多
失去左羊肉嘅味道
有啲似食緊乾炒牛河嘅牛肉
整體覺得味道還可以
不過價錢偏貴
炒多個芥蘭
四個人一共食五個小菜
折左都要1500
