只不過有d事,搞到冇去到
今日終於可以一嘗了
朋友話好食,所以先至登特落去觀塘試試
下午2點鐘,唔駛排隊就入左去
即刻有位坐,都幾多人下
睇睇玻璃枱d餐單,叫左個雞肉米線,清湯底
皆因我食量少,擔心食唔哂,所以至咁樣叫的
幾分鐘後就上枱了
望到成碗米線...我直頭ｏ左嘴...真係好大碗
唔理咁多,即刻起筷
熱辣辣,食左啖清湯...真係幾正下
跟住食下芽菜,好爽口
雞肉夠滑:)
不過有d軟骨,我咬唔爛
d米線咬落去軟軟地,有彈性
好食既關係...食到停唔到口
食完至知個肚好飽,好滯...
環境:間野比想像既細間左d,而且d坐位都幾迫下
服務: 最起碼都有一般既禮貌
衛生: 成個場都幾干淨,d野未黎之前d阿姐仲抹d枱,為獨是入面比較暗d
抵食: 大大碗的確抵食,見到有好幾個都係叫1碗2個人食
