wsl322000's Profile

兜飯好食...食完唔覺得飽而d餃子就真係一般,同阿媽整果d差唔多價錢都幾昂貴試過就滿足了:)…Read More

朋友一直話想食石鍋飯,為左滿足佢,就揀左MENU之前一直未試過的,期望都不大恰好當日做完手頭上工作,正正是下午茶時段有9蚊一個飯既優惠,當然不放過了同朋友兩份夾,可以慳到幾蚊至幾十蚊叫左個肉醬熱石鍋飯+熱奶茶等左好幾十分鐘,終於有得食了都幾熱下,但我仲覺得可以再更加熱D肉醬就食得唔少,而我叫果個肉醬同過往所食既差唔多冇乜特別可言好彩飯裡有少量飯焦,值得一讚同時,可能下午茶時段關係,餐廳內好靜...冇員工趕人走的確係一件令人平靜既地方…Read More

兩個星期前食過一次之後一直念念不忘...今日中午特登再去多次收銀依然係四眼哥哥,佢相當有禮貌今次去比上次少人...一去到就有位坐唔理三七二十一,即刻買個餐黎食先買左個「萬如飯」,加杯熱奶茶萬萬都估唔到,個收銀哥哥居然記得我地..而且仲記得我朋友買過d乜野餐添太難以至信了...黃金色既「萬如」,望落去似炸薯餅咬落去,外脆內軟,好味就是其實到底係d乜野黎既呢...味道好熟,就係諗極都諗唔到係d乜野...有誰能夠解答我問題好多瓜瓜菜菜,食到好飽…Read More

去完參觀有d肚餓令我諗起琴日響淘大某處望見大大張海報寫住「台灣菜 - 易牙」既然有目標,緊係去試試味響鋪頭門口已經有員工向我地招手坐左卡位,應該係6人位,一行4人,坐得好舒適又凍又肚餓,緊係即刻叫個麻辣麵,加杯珍珠奶茶幾分鐘後上枱碗野都幾紅喎...飲啖頭湯,嘩靠..得個辣字完全試唔到任何味道無理由辣到咁樣的,自問都算幾食得辣,加上天氣凍點解仲會咁辣既呢?係我既問題,定係食物本身既問題呢?好彩杯珍珠奶茶夠好飲姐,如果唔係...果碗麵真係食唔哂味道:碗麵太辣,差...珍珠奶茶好飲環境:坐得舒服,環境幾靜 服務:基本都服務態度都做得到,未出現吹人走/九秒九收枱既情況出現 衛生:幾乾淨 抵食:唔抵食,34蚊得個辣字既麵,奶茶就抵飲…Read More

應友人既提議,就黎左呢間日本料理既鋪頭中午點幾鐘,爆滿人等左幾分鐘有位...加埋我及友人,總共5人俾左4人位我地,坐得好迫睇左一陣餐牌,叫左個「和風叉燒拉麵」送上一杯茶,小弟由細到大都有飲茶既習慣一試味..鐵觀音,而且溝左97%白開水4個字..淡而無味之後黎左個前菜,無耐就黎主菜先聞下個味道,的確有湯底既香味飲啖頭湯,居然即刻令我諗起「合_道」果d味精水我唔信,再飲多啖唉...事實是不能夠抹去的再試下拉麵又如何,感覺好似中國果油麵,帶有少少似甜身味既麵咁而且佢d拉麵唔係圓身的,直頭係杯麵果d麵,不過就比較粗身少少,係少少最後食埋d叉燒,好軟身好咸,而且好索水,索哂d湯底味我估計d叉燒係放過一兩日的味道:味道一般,屬於剛剛可以接受既程度環境:好迫,轉個身都好難,而且比較暗 服務:普通既服務態度,標準型 衛生:幾企理,人客走左唔夠2分鐘,就即刻清潔枱面,地面太暗,見唔到 抵食:唔抵,索左唔少味精水,份量則適中,價錢應該可以更加平d…Read More

上年暑假黑椒漢堡一役一直都想再試過今年終於番炒了...打開一睇,我的天啊...個飽縮水成個漢堡飽咁,只不過比漢堡飽多塊肉賣相更加唔需要多言了而薯條既數量更加係少左3分1望見成個餐,真係有d o嘴...味道方面,個飽味道同之前一樣(呢層當然係理所當然)廿幾蚊好唔抵對比上年既黑椒漢堡,簡直...睇黎12月果個蝦堡都無緣試味了…Read More

搜尋九龍灣有邊度好食,呢間都算係頭一兩名了當然要去試試味,而且又近校院今日喉嚨有少少痛,擔心試唔到好味既食物,好彩總算安然無恙同3個fd一齊去食中午,響淘大搵左少少時間,原來響最埋邊既角位度好彩記得個餐廳名姐,如果唔係真係搵唔到入到去,俾我既感覺係..好似大_樂/大_快咁突然傳來一聲歡迎光臨既說話,係個收銀哥哥講的望一望有冇位,冇哂4個人既位..當時有d灰,但唔算多人有個女店員走埋黎,好有禮服問問我地有幾多人轉眼間佢即刻搵到位俾我地...坐低之後,我負責睇位,靜靜咁留意周圍...我自已就叫左「豆腐扒飯」,睇網友d食評話呢個餐唔錯咁,所以就買黎試試紅白米飯好耐冇食過,乾身岩我而個豆腐扒就相當令我感到興趣咬左啖,軟硬程度適中,豆味幾重預左佢係淡身的,點一點佢格離d「是油」,反而又更加普通左,皆因d豆味7成都被傘蓋豆腐扒下面仲有d瓜瓜菜菜既然黎到素食地方,呢d絕對唔可以放過,同快餐店果d冇得比d菜好爽口,食到有聲咁,好新鮮而d瓜又夠有口感,軟得黎,又唔覺得佢太淋成個份量黎講,我覺得個份量岩岩好,食完好飽而味道方面我都認為好食,可能我口味比較啖身相反,食量大,而且鍾意食肉既朋友,,可能會覺得唔夠飽/啖味未來既日子我會再黎試其他的環境: 店裡面都唔算大,但設計果方面令你覺得個空間感大左(留意果個弧型鏡)服務: 每個員工好有禮貌,坐響度半粒鐘,起碼都聽超過5~7句有禮貌既說話衛生: 好乾淨,牆身及地下都有企理抵食: 見仁見智,最起碼我食得飽…Read More

一飲落去,首先有陣微微既茶味,之後轉變為強烈既奶味,最後口腔放滿一粒粒既珍珠我就比較鍾意慢慢咀嚼細細粒既珍珠每粒珍珠都將佢地咬爛,當中有軟的,彈性的,有d更似麵粉不管似乜都好,好味就是由於太大杯既關係..我都要分開2次飲700毫升只賣10蚊...絕對好抵飲…Read More

其實上個禮拜都想去觀塘食嫁啦只不過有d事,搞到冇去到今日終於可以一嘗了朋友話好食,所以先至登特落去觀塘試試下午2點鐘,唔駛排隊就入左去即刻有位坐,都幾多人下睇睇玻璃枱d餐單,叫左個雞肉米線,清湯底皆因我食量少,擔心食唔哂,所以至咁樣叫的幾分鐘後就上枱了望到成碗米線...我直頭ｏ左嘴...真係好大碗唔理咁多,即刻起筷熱辣辣,食左啖清湯...真係幾正下跟住食下芽菜,好爽口雞肉夠滑:)不過有d軟骨,我咬唔爛d米線咬落去軟軟地,有彈性好食既關係...食到停唔到口食完至知個肚好飽,好滯...環境:間野比想像既細間左d,而且d坐位都幾迫下服務: 最起碼都有一般既禮貌衛生: 成個場都幾干淨,d野未黎之前d阿姐仲抹d枱,為獨是入面比較暗d抵食: 大大碗的確抵食,見到有好幾個都係叫1碗2個人食…Read More

愈黎愈次數都去呢間食午餐可能我比較細食,一個熱狗套餐10蚊就滿足了個熱狗幾好味,有種食完再想食既感覺而且套餐包括埋野飲,有雪big,百事可樂針..仲要係任針果隻不過好多人飲一杯已經足夠了熱狗單價都只係6蚊反而飲品要7蚊果隻d爆谷同埋新地都好好味,4蚊&2蚊:)…Read More