貓舌美。食's Profile

今次去左 美味餃子店 食餃子，當日就算３點左右先到，都依然需要排隊。店舖所賣的餃子都係常見的餃子款式，賣的不是特色，而是平實的美味！白菜肉餃 - 湯餃10隻 ($57) 印象最深刻，係10隻同7隻餃子價錢都只係差幾蚊，明顯店舖想客人叫10隻！本身以為10隻都係正常份量，點知依間餃子店一隻的大小，好似其他店舖兩隻的份量！如果細食的朋友，應該可以打包返屋企繼續食！餃餡非常飽滿而有汁，雖然唔會有D咩驚為天人的特點，但佢賣的，就是一種平實的美味！辣菜圃都幾重豆豉味，亦都幾辣下，所以加少少係餃子上面一齊食就剛剛好！不過，豆漿就一般啦～以下係我的評分（滿分為５分）：味道：5分環境：3.5分服務：5分價錢：5分推薦程度：4.5分美味餃子店網址: https://s.openrice.com/QrbS01lK200~uKZISBA地址: 太子大南街74號地舖電話: 23097308…Read More

最近去左太子的兩姊妹涼皮，試下佢四川野係咪真係咁好味先！去到都見到幾多人排隊，加上落完單都要等10-20分鐘先有得拎。不過好處是，店舖係轉角位都提供左幾個企位，放便人拎完即食！極品擔擔撈麵 ($30) + 雞絲 ($10) [圖右]雖然佢以涼皮為招來，但我反而想試下佢其他麵食，所以點了極品擔擔撈麵。因為係撈麵的關係，所以佢味道都幾濃下，當中麻味最出，其次先係辣味，之後是花生味。麵是熱的，即叫即煮，所以麵條都分明，唔會癡埋一齊。另外加了雞絲，本身以為係無味的細絲款，但原來係有醃過，加上佢接受雞條多於雞絲，味道是好味，亦值得加配的！兩姊妹涼皮 ($29) + 金錢肚 ($13) [圖左]第二碗就是招牌的兩姊妹涼皮，涼皮比平時食開的滑！調味亦相當大陸味，有麻有辣咁平衡等幾好！不過，如果兩揀一的話，我會選擇擔擔撈麵！以下係我的評分（滿分為５分）：味道：5分環境：(外賣不評)服務：(外賣不評)價錢：4分推薦程度：4.5分兩姊妹涼皮有限公司 (柏樹街)    網址: https://s.openrice.com/QrbS0At8900~uKZISBA地址: 太子柏樹街15號地舖…Read More

之前係葵廣食完又一戟覺得好好食，所以係旺角見到分店時都再食多次，睇下唔同分店之間水準係咪一樣。今次叫左開心果(醬)雪糕班戟。開心果(醬)雪糕班戟($42)本身以為開心果雪糕班戟係開心果醬加開心果雪糕，但原來只係開心果醬加自選雪糕，而無開心果雪糕，有少少失望。開心果醬係好味的，不過呢，對比葵廣店，雪糕份量比葵廣少，班戟皮葵廣有少少脆的，但旺角店完全唔脆，D Cream就兩邊一樣。總結而言，要食就去葵廣食，會開心好多！以下係我的評分（滿分為５分）：味道：3.5分環境：(外賣不評)服務：(外賣不評)價錢：3分推薦程度：3.5分又一戟   網址: https://s.openrice.com/QrbS0H9q700~uKZISBA地址: 旺角彌敦道688號旺角中心一期 2 樓 SA31…Read More

係香港都食過唔少千層蛋糕，而Lamlam脷都係心目中數一數二，加上佢定期都會有唔同新口味，每次去食都會有驚喜！開心果千層蛋糕 ($39)最近發現周邊出左好多唔同的開心果味產品，有驚有喜咁，而今次試下叫左開心果味千層蛋糕到底係驚定係喜。結果是。。。大喜！蛋糕皮夠薄、D Cream亦好順口，而主角開心果味亦好真同夠濃，加埋蛋糕面灑左D開心果粒，令到成件事好Match！以下係我的評分（滿分為５分）：味道：5分環境：5分服務：4.5分價錢：5推薦程度：4分Lamlam脷 網址: https://s.openrice.com/QrbS0duqA00~uKZISBA地址: 旺角彌敦道691-697號永如大廈3樓697室電話: 62117531…Read More

九龍灣DONKI有個熟食位賣下關東煮、軟雪糕等。平時去睇多數都唔開，就算開都9成時間係無軟雪糕，難得今次經過時見到有軟雪糕賣，所以就叫左個黎食。牛奶軟雪糕 ($15)雖然定價比市面D軟雪糕貴，但係Donki用左日本北海道牛乳整，牛奶味十足！但可能係溫度設定問題，令到雪糕食落去唔夠滑（雖然無冰粒），有少少可惜！題外話，店員話唔知咩問題，個雪糕拉花變左樣。。。以下係我的評分（滿分為５分）：味道：4分環境：(外賣不評)服務：(外賣不評)價錢：4分推薦程度：4分激安之殿堂美食廣場網址: https://s.openrice.com/QrbS0n5mB00~uKZISBA 地址: 九龍灣牛頭角道77號淘大商場第3期1樓F188-204號舖 電話: 27956211…Read More

新蒲崗有一間好出名的雞蛋仔店—629雞蛋仔，同時亦有賣格仔餅。兩款都有試過的情況下，我覺得格仔餅就更加好食了！今次去就叫左金沙脆脆醬格仔餅。金沙脆脆醬格仔餅 ($34)依間店舖所有的雞蛋仔同格仔餅都係即叫即做的，所以遇到人多時就要排下隊啦。今日落完單等左5分鐘就有得食，仲好好人咁幫我地切開兩份，分開兩個袋裝（因為２個人食)。格仔餅外脆內軟，亦食得出陣陣蛋香味，好食！而金沙脆脆醬落得都好多，足夠每一口都咬到金沙醬，好似真係食緊金沙咁！食依個的重點是，要即叫即食，千祈唔好帶返屋企先食（否則就軟淋哂唔好食了)。以下係我的評分（滿分為５分）：味道：5分環境：(外賣不評)服務：(外賣不評)價錢：4分推薦程度：4.5分629雞蛋仔網址: https://s.openrice.com/QrbS0ri0200~uKZISBA 地址: 新蒲崗康強街28號康景商場地下28J舖…Read More

每次星期六去肥仔銘茶餐廳的話，都一定大排長龍。難得平日放假，所以特登去新蒲崗食，幸好當日真係唔洗排隊，而我亦都例牌叫返XO粒粒炒飯食。XO粒粒炒飯今次的XO粒粒炒飯同平時一樣，鑊氣十足～！最畫龍點睛的XO醬亦落得比平時重手，所以比平時辣左少少。飯粒非常分明，而配料（豬扒粒、紅腸、火腿）都好有口感，夾埋好Match！以下係我的評分（滿分為５分）： 味道：5分環境：3.5分服務：4分價錢：3.5分推薦程度：4.5分 肥仔銘茶餐廳網址: https://s.openrice.com/QrbS0ygS000~uKZISBA 地址: 新蒲崗錦榮街9號地舖 電話: 35425028…Read More

今日Lunch 去左中大一間坐擁吐露港海景的Cafe — Cafe Tolo，呢間餐廳好chill，戶外位置可以望到吐露港，周末黎的話可以坐喺度可以hea好耐。肉醬熱狗 ($58)熱狗都大隻，目測超過20 CM。熱狗有芥末醬、沙律醬同肉醬，肉醬反而係最突出，其他兩個醬唔會太搶味，個味道好balance，個包有烘過，軟！整體好食～！沙律菜都唔少，好fresh，食完好滿足！黑糖珍珠鮮奶咖啡 (跟餐$16)呢間野D咖啡不嬲都好飲，好香。第一次飲有珍珠的咖啡，原來咁樣配搭好夾，珍珠超煙韌，略嫌黑糖味唔夠。佢的甜品，例如雪糕窩夫都好出名，但每次食完正餐已經好飽，有機會一定要試下！以下係我的評分（滿分為５分）：味道：5分環境：5分服務：4分價錢：3分推薦程度：4.5分Cafe Tolo 網址: https://s.openrice.com/QrbS0emWB00~uKZISBA 地址: 沙田香港中文大學和聲書院地下(綠化庭園側) 電話: 68407894…Read More

九龍灣一帶有好多街坊小店，今次想介紹依間小店是明輝粉麵茶餐廳。之前路過都唔會特別留意到依間店舖，不過最近裝修完之後，每次經過都見到入面有唔少人食緊飯，所以覺得水準應該都有返咁上下先會咁多人食，於是就黎試下佢！咖哩牛腩飯依間茶餐廳以牛腩、牛雜做招牌，所以牛腩都有一定保證。牛腩都有6、7件、肥瘦均勻而且肉質唔鞋、易咬。咖哩汁方面就好濃，夾起件牛腩時會完全被咖哩汁包圍，一Ｄ都唔水，配飯一流！另外，飯的份量好大，如果唔太大食的人可以叫少飯。牛雜麵牛雜有牛肺、牛胃、牛膀、牛腸, 好入味，特別鐘意牛腸同牛膀；河粉偏軟同散，份量好多... 細食的記得叫少粉！湯就比較清，冇乜記憶點。另外加左一碟菜，味道都正常。以下係我的評分（滿分為５分）：味道：4.5分環境：3.5分服務：4分價錢：5分推薦程度：4.5分明輝粉麵茶餐廳 網址: https://s.openrice.com/QrbS0WgaB00~uKZISBA地址: 牛頭角牛頭角道33號宏光樓地下1-2號舖電話: 23050228…Read More

今日經過紅磡，見到呢間店舖都幾多人食下，所以就決定跟大隊去買個外賣食下！叫左冷拌麻辣豬頸肉刀削麵 ($60)同埋花雕醉雞 ($54)，份量比想像中大好多，如果細食的話可以叫少麵。冷拌麻辣豬頸肉刀削麵 ($60)麵好大份之餘，豬頸肉都非常多！味道整體好好，麵質Q彈有咬口，醬汁夠濃味，而佢個辣醬同蒜醬好特別，應該係自家整的。加埋其他配料，花生、青瓜絲等令到個口感更加豐富！花雕醉雞 ($54)不得不讚係佢份量十足，都十件雞以上，仲要送多一隻蛋。酒味夠入味而雞肉都滑的！以下係我的評分（滿分為５分）：味道：5分環境：(外賣不評)服務：(外賣不評)價錢：5分推薦程度：5分銘興山西刀削麵 (黃埔新邨)網址: https://s.openrice.com/QrbS0pOm900~uKZISBA地址: 紅磡黃埔新邨德民街36號地下C舖電話: 22190069…Read More

之前有段時間經常去新蒲崗，基本上試哂新蒲崗所有米線店，各間米線店都有自己招牌特色。今日突然想食麻辣米線，就自然去返新蒲崗麻辣米線首選 — Ben哥米線度買外賣。麻辣湯米線 （配冬菇、肥牛、雞肉）連熱飲坊間好多麻辣湯只係普通湯底上加D辣油，變左無咩特別，只係辣。但 Ben哥米線 麻辣湯 本身係獨立一個湯底，味道似台灣麻辣火鍋D湯底咁。如果揀D吸湯配料，就真係好似一人台灣火鍋咁，同埋份量都相當足夠，米線亦有分開上。如果鍾意食麻辣湯的人，十萬個推薦黎Ben哥米線試一試。（其他湯底我都試過，最好味都係麻辣湯）另外，雖然外賣要加2蚊，但Whatsapp落單又會減返1蚊。以下係我的評分（滿分為５分）：味道：5分環境：(外賣不評)服務：(外賣不評)價錢：5分推薦程度：5分Ben哥米線 網址: https://s.openrice.com/QrbS0gza400~uKZISBA 地址: 新蒲崗大有街3號萬迪廣場地下B舖 電話: 28878848…Read More

朝早去完葵廣後，晚上就去左荃灣繼續掃街，經過九龍餐室時買左個菠蘿油 ($16) 黎食。菠蘿油 ($16)平時見開的菠蘿油都係11, 12 蚊。以定價16蚊黎講，我本身對佢期望相對大，但可惜佢個菠蘿包唔脆的，比一般麵包店更普通，牛油都夠凍但唔夠大塊。下次食菠蘿油就唔會黎依間食了。。。以下係我的評分（滿分為５分）：味道：3分環境：(外賣不評)服務：(外賣不評)價錢：2分推薦程度：2.5分九龍餐室網址: https://s.openrice.com/QrbS0NkC600~uKZISBA地址: 荃灣眾安街14-16號地舖電話: 24777288…Read More

朝早去完葵廣後，晚上就去左荃灣路德圍繼續掃街。路德圍有一間壽司店都買左好耐下，今次就試試佢手卷，點了火炙牛油三文魚手卷 ($19)。火炙牛油三文魚手卷 ($19)唔好睇佢白雪雪咁以為佢好淡味，一咬落去Ｄ牛油味爆發哂出黎，仲要係熱辣辣的！自己再加少少醬油就夠哂味了！19蚊而言佢都幾抵食的！值得推薦！以下係我的評分（滿分為５分）：味道：4.5分環境：(外賣不評)服務：(外賣不評)價錢：5分推薦程度：5分桜   網址: https://s.openrice.com/QrbS0Mk0800~uKZISBA地址: 荃灣荃興徑8號昌泰大樓地下4B號舖…Read More

朝早去完葵廣後，晚上就去左荃灣路德圍繼續掃街。由於係葵廣無食到章魚燒的關係，所以就係路德圍食一食章魚燒 — 紫菜肉鬆章軍 ($41)紫菜肉鬆章軍 ($41)等左5分鐘左右有得拎，本身以為會食到一個即叫即整、熱辣辣的章魚燒，可惜一咬落去，發現是一早整好哂的，完全唔稱得上熱辣辣的。以40蚊8粒價錢，下次都係返葵廣食即叫即整的章魚燒算了。以下係我的評分（滿分為５分）：味道：2.5分環境：(外賣不評)服務：(外賣不評)價錢：3分推薦程度：2.5分八章軍網址: https://s.openrice.com/QrbS08dWB00~uKZISBA地址: 荃灣路德圍42號安富大廈地下7號舖電話: 66113430…Read More

記得之前出街要戴口罩的日子，想掃下街都唔太方便。到了2023年，依家終於可以除口罩，所以今個周末特登去葵廣掃下街先！葵廣掃街第五站，到又一戟食甜品！阿華田脆脆醬Ｘ雪糕班戟 ($39)最近係雪糕關注組見到有開心果雪糕班戟，本身打算叫開心果雪糕班戟而去的，但可惜當日已經賣哂，所以就改變主意食阿華田脆脆醬Ｘ雪糕班戟 ($39)。由於人太多，等左15分鐘左右終於有得食。一拎上手時，個班戟表皮仲要係脆的，所以一影完相就係咁咬！雪糕可以自選味道，而我今次揀左朱古力。阿華田脆脆醬佢比得勁多，咬到最後都仲要食到的，超正！以下係我的評分（滿分為５分）：味道：5分環境：(外賣不評)服務：(外賣不評)價錢：4分推薦程度：4.5分又一戟網址: https://s.openrice.com/QrbS0E5W000~uKZISBA地址: 葵芳葵富路7號葵涌廣場3樓85B號舖…Read More