louisbid888的個人專頁

中式私房菜就食得多，法式私房菜都係第一次，可能會有人覺得食法國菜會唔會要食成三、四個鐘架 ?!?!食後感覺一道道精美食物接連送上，加上環境清雅, 有別於身處中環煩忙節奏。大班人好愉快咁過咗個 Happy Friday。前菜 - 黑松露炒蛋，煙鱔蝦沙律。煙鱔從荷蘭入口，原來鱔可以咁整法 ，感覺新鮮。SaSa 醬配各式麵包 - 好香鮮茄+香草味。鵝肝蕎麥麵，黑松露菌湯 - 未食前，煎鵝肝嘅香味已撲鼻而來。黑松露菌湯如果可以滑點就好啦!!登!! 登!! 登!! 登!! Main Course - Grill 牛、羊、雞。雞扒煎到皮脆肉嫩，羊架唔酥。什錦蔬菜，香草龍鯏柳。精緻甜品 - 法式焦糖燉蛋，檸檬雪芭，芒果千層。香噴噴 Coffee.…查看更多

是日放假，嚟金鳳試吓D茶餐。叫咗個午餐+西多。沙爹牛通，D通粉過淋，沙爹牛都OK。燶邊火腿奄列，菠蘿餐包麻麻地。西多士，都OK，普普通通咁囉 !!…查看更多

事日放假，六點幾行到嚟試吓呢間想試好耐嘅人氣達磨。同女友一起試食 R8 豚骨湯拉麵。我嗰碗豚角肥瘦均勻，叉燒大少少。女友嗰碗豚角就好似扣肉咁肥，叉燒細過我嗰碗。食後感：湯底的確唔錯，麵質較幼、較淋，豚角過肥，叉燒偏細，糖芯蛋都幾好，唔係日本大蔥，失望 !!如果可以再熱D，就更好。明太子雞翼都 OK 啦 !!…查看更多

一位素食朋友生日，早一個星期打嚟訂枱。心知私房菜已為客人定咗菜單，嚟到食飯唔使諗，同埋唔知食乜，同食幾多。幾位朋友一邊食， 一邊傾計，每道菜隨隨送上。頭輪 Fusion 菜，第二輪，湯同燒茄子都令我印象深刻，唯一要彈咖哩雜菜裡椰菜就碎咗D。桂花榚好正 !! 多謝馮太為朋友送上嘅壽包，如果核桃露可以濃D，杰D就好啦 !!總結，四個大男人都飽到捧住個肚走，個個都食到咀郁郁，正 !! 值得推介。…查看更多

呢間食店, 近排獲 OR 食家推薦, 今日晚餐專程到嚟一試,豬骨湯拉麵係我嘅喜好, 所以週圍試麵,結果係失望而回, 食後感如下:-湯 : 杰身, 但唔覺豬骨味, 好似咸少少嘅忌廉湯.麵 : 幼身, 唔彈, 好似細蓉幼麵咁.豚肉 : 肥肥地都 OK.糖芯蛋: 都 OK, 起碼唔係全熟.另外叫咗個蛋卷, 麻麻地.$68 呢重質素就唔 OK 囉 !!…查看更多

上次睇到食評, 嚟拜會過輝哥, 但係上次就唔知點解, 唔可以開枱係路邊,只可以係鋪內進食, 但係客人太多, 天氣又凍, 個個著住大褸, 攪到D人攞住碗麵企係街度食.今次同女友行開油麻地唔知食乜好, 就嚟拜會輝哥.今次叫咗三餸, 豬紅+雞腸+牛腩 河粉,豬紅 : 好似滑豆腐咁, 同平時係其他地方食到嘅唔同, 鍾意食豬紅嘅朋友一定要嚟試吓.雞腸 : 爽脆, 正 !! 牛腩 : 食到舊式嘅炆牛腩. 如果可以炆埋牛根就正啦 !!河粉 : 唯一要彈嘅一環, 河粉質地太粗厚.另外就係價錢抵, 大大碗, 大男人食一碗都夠飽. …查看更多

是日放假, 行經呢頭, 咁就入咗嚟, 嘆個下午茶,我見餐牌 Highlight 咗 "金牌豬扒包" 推介,咁嗌個試吓啦 !! 點知個包嚟到一睇, 使唔使細成咁呀 !!個包已經細架啦 !! 塊豬扒仲的式, 又薄又無乜料,唯一係個包係烘過,要成 $25 連餐飲, 真係唔抵囉 !!…查看更多

見 Openrice 咁多人嚟食過，我都嚟試吓佢嘅虛實。七點鬆 D 嚟到，已經有堆 Openrice 食家嚟等位試菜，要等成廿張枱咁多，唯有行吓黃埔再返嚟，八點九返嚟，發覺開多咗幾張枱係街，堆人群消失咗好多。經詢問後，下張枱俾我哋，係等緊位之際，阿姐出嚟同 D 食客講: 「春卷無哂 !! ｣，叫人改其他嘢，我哋心諗咁快有嘢無得食 ?!?! 在場有個阿姐一腳踢，超級忙，噗嚟噗去，我哋見有張枱走咗人，即刻唔等阿姐叫就坐抵咗。我哋嗌落單都嗌咗好多次先至落到，等咗好耐先至嚟碟炸八爪魚丸，味道一般，無乜驚喜，唔係新鮮手打嘢嚟，比較實，唔彈。係等食期間，佢哋 D 單勁亂，又唔跟張單送俾人，是但求其俾咗人，攪到等咗好耐嘅無嘢食，出菜又慢，真係要改善吓。等咗成粒鐘，要係人哋張枱搶返屬於自己嘅膏蟹粥，唔攞返就無架啦，因為粥都停埋，如果等咁耐都無得食，真係會爆炸 !!膏蟹粥 : 粥底偏淡，稀咗 D，好咗 !! 膏蟹都好食，鮮甜。最後，炸雞軟骨又幾好食喎 !! 可能係因為我鍾意食雞軟骨嘅關係，不過我哋明明係叫芝麻雞軟骨架 ?!?!係我哋食緊之際，仲有好多人嚟等食，仲有 D 話自己 book 咗枱，咁晏嚟到 book 咗枱都無用啦 !! 都無嘢比你食，你唔好以為 book 咗枱就有枱，佢哋無留枱架 !! 都係等你人到，先至睇吓有無枱俾到你。我諗如果大家想嚟食，就要勁早嚟食啦 !! …查看更多

見到好多個讚好嘅食評, 起初都令我對呢間餐廳有 D 期望.食過之後, 都係覺得普通咗 D ~唯一我最欣賞就係冷盆嘅阿拉斯加蟹腳 鮮甜味美.先講佢地嘅主題鴨肝, 有大廚為人客烹調, 煎得相當香, 皮脆同埋充滿油香, 不過就真係幾"漏"吓. 嗰四個主菜就真係把鬼啦 !! 細件就預咗架啦, 最主要就係 D 味道唔掂.1. 澳洲和牛西冷扒 - 無味, 韌, 多根, 牙力要夠先好呀 !!2. 粵式蠔皇鮑魚 - 淡味, 同去"飲"食嗰 D 差唔多味.3. 香煎虎蝦伴海膽 - 海膽要搵, 虎蝦應該算係細嗰隻.4. 燕窩配薑汁蛋白布甸 - 四樣之中最好 !! 正 !! 如果滑 D 仲好.回本"蠔"就唔算肥美, 味道 OK. 有 USA & 澳洲 兩款.Parma Ham 就唔萛係好貨色, 韌韌地, 同我地食過嘅洲際入口即溶貨色, 差好遠.甜品都係 D 大路貨色, Cheese Cake 我最鍾意食.雪榚都要好大力先至"筆"到.環境都幾多人, 幾嘈吓.…查看更多

羽壽司, 我同我女朋友都食過無數次, 由食尖東店開始, 見住佢越開越多分店, D質素就越嚟越差, 今次第一次食觀塘呢間分店, D飯散嘅, 都唔知係咪壽司飯嚟?! 最離譜係D炸蝦卷, 預先整定攤係度, 有客要就攞出嚟加工, 一舊攤到凍哂嘅嘢, 點可以攞俾客食0架!!…查看更多